|
صباح الخيرات يالفردوس ..
يالله مشتاآآآآقين لمواقفك ..ونسينـا فيها .. |
باك ..
شقردية احسك انك من جيلي اوتجراف اجل هههههه حنا يا حقين جدة دلع شوي نسميه استجراف هههههههههه اكتب لكي بالمقلوب علامة الحب في القلوب اكتب لكي في السماء علامة النقاء ولا ذيك الثانية حقت نظرت الي السماء فوجدتها صافية ونظرت الي النجوم فوجدتها عالية ونظرت الي حبيبتي ( فلانة ) اسمها فوجدتها غالية ههههه تدرون انا دايم احن للماضي واطالع صورنا القديمة واحث امي تهرج لي عن زمنهم لين طفشت مني أخواتي كرهوني كل شي ذكريات هههههههههه لدرجة حافظين كل مواقفي وانا ورعه ،، طبعا انا ووجهي المليح مواقفي ششي لو احكيكم تموتون ضحكك ابي أبدا باول موقف وهو سبب تعاسة حظي ههههههههه زمان وانا صغار بالابتدائي طبعا لازم هدايا النجاح وانا أخواتي كنا خمسة ابوي ماشالله دمه خفيف وراعي نكت ف جمعنا وقال شوفو المرة هاذي ماني معطيكم هدايا زي كل سنة ابي أهديكم شي مميز عندي فكرة لازم كلكم تكونون موافقين عليها و الفكرة عبارة عن قرعة .. يجيب خمسة ظروف ويحط في كل ظرف مبلغ مالي وكل وحدة تسحب وهي وحظها وش يطلع معها موافقين قلنا تم .. طبعا الفلوس متفاوتة وهذا سر التميز خخخخ الظرف الاول فيه مية ريال والثاني فيه خمسين والثالث فيه عشرة والرابع خمسة والأخير فيه ريال خمس ظروف علي عددنا بدا باختي الكبيرة سحبت اول ظرف طلع لها 100 ريال عصبنا وزعلنا هههههههه قال ابويه هااه شرط محد يزعل وين الاتفاق .. جت الثانية سحبت طلع لها العشرة رضيت علي مضض ههههههههههه جا دوري انا الثالثة سحبت وطلع لي الريال هههههههههههههههه جلست اصرخ وابكي واخرب الظروف بيدي مالي شغل تعيدونها وانواع الاعتراضات بس ما عندك احد ابويه من كثر ما ضحك عيونه دمعت ههههههههههههه وامي جنبي تهديني تقول بعوضك بعطيك غيرها ما عليك وانا حالفة الا تعيدونها قال ابوي مااااافيه انتي بديتي وانتي راضيه وش عندك تعترضي الحين قال اصبري اصبري لين تخلص الظروف نكمل قلت خلاص يبوي غلقت اللعبة انا معي ريال بنات خالاتي وعماني كلهم هدايا وألعاب وانا ريال والله ماعاد اذاكر وماعاد انجح ههههههههههه آآآه ليت الطفولة تعود يوما فأخبرها بما فعل الشباب ........ كلامكم حلو هنا مررررة كله حنين لأيام يسعد الخاطر بطاريها تذكرت حاجات كثيير تذكرت عيال الحارة اللي كنا فيها وجيرانا والألعاب النارية في رمضان ... قسم بالله كنا جن مو بزران ههههههههه توي وانا اكتب تذكرت موقف هههههههههههه مرة كنا انا وبنات جيرانا فينا شقاوة ومتعلمين النذالة من العيال متجمعين ي البنات ونولع جرايد جنب البقاله جنب بيوتنا المهم ولعنا نار كبييرة يعني كل وحدة جابت المجلات والجرائد حقتهم وجبناها و حرقناها بنص الطريق واذا جا اي احد متعدي يشتري من البقالة نضحك عليه نسوي قدامه اننا عباد النار و نصلي قدامها شوفو التفكير بس كنا نتابع افلام هندية كثيير المهم تعدا واحد مصري شافنا وحنا هاتك يا خشوع هههههههههههههههه قام يتكلم علينا واستغفر الله العظيم انتو ابهاتكم فين إيه دا دا حرام ما يصحش وحنا نقول لا تعلم علينا أبونا ترا محد يدري هههههههههه وكذب بعد جا وطفا إلنار علينا و فرقنا وقال والله لأقول لعمك يقصدني انا خفت مررررة لان عمي ذاك ما يلعب ما عنده غير الباكورة ههههههههه شردت وجلست اسبوع بالبيت ما اطلع خخخخخخخخ من الذلة والذاكرة تعج بالمغامرات ... لي باك اخر في حين تذكرت شي اخر عيوني لك شعبيه ههههههه الله يحبب فينا خلقه مثلك |
الفردوس غايتــي ..
