رد : زوجي يضيع من يدي .. ساعدوني (مستجدات الرد 15-20)
 

تخيلو اللي صار لي


كنا سهرانين قام زي العادة قال تعبان مرة وابي انام تصبحين على خير ودخل الغرفة وسكر الباب

قمت بعد عشر دقايق باخذ جوالي دخلت وليتني ما دخلت .. شفته مع جواله بموقف اثبت شكوكي


طلعت وكتبت اللي فيتي كله برسالة

قلت له ان كنت ما اكفيه هو بعد مو مكفيني يخليني اشوف غيره ويدور اللي تملا عينه

تدرون وش رد

انكر وطلعني شكاكة وموسوسة


يعني مسلسل الاستغباء والانكار مستمر
مدري ليه سايرته وسويت نفسي صدقته

حسيت شي فيني تغير .. ماعاد ابي منه شي

كنت قاتلة نفسي عليه .. لقيته ضعيف ومايستاهلني


صرت احس اني في معركة .. انتصار لنفسي .. استعدت نفسي .. بس باقي استعيد كرامتي .. باخليه يندم ويتمنى يلمسني ومايطولني


من الاسبوع الجاي ان شا الله بارجع للدوام ..

وودي اغير عنوان موضوعي .. ياليت المشرفين يساعدوني

ابيه "زوجي المسكين هكذا ستخسرني "

ابيكم معي بمعركتي تابعوتي وادعوا لي مصممة على كتابة قصة نجاحي ووصول موضوعي للمشاكل المحلولة

رد : زوجي المسكين هكذا ستخسرني (مستجدات الرد 15-20-31)
 

وعليكم السلام ورحمة الله وبركاته ..
مرحباً أختي الكريمة ..
هداكِ الله ليس معركة خاسر أو فائز ..أنتِ تلجئين لتصلحين حياتكِ مع هذا الزوج ..ثقي مهما بلغ من العيوب لاشيء يعجر الله عن حل هذه المشكلة ..فقط صدق مع الله أولاً وبعدها بإذن الله تنالي ماتُريده من إصلاح لكما وكي تنعما بهدوؤ وسلام !
ردكِ الأخير ..زوجكِ به خلل ..حاولي أن تتقربي منه ..وتعرفي مالذي يحصل معه ؟!
ومالذي يشغله عنكِ رُبما هموم أنتِ لاتعلمي مابداخل نفس الإنسان وحتى لو أقرب الأقربون !
ولاتتركي الدعاء أبداً ..
المسألة ليست كرامة أبداً ياحبيبة يظل هذا زوجكِ !
بالأكيد في أيام جميلة بينكما كانت تذكريها ولا تهون عليكِ هذا الأيام ..افعلي بكل مابوسعكِ للأصلاح وليس من أجل كرامة ..
الحياة ياحبيبة تحتاجي أن تتنازلي ..
زوجكِ به أمر من خلال ردكِ الآخير ..هذا الدافع يصدر من انسان ضعيف به خلل في داخله !
وغيري الحياة وجددي بها ..لاتجعلي الروتين اليومي نفسه نفسه ..
أُمنياتي لكما بالحياة السعيدة والسلام والهدؤء ..

رد : زوجي المسكين هكذا ستخسرني (مستجدات الرد 15-20-31)
 

ياختج هالرياييل اذا حسوا نفسهم انحكروا وهم غلطانين اقلبوا الطاولة وانكروا فعلتهم

فوق شينهم قواة عينهم

رد : زوجي المسكين هكذا ستخسرني (مستجدات الرد 15-20-31)
 

سر الحياة زوجي اعرف وش فيه .. زوجي كان فقير عشت معه 8 سنين على راتب قليل .. وما كنت اشكي من شي.. كنت عايشة راضية ومقتنعه ومبسوطة.. لاني احبه ويحبني.. هذاك الوقت كان متعلق فيني ويتغاضى عن اخطائي

ومن قريب حصل على وظيفة جديدة براتب افضل..بمكافآت عالية

واحد تعود على الديون والحاجة وفجاة صار عنده فلوس

اول شي يفكر فيه هو امتاع نفسه .. هذا هو زوجي لانه ما يفكر ببكره ابدا يفكر كيف اصرف هالفلوس ايام الفقر كان يحطها باشياء ثانوية

لكن يشيل شي لبكرة ؟؟ او يفكر انه يجمع عشان يبني بيت او يامن مستقبل عياله .. مايفكر ..

