|
تساعد في حاله واحده فقط لو كان زوجها حالته الماديه ضعيفه او صعبه او عليه ديون ومحتاج مساعده
اما اذا كان حالته لابأس بها كل شي يكون عليه سواء خدامه او غيره والمفروض مايطلب منها شي الا اذا هي بادرت من نفسها مع احترامي لك ليه اخوك يسألك ؟؟ النوع هذا غالبا تكون شخصيتهم مهزوزه اللي بكل امور حياته الزوجيه يسأل اهله |
اقتباس:
نفس هذا الرد :22: |
ياشين البخل!!
أكره شي انك تعيش مع انسان يبخل عليك!!! وخل عنك انت وياه وش مهيب ملزومه لو ما جاب لها هدايا بداية الزواج كان طلعت فيه الف عيب بس هي لا لا ما يحتاج تجيب شيء هي غير ملزومه ودور لك اعذار للطبايع الشينه أشين طبع في الإنسان!!!!!!!!! الله يعين كل امرأة ابتلت بزوج بخيل ويعين كل رجل ابتلاه الله بامرأة بخيلة.. والله يعين كل بخيل على نفسه!!! همسة: كل ما قريت ردود العضوات ازداد حبي لزوجتي الكريمة الله يخليها لي :) |
يارجال قلها تخلي فلوسها لها منة الله ولا منة خلقه
|
اقتباس:
ولكن الا تعلمين ان لكل زمان ظروفه في الماضي اللي تطلق قبل تنتهي العده والرجال يخططون عليها ماتنتهي الا وثلاثه واللا اربعه ماتوا على باب بيتهم بسبب تقاتلهم عليها :25: اما الان تقطع بصل طيب دامك ترضين بالشرع اليوم ياخذها وبكرا يجيب ضرتها !!!!!!!!! فيه نظريه اقتصاديه اسمها نظرية العرض والطلب اذا زاد العرض وقل الطلب ينقص السعر وربما يصيب السلع الكساد الان البنات كثر التراب فمعناه ان الدلال راااااااح خلها تتمسك بزوجها احسن لها لو تدفع اللي وراها واللي قدامها المشكله العضوات بهالمنتدى زوجها اخذ صرافتها وكل يوم معطيها علقه وتجينا هنا تقول لا تعطينه شي ولو يمد يده اكسريها ؟؟؟؟؟ يعني بالله الرجال وش يعنيه ياخذ موظفه وهو ماهو مستفيد من راتبها ؟؟؟ اكيد يفكر انه يستفيد من قريب او بعيد فيه اشياء اذا سوتها الموظفه اقول وقتها زوجها ماله حق بريال واحد تسوي له فطور الصباح وتجهز العيال للمدارس تكون وظيفتها قريبة من البيت لو حب يرجع للبيت يبي شيء يحتاج تجهيز تستاذن وتطلع تخلص غرضه ولو كان من الناس اللي مايروق جوه الا الصباح ويبيها للفراش ماتقول لا مايمديني اغتسل واستشور واحط مكياج ولما يجي البيت يلقى غداء من يديها وتستقبله بكوب عصير وتكون اخذه دش ومتعطره ونفسيتها توووووووب وتسوي له بعدها برادي نعناع ينعنش والعصر تضبط له القهوة والشاي والحلى وتتقهوى معاه وبعدها تنظف البيت والمغرب تدرس العيال وبعد العشاء تضبط له ذيك الصينيه اللي تسيل اللعاب وبعدها تسهر معاه مو تقعد تحضر ولو اخذ اجازه تسهر معاه وتطنش دوامها في ذاك الوقت ماياخذ من راتبها شي :14: |
النفقة على الزوج موظفة ام ربة بيت شرعا
ولكن اذا حبت تساعد من باب المعروف يكون على رغبتها وليس الزمي |
اكثر الخلافات االزوجيه بسبب المال
وهذا الموضوع مثل غيره سيقفل من غير حل وستضارب الآراء ولن تصلو لحل اول ما ذكر في النكاح لمالها عينكم على المال وكم سيستفيد الرجل من زوجته رفقا بالقوارير ليش كذا فضلت بطاقتي الصراف مع زوجي 20 سنه يتصرف على كيفو ولا يعطيني منها شيئ ووقت استعدتها منه من سنه ماذا يفعل يحول حسابه لحساب ثاني حتى لا استطيع ان اسحب منه الاسبوع الماضي معه في المشفى ونسيت بطاقتي طلبت منه مال لآكل رفض ووقت طلبت بطاقته رفض ايضا مع اني وعدته ان اعيد له المبلغ كل وحده بطاقتها بجيبها وهو الرجل وهو القوام وهو من يجب ان يصرف او يعنس مثل باقي الفتايات معلش ردي قااااااااااااااااااااااسي ولكن من واقع الحياة الرسول صلى الله عليه وسلم امرنا ان :من ترضون خلقه ودينه فزوجوه واعتقد الرجل ذو الاخلاق الرفيعه لن ينظر لبطاقة صراف زوجته |
غريبة يا ليش كذا تقول عن رد التائه عيب
و ردك يعني ,,عداه العيب!! اقتباس:
أنا و انا ربة بيت مو كل يوم أسويه ,, ما ادري تنصحني ادفع لزوجي او ابيع ذهبي او كيف اعوض ,, البنات ملئ التراب هل هذا يعني انه كلما زاد العرض ((رخص قيمة الزوجة))!!! أحيانا احس ردودك تناسب توقيعك و أحيانا لا لماذا لما يجي موضوع الفلوس تدافع بدون أن تحدد ((((بطيب خاطرها)))) عن ((((الغصب)))) هل من الرجولة ان يغصب الزوج زوجته على الدفع ,, |
سبب بعض الموظفات أنها ماتساعد زوجها
أول شي خيانه الزوج أعرف كثير موظفات ساعدو أزواجهم في بناء عماره أو كذا والنتيجه يجيب لها العروس عند بيتها أو أنانيه الرجال يعني الرجال مايبين في وجهه في المعروف لو تطبخين له يديك مايشوف وأعرف مدرسه ساعدت زوجها في البيت ومعه عسله وأهي المدرسه والله قمه في الأخلاق قبل فتره صار لها خلاف معه وطلاقها بعدين رجعها ويقول لها بتزوج عليك تقول لا مستحيل يعني هالشي أخر ماتوقعت والنتيجه تزوج وأهي ضعيفه حتي عيال ماتجيب عشانه مهما كان الرجال أناني وهمه نفسه ويحب إلي تاخذ حقها بصرااحه أنا ماارغب في الوظيفه وأحب جلست البيت لكن الحياه وماطلبها ومغرياتها تخلي الوحده تبي تتوظف معروف الرجال مو علي كيفك يدفع لك وانا إنسانه مااأحب يجلس في نفسي شي ومن النوع المبذر وأحب أكرم نفسي علي قولتهم راس غير راسي مااعاش أتوظف عشاني مو عشان زوجي ماعلي منه هو ملزوم فيني وأنا تكرم مني أتوظف وماا اطلب منه وحتي لو تزوج علي غير الموظفه أكبر في نفسها أهي جالسه له في البيت ولا عندها دخل ووين تروح يعني مو مستقله ماديا عنه أما الموظفه لا بالطقاق خلاص يذلف مع زوجته وش علي منه أهو إلي باعني وأعيش لنفسي وعيالي والفلوس وعندي وأهي أهم شي |
من استعراضي للردود بعد يومين سيكون ردي بشيء من الحكمة والواقعية لاخي .
|
| الساعة الآن 12:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©