امين يارب العالمين والله كل دعوه اشوفها أنها تجبر بخاطري وتطمن قلبي
الله يسمع منك وتستجاب يارب ياكريم

صلي على النبي وأنا أختك وتعوذي من الشيطان ترى يمكن الجوال بالسيارة والبطارية خلصت شحن والجهاز قفل من حاله أو إنه سقط تحت المرتبة والشبكة إختفت حطي في بالك هالإحتمالات وبعدين إفرضي إنه ضاع و فعلا أخذه أحد ليش ماتقولين لأهلك بالسالفة أحسن شئ إن أهلك يعرفون منك أنتي ولا من غيرك لأنه جوالك إذا طاح بالشار ع ولقاه أحد صدقيني إنه ما ياخذه إلا واحد يسكن بالشار ع ولما أتصلتي شاف إضاءة الجوال وسمع صوته وأنتي غلطتي كان من الأفضل ماتدقي على جوالك إلا بعد ما تروحي حوالين السيارة علشان تتضح لك الرؤية زين وتدلي مكانه زين ومثل ماقلت لك لازم أهلك يعرفوا عن فقدانك لجوالك وصورك إللي فيه علشان لو قدر الله وقع جوالك بيد شخص مايخاف الله وحاول يتعرض لك أو يسئ اليك يكون عند أهلك خبر أما الحين وش الفائدة من سكوتك لوقدر الله فيمابعد وصار لك شئ من ورى هالجوال مين بيصدق كلامك ذاك الساع من أهلك شوفي لازم إن أهلك يعرفون عن فقدان جوالك حتى لو تعرضتي لتوبيخ والتجريح منهم ذولي أهلك وهم أعرف بمصلحتك وحتى الحمل راح يخف عنك وينزاح ويمكن يشوفون لك حل
ويلاقون جوالك أما على كذا تراك بتجيبي لنفسك المرض والتعب النفسي وبتاكلي روحك بالتفكير والهم تعوذي من إبليس وروحي دوري السيارة زين وتفقديها بكل هدوء وروية وإذا ما حصلتيه قولي لأمك وخليها تقول لأخوك لأنه حتى لو مافكر بالموضو ع أو تكلم عليك بكلام جار ح أهم شئ يكون عنده خبر علشان لو قدر الله ولمح جوالك مع أحد أو شاف صورمن صورك عند أحد يكون عارف إن مصدرها جوالك إللي فقدتيه وما يشك فيك وفي أخلاقك وماتنهز صورتك بعين أهلك و يحاولوا يتصرفوا أنا كنت مثلك أحط صوري أنا وزوجي بجوالي ومقاطع فديو ومرة إنطفى جوالي ولا عاد تحرك فيه شئ صارت الشاشة ظلام دامس والجوال غالي عليه وفيه صور أغلى عندي من الجوال حتي لعيالي وهما مواليد بس مازلت محتفظه فيها وأحترت في تصليحه كيف أصلحه والصور في داخله والذاكرة داخلية في نفس الجهاز والجهاز خلاص كل شئ فيه صار ماله ولاحركة
وشلته ورفعته وقررت إتلافه بالرغم من إنه سعره غالي قيمته فوق 2000 ريال بس كان وقتها لو سعره مليون ماراح أوديه لورشة التصليح لأن بعض مهندسين الجولات نفوسهم مريضه وضعيفه لما تجي تضبط جوالك الخربان عنده يكون الخراب بسيط وإصلاحه ماياخذ 10 دقائق لاكنه يقول لك تجي له عقب ساعتين أو ثلاث أو بكرة لأن له قطعة غيار وهاذي القطعه غير متوفره الآن وماراح تلقاها بسهوله بس أنا أدبرها وأجيبها وبعد ماترو ح من عنده يضبط الجهاز وسوى نسخ لجميع البيانات الموجوده على جهازك إللي بتصلحه لجهازه الخاص و يبيعها أو يوزعهاأنا بالنسبه لجوالي بعد محاولات عديدة من طلب زوجي وإلحاحه عليه بإصلاح الجهاز وبعد ماحلف لي إنه مايغادر مكان التصليح أبد وإنه بيراقب العامل زين أثناء إصلاحه للجهاز حتى يصلح الجهاز وياخذه معاه طبعا أعطيته الجهاز وراح يصلحه وفعلا جلس للعامل إلين ضبطه في خلال 10دقائق وزوجي شرط عليه إنه من البداية مايطول بإصلاحه قال له أنا مسافر شوف عفشي في السيارة جاهزإذا عندك وقت صلحه بأسرع مايمكن قال له خلاص هاذا خرابه بسيط الحين أجهزه لك بس ناقصته قطعة غيار ومو موجودة عندي زوجي قال له روح جيبها أنت وأنا أنتظر وراح العامل وجابها من محل ثاني وفك الجهاز وركبها وشغل الجهاز وأعطاه زوجي وبعد ماجاب الجهاز لي نقلت الملفات لذاكرة أخرى وأحتفظت فيها وقمت فرمت أبو الجها ز والذاكره كامله من جميع الصور والمقاطع الله لاجابها من ذكريات تجلب لك التعاسه والهم والمرض في مابعد معليش أنا طولت عليك بس هونيها وتهون بإذن الله والله إن لي صديقة طاحت عليها بوكين صور خاصه فيها لحالها كانوا مسافرين بالسيارة وكانت البوكين حاطتها بشنطة مع العفش ومربطينها فوق شبك السيارة ومروا ينامون في إستراحه على الخطوط السريعه وعفشهم مربطينه فوق سيارتهم وجاء واحد مايخاف الله في اليل وسرق عفشهم من فو ق سيارتهم والصور بين العفش والحين البنت تزوجت وعندها بنت وحامل ومرتاحه والحمدالله من فضل الله ما عندها مشاكل وقالت لزوجها عن سالفة سرقة عفش أهلها وصورها كانت بين العفش طبعا زوجها تقبل كلامها وأهلها أكدوا له الخبر والحمدالله ماصارت لها أي مشاكل بهذا الخصوص فأنتي أهلك لازم يعرفوا إن صورك كانت بالجوال
علشان ما يتجرأ عليك أي شخص بهاذا الشأن ويسئ لك لأن أهلك معك وعارفين كل شئ عنك .
وربنا يستر علينا وعليك ويحفظنا وإياكم من كل شر وسؤ يارب

