منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- المطلقات والأرامل والمتأخرات (http://www.66n.com/forums/forumdisplay.php?f=36)

- - تطلقت (http://www.66n.com/forums/showthread.php?t=240523)

رد : تطلقت

الله يكون بعونك ويعوضك بشخص يقدر معنى العشرة يارب .....بدر الواااااااصل

رد : تطلقت

ااااااااااااااااااااااااااااااامين يارب الله يسمع منك وجزاك الله الف خير

رد : تطلقت

ياقلبي لاتفكرين بطقاق وربي ماغير تجيبي الهم لنفسك

ياقلبي تتونسي واخرجي من حياه الهم وانبسطي وصدقيني مع الايام بتعرفي انها خيره لك

رد : تطلقت

السلام عليکم
عزيزتی عاشقة المطر
اولا احب ان اقول لك ان اسمك جميل جدا و ينم عن شفافيتك و احساسك الرائع.
لا اريد ان احكم بشئ على احد و اصدر احكامي بلا رحمه .
انت الان تعيشين في فترة حساسة و عليك ان تجتازيها و لك الخيار بان تكوني قوية و لا تستسلمي لما حدث و متفائلة بالمستقبل و لك ان تكوني عكس ذلك.
التفكير بالماضي و المستقبل يكدر علينا العيش في الحال. تذكري عزيزتي ان عمرك هذا لن يتكرر ابدا فانت لمرة واحدة تعيشين عمر العشرين و خمسة ايام مثلا. فلا تحرمي نفسك من العيش الهنيئ.
اكتبي في ورقة عن الايجابيات التي تعيشينها الان، مثلا لك اهل فهناك من يتطلقن و هن وحيدات،
و بانك تتمتعين بصحة جيدة, و هناك من ينفصل و هو على فراش المرض.
افرضي انك عشت معه مثلا عشرة سنين و من ثم حصل الطلاق؟؟؟؟؟ الحمد لله انك كنت في بداية المشوار. لك ان تعيشي حياتك بطولها و عرضها الان.
تصوري انه كان لك اطفالا.
بعد ان تكتبي ايجابياتك ستعلمين قدر نفسك و ستحبين الحياة.
بعد ذلك حاولي ان تحددي لك اهدافا قصيرة الامد و يمكنك تحقيقها مثلا حفظ سورة من القران. و عين لها مدة معينة.
و لا تنسي انك من سيقود حديث الاخرين عنك و انك من ستصنعين الكلمات في الحوار عنك انهم سيقولون عاشقة المطر اسوة لكل من انفصلت عن زوجها. فهي قوية و متحكمة بارادتها و متفائلة و تحب الحياة او ...
احب ان اسمع عنك اخبار تفرح.
دمت

رد : تطلقت

حتى أنا تطلقت بدون سبب

حسبي. الله ونعم الوكيل

الله يعوضك ويعوضني بخير منهم

رد : تطلقت

سؤال انتي محافظه ع الصلاة ..؟ ان كانت الاجابه نعم
فليش متحسفه عليه وهو مايصلي !!!
ياختي تارك الصلاة عن عمد كآآآآآآآآآآآآآآآآآآآآآآآآآفر

يا اختي العزيزه وش انتي شايفة فيه
مايصلي + راعي بنات + ومايقوم بمسؤولياته

لاتتحسرين ولا شي .. قومي هالحين واسجدي شكر لله على انه خلصه منك ..
اتوقع ان تعلقك فيه هو لحاجه فقططط مو على مميزات ولاشي ..

معليش لو قسيت عليك بس ابيك تصصصصحين ..

