الصراحه ياخووي ماتقصر على ماتفعل بس شي مخوفني اذا درى انه انت الي مبلغ يمكن يسببلك مصيبه بعدين يعني يرميك او شي اخر الله يكفيك شره ياارب البعيد عن الله الشيطان معه مانستغرب حاول اننننه مايدري انه انت السبب فيه

السلام عليكم ,,
والله شي يقهر ,لكن اسمح لي اتكلم بصراحه شوي,, انا ضد فكرة انك بلغت الهيئه ,لان الموضوع ممكن يطلع عن السيطرة ويصير خراب بيوت وتدمير مستقبل سواء للشاب او البنت , طبعا اذا كان الهدف هداية هذا الشاب فالافضل انك تبدا معاه شخصيا وممكن تكون هدايته على يدك واذا تحس انك ماراح تعرف تكلمه باسلوب مقنع فحاول تكلم شخص من اصحاب العقول النيرة والاسلوب المقنع وخليه يوصله باي طريقة .
ومن ناحيه ثانيه , الشباب في مثل هذا السن معرضين للفتن اللي محاصرتهم من كل ناحيه فالمفروض انك ماتقاطعه وبالعكس تقرب منه وحاول تاثر عليه . يعني ماهي شقة دعاره والعياذبالله عشان تخلي الهيئه تداهمهم .
واذا حبيت باعطيك فكره تبدا فيها , حاول تكلمه وتقوله انك لاحظت سيارة للهيئه عند بيتكم وان احتمال يكون عندهم خبر عنك , فبالطريقه هذي انت خوفته وعرفته انك تعرف عن موضوعه وممكن يكون بدايه بينكم تقدر تناقشه وتقوله كلمتين يمكن تخليه يتوب .
ربي يوفقك للخير ويهديك ويسعدك والمسلمين جميع.

جزاك الله خير وكثر من أمثالك

وأكتفي في تأيدك بحديث الرسول عليه الصلاة والسلام(من رأى منكم منكر فليغيره بيده,,فأن لم يستطع فبلسانه,,فأن لم يستطع
فبقلبه وذلك أضعف الأيمان)

وهذا أي منكر!منكر فيه هتك أعراض وانتهاك لمحارم الله...فضلا عن شناعة جريمة الزنا وعواقبها..

اخي الكريم , اقدر حرقتك وغيرتك على بنات المسلمين , وانا صدقني انا لا استهين بالمشكله , ولكن اسأل نفسك اولا , هل هدفك تعاقبهم ام الهدف الاصلاح ؟ والدين النصيحه .
ثانيا , لا يجوز لك ان تراقبه في بيته من سطح بيتك لانه من التجسس والله اعلم .
ثالثا , انت تزعم انه يفعل مايفعل ولاتستطيع الجزم , كما تقول انك تشوف البنات ينزلوا من سياره ويطلعوا عنده , فالرجل لم يجاهر بمعصيه .
فكل القصه شكوك وليست يقين , وصدقني انا معاك ولست ضدك ولكن في مثل هذه الامور يجب تحكيم العقل وليس العواطف فالموضوع يمس الشرف والتشهير وهذا ليس بهين .
حفظك الله والمسلمين جميع ,,

الله يكثر من آمثاالك ،، ويستر على بناات المسلمين ،، ويهديه ويهدي الجمييييع

اخي الكريم , التجسس اللي اقصده هو وقت ما كنت تراقبه من سطوح بيتكم وهو في بيته . اما التشهير ليس بذكر الموضوع هنا ولكن اقصد بتبليغ الهيئه . واما ما تزعم انه حصل فكلها مبنيه على كلام وقصص حتى ولو كانت منه شخصيا فبعض الشباب يتفاخر بقصص كلها كذب .
والواجب منك عندما كان يسرد لكم قصصه مع البنات ان تنكر عليه وقتها وامام الشباب وتنصحه واذا لم ينتصح منك هدده بتبليغ الهيئه او كلم احد من اهله واذا استمر واصر بلغ الهيئه .
هذا اجتهادي وجزاك الله خيرا على اجتهادك .