ياحقـووووده عشاآآن ماطلع لك ألا ريال تزعلين وتخلينهم يعيدون اللعبـه ههههآآآآآي .. يانـاآآآآآسوا على البراآآآآءه .. بس أنتي والبنـات اللي معاك.. مجـرمآآآآآت هههههههههآآآآآآآآآآآآآآآي وش عبٌــاد النار ماعرفتها الأ لما وصلت الثانوي ههههآآآي بس هاتك ياخشـووووع وربي ضحكت ضحك مجنوووونه عليها البيت كله صحى من ضحكـي ههههآآآي هبلتـوا بالمصـري هههههههاي.. ياقلبي يالفردوس وأنتي لك كل المحبـه على روحك الحلوه .. لا أطولين كثير نبي مواقف بعـد هههههه.. |
صباح الخيرات والليرات يبنات
عيوني تحكيني يعني انا الحين صرت خالتك صديقة امك ياقلبي انا الحين داخلة على السابعة والثلاثين يعني مافيه فوته بيننا انا وامك واكبر عيالي الحين عقب شهرين يخلص عامه الرابع عشر بالنسبة للحرمة ام البنت والله اني جلست اتخيلها في اليل واتخيل صوتها ونظرتها حادة وتخوف كان نفسي السواق يرجعني البيت لما قالت بيننا المدرسة نتواجه هناك هاذاوهي فتحت باب الباص ناظرت لداخل بين الطالبات تدور وراي لو كان طلعت لداخل الباص كان ياكبرها من مصيبة الله يخلف على السواق وعلى بناته ثنتين راكبين عنده في الأمام فين اهرب واروح منها والله مافيه منفذ اطلع منه الا باب السواق وبناته الله يعين افغص مصارين بنات السواق واسلم بنفسي حتى الشنطه راح اخليها ياروح مابعدك رو ح والحرمة شكلها معصبه والله حسيت انها كانت ناوية عليه من جد بس ربنا ستر وفكنا شرها انا لو عندي خبر مسبق ان هاذا بيصير كان ماداومت المدرسة من اساسه بعدين بنتها ضربتها المعلمه وكانت غايبة لها يومين شكلها عذبت امها ورفضت ترو ح للمدرسة وامها طفشت منها وجت تبغى تحطه حرتها فيه . الفردوس غايتي انا بعد احبك في الله وتسلمين يالغالية وترى انا مثلك احب السوالف وما امل منها لو سولفت واجد تحس نفسيتك ترتاح وتنبسط بالذات اذا عندك ابريق شاي بنعناع المدينة ودلة قهوة بالهيل والزعفران تخليك تفضفض حتى تنتفض بالذات لو السوالف في مثل هالمواضيع الحلوة ماتمل منها ابد بقول لك موقف صار لي طبعا حنا كان بيتنا في حوش كبير وكانت عندنا شجرة كبيرة ومعمرة واغصانها قوية وكنا نربط فيها حبال ونحطها مراجيح وكان وحدة من المراجيح مميزة ومتوازنه وسريعة وكنا نتحاشر عليها انا واخواني كلن اللي يبغى يلعب فيها هو المهم كان اخوي واحد اكبر مني بسنة وجسمه ما شاء الله عليه دبدوب كان متسلط علينا ومحتكر الأرجوحة له وانا طفشت من كثر ماهو حارمنا منها فكرت وفكرت كيف نتخلص منه طبعا احنا نتغدى بس وانطلاق على الملاهي مراجيحنا وذاك اليوم انا خليتهم يتجمعوا