|
الله يفرج همهم ويجمع شملهم ويفرح قلوبهم يارب .. والله استغرب من الناس اللي ما تخاف الله ... ينسون انهم بيتحاسبون ... الله يرحمنا برحمته جزاك الله كل خير .. غاليتي احب زوجي على مشاعرك وبادرتك الطيبه ... والله يسعدك ويوفقك .. |
الله يجمع شملهم بابنائهم
ولا يحرم ام من اولادها |
اقتباس:
الله يستجيب منك أختي الفاضله سيدة الموقف ويجزيك خير الجزاء على دعائك الله يحفظ لك اولادك من كل شر ويبارك فيك ويسخر لك زوجك اقتباس:
الله يجزيك كل خير ويقومك بالسلامه أنتي والمولود ويحفظ لك أولادك وزوجك من كل شر ويبارك فيك اقتباس:
الله يجزاك خير غاليتي ويحفظ لك زوجك وابنائك من كل شر ويبارك فيك |
[QUOTE=ندى_1406;2620797]
اللهم يا ودود يا ودود يا ودود يا ذا العرش المجيد يا فعال لما تريد أسالك بنور وجهك الذي ملأ أركان عرشك اللهم أسألك برحمتك التي وسعت كل شيء وأسألك بقدرتك التي قدرت بها على جميع خلقك وأسألك بفضلك وكرمك ومنك على عبادك أن ترد ألى أحضانهم أبنائهم عاجلاً غير آجل اللهم أميييييييييييين اميييييييييييييييييييييييييييييييييييييييييييييييي ييييييييييييييييييييييييييييين |
الله يجمع شملهم بأبنائهم وربي يصبرهم ويعطيهم القوة على تحمل ما هم فيه
شيء مؤلم ويقطع القلب لكن الله فوق كل ظالم جزاك الله خيرا على المبادرة الطيبة |
اقتباس:
إلا الله ستر كان زوجي عندي وفكني منه وقال له أبوي إمنع زوجتك لاتدخل في إللي مايعنيها لاتشوف شئ مايرضيها وعقب وفاة الوالد الله يرحمه ويسكنه فسيح جناته أختي طلبت مني أكلم أخوي الكبير في موضوع عيالها وكلمته وكان رده عليه نفس رد الوالد السابق و تناشبنا أنا و ياه وتخاصمنا وقال لي أنتي إللي مخربه أختك وأنتي إللي تعبين راسها وتحننين قلبها على عيالها وتذكرينها فيهم وتزاعلنا وقلت له أنت أخوي الكبير وحقك على عيني وراسي من فوق لاكن أما فلانه بتشوف عيالها غصب عنكم كلكم أنت وإخوانها وزوجها وأنا بنفسي بشيلها وبوديها المحكمه تشتكي وتاخذ حقها غصب عن الكل ورحت لها كلمتها والله إني قلت لها أنا بروح معاك نقدم شكوه ويحولونها للمحكمه وإذا ماعرفتي تتكلمي عند القاضي أنا أتكلم عنك وأوقف معاك حتى آخر لحظه من حياتي أنت بس قومي إلبسي عبايتك وزوجي يودينا الشرطه وإشتكي عليهم بس للأسف أختي رفضت وقالت لي بنفس كسيره أنا خسرت أغلى ماعندي عيالي وما أبغى بعد أخسر أهلي خسارة واحده ولا ثنتين وعيالي إذا الله كتب لي إني أشوفهم بإذن الله إني راح أشوفهم كم ماتباعدنا عن بعضنا . بالرغم إن ما يفصل بين بيت أهلي و بيت طليقها إلا مسافة ساعه تقريبا والله إني أنا مقهوره عليها وأحس إن قلبي يتقطع أحيانا أقول في نفسي ياليت ربي يقوي قلبها وتسمع كلامي والله إنا لناخذ حقها بس هيه ضعيفه وعلى نياتها وتحاول تخفي حزنها عنا لا كن عيونها تفضحها وأنا أقول كل السبب من أهلي لو طالبوا طليقها مثل الناس بزيارة عيالها من وهما صغار كان كسرت الحاجز إللي بينها و بين عيالها لاكن الحين حتى لو راحت لهم بعد كل هالسنين وش تقول لهم تتوقعون بيصدقونها إنها هيه أمهم الحقيقيه وهما خلاص حفظوا دروس أبوهم لهم بعدين البنت أبوها مفهمها إن زوجته الأولى هيه أمها وطبعا أخذها وعمرها شهر واحد ما تميز والولد عمره 3 سنوات ما أدري هل الطفل في