|
رد : عدم اهتمام زوجتي بي يضايقني كثيرا
اقتباس:
بس من بيقدر وضعي انا ؟ يمكن اني اغار من اهلها وبقائها عندهم لذلك اتصرف كذا بالرغم لو اني مشغول بعملي او دراستي كان يمكن اتناساها شوي المصيبة اني فاضي هالفتره وباجازة ومو متعود اكون وحدي وهذا سبب المشكلة .. اختي كم المفروض تبقى عند اهلها ؟ اسبوع او عشرة ايام اليست فترة كافيه ؟ ماسبب البقاء الان بعد انتهاء العزاء ؟ اليس الاجدر ان تعود لبيتها وزوجها وحياتها ؟ اليس الافضل ان تحمي زوجها من ابليس وافكاره ياناس انا غلطان بشي ارجوكم انصحوني والله تعبت |
رد : عدم اهتمام زوجتي بي يضايقني كثيرا
وربي الرجال حكاااايه ثااانيه
يعني علشان انها تزوجت خلاص تنسى ابوهاااا ؟؟؟؟!!! انت شكلك من النوع اللي تغار من اهلها يعني كل كلامك اذا كانت عند اهلها تنسى وتطنش يعني تغار منهم وماتحب انها تفرح او تحزن معهم طيب انت ماعندك حياه ؟؟؟يعني انت اجازه طيب اطلع لاهلك اطلع مع اصحابك مو جالس تدقق بس هي شسوت ووش قالت !! وتلوم الحرمه اللي يرحمها ليه ماتت ذا الوقت وبعدين انت تقول انها تشوفني متصل بالواتس وماتكلمني ...طيب شدراك انها تششوووفك ؟؟؟يمكن مادخلت على اسمك علشان تعررف ...والا بس تبغى تصيد عليها الزله ؟؟!! وحط ببالك انها بتعزي اللي يعزونها ... او يمكن احد العيال ماسك الجوال وكثير امي تصير معها نحسبها حاقرتنا لما نكلمها ونشوفها اون لاين يطلع اخوي الصغير ماسك الجوال تحبها وتشتاق لها ماااقلنا شي زوجتك وحقك بس قدر ششوي لاتصير اناني يعني انت بعد فكر هل لو رجعت لك البيت بيصير مزاجها فله وبتضحك لك ؟؟ هذا ابووووووووووو ابوووووو مو جارتهم !!! حتى لو رجعت البيت بتصير متضايقه و بتظل حزيه واصلا بيكثر الحزن لانها بتفكر بأهلها وامها حرررام عليك وربي رحمتها اقلب الايه طيب ...بالمستقبل وانت مت بعد عمر طويل وجاو بناتك يعزون ويبون يبقون مع امهم اللي هي زوجتك وكل وحده زوجها يتحلطم و يكتب بالمنتدى شوفو زوجتي وبطلقها ....والله بس التفكير يقهر اسفه اذا عصبت بس ارحمو من في الارض يرحمكم من في السماء |
رد : عدم اهتمام زوجتي بي يضايقني كثيرا
اقتباس:
وماعاتبتها على عدم سؤالها بس مجروح من داخلي ونار بصدري يشعلها ابليس وكل شوي يقول شفها نسيتك وهي عند اهلها وبعدما ارسلت لها اولادها مابتتذكرك اصلا وعندها اخوانها واخواتها واقاربها وشلون اجلس عندهم وهم في وقت صعب ولافي مكان يمكن اجلس فيه اهلها ماهم محتاجيني بشي وهل لازم اعرض انا عليها ولاهي تقول اجيك طيب عي تطلب انها تجلس اكثر عند اهلها ؟ الى متى طيب ؟ |
رد : عدم اهتمام زوجتي بي يضايقني كثيرا
نعم وفاة والدها سبب ومبرر لتنسى زوجها ولاتقارن بينك وبين اطفالكم
وانصحك اذا بتعاتبها عاتبها على كل المواقف الا هالموقف لأنها بجد معذورة |
