رد : لاعت جبدي من كلمة طلقني
 

اخوي بو خليفة انا قريت كل مواضيعك و مواضيع زوجتك و أتألم وايد لوضعكم الي يزداد سوء يوم بعد يوم و خاصة الحين بينكم عيال ، في البداية زوجتك غلطت وايد بحقك و قصرت معاك وايد و انت كنت نعم الزوج وقفت معاها في محنتها و اهتميت فيها و حتى لما انجبرت تتزوج عليها لان رجل و محتاج زوجة تعطيك حقوقك ، ما تخليت عنها الاخر لحظة رحت تتطمن عليها و على أدويتها و قلت لها محد بياخذ مكانج و هذا كله بشهادتها هي

زوجتك تتألم وايد تتألم و انت مب حاس فيها مول ، هي مب قاعدة تتألم عشان زواجك الثاني لانها تعرف انها كانت مقصرة في كل حقوقك و اعترفت هي بهشي لانها مرت بظروف صعبة جدا و قوية و النتيجة قصرت معاك بس هي كل ألمها من زواجك الثالث لانها تقول عنده زوجة ثانية و مب مقصرة معاه و تعطيه حقوقه و انا بعد ما يبت عيال احاول اتغير و اعطيه حقوقه و ما اقصر معاه فليش يكسر بخاطري و يتزوج الثالثة و انا معاها في كلامها يا اخوي هي تغيرت عن قبل و عندك منها عيال و تحاول ما تقصر معاك و عندك زوجة ثانية بعد

و بيكون ردك انا مب مقصر عليها بشي كل شي متوفر عندها و انا ما سويت الحرام ، يا اخوي زوجتك ابدا ما يفرق معاها عدم تقصيرك لان هي من انولدت و عايشة في مثل هالمستوى و عن انك ما سويت شي حرام ، اخوي حتى هي طلباتها منك مافيها شي حرام الي اقصد فيها الدراسة و الصديقات و الخروج و هالامور بالعكس هذا يساعدها على الخروج من الدائرة المغلقة الي هي فيها و يحسن نفسيتها و مزاجها و يخليها تحس بالتفاؤل بالحياة ، هي عايشة بملل في نفس الروتين و طلباتها منك الصديقات و الدراسة و هالامور كلها عشان تغير جو و تغير الروتين و تختلط بالناس شوي و تتغير شخصيتها و بتقول هي شخصيتها ضغيفة و تخاف عليها وايد اي احد يلعب عليها

اخوي انت بتخليها تطلع بحدود معينة يعني سجلها جامعة غير مختلطة او معهد غير مختلط او تختلط مع زوجات اصدقاءك و ناس لهم سمعة طيبة ، سجلها بنادي نسائي او حلقات تحفيظ ، هي ام لأطفال الحين و مؤكد شوية من شخصيتها تغيرت بعد ما صارت ام ، و انصحك اطلع انت معاه كل اسبوع مرة غير جو معاها روح معاها الملاهي و المطاعم و البحر و لا تحاسبها وايد في طلعاتها معاك خليها تنبسط قد ما تقدر لان حتى خروجها معاك كان مرات معدودة جدا و كلها فندق و حتى اكثر الاوقات داخل الغرفة في الفندق و نادر ما تطلعون عشان هذا السبب اقولك غير من روتينك معاها...

رد : لاعت جبدي من كلمة طلقني
 

اخوي انت تسافر و تطلع كل مكان و عندك اصدقاء و تغير جو اخر شي ترجع البيت تلومها ليش صايرة نكدية و نفسيتها تعبانة ، اخوي جلسة البيت و الوحدة و بنفس الروتين كل يوم هالشي يقتل و تخيل نفسك في مثل هالروتين بدون اصدقاء و بدون طلعات صدقني هالشي صعب جدا و نقطة ثانية اخوي تدل على انانيتك غير زواجك الثالث هو اصرارك على الحمل رغم انك تعرف وضعها الصحي و تعبها الشديد بالحمل و نفسيتها بدل ما تريحها و تحاول تمنع هالشي خاصة انه كل ولاداتها قيصرية

اخوي حاول تغير من اسلوبك معاها و كل شي خبرتك عنه و اصبر عليها و اذا بعد فترة ما تغير شي و زاد اصرارها بالطلاق و استخرت و عرفت هالشي احسن لكم انتو الاثنين لا تحرمها من عيالها ، هي يتيمة اب و ام و ماعنها اخوان من امها و ابوها و ماعندها غيرك في الدنيا و اذا طلقتها تكون طلعت من حياتها و ما يبقى عنها الا عيالها اما انت عندك زوجتين و تقدر تنجب منهم و يكون عندك عيال منهم اما هي ما تقدر و عيالها هم حياتها و لا تحرم عيالك من امهم و حنانها و حاولت تتخيل نفسك مكانهم ما تريد حد يحرمك من امك فهم نفس الشي خاصة اعمارهم صغيرة جدا و لا يخفى على أحد حاجة هالعمر للأم و حنانها و لكن اتمنى ما توصل الامور للحد هذا اجلس معاها جلسة مصارحة و قولها عن طلباتها و ناقشها و اعمل لها بعض منها و اقنعها في البعض الاخر غير من اسلوبك معاها و كون حنون جدا عليها عشان ما تقدر على فراقك و ما تصبر عنك ..

