منتدى عالم الأسرة والمجتمع - شكى فى زوجى سيدمر حياتى

اقتباس:

المشاركة الأصلية كتبت بواسطة بسمة 111 (المشاركة 3144937)

كيف كانت رده فعل زوجك بعد ماواجهتيه ؟
تأسف لك ؟!
كيف كانت مواجهتك له ( هل بالبكاء والصراخ ) ؟!
اكتبي تفاصيل ماحدث لك ؟

لأ ما واجهتهوش بالبكاء ولا بالصريخ بالعكس رحت قعدت جانبه وقلت له اعتبرنى صديقة والمرأه عندها الحاسه السادسه قويه ولما بتكون بتحب كمان بتبقى الحاسه دى مضاعفه وانا حاسه ان فيك حاجه مش مظبوطه ومش عايزه اعرفها من غيرك ومش عايزه ادور انا وراك واكتشفها لأنك لما تقول لى ممكن اسامحك لكن لو انا اللى كشفتك وطلعت بتكذب عليا عمرى ما هأسامحك ولا هأعدى الموضوع
هو كان بارد جدا وحكى قشور مش تفاصيل يعنى مجرد واحده بنت معجبه بيه وكلمته تليفون وقالت له انها حبته من اول نظره وسألته ان كان بيحبنى فقال لها ايوه فقالت له مش مشكله هى موافقه تكون زوجة تانيه ومستعده تتكلم معايا وتقنعنى!!!!!! فهو طلب منها ما تكلمنيش وقال لى انه مش هيزد عليها خالص لحد ما تزهق وتبطل تتصل بيه
وطبعا كان بيدخل واتس يشوف رسايلها ويبعت لها وتبعتله وهو ما اعترفليش بكده بس انا اخدت تليفونه من وراه وفتشته وعرفت كل حاجه وهو كان ماسح محادثاته هو لكن سايب محادثتها وصورها والفيديوهات السافله اللى بعتاهاله ومن ردها عليه عرفت انه كان متجاوب معاها لفتره