|
اعانك الله على مابتلاك ..
حاولت معه بكل ما اوتيت من جهد ولم يفلح معه الامر.. اؤيد وبقوه راي الاخ جود الحزن.. فزوجك يحتاج الى هزه عنيفه تفيقه من غفلته.. اسال الله لكم الصلاح... |
اقتباس:
ليس لديه مشكلة أذهب لكن أنا لا أود أن أحمل أب الغالي ويقول روحي ثلاث أشهر وبعدها راح ننفصل لكن لا أثق بوعده فقبل عيد رمضان وعدني بهذا وبعد العيد بأسبوع موعد وعده لي جاب لنفسه أعذار وتراجع ليس له قرار و لا كلمة متناقض وأخوه تركت زوجته ثلاث سنوات معلقة وتزوج عليها وهي حامل إلى أن ذهبت للمحكمة لكن لن أتركـ له فرصة لعمل ذلكـ ولا أعلمـ مالذي يمنعه من الانفصال الودي ؟ لا أقول إلا حسبي الله ونعمـ الوكيل |
من اي نوع من البشر زوجك؟؟ تخيلت نفسي مكانك ولم استحمل هذا الكلام ونزلت دموعي واحس اني مرضت..لهذي الدرجه فيه ناس جاهله ,,قمة الخيانه والاهانه..:19: يجي لك وهو متخيلك وحده ثانيه.. القرار قرارك....وعلى حسب تحملك لكلامه المييت على حد وصفك.. لكن حطيت نفسي مكانك وكان قراري الاكيد فرقاه لو يبي مليون,, ولا مرض قلبي وتعب نفسيتي,,مااتحمل الله لايبلاني,, للاسف اخوات زوجك جدا سخيفات وتافهات ومايستحون,,,انا اول مره اسمع انه فيه اخوات يتزينون ويطلبون من اخوهم يشوفهم او هو يطلب منهم ,,يوم كنت في بيت اهلي وبروح مناسبه ومتزينه مستحيل اخلي اخوي يشوفني واكلمه من ورا الباب...هذا الشي محد علمني ياه لاامي ولا ابوي من نفسي اعرف انه غلط,,,الله ماشفناه بالعقل عرفناه...والحركه هذي الي يسويها معناه متعمد وقاصد انه يشوف واخواته بعد قاصدين ومبسوطين انه يشوفهم.. بصراحه مااظن زوجك يخشع في صلاته يمكن يأديها كواجب وبس ومتعود انه ياديها و لايغرك بهاالشي ..معروف الصلاه تنهى عن المنكر بشرط يكون خاشع فيها.. اما الي يأديها بدون خشوع ماتعتبر صلاه له حتى لوكان امام مسجد.. |
ياختي لا تخربي بيتك بأيدك ...
موضوعك بسيط جدا و ما يستأهل طلاق أبدا ... انتي من كلامك اتضح انك غيورة و جدا ... متدينه بشكل تعتقدي ان الجميع لابد يكونوا مثلك او انهم غلطانين .. ما عندك خبرة بالحياة الزوجية و فهم نفسية زوجك .. زوجك من بيئة غير عن بييتك و ما يعني هذا انه لازم يتغير و يكون مثلك .. حاولي تفهميه و تتقربي منه بطريق يحبه هو و يبدو ان زوجك نفطة ضعفه الجنس .. لا تكثري من انتقاد اهله و امه و اخواته هذولا مهما كان اهله اهللللله ... و نقطة أيضاً ، انتي بعد قلتي له تخيل ان الحريم يلبسون كذا في الزواجات ..! و تكلمتي عن اختة انها وصلت الاربعين و ما تزوجت .. و قلتي امه عطتك عين ... اختي انتبهي من هذا الكلام و احترمي اهله قدامه و لا تحاولي تخلقي فجوات بينكم زوريهم بحدود المعقول و خلي علاقتك بحدود المعقول.. و تري عادي جدا انه يشوف خواته باللبس و الزينة و غيره إحنا كنا نرشح احلي لبس بينا و إخواني هم اللي يرشحون و كنت أنا ارشح أكشخ واحد من إخواني و نشاور بعض بالملابس و الأناقة و كان شي ممتع لنا كل عيد و مناسبة بس انتي غيورة زيادة .. ادخلي معهم و قولي أنا احلي بمزح و ضحك بدل الانتقاد و النكد .. ما فيه انسان كامل أبدا و اغلب الرجال يطالعون الحريم لكن بعضهم بس يصرح .. كوني واثقة من نفسك و ما عليك من نظراته و كلامه .. و ابسطي نفسك بدل النكد و المحاولة لتغيير طبع زوجك .. واذا تطلقتي هل راح تتزوجي رجل كامل ؟!!! |
اقتباس:
أنا بالفعل أموت موت بطئ لو استمريت معه أما صلاته لا أعلمـ عنه فالله حسيبه فيها فهو خطيب جمعة وأما أخواته ما أقول إلا حسبي الله ونعم الوكيل لكن كيف أخرج نفسي من هالموضوع كيف سأشرح لوالدي هذه الأمور التي أستحي أن أتطرق لذرة منها مع إنه بكل بجاحة هو برجلينه رايح له يقوله خاصة على الوصف علباله إن أبي الغالي بيجبرني عليه وهو جاني يركض يقول أبوكـ يضحكـ عليكـ طبعا والدي الله يرفع قدره جاني وسمع مني بس ما عطيته كل شئ ووصاني بتجديد حياتي ووووو وطبقت ما قاله و للأسف فهمها اعتذار مع إني أوضح له بالنقاش استيائي بس ما يأخذ كلامي محمل الجد مدري وش يعتبرني؟ حساسية وغيورة ومالكـ دخل أهمـ شئ أستعملكـ وأعطيكـ حاجاتكـ صرت جارية مو شريكة حياة هو مشكلته مستحقرني و متكيثر نفسه علي ويبي غيري وما حصل له وما عالج هالأمر ومو عارف حاجات الزوجة الحقيقية وأهم شئ عنده المظهر الاجتماعي جزاكـ الله خيرا على مروركـ ووفقكـ لرضاه |
ياعمري مو بشرط تقولين لوالدك كل شي بالتفصيل...