اتمنى لكم حياة سعيدة و مستقرة و يشهد الله اني خايفة على عيالكم و ما ابيهم يذوقون الطلاق و يصيرون ضحايا و ينحرمون من الحياة المستقرة بين اب و ام..

رد : لاعت جبدي من كلمة طلقني
 

اخوي بو خليفة



ومثل مالك احرية انك تتصرف مثل ما تبي حتى هي لها الحق في الحرية اقلها انها تختار حياتها اللي تبي تعيشها ومع منو


ما تدري يمكن عقب طلاقها منك تدرس وتشوف الدنيا


الله يفتح عليج لجونة حبيبتي

رد : لاعت جبدي من كلمة طلقني
 

اخي كل همنا انك تعيش بسعادة مع لجين واطفالك وتعيشوا حياة اسرية مستقرة ولحل المشكلة لازم معرفة السبب اذا انت اعطيتها مساحة صدقني ما رح تشوف غيرك
رح تكسب حبها
رح تكون انت واطفالكن كل شي بحياتها
رح تعطيك من كل قلبها
رح تقدر تسعد اطفالك وتسعد نفسها وتسعدك
صدقني الحياة مرة وحدة بنعيشها
اخي المفروض تساعدها وتدعمها لانك حبيبها وزوجها وابو عيالها
وما حدا بحب الطلاق ولا احد بيتمنى تشتت الاسرى صدقني المال ما هوي السعادة
ساعدها لتساعدك لتعيشوا حياة حلوة
اسأل الله ان يسخركما لبعض ويضاعف حبكما ويرزقكم السعادة من حيث لا تحتسب
احترامي

رد : لاعت جبدي من كلمة طلقني
 

اذا هي تبغى الطلاق أعطيها حريتها
وسكنها هي حره فيه تسكن في المكان الي ترتاح فيه
أعطوها اشوي مساحه تتخذ قراراتها بنفسها حتى لو كانت غلط هي مسوله عن قراراتها
وياليت تنظر لها بنظره ألرحمه وأنها إنسانه من ابسط حقوقها تعيش حياتها بكيفها

رد : لاعت جبدي من كلمة طلقني
 

بعيد عن مشكلتكم عيالها مالك حق تحرمها منهم
من اللي حمل ومن اللي ولد أنت او هي ؟!!!
العيال عندها ومن حقها توكل محامي وتآخذ الحضانه منك وانت بنفس الوقت تشوفهم هي ماراح تحرمك منهم
وبعدين لا تنسى حكم اللي يفرق بين الأم وضناها

رد : لاعت جبدي من كلمة طلقني
 

تعاطفت جدا مع لجين المذكوره
ولكن مع اني متابعه يوميه للمنتدى ماشفت لها مشاركات ولا للأخ خالد

ممكن تدوني رابط مواضيعهم القديمة واكون لكم شاكره

دعواتي الله يصلح حال الجميع

رد : لاعت جبدي من كلمة طلقني
 

صباح الخير طلبها للطلاق صرخة غضب منها على وضعها انت حارمها من حقها الشرعي ورافض ان تعطيها بحجة انك مكتفي بدل الوحدة ثنتين وهي ليس لها حق بحجة انها موافقة قبل زواجك وقتها كانت تعاني ضروف وقالت كلام ما عرفت تبعاته ولكن يوم شرع الله سبحانه التعذ امر بالعدل وعليك مراعاة الله سبحانه واحكامه. بالنسبة لقرارك ان طلقتإا تحرمها من عيالها انا اشوفه عادي عندكم لانه شيئ تربيتم عليه ومتأصل فيكم كما فعل ابوها حرمها من امها انت بتحرم بنتك من امها وبنتك بيحرمها زوجها من بنتها وبتسري هكذا الدنيا سلف ودين الله يهديك لما يرضي الله.

رد : لاعت جبدي من كلمة طلقني
 

أنا مصدومة من ردود الاعضاء ..
ممكن تعلموني هو ايش سوا فيها بالضبط ؟؟
أحس انه ذوقها الويل ..
للاسف ماكنت متابعة مواضيعهم ..
أبي الروابط من فضلكم ..
أو معرف لجين وأنا ببحث ..