على الغداء ورحت للمطبخ واخذت سكين حاد وطلعت اتفاهم مع الأرجوحة وجيت افكر ان قطعتها بالكامل اخوي رايح يشك فيه انا ويصفقني لأني انا خصمه الوحيد اخواني الباقين صغار ومسالمين وش سويت قطعت الحبل قطع بسيط بحيث انه لما يجي يركب الأرجوحة ويبتدي يتأرجح شوي وينقطع الحبل فيه ويطيح المهم قطعت الحبل بطريقة ما احد يحس فيها وتركتها ورجعت اتغدى معاهم وبعدها قمنا غسلنا يدينا وانطلقنا نلعب بالمراجيح وركب اخوي وانا اناظر الحين ينقطع فيه الحبل ويالله اول اندفاعة له و الثانية والثالثة ماشفت الحبل انقطع رجعت نزلت اشاور عليه هاه يفلان ما ودك ادفك من الخلف بطريقة اقوى قال هو المسكين على نياته اي والله ايوه دفيني بقوة وبعدين انا اخليك تلعبين فيها بعد ما اخلص هو فرحان ومبسوط بالعرض هاذا وانا مستعجلة ابغى الحبل ينقطع واشوفه يصيح وجيت ادفه اول دفه وبقلب وبكل قوة سمعت طقطقة ومصدرها الحبل والثانية والثالثة دفه قوية مع سحبة اللحبل للأسفل هو راح طار لبعيد وطررررررااخ طاح بكل ثقله انقطع الحبل وحط الولد الا وهو جالس ضرب ضربه قوية على ظهره ويصيح ذاك الصياح وتعورت رجله واحنا متنا ضحك عليه هو يصيح ويدعي عليه وانا ميته ضحك على شكله المهم جلس حدود ار بعة ايام مايتمرجح معانا كان ظهره يعوره والوالدة تكمد له بالماء الدافئ وتدلكه بالزيت وانا صىلحت الحبل وربطه وجالسة اتمرجح مكانه سبحان الله لا يحيق المكر السئ الا بأهله ربطت الحبل وماشديته زين وانا اتمرجح انفكت عقدة الحبل وانا طايرة بالهواء وحذفتني الأرجوحة حتى طحت منها وضربت براسي بجدار وتعورت وليومك هاذا كل ما المس اثر الجرح بين شعر راسي اتذكر مكري وحيلتي على اخويه حتى الشعر ماعاد نبت مكان الجر ح ابد صار مثل الكية بالنار والحمدالله انها ماهي واضحة بمكان مغطيه الشعر مرة شافها واحد من اولادي وسألني امي وش هاذي العلامة في راسك قلت له هاذي علامة حصرية للأذكياء وتذكرت بعد موقف اول مرة ابتدت اختي الكبيرة تعلمني كيفية الصلاة وانا توضيت وجلست جنبها اصلي المهم كانت صلاة المغرب وفي اخر ركعة اختي القت التحية والسلام اول شئ على يمينها وبعدين على يسارها وانا جنبها لما قالت السلام عليكم ورحمة الله والتفتت لليسار الجهة اللي انا فيها انا رديت عليها وعليكم السلام ورحمة الله وبركاته وهاذي طراق بذاك الكف حتى حسيت ان إذني وخشمي دخن وعيوني زغللت وقالت لي لا تتكلمين وانتي تصلين غلط ماتجوز صلاتك بعدين بلعتها وسكت قلت في نفسي جزاتي وانا ارد عليها السلام والله ماعاد اسلم عليها خليها تولي . |
بـنت الحكمــي ..
