|
يااخي فرج الله همك وأعان زوجتك وهداها
خطيبتك لديها مميزات وعيوب المميزات : فيها كثير من الصلاح نحسبها والله حسيبها العيوب : المسن والمحادثة ( هل قابل العيب للتعديل ) ام انه ذنب لايغتفر .. سبحان الله ان الله يغفر الذنوب جميعا أخي انا خطيبي كان مثلك غيور جدا لكن الميزة اللي فيه انه موضح لي مايحب ومالايحب المسن تفاهم علي وسألني قلت اي احد غريب اسئلة وتحقيق ويمين وإذا رجل احذف قال لاتقبلين اي احد تخيل كنت توني مشتريه لاب ولااعرف والله بالرغم اللمضافات في النت امكن 5 او 4 والشيء الثاني كنت اكتب في احد المنتديات كانت فيه رسائل خاصة طلب مني مااكتب ووالله ماكتبت فيه كرما له الابعد الطلاق مشاركتين كله من اجل اغير رقم الباس لأنه كان معه قال المنتديات الاخرى اكتبي لكن لاتردي علي اي رجل والله اقتصرت على هذا المنتدى واساسا مشغولة بخطيبي اللذي اصبح طليقي طبعا ليس لهذا السبب بل لسبب اراده الله ليس مني ولامنه يعني انت وضح لها ماتريد قل لن ارضى وانا انسان غيور وخليك واضح معها مو تكتم في قلبك والمؤمن مرآة اخيه إذا رضيت كان بها وإذا لا وانت لن تستطيع التحمل وراح تضع نفسها في موضع الشك وانت بطبعك غيور فلاتظلم بنت الناس معك طبعا استخير اما تفارقها دون توضيح والله تكون ظلمتها ولعلك رحمتها أخي انا لااعلم مافي نفس خطيبي في تلك الفترة لكن قلت احاول احترم غيرته يعني لو رحت المستشفى وهو لايريد طبيب ولم اجد الاطبيب والله اخبره بالرغم كان بإمكاني اذهب وهو في مدينة وانا في في مدينه وكثير يقولون لماذا تخبرينه : اقول خطيبي من النوع الغيور مابى احس سويت شيء مايحبه اما المدح فهو طلب مني ماامدح رجل الا من فوق 60 :d وطلب مااكتب في الفيس بوك ولااسجل فيه والله الآن مااسجلت ولا راح اسجل يااخي كلم زوجتك بدلا من ظلمها وتطليقها وهي ماتعرف السبب؟ ولعلها ليس لديها النت الا منذ فتره قصيرة او تفرغت له في فتره قصيرة احيانا الواحد لو اشترى شيء مايشعر ويحب يتعرف لكن بعد ذلك يفهم أما انا الآن بالرغم لست مرتبطة وليس عندي زوج لو اخبرك لاااعلم بمايرسل لي ولااحب افتح لا بريد ولا مسن ولايهمني ولااحب احد يقول ضيفني لأني والله مااحس اي متعة وأحس ممل اكتب خلاص تريدني ضروري تحدثيني جوال بلامضيعة وقت على الفاضي يعني انا مثال لكن يعني الحق ماكنت اعتقد في نفسي انه المحادثة مافيها شيء او شيء عادي والله احس لااريد الامنتديات خاصة بالنساء ولايسمح بالرجال او منتدى مثل هذا مافي رسائل انت جرب معها مثل ماقلت وشوف مدى تجاوبها وإذا حاس نفسك تعبان وكرهتها ولا تحب مناقشتها في هذا الموضوع يااخي الله يرزقها بأخير منك ويهديها ويرزقك وحدة مثل ماتتمنى |
لابد من المصارحه ولم الكذب واللللللللللللخ
