روح الطير امس شفت اسمك ولكن ما وضعتي رد

خايفه عليكي اولا ومن ثم لا يجوز ما تفعليه نحن نؤمن بالله واليوم الآخر وان لكل منا اجل

ونمرض ونموت وووووووو

ونضحك ونبكي

حبوبه استهدي بالله بعرف ما قادره وهي امك

بعرف انا امي رايتها ستموت امامي وجنيت بالنت


انتبهي على البيبي محتاجك لن يجد احن اليه منك

عليكي بالدعا لها بالرحمه والمغفره ان كانت مازالت على قيد الحياة ام بعد

الجسد فقط يفنى الروح موجده فيكي

الله يصبرك ويقويكي

انتي نفاس واولادك محتاجين وان لنفسك عليك حق

سامحيني تأخرت .. بس انشغلت لانه امي بالمستشفى من 5 ايام و اختي نزلت عندنا عشان تشوفها ..
و ساعدتني اختي و الحمدلله أني احمم ولدي، و مسكته و قالتلي اروح أنام و ارتاح شوية ..

دحين راجعة، اشحن الجوال

الحمد لله رب العالمين
شفتي كيف التعاون حلو

يالله نوم العافيه ارتاحي شويه
وتناوبي انتي واختك على المشفى

بحيث ان وقت تعود البيت يفضل اولادك معها وانتي تروحي ساعتان وترجعي

هيك الاولاد في البيت وانتي ما تحرمي نفسك من امك

شفاها الله

فرحت لك انو رح تنامي
ان شاء الله غدا افضل قولي يا رب

خالة جرين ..

تعرفي ؟ كلامك يمكن هو الواقع اللي من أول بأتهرب منه .. و أكذب على نفسي كل شوي و أعيش نفسي بأوهام
و أحلام،. بس كلامك يخليني أواجه الواقع حتى لو كان مر و مؤلم و يعذبني .. بس بيعطيني القوة أني أواجه الحقيقة

تعرفي ؟ نفس الاحداث تتكرر تقريبا مع مرض أبوي الله يرحمه و موته .. بس الفرق انه أبوي مرض و مات بمدة قصيرة
اقل من شهرين .. فكنت دايم اكذب على نفسي و اوهم حالي انه بيعيش و يتعافى و بنسافر و نروح و نجي ووو الخ
فيوم أبوي الله يرحمه مات، عشت بصدمة كبيرة ..
لدرجة أني يوم العزاء مابكيت أبدا ، كنت احسب أني لسى باحلم .. و بعد يومين من موته، انهرت و بكييييييت للدرجة اللي
ضروسي كلها حسيتها بتخرج من مكانها ؟ مادري ليه ؟
و جلست سنوات و أنا اتخيله عايش معانا و لحد اليوم و أنا اشوفه بالحلم .. و بصعوبة تخلصت من عقدة وفاته الله يرحمه
و بصعوبة تقبلت الامر هذا، لدرجة زميلتي كانت تقول ليه ماتقولي أبوي ( الله يرحمه ) .. زعلت منها لانها تقول ( الله يرحمه )
كنت أتكلم عنه كانه عايش لسى معنا ..

و دحين الاحداث تتكرر .. *

- معاك حق، امي ماتتحمل صوت الهوا ..

- سمعت كلامك و كلمت اختي، و نزلت قبل يومين بحجة انه زوجها نازل عشان يحضر مناسبة لصاحبه
و هي جات معاه مرة وحدة .. و حسيت الكل متفق انهم مايزعجوا امي باي شي يضايقها ..

- أخواتي اتفقوا انه اي وحدة تزور امي تترك أولادها عند التانية .. عشان كذا أنا كمان اذا خلصت
الاربعين ان شاء الله باروح لبيتي .. عشان ولدي الكبير امي صارت تتضايق من صوته و هو ماشاء الله
عليه يتكلم 24 ساعة و لو قلتي له اسكت ، يقولك ( ليش اسكت ؟ ) مايرضى يسكت أبدا

- *اما زوجي، فالصراحة .. انه زيادة معزته بداخلي زادت السنة هذه أضعاف مضاعفة .. وقف مع
امي وقفات الصراحة ماتتنسى .. وقفات تخليني افتخر بانه ابو أولادي ..
هو من زماااان يعز امي، و يوم انها بصحتها كانت دايم تطبخ له و ساعدته كثير بزواجنا و مواقف كثيرة
ماتتنسي لامي مع زوجي .. و دحين لزوجي مع امي ..