قســم انك جوونآآآآآن على هالمـوآآآقف الحلوووه .. بس موقفك على اخوك صدق كيـد حريم من الصغر هههههآآآآآي أمزح وربي أمزح .. واللي مت من الضحك عليه لما قلتي لأختك وعليكـم السـلاآآآآم ههههههههههههآآآآي وربي قمـــة البراءه .. بصراحه أشوف الجلسـه كل شوي تحلـى .. بنات وش رايكم اللي تعرف تنزل صور تنزل لنـا صورة أبريق شااي بالنعنـآآع .. وحلى مع دلـة قهووه عشـاآآآآن تحلى الجلسـه أكثر .. فديتكم تجننـوووووووووون وربي أنبسطت من قلب .. |
الفردوس غآيتي
وبنت الحكمي يآآويلي يالضحك هههههههههههههههههههههههههههـ الله يسسسسعدكم مواقفكم تهبل ههههههههههههههههههههههههههههههه مرة كنت نـآيمة مع أهلي وأنا صغيرة يمكن في الإبتدآئي كآنت تقريبا ساعة 9 الصبآح انادوبني صحيت وعطست خخخخ طالعت في أمي لقيتها نايمه وأبويا كان في الدوام فجلست اصحي أمي: ماما ماما ماما ماما مممااامماااا ماماااا قوووومييي مامااااا ياررربي ماااماااااااا صحيت المسكينة و طالعت فيني ومرررة معصبة قالت وش تبغين http://www.66n.com/forums/images/icons/icon8.gif قلت: ماما أنا عطست و قلت الحمدلله قولي لي يرحمك الله ! أحلى كف جآني هاذاك اليوم http://www.66n.com/forums/images/icons/icon10.gif هههههههههههههههه |
اليوم الثاني في المدرسة ..!!
جميلة هي حياة الطفوله .. جميلة هي سنوات البراءة .. كنت ولازلت لم ولن أنسى هذا الموقف الذي حصل لي وأنا دون السادسة من العمر باشهر .. كنت في قريتي حيث كان اليوم الثاني لي في المدرسة ، قمت من النوم ولبست ثيابي وفي داخلي أني لن أذهب اليوم إلى المدرسة كذا براءة طفولة .. وحين دخلت على والدي وإخوتي حيث تحلقوا حول النار لأن الوقت شتاء وجلست جوار الوالد شفاه الله وعافاه .. وبعد أن شربت الحليب ، قال أبي هيا إلى المدرسة ، ظننت أن أمر المدرسة اختيارا فمن شاء جلس ومن شاء ذهب .. فقلت ببراءة أنا اليوم لن أذهب ( رغم أنه يعتبر لي اليوم الثاني لي في حياتي ) صمت الجميع وظننت أني ربما سأنال مرادي في هذا فحاولت التسلل من المجلس وإذ بأبي يصرخ ويزمجر ويطلب مني أن آخذ حقيبتي وأمسك بيد أخي الأكبر لكي نذهب سويا للمدرسة ، حينها أسقطّ في يدي .. وجعلت أبكي علّ هذه الدموع البريئه أن تكون كفيلة بأن يدعني الوالد .. لكني رمقته بعيني يتناول عوداً من الخشب !! هو ليس عود بل أكبر من ذلك بكثير .. فأعطاني وجبة خفيفة منه على ظهري .. فانطلقت باكيا، حاملا حقيبتي أتعثر الخُطى وقد لفت والدتي شماغي على رقبتي بينما برزت (الطاقية ) إلى الأمام وتساقطت دموعي وقبضت يدي بيد أخي الأكبر ووالدي يمشي خلفنا باتجاه المدرسة والتي تبعد عن بيتنا قرابة 200م وطول الطريق الذي ظننت أنه أطول من سور الصين العظيم ، كان والدي بين الفينة والأخري يطعمني بوجبة من تلكم القطعة الخشبية فأصيح فيسكتني بوجبة أخرى ، كانت المدرسة باتجاه الشرق من بيتنا فكان ضوء الشمس يسطع على وجهي مما كان يعطي تفاصيل دقيقة لمن رآني لكل تقاطيع البؤس والضعف في منظري البريئ ، وأخيرا انتهت المسافة وهاهو باب المدرسة المفتوح والطلاب ووالديهم بينما يعلو صياح بعض الصغار مما يشجع على البكاء لكنّ أبي شفاه الله وقبل أن يُودعني ويُودِعُني المدرسة كأنما أراد لي أن تختمر الصورة المرعبة إن تجرأت مرة أخرى على ترك المدرسة فأعطاني قبلة من ذلك العود الخشبي على رأسي ولكنها كانت قوية مما جعلني أعتقد لثوانٍ أننا في ليل حين احتجب ضوء الشمس عني ، ولكن كان كل ذلك بتأثير تلك الوداعية من ذلك العصا . فلم ولن أنسى ما حييت ذلك المشهد الماثل الآن أمامي .. ومن يومها دخلت المدرسة ولم أتركها إلا حين أصبحت معلما للتلاميذ . فشكرا أبي الحبيب لأني علمت فيما بعد أنك لم تكن ترد لي إلا الخير شفاك ربي وعافاك ، وشكرا أيها العصا وكم تمنيت حينها أن لو كنت أقل حنية على ظهري ورأسي . ذلكم صورة ارتسمت في ذهني ولن تغادر . شكرا أختي عيوني تحكيني أن أتحتِ الفرصة لجلب هذا المشهد القابع في زوايا الذكرة من سنين . 7 / 4 / 1433هـ |
اقتباس:
هههههههه من جد توحفه ذكرتيني بالمقطع http://www.youtube.com/watch?v=gXAPW...eature=related |
سمـآ ..
