رد : إشتياق زوجتي إلى متى ؟؟؟؟
 

أخي الفاضل برجاء لا تقرأ رسائل زوجتك لأنك ستفتح على نفسك باب انت بغنى عنه

وردها على صديقتها عادي جدا فلا تحمل الكلام مالا يحتمل

وشوقها لأهلها امر طبيعي بل وغريزي
عني انا مر على زواجي سنة وهذه السنة الثانية ومازلت إلى الآن احن واشتاق لمدينتي التي ولدت فيها وعشت فيها سنوات عمري حلوها ومرها رغم أن امي وابي رحمهما الله قد فارقا الحياة لكن مازالت نفسي تهفو إليها واحيانا تدمع عيناي شوقا لأخواتي في الله وجيراننا وأشقائي

رد : إشتياق زوجتي إلى متى ؟؟؟؟
 

انا ما تأقلمت الا بعد 7 سنيييين بس تأقلمت غصب لاننا نقلنا بعيد عن اهلي

رد : إشتياق زوجتي إلى متى ؟؟؟؟
 

رد : إشتياق زوجتي إلى متى ؟؟؟؟
 

انا اول زواجى كنت بحب ازور اهلى كتــــــــــــير وبحس انهم وحشونى اوى اوى...........لدرجة لما والدى زارنا فالاول وهو ماشى دخلت غرفة نومى وجلست ابكى علشان حاسة ان والدى بيحبنى ........ربنا يبارك فيه وفامى يا رب
واتضايقت لما زوجى ماجاش يطيب بخاطرى

وكنت دايما عايزة ازورهم وابات عندهم لانهم بعيد ولازم الزيارة بتكون كام يوم...........المهم كانت فى مشاكل بيننا على الموضوع دة فالاول ......وكنت دايما اتحايل على زوجى ونتفق على عدد ايام معين وبالعافية

لكن بعد مازوجى سابنى براحتى اروح واقعد زى ما انا عايزة وبعد ما جبت اولادى وكبرت مسؤولياتى .........بقيت انا اللى مش بحب اروح كتير........ يعنى انا اللى مش بفكر اروح الا بعد كل مدة كبيرة .......لان بيتى بقى اريحلى وفى كل حاجتى وحاجة اولادى.......وكمان لما بروح بحس ان زوجى بيستريح شوية من تعب الاطفال علشان هم طفلين صغيرين ورا بعض.......

الآن..........الحمد لله نفسيتى مرتاحة من الموضوع دة لانى عارفة ان فى اى وقت هقول لزوجى عايزة اروح هيودينى .......لكن انا اللى بقيت احب بيتى واستريح فيه اكتر.

انا من رايى ان الممنوع مرغوب (( مش عارفة مع كل الناس واللا انواع معينة من الناس ومنهم انا ))......
فلما كنت حاسة انى ممنوعة انى اروح كتير وبالذات فالاول الزوجة بتكون لس مرتبطة ببيت والدها واهلها وبتاخد فترة عقبال ما تتاقلم على الوضع الجديد.......الفترة دى ممكن تكون شهور او حتى سنة.......لغاية ماتجيب بيبى وتكبر مسؤولياتها.......بصراحة انا مش فاكرة انا قعدت اد اية لكن اعتقد انه مش اقل من شهور

لكن لما سابنى براحتى.........بقيت انا اللى مش عايزة اروح.......وبقيت اتضايق لو حسيت انه مش عايزنى اكون موجودة .......

ارجو انكم تدعولى....والسلام عليكم ورحمة الله

رد : إشتياق زوجتي إلى متى ؟؟؟؟
 

انا متزوجة بقالى حوالى 3 سنين ونصف

رد : إشتياق زوجتي إلى متى ؟؟؟؟
 

[QUOTE=never for ever;2803518][B][COLOR="DarkSlateBlue"]لا تقلق يا أخي
فهذه كبداية لحياتكم
وبعد فترة بسيطة سوف تتأقلم

رد : إشتياق زوجتي إلى متى ؟؟؟؟
 

أحسنت القول أختي سما و أنا ايضا بدأت بهذه السيرة لكن سرعان ما تم حسمها من كلانــا.

رد : إشتياق زوجتي إلى متى ؟؟؟؟
 

انا كمان من راييى كدة.............واحب اقولك انه كمان لما كانت بتحصل بيننا مشاكل واكون متضايقة اوى وتتسد الطرق
لما اروح ازور اهلى كام يوم.........بحس بعد يومين تلاتة انى بحب زوجى تانى وبشتاقلو وبتتحل المشكلة اللى ماكنتش عارفة احلها ابدا وانا موجود فبيتى

يعنى تغيير الجو والبعد لمدة يومين تلاتة من رايى انه مفيد وبيساعد ان الزوجين يشتاقو لبعض تانى

ربنا يصلحلكم الاحوال

رد : إشتياق زوجتي إلى متى ؟؟؟؟
 

وكمان اختى قعدت فترة كبيرة بعد الزواج يمكن سنوات تحب تروح كتير...........لكن الآن هى اللى حابة تستقر فبيتها......حاسة انه طبيعى الزوجة بطبيعة فطرتها انها حساسة .......تحن لبيت والدها واهلها ويوحشوها وحتى البلد اللى عاشت فيها تحن لها وتوحشها وتبقى عايزة تزورها كتير..........بتاخد فترة عقبال ما تتعود على البعد وعلى المكان الجديد

رد : إشتياق زوجتي إلى متى ؟؟؟؟
 

عفوا......بس انا ضد هذا الكلام تماما..........كدة المشاكل هتكتر اوى
وهى هتحس بلا مبالاة من زوجها .......حبه هيقل فقلبها

انا كنت اتمنى ان زوجى كان يكون مدرك للنقطة دى من اول زواجنا......لكن الحمد لله آدينا دلوقتى كويسين.

ولية ما نحاولش نهيا الظروف لتراعى العواطف..........ويكون الحب ومراعاة الطرف الآخر والاحساس بمشاعرة هى عنوان البيت........وخصوصا انها حاجة طبيعية .....مش زوجته بس هى اللى كدة.....وعلاج االموقف دة بيكون بذكاء التعامل فالاول والصبر لفترة....

انا متفاعلة اوى مع الموضوع دة..........مع انى بقالى كتير اوى ما بدخلش المنتدى ولا برد على مواضيع
لكن بصراحة انا كتبت اللى كان نفسى زوجى يبقى مستوعبة فالاول
فما صدقت ان زوج يسأل ..........وانا عندى تجربة.........والزوج هو اللى بايدة الحل باذن الله.....

يا رب اصلحلنا كلنا الاحوال.........واسعدنا احنا وازواجنا وزوجاتنا يا رب......اللهم آمين