منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ابغى انفصل منها-ماقدرت لاني احبها ( مستجدات الرد 132- تم الطلاق 152 ) (http://www.66n.com/forums/showthread.php?t=223713)

آفاق المجد 23-05-2011 02:38 AM

ياخي هي تبي الطلاق و إنت ترحمها ؟!!!!!!!!!
وش بقى بعد ؟
جرأة تصل للـ.............. و مكالمات فيدو ، و الأم تقول لك حادثة من هي صغيرة و إنت ما تبي تفهم ، و نفس و قراية و مدري وش
وش بلاك أنت الله يصلحك ؟!!
وش تحب فيها و هذي سواتها فيك عايش بقلق لاطلعت من بيتها ما رجعت و فاضحتك عند أهلها ؟
البنات العاقلات ملي البيوت و إنت رابطن عمرك معها ؟
طلقها و رح شف حياتك ترى العمر لا راح ما يرجع
و الله إني راحمتك

الغالب 23-05-2011 03:06 AM

أخوي ماعليك من كلام الحريم لأن قلوبهم على بعض !! لوكان معاها حق 1% وربي مايسكتوا عليك أهلها حذها من قاصرها ورد دراهمك وشف لك وحدة تعيش معاك وتسعدك بدل الجحيم الي أنت عايش فيه وإحمد ربك أن مافي بينكم أطفال وماحصل لك بداية الزواج أزمة تمر على أكثر الشباب وواضح أنك تجاوزتها بجدارة ربنا يوفقك ويسعدك

عبره وهلت 23-05-2011 02:42 PM

اخي الفاضل عذرا انا قرات قصه مشابه لقصتك وبنفس تفاصيلها في منتدى اخر لكن هناك ذكر انك مطلق من قبل وهذا زواجك الثاني فيااخي ربما يكون الخلل منك حاول ان تبحث عن المشكله بنفسك ارجو ان كلامي لا يضايقك فبعض الرجال هداهم الله يضعون كل المشكله على المراه وينسون انفسهم ومن واقع تجربه تزوجت معدد وطلقني انا وزوجته الثانيه في نفس الا سبوع فهل اثنتينا غلطانات وهو الصح فسبحان الله والله يفرج همك ويسعدك يا اخي

hond 23-05-2011 03:33 PM

اشكرك رد عبره وهلت

انا ذكرت انها اول امراه في حياتي -ولله الحمد ماقد سبق ان عاكست ولا سافرت ولاتزوجت-وبينت هذا لاهلها ولها اني اول مره اجلس مع امراه غير محارمي

انا اعرف الزواج بعد توفيق الله يشمل 3 اشياء مهمه للزوجين وهي
1-الصبر
2-التفاهم والحوار
3-التنازل

بالنسبه للصبر قالت لخالتي الوسيطه انا مااصبر
وبالنسبه للحوار قلت لها انتقديني اجرحيني -اي شي تبغينه اطلبيه لاتسكتين حياة جديده علي وعليك
بالنسبه للتنازل تنازلت كل اسبوع لما كانت عندي تروح لاهلها -مارفضت قلت مع الايام نغيرالطريقه -لانها كل مارجعت لي بعد فتره بعدها بيومين او 5ايام ابغى اروح لاهلي-ولعلمكم ماقد سبق ان قلت لها (لا)_وهي اعترفت لي ولخالتي الوسيطه لما راحت لها تقول ان كل شي يلبيه لي-

ابغى اعرف السبب -اذا كان المعاشره هي السبب ماتنوم معي ولا قبلي

خاله بيتا 23-05-2011 03:50 PM

اسمحلي يا هوند أكلمك كلام أخت لأخوها أو أم لولدها يهمها مصلحته وتفتخر فيه كرجل نظيف حافظ على نفسه وحواسه من الزلل ... تراك تستحق كل تقدير .

زوجتك الله يهديها ما عرفت قيمتك وجعلتك بتصرفاتها تحس بقلة ثقة بنفسك ... قاعد تدور على غلط انت عملته حتى تصرفت هي بهذي الطريقة ووالله ما أشوف انك غلطت بشيء ... حتى ترددك بالبداية صلحته وضبطت وضعك . وشرحت لهم ولها أسبابك ومالها عذر تكلمك بهذي الوقاحة ...

لا تحاول تبرر لها غلطها لأنك تشعر بالذنب بسبب بدايتكم ... أنت كنت رجل وقدرت تواجههم وتشرح أمر محرج جدا بالنسبة لك ومع ذلك كنت شجاع وتكلمت بصراحة ودفعت ثمن تصرفك . وهذا تصرف رجل .

وهي كمان لازم تدفع ثمن تصرفها وكلامها وتعرف غلطها .. وتتصرف كأنثى فيها حيا وخجل وخضوع لزوجها وولي أمرها ...

وإلا فانت تستاهل بنت تقدرك وتريحك

الملاك يونا 23-05-2011 04:14 PM

زوجتك وامها جريئــــــــــااااات ..

