المشاركة الأصلية كتبت بواسطة ام مريمي (المشاركة 3071045)

حبيبتي عمر 9 سنوات فعلا كثير ،، كل ما أجلتي اكثر كل ما انتي تعبتي اكثر الحمل رغم تعبه ومصاعبه يعدل كثير اشياء بجسم المرأة واولها الهرمونات ينظمها ويمحي كل تكيس ببدايته ،، يخفف الالام مع الوقت و يرجعك جديدة هالكلام مو مني من اي طبيب نسائي ... اذا الوحده عندها الياف او اكياس باي منطقه ينصحوها بالحمل! طبعا مو على بعض ولكن بعد فترة ولازم مايكون الفارق اكثر من 5 سنوات لحتى ما تصير لك تعقيدات وتأخر بالحمل ..

انتي فكري بالموضوع ،، واتفقي مع زوجك ان الحمل مايكون كل سنتين يعني بعد انتي تحتاجي راحة لحتى يرجع جسمك متوازن .. اختي مسكينة 3 ورا بعض هههههههه مسوين حزب على بنتي بس تدرين تقولي احلى واريح ولادة هي الثالثة مع انها خايفة وذايقة الويل بس بسرعه ولدت وبدون ماتحس ..

عندك اختك الفاضلة ام مريوم ،، مو بس ذقت الويل الا خلوني على نياتي يومين بدون حتى قطرة ماي وطلق صناعي وانا ابتسامة للحلق لكن بعدين سويت لهم فيلم رامبوو محترم لعده ساعات وتعقدت الولادة وتهديدات من الدكاترة هههههههه وغير وغير النزيف يعني يومين ظليت لبعد الولادة كرهت اسمها بس ياختي بعد هالسنتين وحشني نونو وصدقيني بعد ما يصير تنسين الدنيا فلا تعقدين نفسك يالغالية ..

المشاركة الأصلية كتبت بواسطة مهره (المشاركة 3071046)

طولي بالج يا أم الدانة.

توج تقولين ما ينفع تتم تحمل لين سن اليأس .. والحين تقولين طاعة الزوج؟!!

طيب افرضي انه هو فعلاً يباها تتم تحمل حتى الرمق الأخير؟! :D


ملك فعلاً ارتاحت كفاية .. وأربع سنوات وشوي وفوقهم تسع شهور حمل فترة معقولة جداً .. إذا الله كتب لها تحمل الآن.

لكن بشكل عام ومثل ما قلت إمساك العصا من النص زين .. والمسألة أكيد محتاجة تفاهم واتفاق .... لكن ما دام أخونا أبو الملك يقول لها: (تحملين بكيفي) .. فما عليه .. لا مب على كيفه.

طاعة الزوج واجبة .. على العين والراس وما نقدر نقول شي .. لكن في أسلوب للتفاهم والإقناع غير أسلوب (على كيفي) .. ومب ضروري تكون هالطاعة ياية بقهر.

والمفروض نحط في اعتبارنا إن ملك حملت في البنتين ورا بعض .. يعني هي من البداية ما كانت معارضة ولا مخالفة .. ولا السالفة عندها سالفة دلع .. يا اختي أنا شخصياً ما أتجرأ أحمل وعندي طفل عمره خمس شهور!!


والأهم من هذا كله نقطة أنا أشوف إنها أساسية وأعتقد أن أبو الملك المفروض يعالجها بالتزامن من مطالبة ملك بالحمل.

واخد بالك يا أبو الملك؟ ;)

المشاركة الأصلية كتبت بواسطة Um-SaMa (المشاركة 3071057)

اتفق مع الغالية بيتا

اولا شوفي وضعك الصحي

وثانيا شوفي وضع زواجك

حلو اي مشاكل فاضلة وشيلو اي تراكمات لسه موجودة

وبعدها يجي الحمل باذن الله

اقعدي معاه وتناقشو قولي له تونا طالعين من مشكلة وانفصال
خلينا نعدي سنه ونشوف هل باتستقر حياتنا ولا لا


اعطي نفسك سنه وبعدها شيلي المانع تكون بنوتك صارت خمس الله يحميها
وعلى مايتم الحمل والولادة تكون صارت ست ماشالله

ماراح تتعبي راح يساعدوك بالصغير وبعتنو فيه
وان عالولادة سوي ابرة الظهر
والبطن اشرطي عليه بعد ماتخلفي اخر واحد يتكفل لك بعملية تومي تكbht

المشاركة الأصلية كتبت بواسطة ام مريمي (المشاركة 3071193)

المشاركة الأصلية كتبت بواسطة مبتعثة متفائلة (المشاركة 3071198)

الا كثير مره
مافي احلى من الاطفال
وخليكي منطقيه