|
رد : زوجتي عقيم وترفض زواجي عليها
خلاص يا استاذ فهلوي طابت النفس عن الزواج ومستحمل اعيش بدون ذرية لأجلها '
لكن كيف ارجعها وهي مقفلة جميع طرق الرجعة في وجهي واذكر مرة ارسلت لها رسالة طويلة عريضة كلام جميل مني واريدها ولا حياة لي من دونك ثم سألت ايش يضمني انك اذا رجعتني بيتك ما راح تتزوج قلت لها اذا جاتك بس شكوك ولو شك بسيط اني بتزوج لكي الحق وقتها تسوين الي تبين تدري ايش قالت للاسف و انا اسف اني بذكر الكلمة قالت ( كل تراب ) خلاص النفس طابت منك ومن اشكالك !! واعطتني حظر بعدها محتاج طريقة يمكن ترجع المياه لمجاريها ' والله افكر فيها صحيح يمكن ربي يرزقها بزوج بس برضه يمكن ما يرزقها وتجلس طول العمر وحيدة ' لا والله اجلسها عندي حبيبتي وعسى ما جبت عيال ولا تجلس لوحدها في النهاية ما اقدر اتخلى عنها زي ما وقفت معها في السابق بجلس واقف معها طولت العمر |
رد : زوجتي عقيم وترفض زواجي عليها
مالومها
شعور ان زوجها وحبيبها سيكون مع اخرى شعور قاسي الله يشفيها ويرزقها بالذريه |
رد : زوجتي عقيم وترفض زواجي عليها
السلام عليكم
اخي الفاضل دخلت موضوعك واحببت الرد عليك كثر الله من امثالك وجزاك الله خير ونعم الرجل ووفيت وكفيت مع زوجتك الله جعلها عقيم ماباليد حيله هذه ارادة الله في خلقه اخر وحده تشجع التعدد هي انا لكن وضعك مختلف وهنا الله سمح لك بالزواج باكثر من وحده ولك كامل الحق بان تكون اب ان اراد الله لك ذالك الي صدر منها طبيعي حست انها راح تفقد رجل اعطاها كل شي لاتلومها حاول تجير خاطرها واقنعها انه مافي امراه تاخذ مكانها والكلام الطيب له اثر وانت ماقصرت من حقك ان تتزوج ومن حقك الانجاب واسال الله ان يسخر لك الزوجه الصالحه والذريه لي تبر بك فحياتك وتسعدك بعد مماتك انه ع كل شي قدير احترامي لك اخي الفاضل |
رد : زوجتي عقيم وترفض زواجي عليها
الله يرزقك بالذريه الصالحه
واحد من اقاربنا من بعيد رفض يتزوج على زوجته لدرجة انه تلح عليه أمه طيبه بس تبي تشوف عيال عيالها وفي الاخير قال هذي حياتي وانا راضي وخلاهم يقفلون الموضوع ومايفتحونه قدامه العقم من زوجته وهي رافضه العلاج وصل عمرها 35 سنه تزوجت وعمرها 16 قمة الوفاء في هذا الزوج هو بصراحه يحبها لدرجة العشق ماشاء الله لاقوة الا بالله |
رد : زوجتي عقيم وترفض زواجي عليها
يضْرب الحب شو بيذل ...
هكذا يقولون ... لا بأس ... أنت تحبها حب عظيم، وهذا واضح جدا ... وليس هناك أجمل من الحب :::::: |
رد : زوجتي عقيم وترفض زواجي عليها
اقتباس:
لكن اقترح عليك تغيير أسلوبك حتى تعلود المياه إلى مجاريها .... |
رد : زوجتي عقيم وترفض زواجي عليها
الله يزيدهم حب وعشق ولا يحرمهم من بعض يا الم الحنين
لكن كما قلت رجل عن رجل يختلف فمنهم قمة في الوفاء مثل قريبك ومنهم لا يمت للوفاء بصلة مثلي ' |
رد : زوجتي عقيم وترفض زواجي عليها
مهما كنت تحبها
ما رح تحبها اكثر من عيالك مستحييييل تلقى حرمه تحرض على الزواج الثاني لكن لاحظ هنا الاغلبية يحثك وانا اولهم الضنا غااااااالي اتركها وبيجي يوم وتهدا لكن سنين عمرك ما رح ترجع و12 سنة ما هيب شويه امي دايما تقول لي " عيال الشباب للتباب وعيال الشيبه للخيبه " |
رد : زوجتي عقيم وترفض زواجي عليها
لا بالعكس محشوم والدليل انك تخاف على مشاعرها وهذا من حقك
بس في نفس الوقت هي كذا بتنجرح كثير وماراح يبرأ جرحها الله يربط على قلبها |
رد : زوجتي عقيم وترفض زواجي عليها
اذا كان صحيح هذا قرارك فإنت خسرت الاثنين .. الزوجة والذرية .. توكل علي الله وتزوج وربي يرزقك ويصلح حالها وترجع لك ويشفيها وتجيب منك عيال ..
بس لا تذل نفسك اكثر .. تطيح بين رجولها وتترجاها وهي تقول لك كل تراب؟ بصراحة انا دايما اسمع اذا الزوجة عقيم تدوس علي قلبها ومشاعرها وتقول لزوجها تزوج، من حبها له ماتبي تظلمه وتحرمه من حلم الابوة .. اما لو اعترضت الزواج تكون انانية .. |
| الساعة الآن 04:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©