وأسأل الله إن يمن عليك بواسع فضله و تلاقين جوالك إما حي أو ميت
حي يعني سليما معافا ميت يعني حطمته سيارة تحت كفراتها في الشار ع وتلاقينه
أ كبر قطعه منه مثل حبة النملة
يارب وربنا يطمنك ويريح بالك يارب .

اللهم ياعظيم ياكبير
يارب العالمين
يارحمن يارحيم
ياحفيظ ياستّير

أستر أمتك المسلمة في الدنيا والآخره
اللهم إرجع لها مافقدته
وأحفظ لها دينها وعرضها ونفسها

دورت بسياره بنفسي مااافيه شئ ابدااا ابدااا ابدااا
سألت اخوي قد له شفت ججوال طايح عند الباب قال لا
دقيت على البقاله لانه امس وصل لنا طلب قال لا ماشفت شئ
يارب يارحيم تطمن قلبي احس ببركان بقلبي ياربي تسترني يارب
ماعرفت طعم نوم يارب ترحمني برحمتك

يا أختي هدي نفسك شوي يمكن أحد من أهلك لقاه بالسياره طايح وعرف إنه جوالك وحب يسوي فيك مقلب ويبغى يخوفك شوي ويشوف ردة فعلك ليش ماتسألي أخواتك وإخوانك إن شاء الله يكون عند أي أحد فيهم وتلاقينه يارب ومرة ثانية حطي جوالك في شنطتك اليدوية أحسن شئ حتى ينحفظ لك بطريقة أفضل وما يطيح منك وأسأل الله عز وجل أن يرد إليك جوالك عاجل غير آجل وأن يحفظك ويستر عليك من كل شر وسؤ وفتنة يارب أختي إذا كان عندك الفاتورة أو الضمان حق الجهاز ترى فيه رقم تسلسلي مسجل فيها تابع للجهاز تتصلي على الإتصالات وتعطينهم الرقم وهما يرسلوا عليه فيروس يحرقوا فيه الجهاز والشريحة مع بعض ولا عاد يستفاد منه بشئ أبد أسأل الله أن يكون في عونك ويفرج عنك همك وحزنك .