رد : لاعت جبدي من كلمة طلقني
 

أختي الكريمه أم دانه أنا بختصر لج عذاب 6 سنوات
وحده امها وابوها انفصلوا وهي بعدها يهال والمهم انه ابوها ويدها وأعمامها منعوا تواصل الام وياها ولاسباب خاصه ?حظي الحرمان من وهي في بيت ابوها

أنا الخبل والمقرود قررت اتزوجها لاسباب اعتبرها ساذجه ووسبب جمالها وانها بنت عمي و?زم اخذها أنا ومن بين الكل عمي طبعا وافق وياليته رحمني وما وافق على هذه زيجه

من بداية زواجنا ونحن بمشاكل منعتني من حقي شرعي اعترفت لها واعترف للمحترمات اللي هني أني غلط بتعاملي وياها باول اسبوع فقط قولي كنت جاهل

المهم انها أصرت على منعي وانا تجاهلتها وصرت وتزوحت بسر. من جنسيه عربيه ولما عرفت حضرتها أصرت على طلاقها أو طلاقهم بحكم انهم مب من مستواها او بتفضحني عند ابوها وعند اهلي بزواجي ثاني وللعلم أخوها كان متزوج وياي طلقت البنات

بديت. اتعب من حياتنا وهي مثل ماهي والاخوات الفاضلات كان الكل مستنكر أسلوبها والكل يقول من حقك تعرس وتعف نفسك من الحرام

قررت أتزوج ثانيه ويشهد الله خطبت وحده كبيره وفي يوم خطوبتها بالحرف الواحد قلت لها تراني أحب زوجتي ولكن من سوء الحظ وقت ما خطبت هي حملت لجين بالله عليج شلون برجع بكلامي وشنو ذنبها بنت ناس اقول لها مابيج ?نه ست الحسن والجمال حملت كنت بين نارين

والله وهي تقرأ كلامي ممكن والخوات اللي هني يشهدن ظليت وياها حتى بيوم زواجي ما استطعت افارقها بحكم انها تعبت واخخذت ثانيه وتميت وياها 3 ايام فقط ورفضت أسفرها شهر العسل والحجه زوجتي تعبانه ودخلت بمشاكل وياها

توفى عمي الله يرحمه وهني حسيتها مصيبه طاحت فوق راسي تعبت زياده المدام وزادت من بينا المشاكل واضطريت اسكنها بيت اهلي ?نها كانت جدا تعبانه من حملها وزواجي وفاة عمي

المهم بعد و?دتها بغلا بدات علاقتنا تتحسن وانا ما انكر الفضل لله ثم لام بلال والمستشار رجل الرجال
واخذتها وسافرت وياها اسبوع كانت اسوا اسبوع وياها ناس تسافر المالديف تسترخي واحن بحرب
المهم كانت علاقتنا شبه هاديه

حملت بولدي ثاني وهي تدري وربنا يشهد واقسمت لها انه ما حسبت الامور صح وعدتها اساعدها المقابل هي تساعدني

لكن والله ثم والله ليومج هذا واحن حياتنا مثل ماهي أنا تزوجت ثانيه لو بيدي اطلقها كان طلقتها لكن مقتنع انه مالها ذنب ولجين إذا تغيرت تغيرت ثلاثين بالميه واذا زعلت ردت لصفر أنا اتكلم عن حقي شرعي ?ني مب محتاج منها تطبخ و? و? و? كنت محتاجه زوجه

ملجت على ثالثه وما ارتحت لها وسبحان الله خيره وطلقتها

فعلا قبل رمضان بكم شهر كنت بخطب وبتزوج ?ني تعبت مب محصل زوجه كامله. الاولى ومشاكلها ورفضها انها تعطيني حقي كامل لاسباب عديده مابي اعيد فيها
والثانيه يا مسافره تكمل دراستها

طبعا لاخر مره موضوع دراسه وهي في بيت ابوها ما درست أنا شنو ذنبي لحين ادرسها عطوني شرط بالشرع يلزم الزوج يدرس زوجته الا إذا كان بينهم شرط بعقد الزواج كل وحده تتفلسف وتغرد دراسه دراسه أنا ارد اقول مب ملزوم دامني مب مقصر وياها او هاتوا دليل شرعي وانا والله اسجلها من ثاني يوم

سالفة سفر وطلعات هي تدري وبذمتها ليوم دين عقب و?دة راشد تدخل وتكتب أنا تغيرت وياها بهذه نقطه او ? بالنسبه للسفر طلبت مني بالصيف قبل لنتهاوش وافقت وقلت لها بنسافر بروحنا بالاول ردت وقالت ? بسافر ويا خواتي وحريم خواني قلت لها سفر حريم بروحهم مرفوضه وتهاوشنا وكنسلنا ونسينا سالفه

والله الغريبه الخوات المعترضات ومحتشرات على سالفة عدم تسفيرها توني جايف موضوع لاخت هني ما شفت احد قايلها تطلقي وخربي بيتج عسب ما سفر



لو أنا قليل الاصل كان طلقت من اول ما اخذتها مب عقب ما بينا 3 لاسباب سخيفه غير مقنعه
بالعقل.

والاخوات أغلبهن كانوا يقلن انها غلطانه ومن حقك تتزوج وانها تدلع ومب ملزوم انت تتحمل مرضها و? مشاكل اهلها سبحان الله شنو ألللي تتعير الان مادري ماهو وضعنا مثل ما هو الفرق بينا 3 ضحيه