|
اقتباس:
عزيزتي...زوجك يعاملكم نفس بعض..والدليل..بنته يوم جات وقالت ياتعطيني الصرافه ولا مانروح العزيمه...شفتي كيف..هددته واعطاها..انتي بس قالك لا وسكتي..وحطيتي في بالك انه مو عادل.. .معناه كلكم نفس الشي مارضي يعطيكم الفلوس حقت الحلويات.بس الفرق بينكم انهم هم يعرفون يخلونه يطلع الفلوس وانتي ماتعرفين..اتبعي طريقتهم.. وهذا الشي ماله علاقه بالعدل..لانه كلكم مايعطيكم فلوس بسهوله ياتعاملينه بنفس الاسلوب ..يا تتمين كذا طول عمرك..بس لاتصيرين طول الوقت قويه وشينه بس وقت ماتبين فلوس وباقي الوقت خليك حبوبه وطيبه وفرفوشه.. واذا سالك وين فلوسك لاتجاوبينه..وتحسبين له كل هلله..بس قوليله ليش امسك الفلوس انا ماني ضامنه عمري..اموت وانا ماستفدت شي من تجميع الفلوس.. |
اقتباس:
بس مثل ماقلتلك زوجك طبيعته كذا..واغلب الي عندهم فلوس كذا..يحسبون حساب الريال..مو بخل بس من باب الحرص ويحبون يجمعون الفلوس ويضحكون على الي مايعرف يمسك فلوسه وتبين الصدق دايما اشوف حريم ازواجهم بطرانين فلوسهم ماليه البنوك واستغرب منهم حتى شنطتها من ابو عشره..ولاحظت اغلب الناس الاغنياء مايرفهون حريمهم وعيالهم ويدلعونهم..بس المعروف ان الرجال الي عنده فلوس وزاد رصيده..يكره رصيده ينقص ومايطلع الريال الا بالقوه..مدري ليش يجمعون الفلوس؟؟ انا ولله الحمد من الطبقه فوق المتوسطه..بس محنا اغنياء.اسافر والبس واسكن في بيت احسن بمليون مره من بنت خالتي الي متزوجه واحد تاجر معروف لو اقول اسمه هنا الكل يعرفه.. وهذول النوعيه يبيلهم تعامل خاص..ومثل ماقلتلك عامليه نفس اسلوب بنته وزوجته.تهديد.قولي ياتعطيني يااقتل نفسي:30::30:.هذا هو الحل.. وذكريه ان الله اذا انعم على عبده يحب ان يرى نعمته عليه..يعني الواحد لما يكون مبسوط وعنده فلوس ليش يحرم نفسه..ومايطلعها بسهوله.... |
حبيبتي وحدانية
اقولك وين مشكلتك فيه ؟؟؟؟ تعالي معاي شوي (1 ) انت يالغاليه تزوجتي من غني وعندك قناعه انه اي مدة يد منك تعني شحاذه وهذا اول واكبر واعظم غلط انت سويتيه حبيبتي هذا زوجك ومجبر على النفقه على قدر استطاعته وهو ماشاء الله ميسور لازم تعودي نفسك تطلبي منه اي شي وبدون تقسيم ليش هذا مصروف الولد وهذا مصروف الهدية عندك اليوم غرض ضروري يلبيه خاصه انه مقتدر ( 2 ) نفقة امك عليك الغييييييييييييييييييييييييييييييييييها تماما يمكن امك تصرف عليك علشان ما يشوفون الناس حال بنتها الضيق مع رجل غني هذي القناعه الثانية اللي امك فيها شيليها من راسك وراسها ياختي بدال ما تحطين انت في يدها كل فترة هي تعطيك والله عيب وحتى لو طلعتي بمظهر القله وصار واضح انه البخل يظلل حياتك اميمتك لا تخلينها تشيل همك وتنسى اللي عندها خاصه ذاك المريض وانت لا تتعود يدك تاخذ من امك انت اليوم ام وعيالك محتاجين النفقه وابوهم موجود هذي اساسيات في الحياة الزوجية يالغلا لازم تتعلمين متى تاخذين ومتى تعطين ومن مين تاخذين (3 ) القضية الاكبر الزوج البخيل فيه اعضاء يقولون مو بخيل لا بخيل بس شكلهم ماقروا الكلام كامل شوفي حبيبتي انت صغيرة وهو كبير وفي يدك ورقه مره حلوة العبيها صح اتفقنا