رد : بعد هجره لي مدة 6 أشهر ،، زوجي يرغب في تطليقي
 

اتذكر موضوعك السابق ،،

ماادري وش اقول لك
ماابي احرضك ع الطلاق ،،

بس .. مو صعبه ابداً تقسين قلبك مثله ،، حاولي بس ،،
او اقل شي تسوينه تحبين نفسك وماترضين لها بالمذله ،،

طيب .. فيه شي اخير ماجربتيه
حنني قلبه هن طريق بناته ،، انهم مثلا اشتاقوا للبيت بس متعلقين فيك ومايقدرون يروحون بدونك .. خايفين مثلاً !!

اذا مافكر ببناته ف ماعليه اسف

اذا المرء لا يرعاك الا تكلفاً
فدعه ولا تكثر عليه التأسفاً

فما كل من تهواه يهواك قلبه
ولا كل من صافيته لك قد صفا

رد : بعد هجره لي مدة 6 أشهر ،، زوجي يرغب في تطليقي
 

أحبك ياربي ،، جربت هالطريقه عدة مرات ما فادت معاه
حتى ما يتنازل يتصل كل تعامله معاي بالرسايل وبس ،،
واذا دخلت معاه بنقاش ما يعطيني أي أمل أو يحسسني
أنه ممكن الأمور تتعدل بيننا ،،

رد : بعد هجره لي مدة 6 أشهر ،، زوجي يرغب في تطليقي
 

عزيزتي أنثى بريئة.


لو كان هناك أمل للعلاج لقلت لكِ اصبري لعل وعسى .. ولكن الشك يا عزيزتي لا حل له.

وكما قالت لكِ الغالية بيتا .. سكوتكِ جعله يصدق نفسه ويستمرئ قذفكِ وإيذاءك وجرحكِ بالكلام .. ولو كنتِ أوقفتيه عند حده من أول مرة لتأدب وتوقف.


قلتِ إنكِ لم تعودي تتواصلي معه .. وأقول لكِ كما قالت العزيزة عذوبة مطر: اعملي عليه حظر في الواتس.

واستخيري يا عزيزتي ونفذي ما أشار به والدكِ.


أخيراً .. ليس مطلوباً منكِ أن تكوني كبش فداءٍ لرجل عليل النفس وعنده نقص ما.

رد : بعد هجره لي مدة 6 أشهر ،، زوجي يرغب في تطليقي
 

اختي مهره ،، هل تنصحيني أرسل له شيء قبل لا اعمل له حظر ،،
يعني نفسي ارسل له كم كلمه تخليه يحس ب تأنيب الضمير

رد : بعد هجره لي مدة 6 أشهر ،، زوجي يرغب في تطليقي
 

يا حبيبتي يا عمري يا رووووووووح قلبي :d

لو عنده ضمير ما كان خلاج في بيت أهلج طول هالشهور.

لو عنده ضمير ويحترم نفسه وشاف انه مب قادر على هالزواج ـ بفرض يعني انه شايف شي مب عاجبه ـ كان بادر وطلق وعطاج حقوقج وخلاص .. مب يعلقج كل هالمدة عشان طلب الطلاق يطلع منج وما يخسر هو شي.

لو عنده ضمير ما كان سمح لنفسه أساساً إنه يسيء لج ويتهمج في شرفج وعرضج.



اعملي الحظر واغطسي تماماً .. وخلي أول شي يوصله منج هو استدعاء المحكمة .... يا حبيبتي غلطته مب هينة وما تنفع معاها حتى قرصة الأذن ..... هذا عرضج وشرفج .. وانتي أهلج ما ربوج وتعبو عليج عشان في النهاية واحد يي يخربط على عرضج وشرفج مثل ما يبا!

رد : بعد هجره لي مدة 6 أشهر ،، زوجي يرغب في تطليقي
 

الله يصبر قلبي ع الأيام الجايه واذا خلاص صار طلاق
ما ادري كيف بيكون وقعه على قلبي ،، كيف بتعايش مع الواقع الجديد
كيف أعيش حياتي بشكل طبيعي ،، أنا انسانه صعب انسى بسهوله
وصعب أكره بسهوله ،، يارب تلطف بحالي يارب ،،

رد : بعد هجره لي مدة 6 أشهر ،، زوجي يرغب في تطليقي
 

يا أنثى نحن لا نستطيع أن نجزم بشيء .. سبحان الله يغير الله من حال إلى حال.

ولا أحد يطلب منكِ أن تكرهي .. ولكن ليس من الحكمة ولا المنطق تقبل إيذاء من هذا النوع.


والحمدلله الله يخلي لج أهلج.

رد : بعد هجره لي مدة 6 أشهر ،، زوجي يرغب في تطليقي
 

هالنوعية من الرجال العيشة معاهم جحيم.الشك قتله وقتلك.لكن وقتها لو لغيتي الموبايل من حياتك كان برضو طلع بموضوع يثير فيه زوبعة شكوكه.فهذا النوع من الرجال يتقن اثارة المشاكل.انسيه وابداي حياتك من جديد.والله كفيل ببناتك

رد : بعد هجره لي مدة 6 أشهر ،، زوجي يرغب في تطليقي
 

فعلا زوجي يتقن أثارة المشاكل وبشكل محترف ،،
متى ماحب يسوي مشكله يولع الدنيا ومتى ماحب تهدا الأمور
بمزاجه ،،

رد : بعد هجره لي مدة 6 أشهر ،، زوجي يرغب في تطليقي
 

مرحبا ،،
اليوم بنتي شافت صورة أبوها ف جوالي ولما شافت قالت وهي تضحك
بابا ..... {وقالت أسمه }
بعدين قلت لها تبغي تكلمي بابا ! قالت إيه
كنت متردده انه تكلمه بعدين قلت يلا مو مشكله بس اهم شيء ما ادق
من جوالي ،،
دقيت من رقم اختي واول مافتح الخط على طول اتكلمت وتناديه باسمه
بس هو لما عرف انها بنته سكت وكان يكلمها بدون نفس ويرد عليها بالقطاره ،،
ولما تناديه كان يسكككت وجلس فاتح الخط بس ،،
بعدها قالت له باي بابا وسكرت { عمرها 3 سنوات }
وصراحه اتندمت أني خليتها تكلمه كسرت خاطري لأنه ما عطاها وجه ،،
مافيه بقلبه رحمه ،،