|
بسم الله الرحمن الرحيم
السلام عليكم ورحمه الله وبركاته بعض الاعضاء ما ادري وشلون يعني لانهم ما انحطوا بنفس الموقف فردودهم تجي مستنكره مشاعرك وموب فاهمين اللي انتي فيه لانه الكلام شي اني اقول ما بزعل لو اختي الصغيرة انخطبت والواقع شي غير فاللي ما جرب ما يقدر يفهمك >>>> كلمي اللي مثلك:22: اول شي بقولك طبيعي اللي تحسين فيه والله يلوم اللي يلومك لانه مجتمعنا يشوف الزواج شي عظيم واللي ما يتزوج بنظرهم ناقص:25: المساله مو انه انتي ميته على الزواج اكيد لاء هو مو مهم بذاته ولكن المساله مساله ثقة بالنفس وانو انا وش يفرقني عن بنات خلق الله ؟ واش ينقصني؟ واش يعيبني ؟ لدرجة اللي حولي كلهم من قريب وبعيد انخطبوا وانا بعدي ؟ اللي اكبر و بعمري واصغر حتى اختي مثلي مثلها وشلون هي تعرس وانا لاء ؟ وابي اراوي العالم يا ناس انا مرغوبه وفي من يفكر فيني و يحلم بقرربي :23: هذا السبب.... سبب ضيقتك وليس انه حسد او كره او او غيره العلاج : اول شي صدقيني انه في يوم الحفله مشاعرك بتتغير صدقيني وهذا الشي انا مجربته يوم ملكه بنت خالتي اللي اصغر مني:26: صحت لما عرفت بزواجها لانها الله يستر عليها كانت "لعابه" وجاني الشيطان انه حتى اللعبات مشو وانتي مكانك سررر:29: لكن يوم الحقله ابدا ما توقعت اني بعد هالصياح والنياح رح انبسط وانا رايحه السيارة يدي تررررجف من القهر لكن مجرد ما شفتها مدري سبحان والله وش جاني وفرحت و غنيت معاهم و باركت لها من كل قلبي وانبسطيت مره في الحفله يعني لا تخافين كل هالحزن بيروج لانها البدايه الخبر عليك فقط مصيرك تتعودين هالشي المطلوب عليك تسوينه: 1_ تقويه علاقتك " بربك " في النهايه هذا نصيبك وما كان جمال هالبنت الا سبب و ما كان علاقه بنت خالتي لخطيبها الا سبب لانه كل شي بيد الله سبحانه وتعالي وهذه مجرد اسباب 2_ تقويه جانب الايمان بقضاء الله وقدره طيب وشلون اطبق نقطه واحد ونقطه اثنين ؟؟؟ عن طريق العبادات على اختلافها من صلاة في وقتها ابيك من اول ما ياذن تنفضين ثيابك و للوضوء والصلاة بسرعة تصلينها بتمعن ، تخشعين في الصلاة تطليين السجود تحكين اللي بقلبك تفضفضين بكل شي يتعبك ، اذا كنتي ما تصلين السنن ابتدي تصلينها فو الله انك ستلقين راحه عجيبه عندك صلاة الليل ايضا مو لازم تكون طويله حتى ولو ركعتين كفايه وفيها بركه كثيرة بعدين الصدقة اتبعت هالطريقة جدا حلوة اني نهايه كل شهر من مرتبي اخصص مبلغ بسيط و امشي بالشارع مثلا شفت عامل داخل المسجد ولا شي واعطيه هالعباده تمنيت ان تكون بيني وبين الله سبحانه وتعالى لكن اظهرتها لك للفائدة ترى العطاء شي جدا جميل ويمكن كثير مننا غافل ولا يعرف حلاوة هذا الشي الا اللي جربه الصيام ايضا منها روجيم يحلو جسمك وتفرحين به زوج المستقبل ان شاء الله ومنها عباده :17: اذا تقدرين روحي عمره بر الوالدين عاد انتي شوفي امك وش يفرحها انه امي يفرحها الطبخ بديت ادخل المطبخ ومرة مبسوطه مع الطبخ مع اني قبل كنت اكررررهه لكن شوي شوي تعودت و احلى شي لما ياكلون طبخاتك شعور رائع:17: ابوك قربي منه اكثر عن طريق السوالف حتى لو هو حايم كبده من سوالفك ،،، خاويه خليه يصير صديقك استغلي هالوقت اللي انتي موجوده في البيت معاه قبل لا تتزوجين وتبعدين عنه :) 3_ اقري المشاكل الزوجيه >>> هذي تخصصي منها تكرهك في الزواج :d ومنها ان تتقفين علشان اذا جاك ابو الشباب تكونين متثقفة من هالناحية و تتجنبين المشاكل و تعرفين تتصرفين في اي موقف يمر عليك احسن تصرررف 4_ شوفي البزران وغثاهم دقيقي في الامهات و تعبهم ، محد يستفرغ عليك ولا تضطرين تدخلين الحمام مع ولدك اعزك الله وتمسحين وووو الخ ما عليك ترى منهم لما يحسسونك انك ناقصك شي وكانهم عايشين حياة الملكات