منتدى عالم الأسرة والمجتمع - هل تصرفي كان صحيح ام خاطئ

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - هل تصرفي كان صحيح ام خاطئ (http://www.66n.com/forums/showthread.php?t=238067)

رد : هل تصرفي كان صحيح ام خاطئ

اقتباس:

المشاركة الأصلية كتبت بواسطة سيدة الموقف (المشاركة 2833885)

:*

بنت الحكمي يابختها والله هالبنوته بها الحماة السُكرة
فديت قلبك طيبتك تخلي الإنسان يحس إن الدنيا لسى بخير
ماشاء الله عليكِ تمنيتك جارتي وإلا قريبتي أحسك وحدة
جاراتها يموتون فيها وراعية فزعه وأصيلة جداً

الله يحفظك دائماً أقرأ ردود وأشكر ربي أن فيه مثلك بينا

حماك الله وأسعدك على قد ما أنتِ سبب بسعادتنا وتفائلنا بها المنتدى

:*

الله يجزاك حبيبتي سيدةالموقف اخجلتيني بثنائك وإطرائك الجميل اختي الغالية واسأل الله ان يجعلني افضل من ماتضنون بي وانا والله يسعدني ويشرفني ان تكون لي قريبة او جارة تكون بنفس تفكيرك الراقي واخلاقك العالية ولي الشرف الكبير بمعرفتها وقرابتها والعين ماتعلى على الحاجب ياسيدة الموقف ومنك نتعلم الطيب والذوق والأصالة بارك الله فيك وجمعني برفقتك وصحبتك في جنان الخلد ان شاء الله تعالى والف شكر وتقدير وتحية مني لشخصك الكريم حفظك الله من كل مكروه وبارك الله لك في زوجك واطفالك ومن احببتي وادام الله عليك السعادة في حياتك اللهم آمين يارب .

رد : هل تصرفي كان صحيح ام خاطئ

اقتباس:

المشاركة الأصلية كتبت بواسطة هبة الرحمان (المشاركة 2834008)

اختي بنت الحكمى .. لم تحددي عمر ابنك بالارقام لكني اتوقع عمره 15 او 16 لما قالك زوجك لما يكمل الولد الثانوي اعطيه بيت يتزوج فيه وهو يتوظف ..
انا اتفهم وضعك وحاولت ان اضع نفسي مكانك رغم ان اكبر اولادي بنت في ال14 من عمرها
لو كنت مكانك حتما لانصدمت مثلك ..متاكدة انك لم تفكري قبلا ان ولدك كبر وبدا يفكر في الزواج في هذا السن المبكر

بنت الحكمى تصدقين اني حاجزة بنات اخوتي لطفلاي واحد عمره سبع سنوات والاخر عمره 04 سنوات ..تصدقين اني من احدى بلدان المغرب العربي الكبير وليس في مجتمعنا عادة تزويج البنت لابن عمها او ابن خالها لكني اريد ان اوفر على ابنائي مشقة البحث عن بنت الحلال ..اقول لما لا احجزها وهي طفلة صغيرة .. اهلها هم اهلي واراها تكبر امام اعيني والله يوفق لما فيه خير
بنت الحكمي اقول لك ان كنت مقتنعة باهل البنت وكما ذكرتي انهم مقربون جدا اليكم فلا دعي للتردد والله يجيب الي فيه الخير ويبعد عنكم كل الشر
يبقى عمر ولدك هو المشكلة هنا .. لو حجز البنت قطعا ستليها الخطبة فبنات الناس ليس سلعة كما قلتي او قطعة ارض بل فتاة لو حجزها انسانا ولم يتم قرانهما ستحدث بلبلة عليها وخاصة ان طالت فترة الخطوبة ولم يكن نصيب وان تزوج ابنك في سن مبكر ايضا قد يتعب من مسؤولية الزواج و يمل بسرعة لذا انظري في شخصية ابنك ..هل هو من النوع الصبور الذي يتحمل المسؤوليات ام انه مازال صغير لا تستطيعين الحكم على شخصيته
المهم انت في موقف لا احسدك عليه صعب جدا علينا نحن الاباء ان نجد انفسن نرضخ لطلبات اولادنا المصيرية التي تاتيتا فجاة دون سابق انذار
اتمنى التوفيق لولدك ولك

