|
اقتباس:
يعني لازم اقول لك كيف كنت اتكلم معاها والله اني بديت اكرهها من ردودكم ههههههه |
اذا انت شايف انها راح تكون زوجه وام صالحه وقد المسؤليه ..اقدم لا تتردد ..دخل احد يكلمها من بعيد لبعيد
ان حصل ورجعت كان بها ...وان مارجعت ...لا تضيق شي ربي وسعه عليك وتطرد عصفور ضاع من يدك ..يمكن تصيده ويمكن تظل طول عمرك تطرد وراه ...وان صدته يمكن مايصير مثل الي انت تبي وتنصدم ...وترجع تطلق الطير اما تطلقه يطير موجوع ....ولا تذبحه وترميه ؟؟؟ وش ذنبه الا نه ماصار مثل ماكنت متوقع ؟؟؟؟ |
اخوي قرأت موضوعك السابق
والواضح منه انك تحبها مررة ومتعلق فيها وهي كمان هذا كلام ماعليه غبار وانت مدلعها بكلامك واتصالتك ورسايلك والخ فهي تفاجئت بعد كل دلعك تقولها لا واكيد اخذها فكرها انك انسان متسلط وتحب تمشي كلامك وحتى لو اسلوبك حلو المهم كلامك يمشي باي طريقه حلوه ولا مره تلاقيها قالت اذا رفض طلب زي هذا عادي بكره بيبتشلني وكل شي ابغاه واعتبره مهم بالنسبه لي وهو يحسه سخيف ومومقتنعه فيه بيقولي لا وفعلا تسير واظن هذا سبب طلبها الطلاق او انها من النساء الي تقيس الحب بالماده يعني لما تعطيها وتجبلها تحس انك تحبها ولو ماسويت لا مايحبني مايبغا يفرحني بس يحرمني كذا تفكير بعض الحريم ويمكن خطيبتك كذا واتفق معك في ان مساومتها معك على طلبتها خطا كبير مهما كانت مهمه بالنسبه لها استخر ربك عدة مرات ورتب افكارك ومشاعرك واعطي نفسك فرصه اطول فكر ربما يكون ماتمر به مجرد افكار عابره لتفكيرك بها والانفصال . وربي يكتبلك الي فيه الخير ولو رجعت لها لو بعد الاستخارة واتخاذ القرار نصيحة لازم تتفاهم على طريقتها في طلب الاشياء وانها خطا ومايسير تطلب الطلاق بهسهولة وعشان ماتستمر على اسلوبها بعد الزواج وانت كمان لو كانت الاشياء عادية يعني وهي تبغاها لاتكسر بخاطرها فرحها هالاشياء بالنسبة لها مهمه اهم شي ماتكون حراااااااااام لو حرام لاتوافقها ابدا مهما صار اياني وياك مهما تحبها حتى لو طلبت الطلاق لاسمح الله مرة ثانيه لاترضى وهذا الشي اكيد انت عارفه ولا احد يوصيك عليه اما لو اشياء عادية زي الطقاقه الاسلاميه حتى لو انت مو مقتنع هي تبغها خلها تستانس هذا واتلم ترخي الحبل شوي سواء رجعت لها واو خطبت غيرها الحريم تحب الحريه شوي ماتحب تكون مقيده وحتى لو شي مباح يقولها لا وارخي شوي مو قصدي تخلي الحبل ينفلت وكل شي تجري ورا الطلبات باعتدال وعلى قد ماتقدر اسعد زوجتك والله يوفقك مرة ثانيه وفكر تمام وقيس الامور واحسب لقدام لو استخرت والادميه اتعدلت كان بها مافي مجال على الاسلوب لى كل صغيرة وكبيرة الله يرزقك غيرها ومعليش لو الكلام متلخبط اكتب من جوال |
اقتباس:
بصراحه من افضل الردود انا خلاص احس ان زمن الرجوع ولى ويبدو ان مافي نفسي مجرد فراغ غاطفي وذكريات اتمنى عودتها ... |
صباح الخير
انا كنت متابعة لمشكلتلك واقدر وضعك بانك لسه تحبها والحب مايرحم بس فكر بالمستقبل ولبعيد شوي وبجدية وخلي العواطف على جنب من خلال تعاملك معاها هل تحسها واقعية وانها تقدر ظروفك وانها هي الانسانه المناسبة لتكمل معاك مشوار الحياه من غير تعب، افرض مثلا بعيد الشر سائت ظروفك المادية يوم من الايام وهي تبي اشيا وظروفك ماتسمح هل راح تخيرك بين الطلاق وبين هالشي ولاكيف . انا ماقدر اكون معك ولاضدك كل بنت بالدنيا تحلم بانه يكون عرسها ولا بالاحلام مثلي انا حلمت بهالشي كثير بس للاسف ولاشي من تجهيزات العرس انا اخترته كله خوات زوجي وحماتي حتى فستان العرس تدخلوا فيه والصالون والمكياج صح نقهرت بقلبي بس قلت طالما انتي تحبي زوجك اسكتي وانسي هالامور ولابينت اني مقهورة بداخلي بالعكس كنت ابين لهم اني مبسوطة باختيارهم لانها بالاخير امور دنيويه وانا بنت اريد السترة والحمدلله مرت الامور بسلام فكر بعقلانية شوي وماتعرف كيف البنت يمكن اتعملت درس وعرفت انه لازم الوحدة تتنازل عشان زوجها جس النبض واذا كانت البنت ولا لأ اسفة على الاطاله والقرقرة الكثير اتمنى انك تستقر وتتزوج ويرزقك بحياه هنية . |
