شف بتكلم معاك بصرااحة أم بنتك مستحيل تطلب الطلاق عشان أول مشكلة بينكم أو بسبب أنك أول مرة أخطيت عليها أتوقع أنك من اللي مضيع مفتاح لسانه وكثير الغلط وهي تحملت بمافيه الكفاية عدت لك غلطك عليها لكن أصبتها في مقتل لما ذكرت أبوها بسوء والله أعلم وش الكلام اللي قلته وخلاها ترخص في حياتها معاك وتصر على الطلاق .
انت جالس تلومها أنها رفضت ترجع لك وانا متأكدة لو كانت هي غلطت عليك 1% من غلطك عليها كان مسرحها من زمان ولا قبلت لها عذر ,لأن فيه نوعية من الناس تعطي نفسها كامل الحرية في الغلط على الغير وترفض أحد يرد إعتباره ولو بكلمة .
الآن جاي بتكمل مسلسل التجريح في الآخرين تكلم طليقتك ليلة زواجك من ثانية , حتى من باب الإحترام لوحدة ماساءت لك أعطيها فرصة عشان تتعرف على معدنها على أخلاقها وعشرتها وش شفت منها عشان تقارنها بالأولى ولا شي .
تعرف يمكن هي تتفوق على الأولى بكل شي لكن أنت وبها الميزات الي فيك ماتشوف الا اللي أنت تبي تشوفه فقط .

أنت عجول بكل تصرفاتك وبكل قراراتك سريع الغضب ومستهتر بمشاعر الآخرين , حاول بارك الله فيك تصلح من أخطاءك عشان تعرف تتخذ قرارت صائبة ماهو فقط في هالمشكلة في جميع ماسيواجهك في المستقبل .

وحط جميع الإحتمالات قدامك ممكن الآولى ترفض الرجوع وممكن الثانية تخسرها وترجع تندم على الثنتين .

الله يفرج همك ويصلح حالك .