هلا فيك غاليتي هبة الرحمان وبارك الله فيك اختي الكريمة ولدي عمرة 15 سنة الحين والحمدالله

الأسرة هاذي طيبة ومتدينة واعرف على ايش هم مربين بناتهم وانا في آخر زيارة زرتهم فيها السنة اللي فاتت وعزمونا عندهم على العشاء في الحقيقة البنت ماشاء الله عليها كبرت وحلوت وماشاء الله تبارك الله تجيد الطبخ والتنظيف والترتيب هذا اللي انا شفته امها ماشالت معاها فنجان القهوة الوقت اللي انا كنت عندهم البنت واختها ماشاء الله تبارك الله عليهم يجهزون الشاي والقهوة وضبطوا العشاء لنا وصرفوه على السفرة لرجال وللحريم وامهم اشرفت عليهم مجرد اشراف وللمعلومية امهم كلنت حامل في اخر اسبوع لها وكمان بيتهم كبير مرة وشفت بناتها كيف مهتمين بأنفسهم والبيت ومرتبين ومنظمين في كل شئ طبعا ذقت طبخة عندهم واعجبتني ولما سألت ام البنت كيف ضبطتها قالت لي مو انا اللي طبختها اللي طبختها بنتي فلانه تقصد بنتها اللي انا عيني عليها ابيها لولدي فقلت لها ماشاء الله تبارك الله صارت عروسة قالت تشوفين البيت كله ماعاد اشتغل فيه الا حاجات بسيطة الله يخلي لي البنات ويصلحهم مايقصرون ابد ومرتاحة معاهم والحمدالله هم اسرة طيبة وتعرف السناعة وانا اثق بتربية امهم لبناتها الله يصلحهم ويهديهم لها ويحفظهم من كل شر ومكروه