ترى لا يغرك بس اكثر الحريم كذا قصدهم يقهرونك والا نسوا الحفاظات و الصياح و ححومه الكبدددددددددد 5_ لا تتركين الشغل اياك ،وترى الناس متى ما شافو وجهك مبتسم و راضيه ترى هم بينسون السالفه و لا بينتبهون حتى للموضوع لكن متى ما شافوك حزينه ومكسورة هم بيتذكرون الموضوع على طول ولا بيروح عن بالهم ، ادري صعب ولكن اكلم نفسي واكلمك حاولي في البدايه تصنعي البسمه نافقي طلعي شي وانتي بقلبك شي ثاني ، مع الوقت بعدين بيصير طبيعي بالاول تمثيل من ثم بيصير هذا طبعك ان شاء الله 6_ ابيك تصيرين قويــــــــــــــــــــه قويــــــــــــــــــــه ، اعتبريه تحدي اني افرح لاختي ، تحدي نفسك وان شاء الله انك قدها وبتنحين فالشي ، قولي هن مو احسن مني بشي و بعدين في كثير مثلي كثير تزوجوا اخواتهم الصغار و في منهم اكبر من مشكلتي فيه اللي وصلت 50 وقطعها الحيض وما تزوجت و فيه اللي تزوجت ام 18 والان مطلقة و فيه الارمله و فيه وفيه ، في النهايه هذه دنيا كلها فانيه مجرد امتحان و اختبار وانتي عليك تجتازينه بصبرررررررررررررر اراد الله به ان يرفع منزلتك يوم القيامه ان شاء الله اتمنى اني قدرت اساعدك بشي الله يوفقك ويرزقك الزوج الصالح ذو القلب الحنون و الوسيم و ان شاء الله امه تكون احسن حماه و يكون اجودي و راتبه زين و كلامه حلو ويكون نعم الاب و الرفيق ..... |
بنات ورب البيت حاسه اني خلااص قربت انهاار
والله اللي يصير فوق طاقتي يعني طول اليوم متماسه قدام امي وواتي وحريم اخواني وطلبت مني الوالده اروح معها السوق ورحت بالسوق كانت تتعمد تبعدني وترسلني لمحلات ثانيه وهي تشري جهاز اختي شفتها صدفه وهي تحاسب واول ماشفتني ارتبكت وخشتهم حتى اول ماوصلنا البيت ارسلتهم غرفت اختي ولاااا كلفت خاطرها حتى تقولي شوفيم وش رايك يااااارب يارب رحمتك والله اكتب وانا ابكي تعبت وربي حاولت اطبق كلامكم واتناسا وافرح واتماسك بس ماااااا اقدر انا نفسي كل ماتذكرت اللي بي ابكي على حظي وعلى عمري والله اشفق على حالي ياربي ليش كذا استغفر الله بس |
لعل خطبتها قبلك خيرة لك وسوف يأتي نصيبك فيما بعد
لاتستعجلي الزمن والجئ الى الله بتوفيق اختك وتيسر امرها ورزقك بالزوج الصالح اجعلي قلبك طاهر نقي وكثيرا تزوجن قبل الاخت الكبيرة ثم تزوجت الكبيرة فالامر عادي وليس عار عودي الى وظيفتك واخبري زميلاتك بأختك وانتي فرحة وساعديها في اعداد جهازها |
ياقلبي هدي نفسسسسسسسسسسسسسسسسسسك الله حاااسة بك انا مريت بنفس موقفك وكمان اقوى منك
انا واختى وكذا واحدة من صديقتى كلنا اتقدمولنا عرسان فجاه في واحد شهر من سنتين دا الكلام اكل مشي حالوا الا اناااااا الان صاحبتى اتزوجوا وكل واحده تتنتظر مولود واختى اصغر مني بي 9 سنوات مو سنتين اتزوجت من كم شهر وانا معلمة زيك ويمكن اكبر منك طبعا انواع الالم النفسي والبكاء في وقت ملكتها وشبكتها وماقدرت امسك دموعي حتى يوم هيا تختار فستان الشبكة بكيت وبكيت اهلى معايا >>> قلبتى المواجع حاولت كثييييير اخبي دموعي واصبر نفسي وماقدرت اخر شي كتبت زيك في القسم والحمدلله نفسيتى هدات كتير بعد مافضفضت وصرت اساعدها في كل شي وانا سويتلها كل شي تتمنى كنت خايفة احسدها على شي واندم بعدين لانو ليا صديقة بعد وفاتها بي اسبوع اتوفت من عيون صاحبتها شنط دبشها مالحقت تفتحها طبعا اثر فيا كثير الموووقف وماحبيت اكون زي احد حسودية لاسمح الله او احقد اتمنيت لها الخير ودعيتلها بي التوفيق ورتبت كل امور زواجهااااااااا الحمدلله ودعيت الله بس انى ماابكي في زواجها ماحبيت احد يتشمت فيا او يقول مسكينة بس بعد ماخرجت طبعااااااا بكييت المهم الخلاصة حاولى تقري قران وتصلي كل ماتعبتى زي وربينا يفرجها عليكي وعليا وبنات المسلمييييين زعلتى او مازعلتي ماراح يتغير شي بس حاولى تصبري نفسسسسسسك والله حاسه بي المك دا شي طبيعي وراح يروح مع الايام بي اذن الله[ الله يوووفقها والله يرزقناااا |