مثل سنه يميز و يذكر أمه أو لا والحين كلهم ينادون زوجته الأولى يايمه مايعرفون أم غيرها حتى فيه واحد من جماعة طليقها نصحه بزيارة الأطفال لأمهم وإن إللي جالس يسويه بحقهم ظلم وحرام عليه قام طرده من بيته وقال له أنت بكلامك هاذا بتخرب عليه عيالي هما أصلا مايدرون إنهم عندهم أم غير أمهم إللي عايشه معاهم الحين ورجاء لاعاد تدخل في أسرتي . وبالنسبه لبناته هو أصلا كبير العائله وكلمته هي إللي تمشي أولاده كبار واحد منهم معلم وإمام مسجد ومأذون شرعي يتزو ج ويطلق على كيف أبوه الكنه إللي ماتعجبه قال له طلقها والولد يطلق خوفا من بطشه كل أسرته تخاف منه ولده بالمتوسط أ كمل في ماده من المواد الدراسيه ربطه في مؤخرة السياره وجلس يسحب فيه قدام الناس وكان يبغى يدعسه بالسياره إلا حضه بجدته أم أبوه فكة فيه من أبوه وأزيدك من الشعر بيت عنده بنت غير بناته الأربع خطبها واحد من جدها وأبوها مسافر قام جدها أبو أبوها زوجها بالرجل إللي خطبها ولما أبوها جاء من السفر درى بزواجها حلف فيها لو تدخل بيته إلا يذبحها وحرمها ماتدخل بيته ولاتسلم عليه ولا يشوف وجهها مارضي عليها إلا بعد 15 سنه من زواجها زياده بجاهه وواسطه ولو جاءت عنده زياره مايعطيها وجه لاهيه ولا زوجها وكأنهم مسوين جريمه يعاملهم بطريقه سيئه جدا وشايف نفسه إنه حسب ونسب وما فيه أحد يستحق القرب عنده . وإذا فيك نفس وجهد ياسيدة الموقف وأستطعتي أن تقرئي كل المكتوب فهاذا تشوفينه كله مايساوي قطره في بحر من تسلطه وجبروته على ظلم الناس . وأعتذر عن الإطاله في الشرح والتفصيل . |
اقتباس:
وتسلمين يالغاليه ومعليش يا أم عبدالله أنا أتعبتك و أحرجتك في موضوعك هاذا أنتي طرحتيه لدعاء لهاؤلاء الأمهات المكلومات والمحرومات من فلذات أ كبادهن الله يجزاك خير وأنا ثقلت عليك وجلست أفضفض لك من قلب قلبي أنتي وسيدة الموقف وحكيت لك قصة أختي لأني حاسه بقهر وعذاب علشانها وعلشان هالأمهات المكلومات أنا أشوف الحسره في عيون أختي وأحس بضعفها وقلة حيلتها وشئ أ كيد إنها تتعذب لما تشوف كل إخوانها وأخواتها عيالهم حواليهم وهيه ماتعرف حتى أشكال عيالها كيف صارت وإللي يحز بالنفس أ كثر إنها مازالت تحتفظ بملابس عيالها وهما صغار مواليد كل ما أقول لها تصدقي فيها وجودها راح يعذبك أ كثر تقول لي أنا لما أشوفها وأشم ريحتها أتذكر عيالي وأحس بأنهم موجودين معاي وسبب سعادتي بينكم هو وجود هالملابس والريحه إللي بهاذي الملابس هيه إللي تعطيني أمل بأن أعيش وأواصل في الحياة ولأن عندي إحساس بأن أطفالي راح يجوني في يوم من الأيام وراح أشوفهم وأشبع من شوفتهم ومن ريحتهم إللي ماقدرت أنساها . وأنا ما أقول إلا حسبي الله ونعم الوكيل في كل زو ج ظالم يحرم أم من طفلها أنا بذكر لك شئ حقيقي أنا أ كتشفته وأخوي وعرفت معنى حب الأم لطفلها وقهرها أثناء فقدها له هاذا الله يسلمك كان عندنا بالبيت حوش وفي الحوش أهلي مربين دجاج وكان فيه وحده من الدجاجات توها فقصت وعندها 7 صيصان وحينها كنا أنا وأخوي صغار ندرس بالإبتدائي قال لي أخوي خلينا نمسك واحد من الصيصان ونخبيه ونشوف هل هيه تعرف عدد عيالها وتفرق بينهم وتحس بفقدانه وإلا لا يعني كان هدفنا هل هيه ذكيه وتعرف كم عدد عيالها وكمان هل تحس بغيابه من بين إخوته وتفتقده وإلا ماتحس فيه