- خالتي بتجلس بس شهر .. و وجودها يريح امي كثييييييير و هذا الشي كفاية ..
لأني قلت لك، امي مرة تكابر و ماتبين ضعفها او دموعها لاحد .. بس مع أختها تاخد راحتها ..
و خالتي أنا حجزت لها و جبتها ( عشان أفرح أمي و عشان نفسيتها )..
بس هي خالتي ملقوفة حبتين، تدخل نفسها بكل شي .. و بدل ماتهدي امي علينا .. تشجعها :(
بس خلاص ماهمتني، تعمل اللي تعمله ..

- تعرفي ؟ كلامك نفس كلام زوجي ..
انه امي عشان متعودة علي، فتدلل علي .. و عشان عارفتني مابأزعل منها ..
يارب بس اكسب رضاها عني ..

- حاسة أعصابي بدات تتعب، و أخاف انفجر بيوم ..

سعيده بكلامك

حبيبتي امك في اي لحظه تموت وليس هي فقط كل انسان ياما ناي يصحتها تموت

لنتقبل الوضع

زوجك العمر كلو ان شاء الله على راسك يذكرني بوالدي

امك وان فارقكم الجسد فروحها فيكم موجوده بينكم في اطباعكم

ما في اجمل من الاخوه والتعاون فيما بينهم في هذا الظرف العصيب
هل تتخيلين نفسك لوحدك معها

لهم حق اخوتك انو يوقفو قرب امهم يشاركوكي وتشدو عضدكم ببعض

ابكي ولو قليلا شويه صغيره

ولكن الجميل وقت قرأت انك تستعيدي ذكريات ما كانت تفعله امك لك (نغير اسمك لدلوعة الماما)

وامك محتاجه لاختها مثل ما انتو الاخوات محتاجين لبعض

امرك لله فيما تفعله خالتك
ولكن حاليا ممنوع الكلام هدوء تام في المشفى فلتلزم الصمت

ثم يفكيك حبا فيها ان امك ترتاح لها وتثق فيها وتشكو لها ضعفها

رح تتقربي من خالتك كثيرا وتتمنى ان تسمعي صوتها بعد وفاة امك (الله يطول بعمرها ويشفيها)

لانك ستشمي رائحة امك فيها اختها وكانت امك تحبها

صحيح افعالها مزعجه انما من باب البر للوالده

اريدك ان ترضي بالامر الواقع لتخف وقع الصدمه عليكي

ما تمرين فيه صعب كثير ولكنه واقع مرير
وايماننا بالله واليوم االآخر وان لكل اجل كتاب

افرحي الله سبحانه رزقكك برها اواخر ايامها
انا مكانك لا ابكي بل اقبل يديها ولو ضربنتي وبعد وفاتها ستنامين مرتاحة البال سعيده نفسيا رافقتيها بكل لحظه فهنيا لك هنيئا لك هنيئا لك

خالة جرين .. تعرفي أني استحي ابوس امي لحد دحين ؟
يوم اخوي أتزوج قبل سنتين، امي رجعت من زواجه ووفجأة تبكي و تشهق من البكاء و اول مرة أشوفها تبكي كذا .. كأنه احد مات ؟
انا على طول حضنتها ، و قامت امي دفتني بقوة و شالت يدي ؟؟؟؟؟؟؟
هي تكره تبين دموعها عند اي شخص، او ضعفها او حاجتها لاحد ..

عشان كذا تقول، أتمني أموت دحين و لا اكبر و أعيش محتاجة لمساعدة اي أحد ..

