|
شوفي .. كلامك منطقي وواقعي جدا انا عن نفسي مقتنعة فيه من ناحيه الشرع .. صحيح هو مؤذٍ نفسيا وفيه ألم شديد للأنثى , بس صدقوني مو ألم قاتل مثل غيرة الرجل لكن انطلاقا من حكمة الشارع لإباحة التعدد وجعله الأصل في الزواج هنا ماعاد عندنا كلام .. لكن الزبدة وين المعديين العادلين ؟ انا لو اشوف رجل بمعنى كلمة رجل قادر وعادل ويعرف شرع الله وجميع حقوق ورغبات الزوجه ساعتها اسمح له يعدد مهما بلغ مني الحب مبلغه , ترى ربي هو خلق الأنثى وحط في قلبها غيرة ويعلم تماما ان غيرتها مهما كبرت ماراح تكون مثل غيرة الرجل .. عشان كذا حلل التعدد لهم وحكم لنا برجل واحد فقط ..:) داريه ان الحريم بيقبون علي بس ايش اسوي كل وحد وقناعاته :25: ولا تحسبونه سهل .. لكن مع الوقت يصير هين أمره ونتقبله ولا عشاني مطلقة بتقولون هذا رأيك .. لا أبدا بالعكس انا شفت جارتنا تحب زوجها وتموت فيه عمرها في بدايه الاربعينات معززها ومكرمها وخدم وحشم ومدلع عياله وأحسن مدراس اللهم لاحسد .. تقول لو زوجي يبغى عشر حريم أزوجه أبغى أهنيه مثل ما هناني بالدنيا وانا راضية عنه تمام الرضا > تتوقعون ذي من أي كوكب :25: من كوكبنا طبعا بس هي مخلوقة عرفت كيف تضبط عواطفها تبع الشرع وهاذي اللي تقول ما أتحمل ومدري وشهو > إبليس يلعب عليها ترى ما يذبح التعدد لو يذبح ربي ما حلله للرجال ... وبس |
اقتباس:
|
ياحبيبتي ماحلله لنا الا لان فيه اختلاط للانساب
ويُضيع عليها نسب ولدها ؛ لأنها مستودع تكوين النسل ، وتكوينه لا يجوز أن يكون من مياه عدد من الرجال وإلا ضاع نسب الولد ، وضاعت مسؤولية تربيته ، وتفككت الأسرة ، وانحلت روابط الأبوة مع الأولاد ، وليس هذا بجائز في الإسلام ، كما أنه ليس في مصلحة المرأة ، ولا الولد ولا المجتمع " ما اعتقد ربي محرم التعدد للمرأه بس عشان اختلاط الأنساب مو عاجز ربي عن خلقه وقادر انه يخلق لنا طريقه نعرف فيها فلان ولد فلان .. وحمه مثلا ولا اي حاجه جبت لك وحمه مثل بس , عشان تفهمين قصدي ,والدليل على كلامي : شوفي موضوع الخيانة لما الرجل يخون زوجته ..غالبيه النساء تصبر وتبلع الخيانة كالعلقم على أمل ان زوجها يعقل ويرجع لحضنها .. وفعلا بعضهم تلاقي ثمره صبرها زوجها يتوب لله ويرجع يحبها ويشكرها على صبرها لكن الرجل ..؟ تتوقعين بيتحمل ..!! نادر اقولك ناادر ويمكن مافيه احد يصبر على خيانة زوجته حتى لو كانت بس شات ولا مكالمات من غير جرم كبير ماعرفنا هو غيره ولا من ابليس اكيد ابليس يأجج مشاعر الغيرة عند الأنثى مافيه غيره خوينا:) بعض الحريم مايتحملون ويفضلون الطلاق ولا الزوجه الثانيه وانا منهم وتصير فعلا يعني مو بس كلام ومااعتقد نسيتي الحرمه اللي شبت النار في حفل زوجها على المعازيم ومات اللي مات بعض الغيره قاتله واذا انتي تتحملي غيرك مايتحمل هذيك يالله لا تبلانا بس ,اكبر اثبات ان ابليس مخاويها .. ولا بالله تحرق مجموعه بشر عشان ادمي واحد طيب تقتله هو وتريح عالمها منه ..! عرفتي ان ابليس له علاقه وثيقة والغيره انا معك انها قاتلة .. لكن للرجل مو للمرأه واكبردليل شوفي لما الاخ يشوف اخته تكلم شباب والاخت لما تكشف اخوها يكلم بنات مين غيرته أشد .. ومين ممكن يقتل ؟ الرجل واحد سواءا أخ أو زوج أو أب قارني وبتفهمين علي |
اقتباس:
والرجل في يده الطلاق في يده يتزوج متي أراد بعكس المرأة عزيزتي هناك نساء تتقبل زواج زوجها وهناك العكس وفي النهايه تقبل الناس ونفسياتهم تختلف من هالناحيه لكن لايختلف إثنين أن الرجال يتزوج جرح كبير لزوجته وفي الاخر تصبر مالها إلا الصبر الطلاق تشتت لها ولأطفالها وإلا الحقيقه والواقع مافيه حرمه توافق علي زواج زوجها ولا وحده توافق علي معدد إلا في حالة عدم توفر فرص أخرى غير المعدد |
اقتباس:
إذا ماغار عليها يكون ديوث |
لا انصح الشباب في هذه الايام بالزواج من اخرى
لانهم اكثرهم اصبحوا متحكم بهم من قبل ريموت كنترول متواجد بيد الزوجه ومن لم يحكم واحدة كيف له ان يكون لاثنتين حاكم |
حياك الله أختي الكريمة - في موضوعك تطالبين النساء بعدم الغيرة وبما لم يطالبهن به الله سبحانه وتعالى ونبيه صلى الله عليه وسلم من بعده حين راعى غيرة زوجاته .. - التعدد ليس مصباح سحري لكل المشاكل . - أوافقك أن هناك حملة تشويه على بعض قيم الدين , ولكن بنفس الوقت هناك تشويه من قبل الرجال والنساء أنفسهم تجاه التعدد ... - التعدد سيبقى شريعة الله شاء من شاء وأبى من أبى , والميدان مفتوح لمن يريد أن يرتاده وهو أهل له من الجنسين. - الزوجة الأولى ننصحها بالصبر اذا وقع عليها التعدد , ولا نلومها على غيرتها ولكن نلومها اذا تعدت للحد الذي يجعلها تطالب بما حرم الله تعالى .. - الزوج عليه أن يراعي زوجاته وحالة كل منهن ويهيئ كل واحدة لما هي مقبلة عليه وهذا يحتاج لرجل حكيم يتصف بمعاني الرجولة الحقيقية ... بالتوفيق |
اقتباس:
وقابلين وهم مع بعضهن مثل الأخوات ليش لانها عظمت حب الله والايمان بالقضاء والقدر في قلبها .. معك انه جرح لكن بسييييط صدقيني بسيط ما يقارن أبدا بجرح الرجل في حاله التعدد بالنسبه لزوجته بالعكس انا شفت بحياتي كثير بنات تتمنى معدد .. فيه موضوع بقوقل اقريه بعنوان حسنات الزواج من متزوج وشوفي الكلام اللي كاتبينه ..كل واحد وطريقته في التفكير ونوعيه حساباته مع نفسه :25: |
اقتباس:
عزيزتي بالنسبه لخوات وهالكلاك يعتمد بالدرجه الاولى علي الرجال أاما. جرح. بسيط ياليت تسألين زوجات المعددين راح تقول لك طعنه في القلب وممكن فيه من الخوات من تزوج عليها زوجها وتعرف شعور زوجت المعدد اما كثير هذا مبالغه جدا أنا بالنسبه لي ولكثير مثلي العنوسه ارحم.من المعدد |
اقتباس:
عانس او مطلقة او ارمله او متزوجة كلها اقدااار ...! ما تمنع ان نقول الحق .. سبحان الله الغيرة تجعل البعض يتعدى بالفاظه و يؤذي غيره ...! يكون لعلمك اني متزوجة و ما ذكرت هذا لأني ما تزوجت لميزه فيه أو كمال ونقصان بغيري لكن ارزاق من الله ، كما منحنا اياها قد يسلبها ولا نملك لأنفسنا نفعا ولا ضرا ... و الغبية من تلمز غيرها و تظن انها بلغت الكمال لانها متزوجة ولا يحق لغير المتزوجة الكلام ..! امثالك كثيييييير من اصحاب العقول القاصرة و القلوب الغير سليمة نسال الله العافية .. الحمدلله ان منحني قلب سليم خالي من الحسد و حب التملك ، متزوجة لكن ما يمنع ان اتمنى الخير لكل المسلمات والمسلمين والمجتمع الإسلامي عامة .. وان يسعد الله كل بنت كما اسعدنا .. تطمني الرزق ما هو بيدي ولا يدك و الله يهدي الجميع للحق .. |
| الساعة الآن 07:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©