لكثرة عدد صغارها فرحنا سوينا لها كمين الصباح راقبناها ومسكنا واحد من الصيصان كان آخر واحد يمشي من بين إخوته ومسكنا منقاره علشان مايصيح وديناه في مكان ثاني وحطينا عليه كرتونه غطيناه بها من فوق وجلسنا نراقبها وشفناها تتحرك بالحوش وتصيح وتلفلف وتدور وتصيح سبحان الله و كأنها تناديه بصوتها وعيالها وراها وتمشي وتصيح إلين وصلت عند الكرتون وسمعت صياحه وكانت هيه تصيح وتلف على الكرتون وتطير لفوق وتضرب بنفسها بالكرتونه وتصيح وكأنها تقول له إصبر شوي بطلعك من هنا والصوص يرد على صياحها وحنا مراقبينها من بعيد وهي تطير لفوق وتضرب جنحانها بالكرتونه فما قدرت تشيل الكرتون من عليه فقمنا حنا رحنا رفعنا الكرتون من عليه وراح ركض بين إخوانه وبالأول قبل ماتستفقد صوصها كانت تمشي قبل عيالها وعقب ما لاقت صوصها المفقود قامت قدمت صيصانها قدامها وهي تمشي خلفهم وكأنها خايفه عليهم فأنا هاذا الموقف علق بذاكرتي إلين كبرت وتزوجت وبعد ما خلفت عيال عرفت قد إيش الضنا غالي وحسيت بمشاعر الأمومه وتذكرت موقف الدجاجه عندما حرمت من صغيرها لفترة قصيره وتذكرت ذعرها وهلعها وخوفها وهي تركض بالحوش يمنة و يسره وهي مجرد طائر بلا عقل ولافهم ولاكنها غريزة الأمومه التي فطرها الله عز وجل عليها. وأخيرا أشكر لك دعائك لي ولأولادي ولك بالمثل إن شاء الله ربنا يصلح لك عبدالله وإخوانه ويجعلهم لك قرة عين يارب ويخلي لك أبو عبدالله وعيالك ويحفظهم لك ربنا من كل سؤ وأسأل الله أن يجعلكم من أسعد الناس في الدنيا والآخرة ويوسع لكم في رزقكم ويعطيكم سؤلكم ويحقق لكم أمانيكم اللهم آمين يارب . |
|
الأخت الفاضلة صاحبة القلب الكبير ( أحب زوجي ) ..
جزاك الله خيرا .. من الرائع أن تجد من يشعر بك .. وهو في الحقيقة ما يريده الإنسان من أخيه وإلا في الغالب أن الآخرين لا يستطيعون تقديم إلا الدعاء .. شكرا لك مرة أخرى من أعماق قلبي .. لكل من شارك في الدعاء جزاكم الله خيرا.. ولا تنسون في سجودكم من الدعاء .. حفظ الله لكم أبنائكم وأقر أعينكم بهم صالحين مصلحين .. الفاضلة بنت الحكمي : حكاية أختك أبكتني .. و(سلتني) لأني بحمد الله أكلم أبنائي كثيرا وعلاقتي فيهم قوية للغاية .. ولكني لا أراهم فضلا عما يلاقونه من قهر عند أبيهم وزوجته .. سؤالي لماذا لا تتواصل اختك مع أبنائها بالهاتف ! أشعر أن والدهم ربما أنه (غير صادق) عندما يقول هم لا يعرفون أمهم الحقيقية >> حتى يُفقدكم الأمل .. أصلا >>> معقول ما أحد قال لهم من القرابة من هنا أو هناك ..! شاكرة لك كل ما ما خطته أناملك .. |
اقتباس:
الله يستجيب منك ولك بالمثل ياأم سلطان الله يسعدك ويوفقك ويبارك فيه ويفرج كرب أختك ويجمعها بأولادها عاجلاً غير آجل لاتنسون الدعاء والألتجاء ألى الله فهو خير حكم وبياخذ حقها في هالأب الظالم أن ماكان بالدنيا بالآخره وصبرها ماراح يضيع بأذن الله اقتباس:
الله يبارك فيك ويجزيك خير واخت الغاليه ام سلطان مثل الأخت شيهانه والأخت فاقده شي ألا أسوء منهم كثير فأتمنى ماننساها من دعانا وأسأل الله أن يستجيب منا ونشوف بشايرهم بالخير قريب يارب ياكريم اقتباس:
فأكيد الكل يخاف منه ويعرف مصيره لو سرب مثل هالخبر للأبناء أعوذ بالله من قسوة قلبه |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©