|
سبحان الله قصة مؤثره جدا وفعلا قلب الأم حساس ولافيه أي شئ يضاهي محبة الأم لضناها بالدنيا كلها وكمان لايوجد أمر وأصعب من فراق الأم أنا أمي متوفيه أسأل الله أن يرحمها و يغفر لها و يسكنها فسيح جناته وتوفت وأنا بعيده عنها ما أمداني أوصل لديرتنا إلا قد توفاها الله وهاذا إللي محزني عليها كل ما أتذكر إن أمي ماتت وعيالها كلهم حولها إلا أنا كنت في منطقه بعيده عنها ولما وصلنا الخبر إنها تعبانه
ودوها المستشفى رحنا ندور حجز نبغى نسافر لهم ماحصلنا رحله بالطائره فقررنا السفر بالسياره بالبر والمسافه بيننا وبينهم 2000 كيلو ونحتاج يومين لقطع هالمسافه ونوصل لديرتنا ما أمدانا نوصل إلا ربنا قد أخذ أمانته والحمدالله على كل حال وما وصلت بيت أهلي إلا وهما مغسلينها ومكفنينها وحتى قد إخواني وخوالي واقفين بيشيلونها يودونها المسجد يصلون عليها وبيدفنونها بس كان فيه واحد من إخواني مانعهم مايطلعونها من البيت حتى أنا أشوفها وأخواتي الباقين علشان منطقتهم قريبه من منطقة أهلي وصلو قدامي بوقت طويل وكان باقي مازالت على قيد الحياة ورافقوهالمدة يوم كامل و بعد وفاتها أخذوها من المستشفى وقامو بتغسيلها وتطيبها وتكفينها بأنفسهم أنا بس إنحرمت منها ومن شوفتها وهي ماتزال على قيد الحياة وكانت قبل موتها تسأل عني وطلبت من أختي إحضار صور عيالي لها وجلست تبوسها وتدعي لهم وتقول لأختي نفسي أشوفهم قبل ما الله ياخذ أمانته وسبحان الله قدر الله وماشاء فعل . أبكي و للحزن فيني كل الأسباب جرحي عميق ما كل قلب يقدره فقدت غالي غير عن كل الأحباب أمي الحبيبه مسك قلبي وعنبره فقدت إللي قلبها باللين باب وفضلها يعجز لساني إنه يحصره تسعة شهور حمل و ألم وأتعاب ذاقت من ألوان الهم شي مكثره كم مرة عانت بأوجاعي عذاب وكم من ليل طويل لأجلي تسهره كم بكت لأجلي بحضور وغياب آه يايمه فضلك عليه دين مكبره آه يايمه زولك بدنيتي غاب ودمع عيني على طيفك سطره أبكيك يايمه وأسيل وديان وشعاب وأهل من دمع عيني سيل مغزره أبكيك العمر كله لو الراس شاب وطيفك بخيالي جميل منظره بموتك يايمه شيبت وأنا شباب و إ نفطر قلبي من زود هم يقهره كم عانيت من شدة ظروف صعاب يوم أخوي يهل تراب قبرك وينثره وقلبي من القهر عقبك تقطع وذاب فرقاك يا يمه مر مرني مرمره يمر و قتي بدون قيمه أو حساب حزينه والهم والضيق جرجرني جرجره مالي عقبك رفيق و عفت كل الأصحاب بعدك يايمه مابقى شي أخسره كل شئ بدنيتي بالرجا خاب ما بقا لي حلم بحياتي أنطره لاكن أحمد الله على كل ماجاب لوحده على المكروه أحمده وأشكره وأوعدك يايمه دام باقي لسماء أبواب وباب الرحمن مايرد طالب مغفره بأطلب لك العفو من رب تواب وعسى مثواك جنة للخطأ تجبره والصلاة والسلام على سيد الأحباب عدد ماهلت من السماء سحابة ممطره. ألأخ البليغ جزاك الله خير وبارك الله فيك وفي قلمك الطيب و أسأل الله بأن يوفقك دنيا ودين و يرزقك بواسع فضله ومنه وكرمه ماتتمناه في حياتك وأن يبارك لك في نفسك وأهل بيتك و يقرعينك ببر وصلاح أولادك وأسأل الله بأن يحفظ لك والديك وزوجتك وأبنائك من كل شر ومكروه اللهم آمين يارب. أخواتي العزيزات شيهانه وفاقدة شئ أسأل الله لكم أن يجمعكم مع أبنائكم عاجلا غير آجل وأن يفر ج كربكم ويجلي همكم ويبدل حزنكم فرحا وسرورا اللهم آمين . |
الأخت الكريمة/ بنت الحكمي
رحم الله والدتك، وأسكنها فسيح جنانه. أشكرك على الدعاء، ولك مثله. |
قصة مؤثرة بالفعل
من يومين اقول لزوجي ابي امي ابي اشمها وهو يتطنز علي الله يسامحه صج فضل الام لا يضاهيه فضل الا فضل الله |
الأخت/ موهبة الكويت
شكراً لمرورك وتعليقك. |
اقتباس:
:: أسأل الله عزوجل أن يجمعك بأمك في الفردوس الأعلى من الجنة أنت وكل من فجع بفقد حبيبة عينه :: |
اقتباس:
|
اشكرك اخي البليغ قصه روعه
يافاقده شي الله يرجعللك بنتك ويقر عينك بشوفتهاااااااااااااااااااااا |
إلى كل من دعى لي بظهر الغيب أسأل الله لايحرمه من عزيز وغالي وأشكركم جميعآ
بدون إستثناء ومن كان أعزب رزقه الله بالذريه الصالحه وقره عين لاتنقطع ومن كان متزوج وله أطفال أسأل الله أن لايغير عليه نعمه ويحفظله أبناءه ومن كان متزوج بلا ذريه أسأل الله له ذريه ورزق من حيث لايحتسب |
أختي بنت الحكمي
غفر الله لامك وأسكنها فسيح جناته وجعلك زاد لها في الدنيا واآخرة وحفظ لك عيالك وجميع أهلك |
الأخت الكريمة/ حنين
شكراً لمرورك. ::: الأخوات الكريمات الأخريات: تركت هذا المتصفح لكُنّ إلا من بعض الكلمات التي أرد بها على البعض. |
| الساعة الآن 02:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©