كلمة ماني مرتاحه معه..وكلمة انا تعبانه معه,,وكلمة انا مش سعيده معه...الا تكفي؟؟ اعتقد تكفي ووالدك راح يفهم. .السالفه مو سالفة نظر للنساء وبس ,,انتي لو تسلمين من لسانه وكلامه السئ ماكان وصل الامر لهذا الطريق..انا عرفت الان ان الحياه الزوجيه مستحيل تمشي بدون احترام.. والي يقلك هل ستجدين رجل كامل بعد الطلاق؟؟ قوليله الارزاق بيد الله,,,وان بعد العسر يسر..والطيبون للطيبات والخبيثون للخبيثات....انتي طيبه واكيد ربي بيرزقك واحد يستاهلك ويثمنك ويحترمك,,لاتستبعدين لان كثير تزوجوا زواج ثاني وكان ناجح من جميع النواحي.. لاتفقدين الثقه في نفسك انتي رائعه لكن زوجك هو السئ واسلوبه هذا ليس لنقص فيك لو كان فيك نقص ماكان تقدم للزواج منك.. ..اسلوبه معك ولسانه ونظراته للنساء نابع من طبعه الخبيث ,,وانتي كامله والكمال لله |
اقتباس:
الله يهديك بس وين تبسط نفسها ,,انتي منتي حاسه بشي ,,, تخيلي زوجك يوصف لك الايرانيات عاد انتي عارفه كيف الايرانيات...تخيلي يقلك انا اذا عجبتني وحده واحتجتها اجي لك يعني يجامعك وهو ماهو يمك يتخيلك هذيك الي شافها والا الي سمع عنها...هذا اسوأ شي ان زوجك يتخيلك وحده ثانيه:..آآخخخخخ بس :29:تخيلي يتغزل في طفله صغيره ويشتهيها امامك...حتى الكافر مايسوي مع زوجته سواته .. تخيلي وتخيلي ..حطي نفسك مكانها..انا انصح اي احد يجي رد يحط نفسه مكان صاحب المشكله عشان يكون شوي منطقي في رده.. ..اقسم بلله انك ماراح تتحملين,,انتي انثى والانثى ماتتحمل زي كذا.انا مره زوجي قالي بنت خالتك تشبهلك..<<بغيت اموت>> ولين اليوم وانا مقهوره<<كيف عرف انها تشبهلي؟؟؟لانه يذكرها وهي صغيره... هذا وهو قال تشبهلي احس اني تعبت اجل كيف لو قال شي ثاني.. ومافي شي اسمه طالع من بيئه وطالع من تربيه...الله كمل الانسان بالعقل واعتقد زوجها كبير وعنده عقل ويعرف الصح من الغلط وغير كذا دينه...وين دينه ليش مايردعه الدين؟؟؟اعتقد مافي رادع اقوى من الدين والله حتى لو الواحد متربي مع يهود مستحيل يتأثر فيهم ان كان مسلم يخاف ربه |
اقتباس:
خير وبركة وإن كنت لن أسعده و لن يسعدني فلم البقاء |
اقتباس:
أنا وصلت الثلاثين الآن وزوجي أكبر ب3 سنوات والمشكلة أننا كلنا محسوبين على أهل الدين بل ملتزمين وأهله كذلكـ وهو خريج شريعة أسأل الله أن يكتب لنا الخير حيث كان |
اقتباس:
لو لمـ أحس أنني لن أسعده ووالدي الغالي إذا قلت له هكذا ماذا بيده ؟ ومسألة أنني كاملة وما أدري إيش ؟ ما أقول إلا الله يخلف علي ويهدين ما أدعي الكمال لكن إذا تذكرت مشاعري و نقائي وإخلاصي له ازداد جرحي ونزف فؤادي فربي سبحانه وعد في كتابه ( يغن الله كلا من سعته ) |
| الساعة الآن 08:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