دام زوجتك تبي الطلاق خلاص .. خلها عند اهلها ولا تكلمهم واذا تبي تتطلق منك تروح ترفع خلع وترجع لك مهرك .. وانت دور لك وحده بكر واخلاق ..
شلون بكريه وتعرف بهالاشياء ..؟!! بصرراحه انا ماعرف بعض الالفاظ اللي قالوها الاخوات ( ماني جوك) مدري وش معناها بصراحه بس .. انا استغربت من كلامهم في طوله وكذا ..:23:
انصحك تدور لك وحده ثانيه وهي اذا ماتبيك بتخلعك ..
الله يعينك ..رح تنساها بس بعد مده ..

ليه الغرور؟ 23-05-2011 04:55 PM

انا كل ماأتذكر سبب زعلها وطلبها للطلاق...أضحك من قلبي على بقاحة السبب...

المفروض هذي قبل لاتتزوج بالشخص يسألونه عن الاشياء الخاصه الي تهمهم...مثل الطول...والعرض...الي يناسبهم هي وامها..

الحمدلله الذي عافانا مماأبتلاهم..

وياأخي اذا منت قادر تنفصل وراحم وحده مارحمتك وفضحتك.عند الخلق.وتحبها بعد....خلاص ليش جاي تشتكي؟
ترى حتى انت صغير 29 سنه حرام يضيع شبابك وانت تنتظرحل,,,,اساسا زوجتك هذي مالهاحل..دام هذا كلامها هي وامها اغسل يدك منها...بلا ممسوسه بلا هم..حتى الممسوسه والمجنونه ماتقول مثل هذاك الكلام

للحياة ألوان 24-05-2011 11:09 PM

يبدو ان امها شاكه ..هل ابنتها بكر الى الأن ام لا ؟ فسألتك بطريقه غير لائقه خصوصا قولها بقصه ابنتها عندما كان عمرها 10 سنوات !! ولا تعلم عن ابنتها هل هي بكر ام لا وهل قد اصداتها على علاقه بشاب ام لا ؟ (استغفر الله من الإتهام ولكنك تحدثت عن مكالمه الفيديو ) ربما امها سبق و صادتها على علاقه و اصبحت في شك ..هل ابنتها صادقه ام لا ..لم تجروؤ ان تتهم ابنتها ولا تستطيع ان تصدقها ..

اما انت لا تنظر الى نفسك بتلك الحساسيه ..كثييير رجاال مثلك كانوا متوترين في بدايه العلاقه مع زوجاتهم ..وهم رجال نزيهيين افاضل وتوترهم طبيعي .. وعدت حياتهم عااادي وانجبوا اطفال و استمرت حياتهم بل اصبحوا رجالا لامعين في المجتمع مناصب و وزراء و اصحاب املاك .. الخ .. ولكن زوجاتهم لم ينظروا الى الأمر بالمجهر ! .. بل هذا امر يدل على نزاهه هذا الرجل وشرفه ..
فلماذا انت تهز ثقتك بنفسك من اجل فتاه لديها قصور في الثقافه و التفكير .. ربما خيره لك .. ان اول اختبار لها في مشوار الحياة ومواقف الدنيا والعلاقه الزوجيه معها ..قد انكشف .. يريدك الله ان ترى ببصيره قلبك قبل عينك و تقييم من هي شريكه حياتك اللتي تستحقك وليست هذه الفتاه

روح الطير 25-05-2011 03:12 AM

أتفق مع رد بيتا ..

كفت و وفت ..

hond 25-05-2011 04:52 PM

السلام عليكم - - - - -

رحت لعمها - -اللي كانت تمدحه لي وتقول انه وزجته اقرب لي - -وارتاح معهم

قال ابوها دوره سلبي (مسكين) - -
والاهل ماستطاعوا ان يطلعونها ويحلون مشكلتها - -لانه يقول البيت فيه شبه فوضى (كلا ع راحته )-يعني دلع يقول توهم يحسون بالتربيه الخاظئه الدلع الزايد -لانه يقول حرموها من الجوال -واستعمال النت - -علشان تحس بالفرق عندك وعندهم -رغم انها ماعاشت عندي - - -(كثير)

-والبنت اهلها ماحسسوها انها متزوجه - -لان البنت كانت تحب بيتهم -ماتطلع منه - -متمسكه به - -
وتعتقد ان الشي اللي في بيتهم - -راح تفقده عند زوجها - -والبنت عقلها ع الزواج والمسوؤليه مازال ناقص
لكنها راعية بيت
والبنت قال انها حساسه بالمره (يعني مهوب دلع )- -بس حساسه

مشكلة عمها مااعرفه - -انا توقعت انه شخص كبير العمر - -لكني تفاجات بانه لسه صغير -يعني 37 سنه لكنه ماشاء الله فاهم الحياة وعارف الحياة الزوجيه

وقال ان البنت ماعاشت معك - -قال ان شاء الله بحاول باي طريقه -لان اهلها عطوها الضوء الاخضر -وقالو بنعطيه حقه اذا مارجعت - -بتصير عنده ردة فعل سلبيه تجاه الرجعه لي - - -


الله يكتب اللي فيه الخير

ادعو لي ان الله يوفقني معها ولا غيرها- - -


الساعة الآن 09:52 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©