والحمدالله ابشرك ابو البنت وافق لاكنه اشترط انا نتقدم لخطبتها بشكل رسمي عقب سنة علشان لو تقدم لها احد ماينحرج منهم ويقدر يقول للي يتقدمون البنت مخطوبة وقال لأمها عادي مافيه مشكله خلو الولد يدرس ويخلص تعليمه ويتوظف وبعدين نتمم الزواج ان شاء الله تعالى ومنها يكونون البنت والولد يكملون تعليمهم وبنفس الوقت مايتزوجون الا وهم كبار شوية علشان يفهمون بعضهم اكثر واكثر طبعا بالنسبة لولدي انا لو تكلمت فيه وفي امكانياته وصبرة وعقليته يمكن تقولون تمدح في ولدها وتبالغ لأنه ولدها لاكن في الحقيقة ماراح اقول إلا الصدق الحمدالله هو ملتزم دينيا وماعنده حركات اللف والدوران وعقليته متفتحة وفاهم بأشياء كثيرة ومدبر في امور حياته وهذا شئ ملاحظته عليه من صغر سنه وفوق هذا كله بار ومطيع لي ولأبوه الله يصلحه ويحفظه وبإذن الله عندي ثقة كبيرة بأنه سيكون انسان ناجح في حياته هذا اللي اشوفه من كلامه عن طموحاته وافكاره ومن طريقة تصرفاته اللي كل ماجاء له يوم عن يوم يثبت لي انه قد المسؤلية وانه انسان يستحق ان اثق فيه بإذن الله تعالى واذكر عنه موقف بسيط حدث بالأمس طلعنا رحنا لمجمع تجاري وفي المجمع العاب وفيه محلات جوالات وعطورات وملابس المهم انا وابوه كنا جالسين عند البنات اخواته وهما يلعبون في الألعاب الكهربائية وكنت انا ابغى غلاف خارجي للجوال تبعي فارسلته لمحل الجوالات هو واخوه علشان يجيب لي واحد فلما راح للمحل واشترى لي الغلاف وجابه وكان شكله مو عاجبني معصب سألته وش فيك قال يا امي لما دخلت محل الجوالات وجدت داخل المحل مجموعة شباب من الجنسين بنات ورجال ولما انا كنت جالس ادور لك على لون غلاف حلو من بين الأغلفة لمحت ولد شاب يصور في مؤخرة بنت كانت واقفة وحاطة يدينها على الطاولة وتسولف مع البائع وكان شكلها غير لائق ووقفتها فيها غلط بهاذاك الشكل والشاب جالس يصور فيها مقطع فديو والمحل مزدحم بالمرة وانا لما شفت هالمنظر تضايقت وحسيت في قلبي بحرقة على البنت وقهر من الولد ولو انا بنفس سن الشاب كان مسكت جواله واضرب فيه راسه الين اكسره على دماغه واقول له تخيل لو هي هاذي البنت اختك ترضى لها احد يصورها وهي بهذا الشكل لاكن يخسارة يا امي احس اني مقهور اني ماقدرت اسوي شئ وطلعت وانا مقهور واحس ان ضميري يأنبني كان نفسي وانا تصرفت بأي طريقة وافضح هالوسخ النذل اللي يلاحق بنات خلق الله ويصورهم يقول خفت اني اتكلم عليه وانا ماني قده بالجسم ولا بالسن وهو معاه ثلاثة شباب اصحابه وترددت اني اتكلم عليه وطلعت من المحل وانا احس بغصة وندم لأني ماتصرفت اي تصرف تجاه هالموقف هونت عليه وقلت له ماعليك منه اهم شئ انت ابغضت عمله بقلبك وهذا اضعف الإيمان وبعدين يمكن تتكلم عليه وانت توك صغير ويقوم يضاربك هو واصحابه وبعدين تتعور ويصير فيك شئ لاسمح الله واقتنع بكلامي بس قدامي ولا هو في نفسيته حسيت انه باقي مقهور من الموقف اللي صار

والحمدالله الحين لما عرف بأن ابو البنت وافق انبسط واستانس وقال اعاهدك يا امي انتي وابوي ان شاء الله وبإذن الله غير اجتهد وادرس وانجح وارفع رؤسكم بين الناس وما افشلكم ابد بس كل اللي ابغاه منكم دعواتكم لي ان الله يوفقني ويسهل لي كل اموري .

اسأل الله ان يحفظه و يوفقه ويحقق له مبتغاه يارب

وربنا يبارك لك ياهبة الرحمان في اولادك وبناتك وعقبال ماتفرحين فيهم وتشوفينهم معاريس يارب وجزاك الله خير وبارك الله فيك كل كلامكم اعطاني دافع للأمام وشجعني على اللي انا قمت فيه والحمدالله رب العالمين الف شكر وحمد لوجهه الكريم .

رد : هل تصرفي كان صحيح ام خاطئ

اقتباس:

المشاركة الأصلية كتبت بواسطة حزينه على ذاتي~ (المشاركة 2834905)

" لا أرى للمتحابين الا النكاح "

أحمدي ربك أن ولدك صارحك و ما راح من وراك

بالعكس أفرحي بولدك و افتخري .. ~

و ان شا الله ان ولدك قدها .. و انتي تقولين له 7 سنوات ما راح بيتهم

دليل ان الولد متعلق بالبنت : )