انه الطلب من الزوج مو شحادة صح يالله نجي الحين لمن كانت له حيلة فليحتال -بداية تعلمي حركة حلوة وهي انه اذا اعطاك اي مبلغ او جاب للبيت او العيال اي غرض قبلي راسه وقولي عساني ما احتاج في دنياي غيرك بعد ربي الله لا يحرمني منك الله يكثر خيرك ويحفظك لي -انت عندك منه اولاد مو زي اول كثري طلبات الاولاد حسسيه ان عياله اقل من غيرهم في اللبس والطلعات والمشاوير اذا جبتي لعيالك شي من فلوسه طبعا انفخي بالشي اللي جبتيه وانه فلانه وفلانه -اختاري اسماء يهتم هو فيهم - مدحوا ذوقك لا تتركين له مجال يعلق قولي قلت لهم ابو فلان الله يحفظه لنا مو مقصر هذا ذوقه ليش؟( يمكن يسالك ليش كذبتي قولي احب امدح حبيبي وفعلا ذوقك وين المشكله خخخخ بلعب ياحلوة ) يمكن يتحمس الرجال شوي ويشوف انك تمدحينه يصير يحب الرفاهيه لعياله وشي ثاني يعرف في قراره نفسه انه فلوسه رايحه لعياله فعلا وانه الخير اللي يعطيكم اياه يبين عليكم عند الناس - رددتي انا حساسه واتنازل عن حقوقي لا يالغاليه الكلمة هذي هي اللي دمرت كثير من النساء لا تقولين انا حساسه حقوقك خوذيها مو بالقوة لا بمكر النساء الحلال طبعا هذا زوجك انت قلتي انه شكر الهديه جدا جدا يعني هو عنده احساس داخلي بالحاجه للاهتمام والحنان والعطاء زوجك كبير تعود تعطي وماياخذ انت اعطيه واعطيه واعطيه *اعطيه اهتمام كثييييييييييييييييير لا يدخل عليك الا وملابسه جاهزة ومبخره والاشياء اللي يحبها قدام عينه *اعطيه وقتك اذا جاك تلفون ردي وانت مستعجله نعم فيه شي ضروري طيب بعدين انا اكلمكم ، طبعا وهو يسمع اذا اسالك قولي مو فاضيه لهم انت اهم ،، عيالك ضبطي وضعهم واتركيهم يلعبون وتعالي عنده قهويه شربيه عصير ان شاء الله تسوين مساج لرجلينه * عرفت انك في الرياض وجونا حرررررر ولا يطاق بكلمة حلوة ودلع وبدون اي انفعالات خليه يرضى بطلعه لشاليه انت وياه وولدك بس وهنا العبي انت في الجو كوني انت المرأة الملهمه في حياته ياختي فيه المسبح عيشي معاه جو مختلف تماما .. فاهمتني لبس وحركات ونطنطي ياختي العبوا حبشه واي طلعه لاي مكان دلعيه بقوووة بانوثتك * الجنس لا افراط ولا تفريط بغاك جننيه في الفراش ما بغى زيني فراشه وفري له كامل الراحه والله زوجك محتاج اكثر منك للمشاعر بس يستحي لانه شايف صغرك وقاعد يقارن فارق العمر والفلوس تتخلل هذي المواقف بين المبلغ الكبير والصغير ان شاء الله ريالين حقت السنكر اللي قلتي ولا تنسيني بقطعه عشقي السنكر اذكر لما كنت متزوجه كنت ارفع فيه اذا جاب سنكر والله جيت مره من اهلي والا في الثلاجه كرتويني سنكر ومارس رجال ما يبغالهم الا ذكاااااااااااااااااااااااااااااااااااااااااااااااا ء |
نسيت اقولك
مشاويرك طبعا لا تثقلين عليه بس اعطيه احساس انك تحبين لو هو يوديك وهو يجيبك مجرد رسائل غير واضحه |
السلام عليكم و رحمة الله و بركاته