- خالة جرين .. هي تعرف بمرضها، بس ماتدري انه خلاص بدأ ينتشر بجسمها و انه مافيش علاج ..

- و احمد ربي مليووووووووون مرة أني اجلت دراستي و بعثتي عشان اكون جنب امي ..
هذه السنة اغلبها أنا عند امي .. و زعلانة دحين لأني مابغى اتركها و ارجع بيتي بعد فترة الاربعين ؟؟؟

.
.

- خالة جرين .. بخصوص موضوع الولادة ..
فكرتيني بدكتور التخدير .. قال لي ( انت امك داعية لك و الله ) ..
قلت وقتها سبحاااااان الله ؟ لأني كنت فترة حملي اتعب و امي تناديني و اقوم اروح لها و أنا تعبانة ..
و كنت اقول بداخلي، يارب انت شايفني تعبانة و باقوم غصب عني عشانك و عشان امي ..
بس يارب خفف علي الم الولادة .. و الدكتور يوم قالي (؟انتي ترى امك داعية لك بقووووووة )
من جد فرحت بكلامه ..

مع أني ما أخبي عليك، حاسة أني مرة مقصرة معها ؟؟؟
يمكن لانها طول الوقت صايرة تشتمنا و تسبنا و تخاصم ؟؟؟

- عزيزتي خالة جرين .. صح أنا و أخواتي وقت الشدة قلوبنا وحدة ..
بس في داخلهم من زمان يشوفوا انه ( أمي تميزني عنهم ) ..
و يوم كنت حامل بالشهر الثالث، اختلفنا شوي بسبب الموضوع هذا ..
فعاهدت نفسي أني ما راح اطلب مساعدتهم لي بولادتي ..

هم شايفين انه امي تهتم فيا اكثر ؟؟؟ ماعرف ؟؟؟ فيتعاطفوا مع بعضهم اكثر ..
هم كذا يقولوا و يشوفوا .. بس امي زمان قالتلهم السبب .. إنها يوم كانت تخاصمني زمان
كنت اضحك و امزح معها، ما أزعل .. ( هذه وحدة من اسباب امي )

يعني ماقدر اطلب منهم مساعدة لي، باستثناء اختي الكبيرة و اللي حممت ولدي معاي .. لانها مرة
حنونة و تعرض دايم خدماتها علي ..

و فيا طبع، ما احب اطلب خدمة من احد لنفسي .. و احس نفسي قريبة من إخواني الأولاد اكثر ..
أخواتي البنات يبعدوا نفسهم عني، السبب ( أمي ) يقولوا انها أبدا ماتخاصمني مثل تخاصمهم ؟
مع أني ماني شايفة اللي هما شايفينه ؟ بالعكس .. احسها تخاصمني كثييييير .. ؟؟؟؟

-
حبوبه سلامي لزوجك وقولي له الخاله غرين تسلم عليك وتحبك تذكرها بوالدها

عمرو ما زعل حماتو وكان يركض لها والله ووقت مرضت نفس فعلك تمام
ترك امي معها بالغرفه ووقت يكون موجود يجلس هو ويطلب منها تروح تنام ساعه تترتاح فيها

وقولي له الاصيل اصيل وانك ما رح تنسى وقوفه بهذه المحنه العصيبه

راح اوصل له :)

خالة جرين ..

ترى اختي نزلت بس جلست يوم واحد و ما طولت .. اخوي عاتبها و قالها امي اذا شافتك نزلتي
بوسط الاسبوع ما راح يجي ببالها انك تفاولي عليها ؟؟؟ اختي قالتله ماقدرت أتحمل لحد الويك اند

اختي هذه مرة حنونة و كانها امي، لانها كانت تهتم بيا و أنا صغيرة :)
عشان كذا ساعدتني بولدي ^^

.
.

خالة جرين ..

ماقدر اطلب من اي أحد مساعدة .. و الموضوع هذا طويل لو أتكلم عنه ..

عيوني بتقفل، بانام شوي قبل لا يطلع الفجر

نوم العافيه وقت تكونيي محتاجه اكتبي