|
رد : طلقني
انا اتصلت على رقم ومقفل
وقع الخير علي زي الصاعقة رجااااء هدي اعصابك وافهمي واسمعي الكلام انتي زيي متسرعه ومافقت الا بعد الطلاق سبق وقلت لك لا تطلعين من بيتك قضي رمضان بيت ورفضتي وانتي غلطتي يوم ارسلت لزوجته انها تشبع فيه وممكن هي وصلت له الكلام اسمعي ياام هيفاء لاتهددين محاكم ولا ترفعين قضية ولا تدخلين القضاء بينكم هو مراح يحرمك من بناتك ومن هنا لسبع سنوات بناتك بحضنك وبعدها لكل حادث حديث هو قال لك راح يعطيك مصروفهم اهدي وربي معك ويربط على قلبك |
رد : طلقني
لا ترجعين له ولا تترجيه ولاتردي المسج ..
كافي يالمسة اصحي هذا ما اهتم في بناته وراح يطلق من دون سبب حسبي الله ونعم الوكيل كان ما أتزوج دام مو قدهااا وفرق الأطفال من والدينهم .. الحمدلله ربي رزقك بوردات ربيهم واهتمي فيهم ممكن خير لك يتربوو بعيد عن بيئة أبوهم .. |
رد : طلقني
ثقي تمام الثقة انه هو الخسران وانت الكسبانة
والحمد لله طلعتي ببناتك الله يخليهم لك ويرزقك برهم،، وأنهم يتربوا في بيئة صحية عند اهلك أحسن من ان يتولى مسؤوليتهم أب مو داري عنهم ولا وفر لك ولهم الاستقرار ولا كان ناوي.. والدليل يوم يقول اجلسي عند اهلك ثلاث سنوات في رجال طبيعي يقول هالكلام لزوجته،، الله يعوضك خير يا قلبي ويبرد على قلبك عاجلا غير اجل |
رد : طلقني
الله يسعدكم اخواني اخواتي
انا تحت صدمه يمكن ايام واصحى مثل ماتفضلتوا لعله خير لي سمعت امي تكلم خالتي تقولها اصلا يوم كانو عنده بناته مو معبرهم ويسوي هزاز لجوري بقوة عشان بس تسكت ومطنش ماهمه |
رد : طلقني
انا مستمره بالدعاء عليه قلبي فيه جمره تحرق
صح قلت بناتي لاجاوني نسوني الكون الله يحفظهم لي من كل شر بس قلت خلي وجود ابوهم احسن من العدم اذكر قالي مره وانا عنده مقدر ارجع البيت الساعه 12 بس البيت الثاني عادي الرجال يبي على كيفه يدخل علي 12 طيب ليه تزوج الثانيه؟؟ سالته مره قال ابي اجرب صاروا بنات الناس محطه تجارب حسبي الله ونعم الوكيل فيه انا والله فراقه راحه ولا عليه حسوفه ماشفت منه شي زين بس فكرت في بناتي باذن الله راح اعوضهم كل شي اجوع انا وهما ياكلون ماعاد يهمني نفسي غير هما وسلامة عمرهم وعند الله مايضيع شي الحمدلله عندي اهلي والا كان رماني بالشارع لله ماخذ ولله ماعطى والحمدلله على كل حال مؤمنه ان الله اختار لي الصالح لكن احتاج وقت للنسيان يكفي انتم معي بعد الله الغاليه قلب مكسور اتركي رقك ترى جوالي ضاع وعندي رقمك بجوال اخر ونسيته بجده واحد معتوه مصور لي صوره المحكمة اطلق ماعنده الطلاق والله مارزقه بالماده لانه طاغي باستغلال ضعف الناس لو فيه خير عالاقل انتظر بناته لين يكبرون |
رد : طلقني
ايه يالدنيا انتقلت لقسم المطلقات
كنت اخاف ادخل هالقسم ولا اعرف اكتب الا بقسم المتزوجين ليتكم خليتوني هناك احس بالامان اكثر |
رد : طلقني
الله يعينك ويرزقك من واسع فضله
|
رد : طلقني
الله يعوضك يالمسه كل خير
ويأجرك بمصيبتك ويخلف لك خير منها حسبي الله ع كل ظالم لعاب لك رب رحيم لك رب كريم لك رب ارحم فينا من امهاتنا الحمدلله .. خليه يشبع بالاولى ربي يعوضك ان شالله بخير منو ان شالله تكون بداية خير لك ولبناتك... |
رد : طلقني
حبيبتي ماحدث لكِ هو الخير كله الذي قد تجهلينه
وإذا حال بناتك بدون أب يضايقك ويجعلك تفكرين بهن فلتعلمي أن الأم الصالحة خير من مئة أب بالاسم أمي ربتنا جميعاً بعد انفصالها عن أبي وأستطاعت أن تكون لنا الأب والأم واغنتنا تماماً عن وجوده حبيبتي كوني واثقة من نفسك وقوية وأنظري للمكافئة العظيمة التي أراد الله لكِ أن تخرجي بها من هذا الزواج وتذكري تلك الأيام حين كانت نفسك تتوق لحمل طفل وكنتِ تريدين الإنجاب منه فقط ولايهمك أمره بعد ذلك ربي لم يرد لكِ أن تخرجي من هذه التجربة خالية الوفاض بلا مكاسب أنتِ كسبتِ زهرتين سينفعانك في كبرك فالبنات أحن المخلوقات على أمهاتهن فطوبا لكِ فأحسني إليهن وأحسني تربيتهن وأحتسبي الأجر عند الله وأعتبري نفسك قد تخلصتي من أذى كان يدمر نفسيتك فأنتِ الآن حره طليقة لايضايقك أحد في تربية صغيراتك فعيشي بسعادة وأتركي التذمر والحزن وأشكري المولى على أقداره |
رد : طلقني
بكاني كلامك سيده الموقف
حتى انا امي ربتنا لحالها اسال الله ان يرزقها الجنه ويطولي بعمرها تاج راسي بس وانا صغيره كنت اشوف الاطفال يشترون لهم ابوهم اللعاب ورغم امي ماقصرت كانت معيشتنا ملكات انا واختي بس كنت احس بالنقص كنت دايم افقد كلمه بابا وكان جدي الله يرحمه هو مكانه ويوم مات وعمري 15 تيتمت من جديد كنت ادور اب قبل زوج كنت ادور اتزوج انسان يخاف الله قبل كل شي كبيت على زوجي كل مشاعري الدفينه بس ماتحملها او بالاحرى مايستاهل وخفت على بناتي يشعرون باي نقص بس ربي راح يعطيني قوة من عنده لاجل اعوضهم عن كل شي انه على كل شي قدير وفعلا كلامك الله ماراد ان اخرج من هالتجربه بدون شي اكرمني ربي وهو ادرى باموري وانا وكلت امري له الحمدلله هذا ولا اكثر انا اشعر بحريه وسعاده داخل صدري بالفكه منه بس لاشفت بناتي اتعب واخاف يفقدون اب راح اعتبره مات ربي ماراح يخليني انا وبناتي بربيهم ان شاء الله تربيه حسنه واعطيهم عمري فدوى لهم بالنسبه للزواج لن اكرر الجره ابد ومستحيل اجيب لبناتي رجال جربت وهذا نصيبي واخذ حقي والحمدلله على كل حال الله يهون علي ولازلت احتاج لدعائكم بكل مراحل حياتي انتم احبابي واهلي وكل شي |
| الساعة الآن 05:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©