غاليتي ... مشكلتك .رأيتها و عايشتها بين قريبي وزوجته تزوجته و بينهم فرق في العمر تقريبا يصل الى 35 عاما و تشتكي من نفس شكوتك بل و اكثر .. يحسب عليه الاكل و الشرب بالرغم من انه مشهور بكرمه مع بقية افراد العائلة و معروف بيته بالكرم و حسن الضيافة .. بل ان يصرف بغير حساب على اولاده من زوجته الاولى و احفاده برغم عدم احتياج بعضهم... و لا يبخل ابدا على الفقراء و المساكين من صدقة و زكاة لكن حينما يصل الامر لزوجته ..ينقلب الامر و يصيبه البخل لدرجة انه يبخل عليها بعباءة جديدة بدل عباءتها المهتراه ... غاليتي من تجربة قريبي هذا و زوجته .. اقول لك السبب في بخله عليك هو فرق العمر ... فاعندما نسأل قريبي لماذا لا تعطيها المال يقول .. ليش اعطيها عشان تخبي و لما اموت تتزوج ؟؟؟ و اذا سالناه لماذا لا تشتري لها شقة (علما انها لم تنجب له ) قال : ليش عشان بعد ما اموت تجيب شاب و تتزوجه و تسكنه بيبتي ؟؟؟ اي انه يمشي على مبدأ يكفي انها تاكل و تشرب .. لما تحتاج المال ؟؟؟ و اعتقد ان نفس الموضوع ينطبق على زوجك ... ليست لديه الثقة بنفسه وقد يضن انك تزوجتيه لاجل المال . لذا فهو حريص معك من هذا الجانب بقاءك معه وهو حريص يثبت لنفسه انك تحبينه لشخصه و ليس لاجل المال و يثبت للاخرين ايضا .. كانما يقول لهم .. شوفوا ها انا ما اعطيها و هي قاعدة معي و مهنيتني فا هي تحبني انا ما تحب فلوسي بعكس لو كان يبذخ معاك ..عندها سيشعر بانك باقية معه لاجل المال فقط ... الحل برأيي .. **لا تطلبي المال من اهلك بتااتا فانت مسؤؤلة منه ... **لا تساليه و لا تتدخلي بمادياته مع اهله ... لان تدخلك يبين له بانك طمعانه بتلك الاموال و ليس حبا فيه **استخدمي انوثتك عند احتياجك للفلوس ... **طالما و انه متدين .. فا ادخلي اليه من مدخل الدين .. ذكريه بالعدل في العطايا و انك تخافي عليه من عقابه سبحانه و تعالى ... و ابدأي بما عندك يعني .. اذا اشترى لك شيئأ . اشكريه و ادعي له و من ثم اساليه هل اشتريت لضرتي مثله و بيني له اهمية العدل و المخافة من العقاب .. ومع مرور الوقت و تكرار هذا الشيء سيتعلم اوتوماتيكيا انه اذا اشترى شيئأ للاخرى سيشتري لك نفس الشئ.. **لا تقصري في المدح .. كلما اعطاك المال او اشترى لك شيء مهما كان بسيطا بالغي في مدحه و شكره ..حتى اذا كان مبلغ المال الذي اعطاك قليلا اشكريه و امدحيه و لا تتذمري .. فا تذمرك سيعني له انك غير شاكرة و انك طامعة ** غيري من فكرته بانك لا تعرفي كيف تصرفي اموالك.. اربطي الحزام فترة .. و احسني في صرف المال و اكتفي بالضرورييييات الى ان يغير فكرته المترسخة ... همسة لك اخيتي : كما ذكروا اخواتي الافاضل .. من الممكن ان تستغلي ال 1500 تلك بشكل افضل لبس البيت لك و لطفلك فليكن من الرخيص و الان اعتقد انه موسم تخفيضات .. اشتري من الماركات المخفضة و خذيها اكبر شوي من مقاس طفلك و اتعلمي تشتري اثناء التخفيضات للسنة كلها ... ملابس ابناءي كلها من مذركير و دبنهامز و ديزني الخ و اشتري البدلة بحدود 5 دولار لاني اخذهم ايام التخفيضات حتى اخذ مقاسات اكبر عشان اضمن انها بتضل معاهم طول السنة .. فساتين السهرات لا تشتريها من المحلات الغالية لانها تزيد سعرها الضعف و انما اكيد في مدينتك في اسواق ارخص و بتلاقي فيها نفس البضاعة .. او اشتري من الانترنت .. في مواقع تبيع فساتين حلوة باسعار رووووعة الرضاعات ماحد يغيرها شهريا ... و انما بس تغيري الراس المطاطي كل شهرين او 3 فقط وهو رخييص الحفايض احتمال البامبرز ما ناسبت ابنك غيريهم و استخدمي كريم الحفايض ينفعه اكثر .. اخيرا .. حبيبتي حاولي تكسبي زوجك بذكاء الانثى و لا تتصادمي معاه فا قريبتي اللي قلت لك عليها ما عرفت تكسبه و ظلت تناقره و تشيل بقلبها و ماجاها الا الضغظ و السكر و اتدهورت صحتها و زوجها ماشاء الله عليه الله يقومك بالسلامة |