واحد زي شخصية زوجي .. متعود عالصرف ويفكر بس كيف يمتع نفسه ووين يودي فلوسه .. وصارت تجيه فلوس كثيرة مو الف والفين يحطها بجوال .. لا مبالغ تكفي مهر وشبكة وشهر عسل .. يعني تجيب عروسه


يقولون اذا بدا زوجك ينتقدك .. معناته مل منك
لو يبي يعدل فيني شي كلمني بطريقة فيها تحبب واقناع .. مو بطريقة الاستهزاء والتنكيت اللي صاير معي

غير انه لما اقول له هذا الشي او هذاك الشي يضايقني يقوم يفتح لي ملفات قديمة .. ويحاسب على اشياء عمره ما سأل عنها عشان يطلع التقصير مني

يعني يكثف الانتقاد لمجرد الانتقاد .. عشان يقنع نفسه انه مضحي و صابر علي .. ويلاقي له حجة


عشان كذا اشوفها مسالة كرامه

مسالة كرامة لاني انجرحت ..حبي وتضحياتي صارت ولا شي

مسالة كرامه لاني استاهل احسن من كذا بس اللي ينعرض لي اقل بكثير


انا الوحيدة من بين اخواني واخواتي اللي تزوجت باقل التكاليف وانحرمت من اشياء تتمناها كل عروس

و كل هالسنين ما فكر يجيب لي هدية تستاهل .. ولا طلبت منه شي مراعاة لوضعه .. و يوم اغناه الله مافكر يعوضني .. صار يفكر بنفسه


زوجي ماعنده اي مشكله .. غير انه صار عنده فلوس مايدري وين يوديها وهالمرة اشتهى عروسه يعني ما راح يرتاح لين يشتري فيها عروسه

اضيع عمري معه وهو آخرتها بيشوف غيري؟؟

ماني بنت تقليدية .. ربي انعم علي بميزات كثيرة .. انا عكس زوجي ناجحة وطموحة .. عندي خطط واحلام كبيرة ..وعندي مواهب وقدرات كثيرة


ليه اتنازل واصبر؟؟ليه اسمح له يجرحني؟؟ وانا ماني ناقصة ولا ضعيفة ؟؟

هو اللي قاعد يهدم بيته ليه مطلوب مني اني انسى كرامتي والاحق وراه اصلح اللي يخربه

مو احنا اللي ناقصات عقل؟؟ ليه هو يتصرف بطيش ومراهقة وانا اللي مطلوب مني اتصرف بحكمه؟؟

رد : زوجي المسكين هكذا ستخسرني (مستجدات الرد 15-20-31)
 

ماشاء الله عليك فاهمة وتصرفك حكيم واضح ان المشكلة بزوجك اغلبهم اول ما يشوف له شوفة تانية يطلع عيوب زوجته حتى لو كان يشوفها من قبل مميزات ،، خليكي واثقة من نفسك مهما ينتقدك الله يكون بعونك وهي صحيح معركة انو وحدة ترجع زوجها من اللي خطفوه الله ينصرك فيها

رد : زوجي المسكين هكذا ستخسرني (مستجدات الرد 15-20-31)
 

عذرا صاحبة الموضوع ...


عودا حميييييدا سوسو

نورتي يا عسل فين الغيبة

سبحان الله امس جيتي ع بالي


سبحااااان الله

رد : زوجي المسكين هكذا ستخسرني (مستجدات الرد 15-20-31)
 

سبحان الله ..تسلمي حبيبتي ام خالد هذا نوركم اسفة على الغيبة انشغلت شوية بس دايما كان المنتدى واعضاءه في بالي ومبسوطة اني رجعت للمنتدى بعد طول انقطاع *

رد : زوجي المسكين هكذا ستخسرني (مستجدات الرد 15-20-31)
 

شاطره لاتستسلمي ابدن عجبتني ثقتك بنفسك ماشاءالله عليك
خليه يبكي يتحسف على ذيي الايام انشغلي بنفسك وبتطوير ذاتك
واسعي لهدفك وخليه صفر على الشماال زيه زي الاثاث بالبيت!

رد : زوجي المسكين هكذا ستخسرني (مستجدات الرد 15-20-31)
 

مرحبا عطر الفجر
ماشاء الله تبارك الله عليك.

انتي وحدة قمة لذا ستكوني قمة في التعامل مع زوجك
فكري في الحل واجعليه في سبيل الله مع الاستعانة بالله

وددت أن اطرح أفكارا لكن مثلك ماشاء الله تبارك الله
ستنجح في طريقة إرجاع زوجها
الله وياك

رد : زوجي المسكين هكذا ستخسرني (مستجدات الرد 15-20-31)
 

أرى أن موضوعك تحور من طلب مشورة لحل مشكلتك الى ابراز شخصيتك مقارنة بزوجك
هل ما زلتي تبحثين عن الحل لنشارك ؟
لأنه حقيقة كان لدي الكلام الكثير لم يتطرق اليه أحد لكن أن موضوعك تحور