|
رد : زوجي واقاربة صح ولا غلط
اقتباس:
وزوجي تراسله بنت اخته قلت له طنشها ارسلت طيب بازعل وماله داعي هالحركات ابغاها تحس انها رخيصه مهما تقرب له |
رد : زوجي واقاربة صح ولا غلط
اقتباس:
تسلمين عالنصايح وان شاء الله ربي يعيني واكون له بعد الله المعين يشهد ربي لو اعطاني سره لادفنه بس من جد اتمنى اعرفه عشان اخفف عنه كذا مره خصوصا لما يندمج بسوالفه ويفرغ لي يقول بقولك شي بس خايف تعلمين اقول له وربي مايطلع من بيتنا بعدها يقول لا خلاص بعدين |
رد : زوجي واقاربة صح ولا غلط
الام امرها هين ولو ان تصرفها غير مقبول بس طوفيها دامك مو ساكنه عندهم قللي زيارتك لهم مرتين بالسنه كافي جدا بس لا تمنعين زوجك من اهله هو يزورهم عادي وانصحيه يبر امه وخليه يأخذ عياله معاه بس ما ينامون هناك
اما بنت اخته فهذا فاصخه وتبي تغيظك والسبب ماهم متربيات وما وراهم رجال فوق روسهم عايشات بقروب حريم ودبرة بعض الحريم سيئه والرجال بهذي العايله مبين نظامهم ما يتدخلون طالما الحريم في البيت فالامور مستقره بنظرهم وهذا شي غلط واسرار زوجك لا تحاولين تعرفينها لا تندمين طول عمرك الستر زين والله غفور رحيم |
رد : زوجي واقاربة صح ولا غلط
انتي صح وهم غلط .. كيف يتكشفون بالطريقة هاذي ..؟ مايخافون ربهم ؟؟ انتي انتبهي على زوجك منهم لا تعطينهم فرصة يكونوا معاه لحالهم .. وتعوذي من الشيطان ولا تسمحين له يوسوس لك باللي بين زوجك وبينهم .. الحمدلله إن زوجك يداريك ويراعي مشاعرك .. وحتى يخليك تشوفي رسايلهم .. طاعك لما قلتي طنش .. ورد عليها لما كان في بيتهم .. لو فيه شي كان حرص يخفيه عنك .. الحمدلله إنكم بعيدين عنهم .. |
رد : زوجي واقاربة صح ولا غلط
اقتباس:
خصوصا بعد مارمته على الارض ماني واثقه فيهم ولابايعه ولدي قطعه من قلبي وكل دنيتي باحافظ عليه ومستحيل تقول جيبه اشوفه اصلا ولدها ماشافته سنه عادي عندها ولاحنت عليه ماهي من النوع الي يحب ويخاف على الشخص ويرحم زوجي طلب منها تسهر معاه وهو له عنها سنه رفضت قالت مشغوله انا فهمتتها ززين اهم شي نفسها واولادها الي من زوجها الثاني |
رد : زوجي واقاربة صح ولا غلط
اقتباس:
اختي ارسلت مسج واتس تسالني بشري كيف اوضاعكم وكيف استقبلت خالتك ووش شعورها لما شافتكم قلت لها بعدين اعلمكم بس كاني على راسي وبيت مجاعه ونزلت جوالي ورحت الظاهر زوجي فتح وشافها لما تسحرنا ناداني بالغرفه الي خذيناها غصب عشان ننام وسولف لي وقال عساك انبسطتي لايكون شي مضايقك انا عرفت انها قراء الجوال قلت له ماراح اتكلم كل شي كان قدامك قال لاتعلمين اهلك لانه فرق بين استقبالهم لنا واستقبال اهلي قلت ان شاء الله |
رد : زوجي واقاربة صح ولا غلط
اقتباس:
يلا الحمدلله ربي عوضك بزوج يحبك ويهتم فيك .. عشان خاطره لا تعلمين أهلك .. |
رد : زوجي واقاربة صح ولا غلط
اقتباس:
وعدته مااعلم احد ان شاءالله اكون قد الوعد |
رد : زوجي واقاربة صح ولا غلط
الله يكون بعونك
اعوذ بالله من قسوة بعض القلوب رمت الطفل ع الارض واغمي عليه جد مو مستوعبه هالحركه ،، مو لهدرجه الجلافه عاد بنات اخته جيل تعبااااااااان قلة ذوق واحترام وتربيه ماادري كيف مسكتي اعصابك ،، بس الي واضح انك واثقه من نفسك وماليه عين زوجك والحمد لله بس عذرآ اختي عندي سؤال برئ الموضوع لو ممكن!! انا مااعرف حكايتك بس من الردود باين ان زوجك كان يخونك،،، وتقولي الامور الحين صارت احسن واستقرت وتخلص من الخيانه وانك ساعديته ،،، ممكن اعرف كيف لو مافي احراج |
رد : زوجي واقاربة صح ولا غلط
اقتباس:
كنت اكل ولدي بصالة عمه لانه سكنا عندهم يومين والولد صار يبكي من التسنين نزلته وقلت لزوجة عمه بروح اودي هالاواني المطبخ فجاءه سمعت ولدي يصرخ بقووة وكانه مضروب وانقطع نفسه جيت اركض وحصلت ولدي بحضن زوجة عمه ومافي نفس ووجه ازرق وام زوجي تغسل عند المغاسل صرخت وركضت بولدي عشان اهويه زوجي سمع الصراخ وحاني واخذه مني وغسلنا وجهه ورحع نفسه اخذته على صدري ابكي واتاسف منه انه تركته قال زوجي وش جاه زوجة اخوه قالت لما نزلته امه جيت اشيله بسكته قامت خالتي واخذته مني والولد ترع ترعه عليها هي تقرفت ورمته ع الارض وهو اصلا كان يبكي انفجع واغمى عليه زوجي صارخ وقال البسي ماعاد لنا هنا مكان وماتوقعت انك يمه ترخصين ولد ولدك عشان شي يحصل من كل الاطفال |
| الساعة الآن 06:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©