ليه الغرور عزيزتي من قال الخمسين ريال تكفي للجامعة؟؟؟ لا والله ماتكفي شوفي بس الأسعار في الكافيتيريا أو مقهى الجامعة تقولي مطعم وكل الجامعات كذا وبعدين هي قالت من الساعة 8 الصبح إلى 4 العصر يعني بصراحة لازم تشتري ماي عصيرات وجبة غداء وخفايف وإذا حلويات ولا تشوكلت أنا طالعت من منظور إنه زوجها ماشاء الله ربي أنعم عليه الله يزيده وعنده أملاك وعقار وأعرف إنه عنده بيتين حبيبتي وحداانية ال1500 اللي يعطيك إياها لاتخليها تشمل الهدايا خليها بس لك ولطفلك من ملابس وإكسسوار وأحذية وشحن للجوال أما أكل للطفل من حليب وغيارات تكون إلزامية كل شهر يجيبها من غير ال1500 والموقف اللي كب عليك ماي بارد بايخ بقووووووة ماله داعي هالمزح وعيب قدام العاملة كذا يسوي الله يهديه ويصلحه |
الاخوة الكرام رجاء ممن يطرح رأيه يطرحه بأدب واحترام ودون تهجم على صاحبة الموضوع وأي تعليق مهين سيتم حذفه الاشراف |
الاخت نوور مع احترامي لك وللرايك..
بس الجزء الاول من ردك..مو صحيح..فارق العمر ماله دخل في الصرف على الزوجه..وقريبك غير عن زوج الاخت وحدانيه قريبك غير..او تفكيره غير..وينطبق عليه حكم غير عادل بين زوجاته لانه يصرف هناك بطيبة خاطرومن دون ضغط عليه لكن الثانيه لا..ويمكن طبعه مثل زوج وحدانيه مايطلع الفلوس و زوجته الاولى وعيالها ياخدون منه بالقوه وطريقتهم معه غير عن الثانيه..الله اعلم البيوت اسرار.. لكن زوج الاخت.على كلامها.الكل يعاني منه مو بس هي..بس الفرق انه اهله وبنته وزوجته يحطونه امام الامر الواقع ويخلونه يطلع الفلوس بالقوه وفي الاخر يرضخ ويعطيهم ...اما الاخت وحدانيه..تجلس تترجى وتبرر وتبكي..وتحسب له.فين تودي الفلوس...ويماطل معها.. فارق السن ماله علاقه ابدا..ومااعتقد زوج الاخت وحدانيه يفكر بالطريقه الي يفكر فيها قريبك..يعني خايف يموت وتتزوج غيره ولايشتري لها شقه وخايف تجيب رجال غيره لانها صغيره...لا لا لا مايفكر كذا الا واحد مريض..ليش يتزوج الصغيره اذا مو واثق فيها.. |
اقتباس:
..انا درست في الجامعه وعندي خبره يعني مو كل الوقت في الجامعه جالسين في الكافتيريا الجامعه اغلب الوقت محاضرات يعني يمكن وقت بسيط يكون فيه بريك..وحتى لو وقت طويل..واشترت كل الي قلتي عليه ودلعت نفسها على الاخر يمكن يكلف 30 ريال او اقل.. ومثل ماتفضلتي عزيزتي...المفروض مصروفها لها هي بس...مالها دخل في اغراض الطفل والبيت والغازوهدايا..اذا بيدخل اغراض الطفل ومقاضي البيت في المصروف لا بلله خليه يصرف لك راتب شهري 5000ريال..وهو يشيل يده ماله دخل في شي.. :26::23: |
| الساعة الآن 08:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©