ما شاء الله .. الله يبارك له

الحمدالله والشكر لرب العالمين ابشرك من فضل الله ولدي مو من نوعية الشباب اللي يجون من خلف البيوت ولا يحب السوالف هاذي الحمدالله اي موقف يحصل له على طول يجي يقول لي وش صار معاه طبعا الولد ماشاء الله اللي يشوفه يقول عمره 17 سنة وهو لسى ماكمل 15 سنة بس اللي يشوف شكله يقول عنه شاب اذكر لك موقف مرةصار معاه بهذا الخصوص رحت انا كان عندي موعد بالمستشفى وهو كان معاي ولما انا دخلت للعيادة هو جلس برى في الإستراحة لوحده وجلس يطقطق يلعب في جواله والإستراحة فيها حريم ورجال لأنها صالة كبيرة خارجية قال لي يا امي وانا جالس العب في الجوال جت بنت وجلست على الكراسي اللي مقابلتني وكانت ترمز لي بعيونها وتسوي لي حركات الصراحة مافهمتها مدري وش تريد وتطلع جوالها وتأشر لي وانا حسبتها تريد خدمه اقدمها لها فلما قربت منها اسئلها وش تبغين قالت له تاخذ الرقم ولدي مافهم عليها قال لها وش اسوي فيه ادق على احد من قرايبك قالت له لا خذ الرقم ولو حسيت نفسك طفشان و بغيت تتسلى اتصل عليه انا اسليك يقول رميت الرقم بوجهها ومشيت من عندها وهي شالت الرقم ولحقت وراه جلست بجنبه على نفس الكراسي اللي كان جالس عليها ولدي وقامت تتكلم معاه وتحاول فيه ياخذ الرقم والولد وابني ترك لها الإستراحة وطلع برى وقف بين الشمس لما طلعت لقيته جالس بحديقة المستشفى ونفس الحال وجهه مقلوب ومعصب قلت له خير وش فيك معصب وزعلان وجالس برى بالشمس قال خلاص خلينا نطلع بالسيارة بعدين اقول لك وش صاير لما طلعنا بالسيارة قال بالإستراحة فيه بنت الله ياخذها قليلة حياء ماتستحي على وجهها تبغى تعطيني رقمها بالقوة وعلمني بالسالفة كلها طبعا انا اثنيت على اللي سواه ومدحته والحمدالله حسيت ان تربيتي له ولإخوانه ستأتي ثمارها وهذا من فضل الله رب العالمين

والف شكر لك اختي الغالية والله يحفظك ويبارك بعمرك يارب .

رد : هل تصرفي كان صحيح ام خاطئ

اقتباس:

المشاركة الأصلية كتبت بواسطة ضآيعه وربي (المشاركة 2834950)

السلام عليكم ورحمة الله

ادري اني جييت متأخرررره وابدا ردي ماله داعي :)
بس حبيت اشارك ولو بكلمه وتستاهلين يا ام سلطان الله يحفظك ويحفظ لك اهلك وعيالك يارب

لكن انا احس ان الخطوه اللي سويتيها ممتازه
لسببين .. الاول عشان ما تكسرين بخاطر ولدك وخصوصا انه جاك بطريق الحلال ومالعب
وصارحك على طول وهذا دليل تربيته الصالحه الله يخليه لك يارب ويرزقك بره وتفرحين فيه يارب

ثانيا والاهم .. انتي لما سويتي هالخطوه راح تعطينه دافع ينجح ويتفوق ويكمل دراسته
ويكون نفسسه عشان الحين صار عنده هدف وهو انه يكمل ويتزوج البنت اللي يبيها ويكون قدها
ويكون من البدايه متحمل المسؤوليه وشايل هدف

خطوتك ممتازه يا ام سلطان .. وصراحه انا احبك واحترمك كل يوم اكثر
من خلال ردودك ومواقفك
الله يسعدك ويحفظك ويحفظ لك كل اللي تحبينهم

وحبيت انتهز هالفرصه دام كل الاخوات هنا
ابارك لكم بالشهر
مباااارك عليكم الشهر والله يتقبل منا ومنكم صالح الاعمال يارب
ويجعلنا واياكم من العتقاء في هذا الشهر
اللهم آمين

هلا فيك حبيبتي الغالية وان شاء الله تعالى انك مو بضايعة والله معاك واحبك الله كما احببتني فيه وبارك الله فيك وتسلمين غاليتي على كلامك الدرر اللي كتبتيه لي هنا وهذا ان دل على شئ انما يدل على محبتك لفعل الخير جزاك الله خير الجزاء وكل عام وانتي بخير وصحة وعافية وتقبل الله منا ومنكم صالح الأعمال واسأل الله ان يرزقك بالزوج الصالح عاجل غير آجل اللي يسعدك ويهنيك ويريح بالك ويكون لك كما تحبين يارب ومشكورة يالغالية على مشاركتك الجميلة .

