|
رد : طلبت الطلاق من زوجي
اولا اختي انا بقولك انا مطلقه ولا راح اخجل من هالشي اوكيه وابي انصحك لوجه الله لاني مالقيت من ينصحني ببداية الطلاق الكل يكون معاك وقلبهم عليك والامور تمشي والدنيا بخير بس بعدها تجي المرحله الثانيه الي هي مابعد الطلاق في هالمرحله اغلب المتضامنين والمتعاطفين معاك يبدون بالانقلاب عليك واي شي تسوينه قالو لك مطلقه ومطلقه لو فيها خير ماتطلقت واي شي خير سويته ينسى ويبقى الشي العالق اسم مطلقه هاذا الاهل
تعالي للمجتع وشوفي اي زواج اي عرس تحضرينه تتلاحقك الاعين والهمسات وكل حياتك الناس تغرض فيك هاذا غير اذا كان من الاقارب وكل شوي ماجابو لك من اخباره وانتي الي يرتفع ضغطك اختي وين الافضل يتزوج بالحلال والا يروح يزني والعياذ بالله تزوجها مسيار وهاذا الزواج اغلبه يتزوج عشان الرغبه الجنسيه اختي ترى حياة المطلقه بمجتمعنا مره اذا انتي قلبك حديد وتتحملين صدمات والم تطلقي اهو كشخص يستاهل تطلقين منه ولا ينسال عليه وانا بعد عن نفسي كشخاص لا ياسف عليهم يعني ماعليهم حسفه ولك لقب المطلقه اناس حسبي الله ونعم الوكيل ما يخلون احد بهالله اذا قرتي ترجعي بترضاوه جااااااااااااااااااااامده مبلغ وقدره وشروط مشدده ووافق ارجعي ما نصح اي احد يجرب الطلاق لانك بتنصدمين من اهلك قبل البعاد وبس اضيفي الى ذلك اغلب المتقدمين للمطلقه المترديه والنطيحه ولا هالايام الكل يبي المطلقه الي تشتغل ويبيها تصرف عليه انتي لسه صغيره وكلمة الطلاق تكسر الظهر ارجوكم اخواني لا تنصحونها بالطلاق فكرو ايش بيصير لها من بعد الطلاق وكيف مستقبلها وكيف العرسان الي بيتقدمون لها كمطلقه \\ |
رد : طلبت الطلاق من زوجي
اقتباس:
|
رد : طلبت الطلاق من زوجي
استغفر الله العظيم
هذا نهاية الصبــــــــــــــــــــــــــــــــــــــــــــــ ـــــــــــــــــــــــــــــــــــــر لاوفي بيتي بعد لاحول ولاقوة الا بالله لاتعلييييييييييييييييييييييييييييييييييييييييييق |
رد : طلبت الطلاق من زوجي
اختي عليك بالتريث الآن والتفكير بالعقل
هل عندك اولاد هل يواظب على صلاته قارني بين ايجابياته وسلبياته واكثري من الدعاء الله يكتب الخيرة في امرك |
رد : طلبت الطلاق من زوجي
ممم والله مو عارفه وش أقول لك إنقهرت والله مارح أقول تطلقي لأن هالقرار يخصك إنتي وبس محد يقدر يتخذه غيرك
بس حبيت أقول لك ترى الكره بملعبك ألحين إذا قررتي ترجعين إرجعي بشروطك إنتي يعني وقفيه عند حده من ناحية المكالمات وغيره وأتوقع إن موقفك رح يكون قوي خاصة إن أخوك بصفك وصدقيني أنا والله ماأبغى أضرك بس لو ماخذتي حقك منه هالمره ماأتوقع تاخذينه بغيرها إعذريني كلامي شوي مخربط مستعجله بحط غدا زوجي بس والله إرتفع ضغطي ماقدرت أدخل وأطلع بدون رد ربي ييسر أمرك ويفرج همك أختي |
رد : طلبت الطلاق من زوجي
استغفال بصراحة
