|
اهلا بك اختي الغالية الماضي الدفين
::::: عن نفسي فترة ملكتي سنتين ولازالت مستمرة لظروف خارجية فعلا انها ملل لكن الحمدلله مسيطرين على الوضع ::: لكن وجهة نظري العامة على حسب شخصيات الزوجين وعقلياتهم اذا بين الزوجين احترام وتقدير ومتفاهمين لايضر طول الفترة او قصرها اما اذا كان العكس ففترة قصيرة افضل وهذا مااراه الأفضل لحال شبابنا اليوم :::: عموماً 6 اشهر كافيه ومناسبة :::: |
. آسعد الله أيامكم ورزقكم الخيره من أمركم أحيان والواحد يقرأ بعض الردود يصاب بالإحباط ! أذ أن طول مده الملكه دايماً تكون مقرونه بالمشاكل والاختلافات بين الزوجين وننسى أن نركز على بعض المهارات في تلك المواقف التي تجعلنا نتجاوز تلك المشكلات قبل وقوعها أصلاً بالتراخي في بعض الامور التي يكون الطرف الاخر متعنت فيها ، وبعد مده ليست بالكثيره يفتح الموضوع بمناخ هادى ويناقش وتنحل الازامات . ( أسف ع الخروج عن لب الموضوع ) أرى ان لا تنقص المده عن 4 آشهر و 6 أشهر حلوه كثير :22: |
والله اشوف سنه احلى شي مو يقولون الملكه دلع واتهني واطلبي اللي تبين روحات وجيات ودلع وهدايا ما يكفيني ست شهور بس مين يسمع لي .. ابوي ما يحب الملكه تطول كل خواتي بثلاث شهور وبعد كلام كثير والود وده شهر بس :) عاد انا الحين مطلقه اذ ربي كتب وملكت ما اتوقع يطولونها بس انا مستحيل ارضى بملكه فتره بسيطه ابي اتهنى واسولف اسولف اسولف واضحك ليييين اطلع للي براسي كله مكبوته :) |
تكون طويله ممكن سنه حلو عشان البنت تجهز صح
عشان يتعودون علي بعض مو على طول زواج وأصلا حتي بعد الزواج المفروض يجلسون شهر شهرين ثلاثه أو أكثر مع بعض أصدقاء مو أكثر ومايصير بينهم شي مو أجل الزاوج عندنا شهرين ملكه ومن أول ليله وبعد شهروإلا شهرين حامل ولين جلست أكثر من كذا قامت توسوس كأنهم معرسين عشان عيال عصر السرعه في الزواج بصراحه هالنظام مايصلح لي أبدا ولا يجوز لي أبي زواجي رواقه :25: صدق شوفي عندهم في الخارج أصدقاء وصديقها أنا ماعندنا كذا ولو ودنا بس حرام خلاص أوكي أنا وزوجي خله يعوضني ويجلس لي فتره صديقي وبعد الصداقه نعيش فتره حب وبعد الحب خلاص نعيش متزوجين :d |
في البداية كل وظروفه ومل واحد وله اسباب
أنا عن نفسي من 8 شهور إلي سنه بالكثير ولو أقيس على نفسي فأنا الحين أدرس والعطله الطويله بنهاية شهر 8 ولو يتجهز الوضع بيكون بعد العيد لأن الفتره قبل رمضان شهر أو أقل فبداية شوال ممتازه ان شاء الله... وفق الله الجميع |
في البداية كل وظروفه ومل واحد وله اسباب
أنا عن نفسي من 8 شهور إلي سنه بالكثير ولو أقيس على نفسي فأنا الحين أدرس والعطله الطويله بنهاية شهر 8 ولو يتجهز الوضع بيكون بعد العيد لأن الفتره قبل رمضان شهر أو أقل فبداية شوال ممتازه ان شاء الله وفق الله الجميع |
رفع الله قدرك يوم سمحتي للمنتظرين بطرح رأيهم :d شخصيا أرى :d أول أسبوعين "ثلاث أو أربع مكالمات .. طبعا لأخذ انطباع أولي" + ثاني أسبوعين "زيارتين محملة بهدايا معتبرة جدا .. إذا كان المتقدم ما يحب الهدايا نطرح أسبوعين من الحسبة :d" + شهر خياطة فساتين وهيك = شهرين |
عن نفسي كرجل مدة ملكتي سنة كاملة ولا زالت مستمرة لكن لا أؤيد أن تكون طويلة أتوقع ستة أشهر كافية جدا وأسأل الله لنا ولكم التوفيق
|
اشوف 6 شهور خطوبة بدون عقد .. يتكلموا فيها بمعرفة الاهل و يعرفوا الخطوط العريضة عن بعض
و 6 شهور الى سنة.. ملكة جدا مناسب .. يتعرفوا على بعض التفاصيل و يتقربوا من بعض ومو شرط طول الملكة تسوي مشااكل .. واذا كثرت المشاكل ايام الملكة معناها انذااار انه في شي .. فالاسلم انهم يحلوا المشاكل هذه و الا فلانفصال افضل من البداية |
اقتباس:
هلا بالغالية قبل أجيب لك الروابط وأقول من وين جبت الفتوى خلينا نستنتج سوى :) أول سؤال : هل حديث المرأة مع الرجل محرم ؟ الجواب : يجوز تتكلم المرأة مع الرجل لحاجة وضمن ضوابط شرعية معروفة , مثل امراة تستفتي شيخ , مريضة تكلم طبيب , مشترية تكلم بائع , حديثك مع السائق ...الخ هذه نماذج مختلفة من حديث النساء مع الرجال والذي أبيح لحاجة مادام مضبوط بضوابط شرعية .. السؤال الثاني : هل يندرج كلام الخاطب مع من يخطبها من ضمن الحاجة ؟ الجواب : لاشك وهو من أسمى الحاجات التي يبنى عليها قيام المجتمعات وصلاحها بنظري الخليج بالغوا في التشديد في فتح المجال للكلام بين المخطوبين وفي دول أخرى عربية بالغوا في السماح لهم بالخروج وو الخ والصحيح أن نكون وسط ونفتح مجال للكلام والتعارف بأدب واحترام وبمعية الأهل وعلى مرأى منهم وسآتيك بأقرب فرصة بالروابط باذن الله الفتاوى أذكرها : الشيخ صالح الفوزان , الشيخ المنجد موفقة عزيزتي لي عودة للردود |
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©