قبل كل شي جب لها هديه وسايسها وبعدين صارحها بطريقه حتى تعرف لم تفعل هذا وماشابه .! وعليك كل يوم تستخير الله ووكل امرك الله ولاتنشغل بالك اسال الله ان يتخارلك الأفضل والأجمل سواء معها او مع غيرها عاجلا غير آجل اللهم آمييييييين |
أصلح الله حالك وفرج همك وهم كل مسلم ومسلمه اظن الكل اتفق على مصارحتها اقترح ان تصارحها بلين بكل ما تفكر به وخليها تحس انك واثق فيها لكن مستغرب و مصدووم وما كنت متوقع خليها تحس بتأنيب الضمير واحترامك واحترام مشاعرك والخوف من الله قبل كل شئ واستخير الله وتوكل عليه
|
قول لها ..انا اثق فيك واعرف انك محترمه و للرجال في المسن حدود معاك ولكن انا ماارضى بالمسن ابداً والمنتدي بطليه اذا سمحتي ..هذا شيء يضايقني مو علشاني مااثق فيك بس علشاني اكرهه اللي يمونون عليك و لا احب مشاركتك في المنتديات .. عادي صارح لا تجعل الكوب يمتليء فيفيض في يوماً ما ... واعتقد انها راح تتقبل |
اخوي نوعية خطيبتك أعرف مثلها كثير ، بنات ملتزمات وفي قمة الأخلاق لكن بيئتهم مختلفة عن بيئتك ،
فيه بيئات تشوف ان اي تواصل بين الذكر والأنثى ممنوع ويبدو انك منها وناس غيرك ، التواصل مسموح مادام في حدود وإذا حاول الرجل يتعدى حدوده توقفه عند حده لإنها متربية ومو اول مرة تكلم رجال وترتبك اذا قال لها كلمة انت قلت انها اضافتهم لإنها مشرفة يعني لسبب ، جربت تصير مشرف قبل ؟ ترى شغلة ويحتاج تفاهم بين المشرفين ، جربتها بمنتدى وتواصلت مع مشرفين وماتعديناحدودنا اخوي لازم تستوعب ان النت دخل كل بيت ، وصار فيه احتكاك بين الجنسين شئنا ولا أبينا الجميل بوضع خطيبتك ان أمها معها بالمنتدى وعارفة كل شي وردودها زي ماقلت محافظة ، بخصوص انها ماقالت لك هذا شي طبيعي جداً ، ما اعرف وحدة قالت لخطيبها عن مشاركتها بمنتديات لازم يعرفها قبل ويعرف أخلاقها بعدين يمكن تقول له او لا حسب ماتشوف من مستوى غيرته بالنسبة لي افضّل نوعية خطيبتك جداً ، هذا الوقت صار التعامل بين الرجل والمرأة يصير غصب ، واللي اهلها معودينها على التعامل مع الرجل الغريب بحدود بكذا علموها تصير واثقة من نفسها ومو أي رجل بالشارع يقول لها كلمة تقلب كيانها زي ما اشوف بنات كثير وبالأخير لو شايف نفسك ماتقدر تتقبلها لا تظلمها معك ، باين عليها مثقفة ومتربية ومحترمة وتستاهل واحد يقدرها مو يشك فيها ، ويمكن تربيتك ماتسمح لك تتقبل الله يوفقك وصلي استخارة قبل اي قرار* |
قلب متحدي
صدقت .... الله يعيني و ياها يا رب |
سحابة الصحراء
مشكورة يا اختي على نصحك الإبنة الصغرى صدقت .... ولكن هي اخبرتني انها لا تكتب في النت ((حرمتني من التعرف عليها)).... و بعد كتب الكتاب جاتني من البداية تقول لي انا ضد الحواجز بين الجنسين !!!! وصارحتها عن رايها بالمنتديات وقالت انها مضيعة وقت و كذا !!! عجبي.... لكن الله يكتب اللي فيه الخير لي ولها |
روبا روبا
