رد : وش ذنبي إذا ما أحب أجلس بالبيت ’’ كرهت نفسي ’’ وزوجتي تضايقت ’’
 

أنا اشوف الوضع عادي
الوالدة تقولي ابوك من تزوجته.... ما يكون فاضي الا الجمعة*
يشتغل من 8 الصباح الى 11 باليل
كان يسدد ديون وآجار شقة وو لانه يتيم

ومازال الوالد على هذا النهج .. الله يخليه ويحفظه لنا *
فيه نوع من الرجال يحب العمل .

عشان كذا اخي الفاضل انصحك ما تترك اي وظيفة
لأنك لو بتجلس بالبيت مع زوجتك راح تتضايق مو كره فيها لا*
بس لأن نفسك تحب وتستمتع بالعمل

واتفق مع الراي القائل بأن تخصص ساعة أو ساعتين (المغرب مثلا) قهوة وسوالف مع زوجتك.

بعدين فيه نقطة حاول توضح لزوجتك ليه انت تعمل كثير.. قل لها عشان اجمع لكم فلوس واعيشكم احلى عيشة وانا ما قد اخذت من شخص فلوس
لأن زوجتك راح تكون مبسوطة وحتى لو احد قالها عنك شيء بتدافع عنك
اذكر الوالدة اذا قلنا لها ابوي من *تزوجتيه كذ :30:ا ،، تعصب و تقول ما تستحون على وجيهكم :d من عشانه هو يشتغل مو عشانكم اول من سكن بيت ملك من الاقارب انتم ، و اول و اول وسبحان الله تردد نفس كلام الوالد.
طبعا احنا نعرف لان الوالد يردد علينا نفس الكلام بس نحاول نمزح مع الوالدة ونستفزها شوي :26:

رد : وش ذنبي إذا ما أحب أجلس بالبيت ’’ كرهت نفسي ’’ وزوجتي تضايقت ’’
 

والله ياحيران حيرتنا معك انت عارف مشكلتك ولا تعرف الحل كل شي وانا اختك له حل بحسن التدبير والتنظيم و المؤسسه ليش تروح له كل يوم فيه شي اسمه كمبيوترتقدر تديرها وانت جالس في البيت
قالوها من قبل لوتجري جري الوحوش غير رزقك ماتحوش
اخوي بصراحه لو ان زوجتك هي اللي مهملتك ومهتمه في شغله واهلها على حسابك وش موقفك منها
الله يهديك لطريق الصواب ترا لنفسك حق عليك مهوب بس عيالك انتبه لنفسك وانا اختك الله يستر عليك ويحفظك من امراض العصر اهتم شوي بنفسك وعيالك وقبل كل شي حقوق الله عليك
الاتلهيك الحياة عن اخرتك واعماللك الصالحه هي اللي بتبقى لك*

رد : وش ذنبي إذا ما أحب أجلس بالبيت ’’ كرهت نفسي ’’ وزوجتي تضايقت ’’
 

ماشاء الله عليك روحك مثابره ماشاء اللله لاقوه الا بالله المهم لازم تخصص لزوجتك واطفالك وقت ترى لهم حق عليك بارك الله فيك