رد : هل تصرفي كان صحيح ام خاطئ

اقتباس:

المشاركة الأصلية كتبت بواسطة ام محمد (المشاركة 2834957)

هلا بام العريس ,, بتصيري حماه 0 _ 0
‏^‏ _^ ,, ما شاء الله على هالحماه ربي يسعدها ويهنيها ,,

ما شاء الله الاخوات ما قصرو ربي يسعدك ويحفظلك اولادك وتشوفيهم ببيوتهم وتشوفي اولاد اولاد اولادهم ^ _^ ,, موفقه سلميلي على عريس الموسم
‏ ‏

‏ ‏
‏ ‏

هلا وغلا بأم حمودي وكل عام وانتي بخير وصحة وسلامه والله يحفظك ويبارك بعمرك يارب وعقبال ماتفرحي بحموده واخوانه اللي يجون من بعده وتشوفينهم معاريس قد الدنيا يارب وجزاك الله خير على دعواتك الطيبة ولك بمثل مادعوتي لي يارب .

رد : هل تصرفي كان صحيح ام خاطئ

اقتباس:

المشاركة الأصلية كتبت بواسطة ناآاني (المشاركة 2834974)

عداگ العيب يا بنت الحگمي
حققتي امنية ولدج
الله يخليه لج ويرزقك برّه
دام انه يحبها لاتوقفين في طريقه وتقولين تو الناس وصغير
ولين يكبر
انتي سوي اللي عليج عشان لاتندمين بعدين!!
وعسى الله يوفقهم

هلا ومسهلا بالطيبين الغالين على قلوبنا حياك يانااني وبارك الله فيك واسأل الله انه يقدرني ويعينني ويسهل لي حتى احقق له امنيته ومبتغاه والله لو تشوفينه يبغى يتشقق من الفرح ولو ناديت احد من اخوانه يجيب لي غرض يحلف مايجيبها لي إلاهو هذا غير بوسات الراس على الطالعة والنازلة هو يبوس دائما بس هاليومين احس انها زادت بزيادة كل ماهو طالع يصلي فرض يبوس راسي وكل مايرجع من المسجد يبوس راسي الله يحفظه ويخليه لي يارب ويصلحه ويهديه
ويصلح لك اولادك ويهديهم ويجعلهم قرة عين لك وعقبال ما تفرحين فيهم يارب ومشكورة غاليتي وماقصرتي الله يحفظك ويخليك يارب .

رد : هل تصرفي كان صحيح ام خاطئ

تبارك الله وما شاء الله .. الله يحفظكم من العين والحسد
الله يبارك لكم في كل خطوة تخطونها

رد : هل تصرفي كان صحيح ام خاطئ

ماشاء الله لا قوة الا بالله. الله يبارك لك فيه ويحفظه ربي
لو مكانك كان سويت نفس الشي بدون تردد. وخاصة انك على معرفة بتربية البنت وباخلاقها
الله يكتب لهم الخير ويوفقهم.

من احلى ماقرات اليوم في المنتدى. ربي يسعدك

رد : هل تصرفي كان صحيح ام خاطئ

ماشاء الله تبارك الله بداية الف مبروك وعسى ان تصبح خطبة رسمية في القريب العاجل ان شاء الله :::: قرار حكيم يحمي الولد من مخاوف التفكيربضياع حلمه وفي نفس الوقت محفز له ليتفرغ للوسيلة التي توصله الى غايته ::::نسال الله ان يجعل حلمه حقيقة تسعد حياته ويرزقه ذرية صالحة تقوم على بره وطاعته