|
نجوودها يقولو اخرها اطيبها يابنت :)
احسن انهم مارجعوا .. هذا خيييير لك انتي ... حبيبتي احسن لك تقعدي ببيت ابوك معززة مكرمة احسن ماواحد منهم يرجع و ياخذك ويوريك الويل و يرجعك مطلقة بعيييييييد الشر ... كل ماراح خاطب ... قولي بينك و بين نفسك اللهم لك الحمد شر و انزاح و اتخيليه شريييييير :) عيشي حياتك حبيبتي و خاصة انه تشتغلي يعني عندك مايلهيك الحمدلله وصدقيييني بكرة نصييبك جاااااااي و تنتدمي انك ما استمتعي بهذا الايام عندي اخت لسه ما اتزوجت .. وماشاء الله عليها قمة في النشاط مو مخليه مكان ماراحته :) هي و صاحباتها طلعات تمشيات و شغل وكل يوم بنيو لوك جديد قصات .. صبغات ,, ملابس .. ومو مخليه بنفسها شي و اذا قلت لها يابنت اجلسي مكاانك ... اكبري .. اهجدي . قاالت يوووه بكرة بيجي ابو الشباب و يمنعني من الطلعات و الصاحبات و قص الشعر:) خليني استمتع و اخرج كل طاقاتي الحيين :) فا بحول لك نصيحتها :) .. استمتعي بوووقتك يابنت بكرة بيجي الزوج وكل شي يصير ممنوع ختى العبادات كثري فيها من الحين ... بكرة بتنشغلي مع الاطفال و الواع و الويع و حتى صلاااتك تلاقي نفسك تسهي فيها .. :( الله يسامحنا بس اخييير ياحلوة ... كل شي داخل يبين على الوجه .. اذا كنتي مبسووطة و فرفوشة من داخلك بينعكس على وجهك و تلاقي القبول عند بقية الناس اذا كان داخلك متحطم و كئييب فا برضو بينعكس على وجهك و هذا ينفر منك الناس فالانسان منا يبحث عن الشخص المتفاءل المليء بالحياة و السعادة مو العكس ,, فهممممتي قصدي.. قوومي صلي ركعتين لله و اقراي سورة البقرة و استغفري بترتتااااحي باذن الله و بعدها تعالي ارقعينا موضوع بعالم المراة عن تغيير اللوك و اقبلي للخاطب الجديد بروح جديدة و مرحة و باذن الله خيير لو تم النصيب الحمدلله و كلنا معزومات .. ولو راح .. ستيي مع الف سلامة و القلب داعي له و زي ماقلت لك قولي شر و انزااااح وابدا لاا تفكري عجبته و لا لا .. ارتاح لي و لالا .. بل اشغلي نفسك بشعورك انتي .. ركزي بنفسك هل ارتحتي له ... وربي يكتب لك الخييير يارب |
يا بنت الحلال لاتوجعي راسك بالنكد والدموع
كل شيء بالدنيا قسمة ونصيب وانا فاهمه عليكي والله .. عشمتي نفسك بهالخاطب وعقلك صار يوجي ويجيب لو انك خطبتيه شو راح تعملي .. نصيحه اختي الك ... لما يجيكي خطاب حطي في بالك انه ممكن ما يحصل نصيب وممكن يحصل يعني وزنيها بعقلك .. حتى لو راح ومارجع ما يكون فيه زعل تقبلي اراء الناس بكل رحابه صدر ... ولا تزعلي ولا تنهمي ... يمكن الله سبحانه كاتبلك نصيب احسن منهم بس انتي توكلي على الله ... وخليكي دائما قويه ... وانا عن نفسي راح ادعيلك بالزوج الصالح الي يستاهلك عن قريب .. ان شاء الله ملاحظه : لاتكرري كلمه شينه انتي زينه واحلاهم بعد |
يا اختي من رضي فله الرضا
و من سخط فله السخط ... مع احترامي لك اختي ذوق بس أحسك زودتيها بقوة بعد هذي اقدار الله تعالي اللي هو ارحم بك منا .. و اعلم بك منا .. و اقدر منا .. جايه تشتكي لنا نحن الضعفاء اللذين لا نملك لك رزق و لا حول و لا قوة .. اسمحيلي اختي ما راح نسمع منك مرة ثانية و لا راح نعيد عليك كلام قلناه لك مليووون مرة .. فان رضيتي لنفسك الشكوي من الله فنحن ما نرضي ان نسمع في الله شكوي لأننا عندنا يقين ان الله لا يظلم مثقال ذرة ... انتي لا تجني الا علي نفسك ....... ! و تسخطك لن يقدم لك نفع بل قد يرد عنك رزق بسبب ذنبه .. تعوذي من الشيطان فأنتي بنعمه و أشكي لله لا تشكي منه .. |
اقتباس:
مو لازم أمدح نفسي وأزكيها وأقول عن عباداتي !!!... هالشئ لايرتضيه أي مؤمن .. وأنا قلت من الأول اللي عنده رد جارح وقاسي يقوله المساحة للجميييييييييييييييييع وأنتي متزوجة فعادي جدا يكون هذا ردك .. :d اللي أصابعه بالنار مو زي اللي أصابعه بالماء .. حسيت إنك راكبة مدرعة ومعك صواريخ ليش تنافخين ههههههههههه بالراحة ياقلبي الردود تجي بالراااحة.. موب وحدة معصبة من رجلها وعيالها تجي تحط حرتها بذا !! تكلمتي عن كل شئ ونسيتي المحور الأساسي اللي هو الخاطب الجديد أشوفك ماعلقتي !! وماطلبت منك تجين تردين الله يغنيني عن مثل هالردود اللي تدخل بقلوب الناس وتشكك بإيمانها .. شكرا أختي على هالرد وردودك تعكس شخصيتك ... حتى لو كنتي خلف نك مستعار لكن الله يراك وترى الدين المعاملة !!.. |
ذوق حبيبتي انت ما استخرتي لما تقدم لك ؟ خلاص اذاً رحيلهم خيرة لك , والله ما تدرين يمكن ربي عرف انك ما راح ترفضينهم وهم سيئين فصرفهم هم عنكِ لخير لك .. ألسنا نقول في الاستخارة اللهم وان كان زواجي من فلان شرا لي فاصرفه عني واصرفني عنه .. خلاص يا حبيبتي الله صرفه عنكِ بدعائك ... وياذوق حققي الاستخارة بمعناها الكامل لاننا بآخرها نقول : واقدر لي الخير حيثما كنت ثم ارضني به يارب العالمين .. فارضي يا غلاتي ارضي توك صغيرة فالآن يلا قومي ومسحي دموعك وروحي على أقرب مشغل نظفي بشرتك تنظيف خفيف , وشيلي الشعر الزائد في الوجه , واعملي ايديك ورجولك وتدللي وتدلعي واحمدي الله يا قلبي وتجهزي للخاطب الجديد وأرجوك تأني قبل ماتخلينه يشوفك واسئلي عنهم زين زين , أنا سبق وتقدموا لي رجال ما شافوني الا اثنين , مع ان البقية يبون يشوفون ومتحمسين بس انا ما أرضى بالشوفة الا بعد ما اقتنع فيه تماما تماما بدون استعجال ووبركادة صدقيني والله العظيم انه خيرة لك وستعلمين بعد حين يا قلبي |
إقرأي عبارتي بتمعن وتفكير بليييييييييييييييييز
عندما تتساقط اوراق الشجرفي فصل الخريف ..... ماذا ننتظر .......ننتظر نموها في فصل الربيع |
الذوووق النجدي يلآآآ ياعسسسل
قومي الحين واقرأي سورة عشــآن تريحي قلبك و إحنـــآ معآكٍ ندعي لك كمآن (= ورحي عند جدتك خليهــآ تدعي لك دعوتين حلووين أنتِ فرفوووششة ومرحه مع عقل وآضح من ردودك بس الموضوع هآذا كتبتيه في وقت كنت متضآيقة فيه وإلا أنت اصلا مو كذا. كلنآ تمر علينــآ هالفترة نوصل آخر درجة من النررفزة يلآ حبيبتي روحي اكشخي و جهزي لبسسك ورآضي قلبك مآيستاهل يلقى منك إلا الرضآ والخير الله يسسعدك بحيآـك (= |
ياحبي لك ياطيبه
تبين الصراحه والله معاك حق الرجال خطبك تقولي مرتين اكيد اذا رفض بتنصدمين والله مريت بحالتك مره وجلست اطالع بنفسي فيني شي ناقص فيني وفيني طالعي بنفسك بالمرايه وابتسمي بقوه :D بس مالي دخل اذا تداخلتي (A) صدقيني انتي توك صغييره الحين العمر يمشي بسرعه الشهر يمر كأنه يوم لاتستغريبن اذا بكره صار عمرك 30 << استهبل :D مره قريت حكمه مدري وين المهم انها تقول من استعجل رزقه عاقبه الله بتأخيره الحكمه زي كذا فيه قانون الجذب اكتبي بقوقل وشوفيه وحطي حيلك الحين بدراستك وبشريني بالماجستير والكتوراه :) الله يصلحك حالك يارب ويرزقك على قد نيتك |
الله يوفقك ياأختي فيه وحده 14 مرة يشوفونها الخطاب ثم يرحون وقرأت الرقية وتزوجت بفضل الله
وأنا انخطبت أكثر من 20 مرة ولافيه شوفه ولا يتم الزواج وكل أمر المؤمن له خير |
اعرف بنات كثير تم فسخ عقودهم لأسباب تافهه
فانتي احمدي ربك انك لسى ما تملك عليك احد وفسخ عقدك والله سبحانه وتعالى ان شاء الله كاتب لك الشي الأحسن سبحان الله المسلم كل أمره خير |
| الساعة الآن 06:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©