شكرا على ردك..... لو كنت انا من النوع الشكاك واني قدحت في دينها كان ماخليتها في ذمتي دقيقة.... السيناريو انها كذبت علي بخصوص الكتابة بالنت -- قالو لي متلزمة -- تملكت عليها -- شفتها جريئة من البداية جداً -- ما حكمت عليها مع صدمتي واستغرابي -- بعدين مباشرة قالت لي انا ضد الحواجز بين الجنسين ((طيب انا لي شهور خاطب ولا قالو لي كلمها !! )) -- بعدها اكتشفت انها تكتب بالمنتدى من ثلاث ثنين -- برضو ما شكيت و قلت عاااادي -- شفت الميانة بينها وبين الشباب مايعة و فيه ذبات على بعض و كذا -- وبعدها ان واحد منهم عندها بالمسن و كان بينهم مكالمات تلفون (((وان كانت بخصوص الاشراف هذا شئ اسااااسي اني اعرفه)) ولو هي تعرفت على شباب بخصوص اشراف بمنتدى و مسن لمدة سنوات -- ما يستاهل اللي خاطبها و دق بابها ان يتعرف عليها !!! أنا سألتها عن رأيها بالشباب بالمسن و عن المنتديات و قالت لا ما عندي شباب و ما اكتب بالمنتديات و احسها مضيعة وقت !! طيب لو الضحك بالمنتدى كذا ... كيف بالمسن والتلفون ؟؟ بس برضو بسألها بشكل مباشر و الله يعينها و يعين قلبي على صدمتها... بس صدمتي أكبر وربي بعدين انا يوم اني كتبت هنا - انتو ما تعرفوني ولا تعرفونها عشان كذا كتبت -- وتراي ترددت ثلاث شهور قبل ما اكتب وقلت احاول انسى و احسن الظن بس ما اقدر اعيش من غير وضوح...... وهي لازالت تكتب بالمنتدى و انا ما عندي مشكلة ابداًً وهي عندي في فيس بوك وكل ربعي يقدرون يشوفون صفحتها بس عااادي .... أما انها كانت تضيف شباب بالمسن فهذا غير مقبول ابداً ابداً ابداً..... كيف ولمدة سنين و فيه صداقة بينهم !!! وهي يناديها صديقتي بالمنتدى !! وهي ما تنكر عليه وتقول انت اخ عزيز !! و انا ما صبرت وتحملت كل هالألم الا لاني ما ابي اتسرع في القرار بحكم ان احنا مملكين وخلاص فقلت ليه ما اعطيها فرصة !! اتمنى اني اقتنع اني ما اتركها .... ادعوا الله ان احبها و انسى الماضي..... صرت اتمنى ان لي ماضي عشان اقول كل واحد منا له ماضي !! استغفر الله العظيم واتوب اليه..... وهي انسانة عزيزة علي و اعلم كيف انها محترمة كـ بنت مثقفة و كذا .... بس كلللل شئ عندي مقبول الا ان الحدود تكون بايخة كذا بين الجنسين --- لو كانت واضحة من البداية و قالت لي ممكن تتعرف علي مثل ما اللي بالمنتدى تعرفوا علي كان على الاقل اتخذت القرار بعد تفكير و ثقة انها تصلح لي..... بدل ما تكذب علي وتقول ملتزمة و بعدين تصدمني ان ما عندها حواجز بين الجنسين !! شاكر لك و مقدر و اتمنى تفيدوني لو عندكم رد ممكن يثنيني عن هالتفكير ---- و طبعاً راح اصارحها --- ادعوا لنا و جزاكم الله خير |
حننان سالي
