بالنسبة لصديقتك يمكن البلاء باخوها
وصعبة البنت تمثل سنة
بالنسبة لبقية الكلام اوافقك الراي في بعض النقاط

يالذوق والله الاهل ماعندهم سالفة بصراحة ابدا اللي يحبونه يوافقون علية وغيرة لا طيب مافي مراعاة للبنت اللي بتتزوج مافي اخذ رايها؟؟؟ وش نقول عاد خليها مستورة

جريئه بقوه لو قالت بنتي او اختي انا ابي فلان قصيت لسانها
ماباقي إلا تروح تزوجه بدون علمي بعد :(

اخوي وش فيها طيب؟؟؟؟ هي راحت سوت حرااام؟؟؟؟ والله المشكلة في العقول المتحجرة اي اقول انا ابغا اتزوج فلان وادخل في عينهم بعد الساكت عن الحق شيطان اخرس مابقا الا يمشونا على كيفهم وبالاخير احنا اللي ناكلها
استغفر الله ياااربي

وانا اقراء موضوعك خطرت على بالي هالاغنيه
حسيت نتاسبك

شباكك مطفي يا يما وقيلبك مطفي
وشلون ابين بالعاتم بس اجا ولفي
تقولي بس اكبر يا يما تقولي بس اكبر
عيوني تلم الليل تقولي بس اكبر
وقعد و انطر ليلي ياه
وقعد و انطر ليلي ياه
اسمر يدق الباب وبالغمزة يشفي

وان شاء الله ربي يرزقكم ويوفقكم ويحقق امانيكم يارب

والله اعرف بنات اعمارهم على 14 و 15 هم اللي جابوا العرسان الانفسهم :27:
لا تقولون حلوات ومادري ايش؟؟؟ ترا البنات عاديات واقل بعد :23:
العرسان عيال عز وربي
المشكله ان كل وحده فيهن تتنقا تختار من تبي يكون زوجها :25:

اختي الفاضله المسأله ماهي مسألة حلال او حرام المسأله مسألة حياء
اين حياء البنت من أبيها واهلها
هل هذا معقول ان تقول الفتاه لأبيها انا احب فلان واريد ان اتزوجه اسألك بالله هذا الأمر امر عادي لدى المسلمين المحافظين ؟

سألتيني وش فيها وسأخبرك بما اعرف

الا يخطر في بال الأهل المسلمين الشرفاء والأب المسلم الغيور على محارمه وعوراته
من اين اتى هذا الحب الذي وصل لحد الزواج ؟ مابينها وبين هذا الرجل ؟ كيف حبته ؟
كيف عرفته ؟ ماذا تعرف عنه ؟ كيف وصلت إليه ؟ كيف تجرأت وقالت كذا ؟ من هو هذا الرجل ؟
والمصيبه الكبرى إذا كان من تريد رجلا" سافل لادين ولا خلق


والله ياأختي إنها عقول نيره والمسلم العاقل الواعي يعرف هذا الشي وانا اريد منك ان تجري مقارنه بنفسك بين الزواج سابقا والزواج حاليا
من ناحية فسخ الخطوبه والطلاق والتشتت الأسري إذا ماكان الزمن السابق زمن العقول المتحجره على قولتك
اقل نسبه ماأكون ابو شنان

هذي قووووويه وانا بصراحه ماأعرف اجوائكم الأسريه
وانا كما قلت لك لو قالت بنتي او اختي انا احب فلان واريد ان اتزوجه قصيت لسانها وين عايشين احنا
بأوربا
الي اعرفه انه اذا تقدم احد لأبنتي او لأختي اسأل بنفسي عن الرجال سواء قريب او بعيد بعدين اشاور اختي
اذا وافقت الحمد لله ماوافقت احاول اعرف الأسباب اذا العذر كبير قبلته واذا كان غير ذلك احاول اقنعها بالرجل
وابين لها دينه واخلاقه وصفاته لأنها لاتعرفه

يعني انتي مو واثقه من أهلك ؟ انا الي اعرفه ان الأهل عمرهم مايغشوا بناتهم
ياأختي الفاضله اذا تقدم لك رجل ترين ان به عيب ولاترغبين الإرتباط به تكلمي قولي لا اريده اطرحي اسباب رفضك
قولي هذا به كذا وكذا تكلمي لا تسكتين ابدا اطرحي اعذارك على والدك واخوانك هذا من حقك
وتأكدي ان كان عذرك كبير سيقبلونه اما اذا كان رفضك قل معرفه منك او استعباط والرجل ذو دين وخلق ومافيه أي سبب للرفض والله ان عليك وعلى اهلك ذنب إذا رفضتوه
حيث قال رسول الله صلى الله عليه وسلم ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض .......... إلى آخر الحديث )

وفقني ووفقك الله

سبحان الله !
أنت قريت القصص اللي قالتها الأخت في أول الموضوع ؟! أنت عايش معنا في مجتمعنا ؟!
أنت تدري أنه في هذا المجتمع الظالم في أهالي يعضلون بناتهم لأسباب تافهة أو بدون أسباب ؟!
كيف تثق في مثل هالأهالي ؟!
مع احترامي لأهالينا ، بس في هذا الموضوع الواقع الاستقراء أثبت ظلمهم في هذا الشيء ..

قريبة لي رفضت كل من تقدم لبنتها عشان تبي تزوجها لولد اختها وولد اختها ما يبيها ، والبنت بعد ما تبيه !
والحين البنت بتوصل الثلاثين وهي ما تزوجت مع كثر من يتقدم لها ولسبب سقيم ، وتقول يثقون في اهاليهم ؟!
غير اللي ما يزوجون بناتهم عشان رواتبهم ، واللي يقولون ما في أحد كفؤ لها ، واللي يقول مب من مواخيذنا ، ويا كثر خرابيطهم ، والقصص كثيرة ..

والبنت تبي تتزوج ، وبالعكس حرصها على الزواج يدل على صلاحها ورجاحة عقلها ، فمن حقها تحاج أهلها وتجادل أمها وتقول لها لا تردين أحد وتقول لأبوها ما أسامحك إذا رديت أحد ، ومن حقها أنها ترفع على أبوها دعوى وتحول الولاية لغيره !!

تبيها تجامل أهلها وتقعد وحيدة عشان يقولون انها تستحي ؟
الله يقلع هذا الحيا اللي بيعيشها في كآبة ويضيعها !!