رد : تطلقت

اقتباس:

المشاركة الأصلية كتبت بواسطة عاشقة المطررر (المشاركة 2868866)

والله من دون سبب انا عارفه ماحد يصدقني بس والله من دون سبب ولا حتى صار اي مشكله تسبب الانفصال جلست 7اشهر معاه وبعدين قال عندي دوره بطلعك لاهلك ومتى ماخلصت جيت اخذاك وفعلا طلعت لاهلي وجلست فتره لايسال ولايتصل ولا يرسل انا اتواصل معاه ونادر مايرد ع اتصالي واذا قلت ليه ماترد يقول مشغول خليك لما اتصل عليك كان يدخن ولا حتى يصلي ويكلم بنات مايجي البيت الاللنوم بس ولا عمره جاب هديه ولافرحني بشي كانه مجبور ع الزواج حتى الخرجات ماعمره خرجني والا يوديني السوق حتى طلبات البيت مايجيبها الا بعد ايش ولا يجيبها كلها جبت له هدايا والله ولا اداني اي اهتمام فيها انا مابغى منه ولا هدايا ولا انزل سوق بس ماكنت اتمنى يطلقني وبعد فتره والا الوالد الا هو ابوه يتصل ع ابويه يقول والله ولدنا طلق بنتكم والورقه في المحكمه حاولنا فيه نتفاهم بس هو مو راضي يقول خلاص والله ابويه حاول يتصل عليه ويتفاهم بس غير رقمه والله سالته قبل ايش سبب الطلاق يقول والله مافيه اي سبب بس كذا قلت فيه احد يطلق كذا قال ايوه انا قلت حرام عليك اللي سويته قال خلاص مع السلامه
انا والله احبه فوق ماتتصورن وقسم بالله حتى اهله يقول عين صابتكم جابوا مغربيه تقراء عليه ومن بعد ماجات تغير مره مارتحت لها هاذاي المغربيه لماجات وابويه يقول اللي صار لك انتي وزوجك عين قويه لانه مافي رجال يطلق بدون سبب اه اه والله تعبانه مو قادره انساه تعبت والله .
امين يارب الله يفرج هم كل مطلقه

الاسباب مو كانها الي بالاحمر اختي؟!
زوج فيه كل هالمواصفات وشو تبين فيه؟! على وشو ينحب!!
الاحترام مطلوب بين الزوجين
مايصلي ولايحترم حتى الحياة الزوجيه ويخون !

الا بالعكس ارتحتي منه ربي مخبي لك الاحسن والافضل ، انتي تستحقين زوج يهتم فيك يحبك يحسسك بامان يوفر احتياجاتك .. زوج عاقل ناضج!
هذا مو بحاجته ارميه وانسيه اعتبريه مرض هم وانزاح ..
الطلاق مو شى سهل اعرف لاني مريت فيه بس فتره وتعدي وتعيشين وتنبسطين وقولي الحمد لله ماجبتي اطفال هذا وين يهتم باطفال كان طلقك وبلشتي باطفال انتي حره الحين والسعاده قدامك ابتسمي واضحكي والاهم لاتنسين الدعاء ..
قولي يارب لااسالك الا رضاك .. الله معك واتركي حساب الظالم عليه .
الله يقويك ويفرج همك وهم كل مسلم يارب~

رد : تطلقت

^^^^

من الكلام اللي فوق انا احس ان هو من الاول كان حاط في باله ان هذه الزواج مؤقت،،

وانا لو منج بقول بالطقاق اللي يطقه

درب يسد ما يرد...

بس انتي يبالج closer

ما أعرف شو يقولونها بالعربي، يمكن نهايه

هذه عاد ان شاء الله الاعضاء يفيدونج فيها

رد : تطلقت

انا اقولك كوني راضيه بما كتبه الله لك

ماتدرين وين الخيره لك

وحطيها قاعده لاتتحسفين وتنكدين عمرك عشان رجال

وربي يعوضك

رد : تطلقت

جزاكم الله خير لو لاكم لما خرجت من اللي الا انا فيه وارتحت كثيررررررر من بعد كلامكم جعله الله في موازين حسانتكم وحسبي الله ونعم الوكيل على ظالم وفرج هم كل مظلوم ومقهور 0