|
من رايي طلقها وتنتهي المشاكل والباب اللي يجيك منه ريح الصمه واستريح -والولد له رب مايضيعه وتشوفه متى مابغيت غصب عنهم
|
اقتباس:
ابني راح يكبر ويفهم المشكلة كنت طفلة >> كيف اطلقها وهم ضروني انا اريد فقط الكلمة الطيبه منهم هم الان حاطين الغلط مني انا ثنيان >> اتصل علي والدها وقال طلق قلت وانا من يعوضني قال يعوضك ربك بالله هذا اسلوب يعني رافضين اي حل عذاب الورد >>> كلامك كله صحيح وهذا الخط انا ماشي فيه احاول ابتعد عنهم واضغط عليهم لدرجة ان زوجتي تتصل على عملي وتقول عطوني رقم هاتفه الجديد قطعت علاقتي فيهم بالمره وعن سالفة رقم الحساب اتصلت على والدها وقلت ارسل رقم الحساب قال اتصل علي بتاريخ 27/9 وراح اعطيك قال كم راح ترسل قلت المقسوم قال والحرمه راح ترسل عليها شيء قلت لا >>>> والله انه طماع وعن ناحية الصلح انا عفت الحرمه والله عفتها من قلبي غريب 2010 >> كلامك صح ماراح افكها الا فيه شيء يرضيني وابشرك انا احاول الان ابحث عن زوجه صالحه وليد99 >>> صح انه جاني خبر انها ضايعه ومن قال اني ماحاولت اني اضبط الامور اتصل علي والدها وقلت له ان بيتها مفتوح لها وياهلا مرحبا فيها |
عبق الانوثة >>> هي صح قالت تعال خذ ولدك بس طلقني
هذا والله كله كذب وإفتراء يعني اذا طلقت قالت ماعندنا لك ولد وبعدين هل فيه في الكون وحده تتخلى عن ضناها هتلر زماني >> صح كلامك ولاكن أخذ الولد لازم يكون عند المحكمه ففترة الحضانة سنتين لازم يكون عن امه >>> هذا الذي سمعته والله اعلم انا ابيهم بس يشتكون علشان اعرف اتكلم واذا لم يشتكون انا الكسبان آمال 20 >>> من راقب الناس مات هما كلام الناس ماراح يقدم ولا يأخر وكل الجماعه يقولون لاتطلق علشان يتأدبون وبيني وبينك والله كل عماتي وخالاتي يتصلون علي ويقولون تعال نزوجك سنا نجمه >> ابوها قال ادخل وكلمها بس انا رفضت وقلت اذا تبي تتفاهم معي تتفاهم في بيتها واذا كانت عندك مالك الا تتفاهم مع ابوي واذا اتصل علي ابوي قال مالي دخل فيكم >> هههههههه همس المشاعر >> من قال اني غلطت على عمي بل كلمته بالكلام الصح بس هو مايبي يتقبل وفوق كذا يتكلم علي بألفاض سيئه الفهيم >>> كلامك صح هي اتصلت على خالتي وقالت زوجي وين قالت والله مادري يمكن انه متزوج ومسافر برى السعودية قالت ياربي انا وش اسوي هشام ابن العاص >>> صح كلامك وصراحه كلامك هو المنطق روعة المعنى >> من قال اني ماوديتها انا من اول يوم من زواجي اذا زعلت اخذتها ووديتها الى بيت اخوها وفوق كذا انا بنفسي اجيبها وهي حست انها هي القوية وتعودت على كذا وبعدين تدخل اخوها غير عقلاني واذا ابوها حي اخوها وش دخله وبعدين اخوها بعده صغير 28 سنة وبعدين من ناحية المهر انا ماقلت ان مهرها 140000 انا قلت تكاليف الزواج من المهر والهدف من هذا كله اني ابي استفزهم زهرة الرمال >>> مشكوره على هذا الرد واذا ماسويت كذا كان مسحوو بكرامتي الارض احساس عمري >> كلامك عين الصواب فهي تتصل على خالتي وتقول انا مابي الولد |
الم الايام >> انا بقولك اني عفت زوجتي ولا ابيها
وولدي راح ماراح يموت سواء تربى عندي او عند جده صح اني راح اشتاق له لانكن مافيه طريقه الا هاذي قارئة الصمت >> يمكن تخيلت انني مانفي فارس احلامها البليغ >> كلامك صح ولاكن من ناحية اني اذهب مع رجلين ووالدي فلن اذهب لان والدها تكلم على عمي عمره 80 سنة ووضعت عمي في موضع الاحراج فماذا بعد هذه الاهانه اتركها للزمن ان شاء الله هو الحل ليش كذا >> والله مادري من ناحية الشكوى طيب بيت الطاعه موجود في المحكمة بعدين من ناحية النفقة انا احول له شهري 500 ريال البليغ >>> انا ان شاء الله راح اطلق ولاكن بعد ما أضمن حقوقي وجلوس الرجال ليس في الوقت الحاضر ظل انثى >>> مشكوره على المرور كليسي >> مشكوره على المرور صرخة حب >>> مشكوره بسمة 3 >>> مشكوره العقد الفريد >>> على سالفة ولادتها فولدت في مستشفى حكومي وببلاش طيب ليش ماولدها ابوها من مستشفى خاص تهاني >>> كلامك عين الصواب لاكن بدري على الطلاق |
