المشاركة الأصلية كتبت بواسطة مبتعثة متفائلة (المشاركة 3151506)

لي عوده للرد عن كل رد
ردودك مره نيره
جزاكم الله خير
اقصد بالاستغناء عن الناس ان لايصبحوا اكير همي
ولا يعني عدم مخالطتهم والعزله


صغري دائرة معارفك و خليها ضمن عدد محدود بحيث تقدري تسيطري علي الوضع
قللي الاحتكاك ليقل التصادم
اهم شي ودي اتعلمه كيف اترك مسافه بيني وبين كل شخص
واحافظ على نوع من الرسميه معاهم

المشاركة الأصلية كتبت بواسطة زهرة الجاردينيا (المشاركة 3154334)

تعلقي بالله وبعدها بتشوفين كيف الناس تتعلق فيك

المشاركة الأصلية كتبت بواسطة نسياان (المشاركة 3154796)

فعلا خير الكلام ما قل ودل
اختي متبعثة تمعني في كلام الأخت بارك الله فيها

المشاركة الأصلية كتبت بواسطة Vanity (المشاركة 3151400)

انا اتحسس من اشياء ممكن محد يتخيلها واكبر المواضيع كثير.. يمكن هالكلمتين اللي بقولهم يساعدونك..

صرت يامبتعثة احط حدود لكل علاقاتي.. وارتحت نسبيا..

الحدود تحط كل شخص بمكانه الصح..

اسولف واضحك واساعد كل احد وعلاقتي حلوة مع الكل.. بس لو اختفوا كلهم كلهم من جوي ماراح تفرق او على الاقل ماراح اتاذى..

اللي اخاف منه وهاجس بالنسبة لي هو فقد اهلي.. يارب طول باعمارهم..

مبدا الفضفضة عندي ممنوع فطريا.. لانه مزعج وما احسه يفيدني.. واعتبره ضوء اخضر لكل من هب ودب يطلع من كيسه باشياء تخصني لحالي!

الحاجز والهيبة تمنع كثير من الاخطاء.. الميانة قد تكون وحدة من الاسباب اللي تزيد الوضع سوءا.. اذا وصلت العلاقة لحد الميانة غالبا الاحترام يفقد ويصير الشخص يتجرا عليك بسهولة.. ومو من الممكن او صعبترجعين العلاقة لمرحلة سابقة مثل الرسمية..

واكره التداخل مع الناس باي شكل من الاشكال..

ولما يصير لي موقف يضايقني وتحسست منه.. ما افكر فيه ولا اتكلم عنه لان هالشي بيخليني استرجعه واتذكره بتفاصيله وترجع لي نفس الانطباعات كان توه صار.. فالحل اني اتركه للوقت لين يبرد ويطفى.. ما اخليه ياكل ويشرب معاي..

طبعا كل هذا يبي له استغناء بالذات عن الناس.. عامليهم كمارّة بحياتك مو ثوابت

بترتاحين كثير.. وصدقيني تصير كثير اشياء مزعجة من ناس غير متوقعين.. بس هي الشي الوحيد اللي توريك حجمهم الطبيعي وتكسر الصورة الخيالية الوردية اللي ببالك عنهم.. ووقتها تكتشفين ان اشخاص بهالطباع والاخلاق مايلزمونك بحياتك ولا دائرتك.

اتمنى استفدتي لو كلمة ❤️