اقتباس:
حقيقة جزء من تسرعي بالطلاق انني خشيت ان اطلقها بعد الدخول وبكذا وضعها يكون صعب ,, ووالله اني الان ماراح ارتاح الا لما تتزوج ... |
اقتباس:
|
قريت قصتك وطول ما انت تحكي وانا اقول يارب ما يكون طلق
طبعا كله خير ان شالله يمكن زوجتك لما طلبت الطلاق لانها مثل ما الكل يقول حست انك رافض من دون سبب مقنع والرفض من دون سبب مقنع يكون مستفز يمكن بغت تقيس حبك لها بانها تخيرك بين تنفيذ طلبها وبين الطلاق .. وما توقعت انك بتطلق لانها تعشمت بان حبك كبير لها .. ولما قررت انك تطلق قالت بخاطرها معقولة يعني عشان ما ينفذلي هالشي البسيط عزم يطلقني فمعناته كذا خير لنا لانه بعدين بتكبر مشاكلنا والله يعلم شو بيصير همسه لك: البنت اهم شي عندها عرسها وشهر عسلها .. ودام انه الزوج قادر يتحمل من دون ديون فليش لا ففترة الملكة والتجهيزات حاول ما تتسلط برأي يخص حفلة العرس لان فالنهاية العرس للحريم والفرحة لهم اكثر من انها للرجال الرجال همه يعرس وخلاص والبنت همها انو كل شي يكون مثل ما خططت له تعقيب ع كلامك " وكل هالتجهيزات شيء راح وانتهى ومابقى لك الا زوج ,,, ليتك عندها وتفهمينها ,,,"" انت عندك شي وانتهى بس البنت لا كل ما تحضر عرس بترجع تتذكر عرسها كيف كان وتحس بمرارة>> يمكن تشوفه شي تافه بس هي عندها مو تافه ابدا وصدقني الشماته مو هينه .. ولا تنسى قلب البنت مو مثل قلب الرجال انا نفسي لما زوجي كنسل تذاكر شهر عسلنا عشان ناخذ امه تعالج برا وقتها سكتت عشان زوجي وبراً بامه بس لما بدأ الكل يتشمت فيني أثر بشكل كبير بنفسيتي والقهر اقرب الناس بيكونوا اول اللي يتشمتوا يعني تخيل اخت زوجي هي وحدة من اللي تشمتوا فيني مع العلم انو اخذنا "امها" تعالج وكانت هي معنا! وهالشماته مستمرة للحين بعد سنة و7 شهور من عرست خلاصة الكلام لما تخطب لك وتقترن ببنت حاول تكون سهل فالامور البسيطة تذكر شعرة معاوية .. مرة انت رخي ومرة هي ترخي لان لو شديت وهي شدت بتكون النتيجة نفس اللي صار فتجربتك وبالنسبة لرجوعك .. انت ما كنت مقتنع فيها من ناحية جمالها وتدينها .. وهالشي اللي ساعدك فاتخاذ قرارك ولو صار ورجعتوا بيصير عندك شي اخر تستند عليه لو كبرت المشاكل بينكم >> واللي هو قضية انو ياتجيب اللي اريده او طلق اللي تحس فيه من حنين وغيره طبيعي جدا جدا تراك انسان طبيعي تحس! بس فكر زين واستخير .. اذا تناسبك ارجعلها واذا لا دور لك وحدة ثانية وبتنسى هالمشاعر سؤال ع الطاير .. مافهمت لما وضحت ليش لها عده اذا ما صار دخول ؟!! ربي يسهل امورك خيو ؛) |
اخي الكريم
هدالقرار خاص بك وبها ..د لانك ادرى بتفاصيل حادثة الطلاق.. فالأفضل انك تقوم بالدي تراه مناسبا لحالتكما .. ولاتنسى كرامتك وبنفس الوقت .. لايكون عندك كبرياء زايد.. وبالنهايه انت ادرى بشخصيتها واسلوبها..وطريقه تفكيرها وبالتوفيق.. دكرت ان سبب المشكلة ..انها طلبت احضار طقاقة لو تشرحلي هدي الكلمة وش معناتها. |
اقتباس:
|
| الساعة الآن 04:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©