شكرا لك.. وان شاء الله يكون ذلك حلوة المعاني اتوقع الاخت الكريمة فهمت كذا من قولتك (( عندي ست ايميلات و اي طلب صداقة اقبل )) ... مو اكثر الله يجزاك خير على ردك و نصيحتك انا شخصياً ضد ان الموضوع هذا يفتح اصلاً بس اذا وحدة جابت الكلام لنفسها بيوم ملكتها وش يسوي الرجال !! انا يا استاذتي ما قلت اني بطلق عشانها تكتب بمنتدى !! و قسم بالله ان ما عندي مشكلة تكتب المنتديات , و تسولف بالمسن , و اصلاً ناوي اذا جاتني اطلع لها رخصة سيارة و اعلمها تسوق , و ناوي نروح نركب خيل سوا ,وهي عندي الحين في فيس بوك ((انا ضايفها)) و اشياء كثيييير مو مقبولة اجتماعياً بس انا ما عندي مشكلة فيها لانها زوووجتي وما راح نسوي شئ حرام..... أما اني انا اظيف بنات بالمسن !!! ولو لدافع الاشراف انا ما اقبل-- لاني كنت اقدر اضيف زميلاتي الشقراوات واليونانيات بدافع طلب العلم و تعلمون ان طلب العلم اسمى من دافع الاشراف !! وما اقبل ان الميانة تصير طايحة بين الاعضاء ويصير فيه ذب و مزح !!! ... طيب هي تمزح و تضحك بالمنتدى ..... كييف بالمسن ؟؟ طيب ليه هي تسولف مع هالرجال لمدة سنة ونص و انا لاطعيني شهور بعد الخطبة و يوم قلت لها وين تكتبين قالت ما اكتب !!! ؟.... وبعد الملكة تقول لي انا ضد الحواجز بين الجنسين !!! طيب انا وشو و ليه حاطين الحواجز بيني و بينها قبل الملكة !! وهي بنت رائعة من كل المقاييس الا هالجانب الغيييير مقبووول ابداً و هذا اللي محيرني.... ما ابي اخذها و بعدين اظلمها وبنفس الوقت ماني قادر اسامح هالخطأ الا لو أقسمت انها ما كانت تسولف سوالف جانبية وتضحك مع الللي معها بالمسن أنا رجل ماني خالي من العيوب بس شئ عن شئ يفرق..... انا كل شئ عندي عادي الا السوالف بين الجنسين بهالطريقة خاصة ان الرجل هو اللي يبدأ بالتعبير عن مشاعرة و ما اظمن اللي كانو معها وانهم ما كانو لينين معها ... الله يعين |
نويز 4
جزاكم الله خيرا على الدعاء لي ولها أنا احترم هالبنت بشكل خيالي و اهلها محترمين بشكل وهي رائعة بشكل و قلبها طيب....... بس مو مصدوم منها وحتى مو مصدق انها هي اللي تكتب بهالاسلوب بالمنتدى و تمزح مع الشباب و تقط عليهم... كل شئ ممكن اتقبله..... الا الميانة بين الجنسين وخاصة من بنت !! ممكن اتجاوز عن هذا بعد بس يكون فيه كلام بالمسن !!!! الوضع يخوف الرجل هو اللي يبادر في التعبير عن مشاعرة و يكون هو القائد في العلاقة مو المرأة !! حتى لو كان اساس التواصل عمل.... ما نظمن عدم التجاوز و الضحك و السوالف الجانبية وهذا يصير بشكل طبيعي وتدريجي ((خطوات الشيطان )) يعني حتى لو كانت تبيه ماراح تقول له انا ابيك !!! هو اللي بيكلمها و يقول لها والله انا فخور بصداقتي معك وكذا ويكبر راسها !! ومن اللي سمح بـ هالتجاوز من الشباب... هي لأأنها اضافتهم...... لو هي كانت مقتنعة ان هالشئ صح... كان لازم تبينه لي يوم اني سألتها... و كان لاااازم تعطي اللي يطق بابها هالفرصة العظيمة انه يعرف عنها وعن شخصيتها قبل الملكة عشان ياخذها وهو مقتنع.... مو مثل طريقتنا ... انزع واربح !! جزاكم الله خيرا مجددا على الدعاء والرأي السديد |
| الساعة الآن 07:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©