رد : عدم اهتمام زوجتي بي يضايقني كثيرا
اقتباس:
|
رد : عدم اهتمام زوجتي بي يضايقني كثيرا
اقتباس:
|
رد : عدم اهتمام زوجتي بي يضايقني كثيرا
اقتباس:
انا مقدر وضعها ولكن ماذا عن وضعي انا ؟ |
رد : عدم اهتمام زوجتي بي يضايقني كثيرا
اقتباس:
متاكد انها تشوفني لانها اكثر من ثلاث مرات في يومين وفي اوقات مختلفة |
رد : عدم اهتمام زوجتي بي يضايقني كثيرا
اقتباس:
وفاة والدها سبب لتنسى زوجها وش هالمنطق ؟ وشلون وليش ؟ وليش مااقارن بيني وبين اطفالنا ؟ معذورة ماقلنا شيء طيب وزوجها وش وضعه ؟ وش المفروض يسوي ؟ ينساها ولا يطنشها ولا يكذب على نفسه ويجلس يجاملها وهو من داخله يموت قهر.؟ |
رد : عدم اهتمام زوجتي بي يضايقني كثيرا
اخي الكريم ،، تعوذ من ابليس وابعده عنك ... واضب على قراءة سورة يس وآية الكرسي مع المعوذات فهي تبعد الوساوس ...
ماعليه اعذرها وتقبل منها وكون معاها ،، كل انسان اذا مر بضيق وخصوصا الوفاة لشخص قريب لنا وبالخصوص نحن النساء يكون متنفسنا عند اهالينه وتحس بضيق لدرجة انها ماتبغي تكلم أحد تبغي فقط تسمع دعاء، تسمع سور من القرآن الكريم شي يخفف عليها ... رده فعلها ان كانت الاولى او فقط اثناء زيارتها لبيت اهلها فانا اقولك طبييييعية جدااا ،، تبغي تشبع منهم ، تبغي تكون كلها لاهلها فانت اعتبرها مسااحة خاصة بها وبك .. منها انته تغيير جو وتطلع من الروتين وتفكر بنفسك شوي تدلع نفسك ، حتى لو تسافر لك يومين ،، وليش ما يكون عندك اصدقاء او اقرباء؟! انت اعزمهم على سفره او سهرة بسيطة منها تجتمع بالناس تغيرر روتينك وتستمتع وماتخلي لابليس الرجيم اي فرصة .. وهي ايضاا تغير روتينها وترجع لك انسانة ملييئة بالشوق والمحبة .. نصيحتي لك حاليا ،، اتركها جم يوم لاتعاتب ولا تزعل .. مجرد ارسل رسالة بسييييطة للاطمئان عليها والتسليم ... كون على غير عادتك من الاتصالات وراح تشوفها هي اللي تبادر لان اصلا ماعتقد ببالها شي او انها تتعمد التطنيش ... بعد هالجم يوم اطلب منها الرجوع لحاجتك لها ولاتضغط عليها واوعدها انك تخليها تروح لبيت اهلها كل اسبوع لحتى تتطمن على والدتها وبجذي بتحصل على مرادك وبنفس الوقت تفرح زوجتك انك مقدر الحالة اللي هم فيها حاليا .. اخي الكريم ،، الاحظ بكلامك انك تحب زوجتك وتحترمها والسبب الوحيد لاحاسيسك هو الفراغ فقط .. تحتاج تملئه بتجمعات رجالية مع الاصدقاء ، ابني لنفسك علاقات مع زملائك اقربائك وكون انت المبادر وراح يرد لك بالمثل .. حسس زوجتك ان لها مساحتك الخاصة وله مساحتها ومو لازم الاتصالات الدائمة مهما يكون الواحد يحتاج لوقت لنفسه .. الله يوفقكم ويسخركم لبعض ويهدي لكم ابنائكم ان شاء الله |
| الساعة الآن 06:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©