يعنـي ألا ألا يرحمكـم الله ههههآآآآي شكلك أمس متعلمتهـا من الروضه وتبين أطبقينها بحذافيرهـا ههههآآي .. ثـنـيــان .. تتـذكر كيــف كان الأحسـاس لما يرغمـونا على الذهـاب للمـدرسه أحسـآآآآآس غيــر طبيعـي .. كـأنهم آخذينـا للسجــــن ..لنـاس متـوحشيـن .. أحساس يجي بداخلنـا .. أن اليوم هــذا كلـه راح نكـون فيه بعيـدين عن حضن والدتنـا .. مع أننـا سنـأتي لها قبل صلاة الظهـر .. سبحان من وضع بداخلنـا أحساس البراءه النقـي .. وأضحــك الله سنــك على الوجبـه الخفيـفه التي فرشت سُفرتِهـا على ظهرك .. وبصراحـه فعـلا فعـلا 200 كيلـو م كـأنها أطول من سـور الصين أحنـا بس خطـوتين .. أقسم بالله طول الخطوتين كل شوي نزارط من الخوووووف .<< نزارط مسطلح قصيمي ..مدري فهمتوه أو لا .. بس من جـد شكرا لوالدك على القبلـه الخشبيـه اللي حولت الوقت عندك من النهار ألى الليل :d:d.. .. وهـا أنت الآن بعـد أن كنت تجـاهد على ترك المـدرسه تجـول في أرجـائهـا معلمـاً فاضلاً .. فـ شكرا لذالك الوالد العظيم الذي مهمـا قسى .. فبقسـوته يبني لنا المستقبل بعد فضلٍ من الله جلا وعلا .. سائلـه المولى العلى القـدير أن يخفف عنه كل ألم ويبدله بالشفاء العاجل .. وأن يجمع شملـكم به وهو في أتم الصحـه والعافيه .. شاكره حضورك أخوي ثنيـان .. ذكـريات لاتغيــب .. جبتيـها صح ماقصرتي ,.ههههآآآي .. |
ثنيان ههههههههههههه
ذكرتني بباكورة عمي علمت بجسمي من كثر الضرب .. ضرب الصباح حق المدرسة طبعا ايام المدرسة شي ثاني .. كنت اسوي افلام أكشن كثيرة عشان أغيب خاصة يوم حصة العلوم كنت اكرهها بشكل هي وابلتها .. مرة في الحمام وانا اتروش صرخت بصوت عالي سويت نفسي طحت وابكي وانادي ماما عشان قلك حضرت الموقف معي وتجي الوالدة مسكينة تكمدني وتغطيني ع بالها منجد طحت وفي الصباح اول وحدة هي تصحيني اقول يمه ما تدرين اني طحت البارح تقول خلاص امس مع امس هههههههههههه > اكثر وحدة فاهمتني امي واروح اتخبى في بطانية ابويه ... يبه تكفى والله رجلي تعورني ودموووع مصدر الدموع طبعا لما اتذكر أبلة العلوم وأبويه مسكين يقول لها كبيها اليوم هههههههههههههههه ونجحت الخطة وغبت ... ادفع نص عمري و اصحي عيالي والبسهم للمدرسة :( انا كنت اروح بضرب .. كيف هم ؟ الله يرحم حالهم |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©