اقتباس:
يعني بنتها الصغيرة تبي تفرح فيها ونفس الوقت قلبها مكسور على حزن بنتها الكبيرة صدقيني امك فرحتها مو مكتمله باختك صدقيني وعلشان موقف اول مرة تتعرض له فهي مو عارفه على بالها انها اذا خبت عنك الاشياء اللي شرتها ما بتضايقين لكن اللي صار العكس انا كذا والدتي تقولي ان شاء الله صارت الحين ثقتك احسن بنفسك ؟؟ انقهر واقول ليش انا وش فيني علشان تسالني هالسؤال ورديت عليها اذا سديتي هالموضوع ثقتي بتزيد!!!... اعرف انه صعب لكن كل يوم بيندمل جرحك ان شاء الله كل يوم بتلقين حالك احسن الله معك اليوم باصلي وبادعي لك :22: |
اقتباس:
دموع والدتك حفظها الله ، دليل انك بنفس المكانه والمحبه ولاتفضل احدكن ع الاخرى غاليتي / من تجربه اقولك الامر ليس بالمصيبة او الكارثه بل فرحه وسعادة. شاركي من حولك بافراحهم ،لاتعتزلي الناس وتقولي اخاف من الشماته ومن كلام الناس أنتى لم تفعل أمرا مخالفا حتى تعتزلي وتخافي. بل هي ارزاق من رب العباد ,, أسأل الله العلي القدير ان يتمم لأختك على خير ويسعدها ويوفقها في حياتها ،، وأسأله بمنه وكرمه سبحانه أن ييسر لك أمرك ويرزقكِ من حيث لاتحتسبي.. |
بنت مكه
والله دمعت عيني على سالفتك الله ييسر امري وامرك ويرزقنا من حيث لا نحتسب بعض الردووود احسهم فاهميني من جد وبعضها زاد الطين بله اسالكم بالله لاتكونون مثاليات زياده عن اللزوووم ياعاالم افهموا والله العظيم كلام الناس ونظراتهم ماترحم يانااس انا ممكن انتهي للابد بسبب كلامهم ممكن تجي وحده ناويه خطبتي وتاخذ شور فلانه ثانيه وهالفلانه تقولها لا ابعدي احسلك هذي تزوجت اللي اصغر منها وهي لا اكيد فيها كذا وكذا وكذا بالله ممكن يصير هالشي ولا لا ؟؟ جاوبوني ممكن ؟؟؟؟ اصلا لو كان ابوي عايش ماكان رضى بهالمهزله يارب اروح عنده وارتااح |
حبيبتي اليمآمة..
لآتتضاايقي من بعض الردوود لأن النااس تختلف بطباعها وحياتها والبيئة المحيطه بهاا.. والنااس طاقاات .. فيه نااس ما شااء الله قووية ونااس ضعيفة , هي شخصيتها كذا مو عشانها قنوعه ولآ شي ,, وفيه انفس حسااسه تنجرح من اي كلمه,,وانتي من النوع الاخير, وانا مثلك والله ان ما كنت اكثر منك, لكن مستحييييييييييل اوووضح الحزن او الضيقة قدآم احد ,احاول اتمااااسك والدمعه شوي وتقطر بس احك عيني وترووح :d,, بالعربي اصرف الحزن والضيقة لأني ما احب يقول عني ضعيفه او انهزامية,,وانتي حاولي تتغلبي على الحزن الي بداخلك,,ادري صعب لكن حاااااااااولي ,, يلآ ابغى اشووف ضحكتك ولآ بعصب ترى :d |
يالغلا تأكدي من شئ واحد فقط حاجتك عند الله تعالى فقط وليس عند الناس وليس فلانه وغيرها من الناس هي من تيسر لك الزواج. وحتى لو قالت هذي اختها الاصغر منها تزوجت لاتخطبونها .. فتأكدي أنه شر وانصرف عنك بحول الله وقدرته .. واعذريني اذا ردي السابق ضايقك يعلم الله انني كتبت من واقع تجربه ايجابيه ،، لعلك تجدي ماينفعك بها.. |
اصعب حكايه
جعلني افرح بخبر زوااجك ياكرييم وربي كلامك يبرد القلب بس تدرين انا وين مشكلتي اذا اخنقتني العبره ماقدر اردها لازم ابكي عاد اروح لغرفتي وابكي ابكي ابكي الييين تنفخ عيوووني وعقب اطلع لهم عاادي ولاكان صار شي واكلم اختي وكذا وبعد فتره وانا اشوف اختي قدامي واتخيل شلون بيهتمون فيها وبيفرحون معها وشلون بتنتقل لحياه ثانيه تمنيت انتقل لها انا انقلب واتضايق وارد ابكي وهذي حالتي والله العظيم يارب رحمتك انا مابي امرض نفسيا ولاانهار مابي احد يتشمت بي زوود |
| الساعة الآن 01:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©