لو هو جاي بكل رجولة و قال بعرس هذا ينبلع لكن شغل النفاق ذا و الدسدسة معليش لو أني مكانك .. دام النفس عافته خلاص العبي عليه سوي انك بترجعين له بس بشرط .. حرام زوجته المسيارية ديك لازم تعدل بيننا و اول شي تعلن زواجك منها و بعد ما يعلن ارفعي عليه قضية طلاق لا تروحين من بيته قبل ما تسوين له ذكريات حلوة مو بس هم يستغفلون حتي حنا نعرف نلوي الذراع أما اذا والله حاسة القلب لسه فيه ميلة الله يعينك ارجعي له بشروط و رضاوة عشان يتأدب و يمشي الف الطيبة ما تنفع مع بعض الناس |
رد : طلبت الطلاق من زوجي
تاثرت جدااااااااااا بما كتبتيه فكري جيدا قبل القرار الاخير و اتمنى لك التوفيق
|
رد : طلبت الطلاق من زوجي
الله يعينك ويصبرك
|
رد : طلبت الطلاق من زوجي
وينك شو قررتي تعملي
|
رد : طلبت الطلاق من زوجي
اسفه انقطعت عنكم بسبب الظروف
امس اتصلت فيني عمتي ( ام زووجي ) وتترجاني ما اطلب الطلاق تقول يشهد ربي ماشفنا منك الا كل خيير وسالتني عن السبب علمتها بكككل شي صاااار انصددمت وجلسست تبكي تقووول ماهقيتها من ووولدي يتزوج ولايعلمني ويخدعك ويخدعنا تااااثرت وتردد سود الله وجهه فشلنا معاكم ) شوي اتصل عمي ( ابو زوجي ) على ابووي وقاله تكفى لاتستعجلون بالطلاق وكل مشكله ولها حل وخلنا احنا الرجاجيل نتفاهم مع بعض ومالك الا اللي يرضيك ووولدي واعرف اربييه ومن هالكلام بعد مكالمه امه لي انتشرررر الخبببر وهو مقفل جواله ومايرد على احد ( ارسل لي رساله يقول فضحتيني عند اهلي وشوهتي سمعتي انا كنت ابتزووج عشان اعرف هل انا استطيع اجيب عيال من وحده غيرك والا لا .. لاني سمعت اكثر القصص اذا تزوج الرجل من غير زووجته ممكن يستطيع الانجاب وانا كنت بس بجررب وبعدها اطلقها انا ماحبيتها انا حبيييتك انتي .. انا زواجي منها مصلحه وحتى لو حملت راح اخليها تسقط وبعدها اتزووج امام الله وخلقه وكلام كثييير قاله ) اولا احنا رحنا مع بعض للطبيب وقال زوووجتك سليييمه 100% .. انما سبب التاخر في الانجاب عندك انت لو جاء عندي وقال راح اتزوج عشان هذا السبب ماراح امنعه اصلا انا مااااااااافيني شي عشان يروووح ياخذ وحده غيري وللتاكييييد رحت بنفسي للطبيبه مع امي وسوت لي تحاليييل شااااااامله واكدت لي اني سليمه واستطيع الانجاب عادي كذذذذذاب اخذ الانجاب عذر له .. عشان محد يحاسبه وعشان الككل يتعاطف معاه وحده من قرايبه اتصلت فيني ( هي مطلقه وعندها ولدين ) هاذي من ظمن اللي يسولف معاهم ويدردشون باي حق يسولف معاها هي والثانيه والثالثه هي و زووجي مايعرفون اني ادري عن علاقتهم ( لني فتحت جواله وهو بالمستشفى وشفت كل شي ) الممهم هي اتصلت بعد ماعرفت السالفه ( قالت سامحيني انا رجعت لصوابي وعرفت ان زوجك لعاب كان يوعدني يتزوجني ويربي عيالي لانه محروووم من الاطفال وكان يقول بكون لهم الاب الحنوون ووو ) انا بين نارييين قلبي وعقلي .. اهله وطيبتهم معاي خصوصا عمي وعمتي وبينه هو وعلاقاته وكذبه ووو ياربي تفرجها علييييييه وتييسر اموري :( |
| الساعة الآن 02:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©