تعجبني والله
وخير ما سويت وبردت قلبي :22: الله يعوضك ان شاءالله بأحسن منها |
وليد99 >>> صح انه جاني خبر انها ضايعه
ومن قال اني ماحاولت اني اضبط الامور اتصل علي والدها وقلت له ان بيتها مفتوح لها وياهلا مرحبا فيها[/QUOTE] طيب شي حلو بما انك حاولت ووالدها اتصل هذا شي طيب منه .. ليه انت طيب ماتسترجع الامور وتروح تاخذ زوجتك من البيت وش المشكله ان رحت اخذتها ؟؟ انت اساسا تبي تهدّي الامور وتمشي السفينه لاتشد يكفي انه اتصل ابوها .. وانت اللي تسويه عشان ولدك .. الا اذا انت براسك طلاق وودك تطلق هذا شي راجع لك بس لاتنسى الرسول عليه الصلاة والسلام يقابل السيئة بالحسنه.. جاء ابو بكر رضى الله عنه يستئذن النبى صلى الله عليه وسلم فسمع عائشه وهى رافعة صوتهاعلى الرسول صلى الله عليه وسلم فأذن له .. فدخل ابو بكر فقال: يابنت أم درمان وتناوله ( يعنى انه غضب على عائشة وضربها ) اترفعين صوتك على رسول الله صلى الله عليه وسلم . فحال النبى صلى الله عليه وسلم بينه وبينها ( يعنى جعل عائشه خلفة ) فلما خرج ابو بكر جعل النبى صلى الله عليه وسلم يقول لها:الا ترين بأنى قد حلت بين الرجل وبينك ( يعنى الا ترين انى انجيتك من الرجل ). ثم جاء ابو بكر فستأذن عليه فوجده يضاحكها. فأذن له الرسول صلى الله عليه وسلم .. فقال ابو بكر : يارسول الله أشركانى في سلمكما كما اشركتمانى في حربكما.. هذا وهو الرسول عليه الصلاة والسلام انتظر كيف يتعامل مع زوجاته وحنا يالله نتحمل اي شي الله يهدينا بس وبقولك والله ياخوي يمكن احد لعب في مخها من اهلها وصديقاتها ومشت عليها لكن الامور الان تغيرت معاها وضاعت وتعلمت من الدرس لمده سنه |
فيلنيق >>> الله يعين
ويسر لنا امورنا ونخلص |
وليد >> انا قلت البيت مفتوح
قال تعال عندي في الرياض ورجع زوجتك قلت الذي اخذها من بيتي يرجعها قال انت وش تقول قلت هذا الكلام الذي عندي وبيني وبينك لو اني ابيها كان رحت وأخذتها بس طابت النفس ويكون في علمك انها زعلت قبل كذا ورحت وجبتها من بيت ابوها يعني طست على كرامتي وجبتها ......... |
يا اخي انت طارح مشكلتك تبي حل من جد
احسك ماتبي تطبق اي حل و مقتنع بطريقتك للاسف انت نزلت المستوى اهل زوجتك كثيـــــــــــــــــــــــــــــــــــر ليه ماترفعت عن همجيتهم الحل من وجهة نظري تدق على زوجتك و تتفاهم منك لها من غير تدخل اي احد تقولها على شروطك 1و2و3..الخ و تعتذر منك هي و اخوها على اللي عملوه ورجعها اتوقع انك اعطيتها درس و اذا حسيت انها عايفتك قولها خلاص روحي اطلبي الخلع و رجعيلي مهري مع اني ضد هالطريقة و ما احبها و احس فيها انقاص للشخص بس اذا انت حاب تضمن حقوقك |
ما شاء الله عليك .... ولو إني أعتب عليك إنك ما شكيت أخوهـم في الشرطة يوم كسر باب البيـت ...
سؤال: ماذا تريد الآن أنت ؟ هل تريد إرجاع زوجتـك أم تريد طلاقها وإرجاع ما صرفته من نفقات ؟؟ أتوقع الآن لو استعدت زوجتـك ستعيش سعيد .. فلماذا كل هذه المماطلة من قبلك ؟؟ |
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©