رد : فتاة تحدثني عن أخيها وتريد خطبتي
 

الله يوفقك يا لولو إلى ما يحبه ويرضاه .. أنا لو كنت مكانك ما كنت حأعرف كيف اتصرف ..
انتي بين نارين نار الكرامة والثقل .. وانك ما تبغي ترمي نفسك او تكوني رخيصة للبنت اللي تبغي تخطبك ..
وبين نار انو ممكن يتم الموضوع وعليكي تآخذي بالأسباب.. وغيابك المفاجئ يمكن تفسره انك ما تبغيهم يخطبوا او تتهربي ..
ما اعرف ايش الحل بس استخيري مثل ما قالت داماس ..
الله يرزقني ويرزق كل بنت الزوج الصالح اللي يخاف الله فيها ويبعدهم عن طريق الحرام يارب

رد : فتاة تحدثني عن أخيها وتريد خطبتي
 

آمييين يارب وإياكي ..
زدتي من حيرتي الله يهديكي.. صح صادقة في كل كلمة قلتيها مو عارفة ايش التصرف الصحيح ..
آميييين

رد : فتاة تحدثني عن أخيها وتريد خطبتي
 

طيب جاتني فكرة ثانية أخلي زميلتي بس تقول في القروب ( لولو) تسلم عليكم وتقول لكم كل عام وانتو بخير..
وكلهم بيقولو الله يسلمك .. عاد واللي بيعرف كيف تواصلني يكلمها ..
ايش رأيكم ؟؟ لا تبخلون علي الله يجزاكم خير..
انتظركم قبل التنفيذ وشكرا

رد : فتاة تحدثني عن أخيها وتريد خطبتي
 

رد : فتاة تحدثني عن أخيها وتريد خطبتي
 

عارفة انو شي مو عيب ولا حرام ولو كنت اظن انو حرام ما كان مشيت فيه من البداية..
وعارفة انو اهلي نوعا ما متشددين من دي الناحية .. بس من خوفهم عليا
ويحبوا كل شي عن طريقهم .. مو حلوة اصلا اقولهم وحدة تبغى تخطبني صعبة شويا في حقي قدامهم ..
صح اني قلت لاخويا واختي بس امي وابوي اموت قبل ما اقولهم احرااااج..
في مرة صار لي نفس الموقف وحدة قالت هاتي رقم امك قلتلها خذيه من اختي وكانت تعرف اختي
وانا سويت نفسي مو دارية عن شي .. كذا اريح لي ..
ما اقدر اظهر للواتس اصلا محذوف من جوالي .. وجوالي مفصول مافيه جي ثري اذا ابغى احمله على نفس رقمي لازم يوصل كود للجوال وهذا الشي لا يمكن الا اذا رجعته في 15 شوال باذن الله..
وفي طريقة ثانية اني اكلمهم بواتس اختي اقول للي صارت مكاني مديرة القروب تدخلني وأعايد عليهم بشكل عام
بس أنا حاليا وصلت سلامي للبنات عن طريق وحدة من البنات في فيس بوك
قلتلها وحشتيني ووحشوني البنات في القروب سلمي عليهم وقوليلهم كل عام وانتو بخير
بكذا تعرف ان في بنات يواصلوني فيس بوك .. وما تتفجأ من انقطاعي المفاجئ بسبب ظروف جوالي الخاصة..
وما فهمت ايش يعني (قطة النفس) ؟؟؟؟ اتمنى ما يكون شي يسئ لي
شاكرة لك مرورك ورأيك

رد : فتاة تحدثني عن أخيها وتريد خطبتي
 

رد : فتاة تحدثني عن أخيها وتريد خطبتي
 

حسبي الله وكفى
جزاك الله خيرا وصادق في كل كلمة كتبتها ..
لكنها لن تستطيع التواصل معي لأخذ رقم أمي كما بينت بأن جوالي مفصول ..
ربما تطلب الرقم من الزميلات رغم اني لا اتوقع ذلك.. الله أعلم ..
وهذا يعتمد على صدقها ..
وكما قالت العضوة التي قبلك بأن طريقتها في الخطبة عن طريق الواتس اب خاطئة ..

رد : فتاة تحدثني عن أخيها وتريد خطبتي
 

دام فيه باب تجيك منه وشله الحكي الفاضي ب الواتساب دامها شاريتك وتبغاك ( اعذريني )
تدخل من الباب
ي حبيبتي الزمن ماعاد زي ماكان ونثق بكل من جا وقال انا ابغاك وانا شاريتك لاخوي دامها شاريتك تتواصل مع اهلك مي معك لان ف النهايه لا لك حول ولاقوه بعد الله
الكلمه بيد اهلك
اعذريني للمرة الثانيه لكن ناس منتي داري عنهن او منتي عارفتها وشوله تاركتها عندك ليه ماحطيتي لها بلوك
وتاكدي ان رقمك معاها ولو هي جادة تتصل لبيتك تطلب امك وتحاكيها بالموضوع
ربي يوفقك ويجعل الخير والصلاح بدروبك وانا معك وبنات المسلمين

رد : فتاة تحدثني عن أخيها وتريد خطبتي
 

انتي الوحيدة اللي فاهمة سبب خوفي وعاذرتني ..
وربي اعطيتها بلوك اكثر من مرة .. بس انا طبعي احذف الواتس وقت اكون مشغولة وارجعه ..
ولما اسوي دي الحركة تروح البلوكات كلها واكون ناسية موضوعها وترجعلي مرة ثانية لين ما عصبت عليها المرة الأخيرة .. ولامتني وحدة من صديقاتي .. وحسستني بالذنب تجاهها وقالتلي اسلوبك غلط واضطريت اعتذر..
وبعدها اللي خابرينه وذكرته جوالي مايشتغل حاليا .. إلى 15 شوال على خير يارب اذا ربي أحيانا ..
وحدة ثانية من زميلاتي قالت اذا اختفيتي فجأة بتفهم انك ما تبغينها .. ومو حلوة الحركة بس والله ظروفي
آمين الله يوفقنا واياكي ..

رد : فتاة تحدثني عن أخيها وتريد خطبتي
 

أنا معد صرت أثق باستشارة الصديقات .. بعد موقف حصلي مع إحداهن استشرتها فلم تشر علي بما يريح الضمير وكانت تجيب بدون اهتمام .. وأيضا أحببت ان اعرف وجهات النظر المختلفة واستفيد منها أكثر ..
فلا أحصر استشارتي على شخص او اثنين وصديقاتي في عمري فهمهم قاصر مثلي ..
والذين استشرتهم من اهلي اختي واخي فقال لي اخي صح كلامك انك قلتيلها تعالي من الباب واختي قالت ربما تكون شاب ..
واحذري من التواصل معها وفعلا لم اتواصل معها .. ولكن المأزق هو جوالي الذي فصل .. وانقطاعي تماما عن الزميلات ..
بحيث ان كانت صادقة 1 في المائة ذهب هذا الأمل .. والبعض منكم يقول ربما تكون صادقة ..
والعلم عند الله في كل الأحوال .. ولن يصيبنا إلا ما كتب الله لنا..