|
معقوله حطيتي لولب بداية زواجك وانتي ما سبق حملتي و ولدتي !!!!!!
لو كنتي تدرسي و عندك شغل كان ممكن .. لكن عشان زوجك بالخارج وانتي معه !! أبدا مو سبب و صراحة صعبة جدا اجل ليش تزوجك و انتي بعد !! يعني عشان افراغ شهوة و تحصين بالخارج و خدمة له !! أنا ما ابغي اشيشك عليه لكن بجد شي غريب و مادري كيف وافقتي تتزوجيه اذا كنتي عارفة رغبته او يمكن ما صارحك فيها الا بعد الزواج و وافقتي ..! و لنفرض حسن نيته ليش الان خف اقباله بعد ما شلتي اللولب ؟!! من اهم مقاصد الزواج الذرية ...! من زمان و أنا عندي قناعة تتاكد يوم بعد يوم ان المطلق ما يصلح للزواج .. لانه مستحيل زوجة تترك زوج جيد و بعد الرجل المطلق رجل غير كفو لتحمل المسولية اعتذر لصراحتي لكن كل مواضيعك اشعر فيها انك ذات خلق و دين و مع هذا زوجك لا يقدر تمام التقدير .. و آناي تلتمسي له الف عذر وعذر ..! من حقك ان تنجبي أطفال و اذا اهمل و ما أخذ الموضوع بجد فلازم لك وقفه حازمة عمر المرأة قصير مو مثل الرجل .. |
امر اخر ما اعتقد ان عنده مسوليات تشغله عن الإنجاب ..
خاصة انه عنده بنات بس .. و كبار ..! لكنه اناني مع احترامي لك و يفكر بنفسه لا فيك .. اعتذر منك لكن سالفة اللولب عصبتني ^_^ |
شوجي هدي اعصابك ماهي بس اللي تحط لولب انا استخدمت اللولب بأول زواجي لاني فضلت تأجيل الحمل والحبوب ما ناسبتني مافيها شيء
اختي الغالية موهبة الكويت اسأل الله العظيم أن يرزقك ويرزقني وجميع الراغبات بالذرية الصالحة المباركة عندي وعندك خير ، عالأقل زوجك عندك مجابلك 24 ساعة ماشاء الله ولا قوة إلا بالله ، انا ما اشوف زوجي إلا مرة كل ثلاث اسابيع او كل اسبوعين ودائما سبحان الله يفوت موعد التبويض ، صارلي سنتين احاول الانجاب لكن ربي ما كتب كلي يقين وثقة برب العالمين، اذا قال للشيء كن سيكون ، وكل تأخيره فيها خيره لا تستعجلي حبيبتي ، جعل ربي يملأ بيتك اطفال اصحاء وبارين بك وبأبوهم |
اختي سيدة الموقف انا رحت الشهر اللي طاف حق الطبيبة وقالت لي ان حجم البويضة 22 ملم وان هي جاهزة الإخصاب واشتغلنا هذاك اليوم ويومين وراه وما ادري لي الحين بالنتيجة
اختي شوجي انا اللي قررت أني احط اللولب وبعدين انا حملت في زواجي الاول بس توفت طفلتي لا تحاتين اختج ربي يحفظج حبيبتي بنت ابوي الله يرزقنا واياج الذرية الصالحة |
انصحك بعدم التفكير فكثرة التفكير في الانجاب يؤخره عيشي ايامك واتوكلي على الله
|
:* ماعطتك أبرة تفجيرية...؟!! هذه بإذن الله تساعد على سرعة الحمل وتجهز البويضة للحمل وماشاء الله 22 حجمها مناسب جداً المفروض مسويه لها أبرة تفجير :* |
اقتباس:
:* ياعزيزتي: مدري إذا أنتِ متزوجة أو لا لكن أي وحدة تتزوج من الأفضل تأجيل الحمل في أول سنة حتى تتأكد من الرجل وهل هو أهل للمسؤولية أو لا والأخت ركبت لولب عادي الأمر يمكن الحبوب ماتناسبها كلنا ببداية زواجنا أستخدمنا موانع لمدة سنة الموانع لاتضر إذا أستخدمت مؤقتاً وتحت أشراف طبي الضرر إنجاب أطفال مباشرة ثم طلاق وتشتت أبرياء :* :* |
سيدة الموقف حبوبتي لا والله ما سوت لي ابره تفجيرية
وانا حطيت اللولب عشان اشوفه زين والا ما يستأهل خصوصا ان هذا ثاني زواج لي ومابي الخبط عمري معاه بالهرمونات و عفسة الحمل الله يكتب لنا كل خير |
موهبة الله يرحم بنتك و يعوضك ،، يعني انتي والده قبل كذا
و الاخت بنت ابي بعد ليش اللولب وانتم بكريات صعبة جدا اللولب يفضل انه يوضع بعد الولادة بعد ما تتوسع المنطقة ... و شوفي النتيجة الان تأخر حملك .. اختي سيدة .. التاكد من الزوج يكون قبل الزواج مو بعده .. و و جود الاطفال يزيد الألفة بين الزوجين .. ليش الوحدة تدخل الزواج وهي خائفة و متوجسه .. دان انها و اهلها متأكدين من الزوج قبل الزواج خلاص تتوكل علي ربها فكل شي بيده تعالي بعد ما سوت هي الأسباب من استخارة و سوال .. لو الله كاتب طلاق و تشتت ما ينفعنا حيطتنا .. و و الطلاق يحدث لو بعد عشرين سنة مو شرط اول سنة !! بجد اول مرة اعرف هالمعلومة منكم !! و صراحة استهجنتها و اعتبرتها شي ما يصير .. بس كل شخص له قناعته .. و شوفي خواتنا هنا ركبوا لولب و الله ما راد لهم يحملوا حتي بعد ما نزلوه يعني الامر اولا وأخيرا بيد الله تعالي ... |
اقتباس:
شوجي كيف الوحدة تتاكد من زوحها قبل الزواج ؟؟؟؟ في عوائل ماتسمح لبنتهم المملكة حتى بمحادثته .., و في عوائل ماتسمح بملكة اكثر من شهرين او 3 .. باللله ايش بتعرف فيهم وفي صفاات سبحان الله ما تنعرف الا بعد معاشرة الزوج تحت سقف واحد و ياكم شفنا من قصص هنا معانا بالمنتدى .. بعد ماتزوجته عرفت بلااااويه و الي حظها كويس تكتشف قبل ما تنجب فا تطلق و انتهينا لكن لما يكون في اطفال هنا النكسة ... اما انها تسكت على بلاوي زوجها بس عشان اطفالها وعاد ياليتهم يتربوا بجو اسري صحي .. برضو يطلعوا معقدين او انها تتطلق و ماتدري وين تروح فيهم .. و بالنهاية زوجها ياخذهم و يحرق قلبها عليهم ... احسن شي تسويه الوحدة .. مانع اول سنة و تشوف حياتها و زوجها و بعدين تنجب اطفال ... اما حكاية العقم بعد المانع فاهذه بيد الله مافي اي دليل انه الموانع تجيب العقم .. بنات تزوجو و ماعملوا شي و سبحان الله ربي ماكتب لهم انجاب و بنات تزوجو و عملوا موانع من اول سنة و بعد ماشاالوها انجبوا ولي شخصيا صديقتين قبل الزواج سوو ابرة اليد الهرمونية و اول ماشالوها بعد سنة ماشاء الله حملوا هذا رزق من الله ماحد يدري متي يجي .. اخيرا .. المهم يكون الزوجين متفقين على الانجاب او على تاجيله |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©