رد : خايفة من المرحلة الجاية من حياتي
 

الله يوفقك يا روح وين ما سرتي واتجهتي
ويجعل أولادك قرة عين

رد : خايفة من المرحلة الجاية من حياتي
 

الله يوفقك يا روح

احس الإشراف المشترك بيكون مناسب أكثر

رد : خايفة من المرحلة الجاية من حياتي
 

توكلي على الله وكملي دراستك ، حتى انا بطلع البعثه مع زوجي بواشنطن ويارب انقبل بجامعاتهم :(

رد : خايفة من المرحلة الجاية من حياتي
 

روح خذي الإشراف المشترك أحسن انا لو اتيحت لي الفرصة رح اخذه بإذن الله عشان اكمل دكتوراه

رد : خايفة من المرحلة الجاية من حياتي
 

يسر الله امرك ياااروح ..
العائق الوحيد اتوقع انه اطفالك صغار .. بيكون المجهود عليك اكبر ..

وبالاشراف المشترك ،، لن تفقدي ما بنيته من استقرار ..

رد : خايفة من المرحلة الجاية من حياتي
 

الإشراف المشترك مشكلته ( مستقبلية )
يعني غير معترف .. و مافي ترقيات .. و ينظروا لي نظرة دونية اني اقل من البقية
هذا الشي قالته لي الدكتورة المسءولة عن البرنامج هذا ..
مع اني قلت لها عندي ظروف اجتماعية تمنعني عن الابتعاث و الغربة
قالت لي هذه نصيحتي لك ..

اجعليه اخر الاختيارات .. لكن لو فيه فرصة تسافري و تدرسي برة
لا تضيعيها ..

ايش رأيكم !؟

.
.

راجعة بعد ما اعمل الغداء للأولاد و أشبعهم و اسلم اخر ورقة مطلوب مني للعمل
و اتفضى باْذن الله

بس حبيت أضيف المعلومة هذه ..
و قالت لي لسى البرنامج هذا ما فتحوه في تخصصي الي ابغاه انا
و يبغاله إجراءات طويلة و قالت لي ( يا بنتي ما انصحك تاخذي إشراف مشترك )

رد : خايفة من المرحلة الجاية من حياتي
 

طيب خلاص الكتاب واضحن لس من عنوانوه
لا تخربين مستقبلس بايدينس

رد : خايفة من المرحلة الجاية من حياتي
 

روح اذا سافرتي
فلوس الحضانه من يتكفل فيها انتي ولا البعثه؟
الفلوس الشهريه بتكفيك معيشه هناك بالغربه وتسديد قسط البيت ؟!
زوجك ايش بيكون وضعه بيقدر يكمل دراسه؟
هل ممكن يتاجل الموضوع سنه مثلا ولا خلاص لازم تكملي الحين؟

رد : خايفة من المرحلة الجاية من حياتي
 

روح..

وحدة اعرفها تدرس عالنظام المشترك..

الدكتور المشرف عليها هناك مو متقبلها او حاطها براسه مايرسل لها كل شي..

مواعيد مهمة تسليم او امتحانات...الخ

لذلك اضيفي سلبية صعوبة التواصل لهذا النظام..

ياروح ابو عيالك يشتغل بمدينة ثانية وانتي مو معتمدة على احد ماشاء الله عليك..

ولا انتي مرتبطة باهلك ارتباط شديد او شي من هذا القبيل..

انتي تقدرين تحددين ايش الاصلح لك..

وضعك كمراة شبه وحيدة مستقلة افضل بالخارج..

وبوقت ما ممكن يكون اصفى ذهنيا ترجعين تعيدين النظر بحياتك

ونرجع للفكرة التقليدية: اكتبي السلبيات والايجابيات بورقة وقارني.. على بساطتها الا انها تحضر لك كل شي قدامك

الله يوفقك وييسر لك ويسخر لك خلقه ❤️

رد : خايفة من المرحلة الجاية من حياتي
 

ام يوسف و سما

لو لقيت قبول حاليا .. يبغالي سنة بالكثير عشان اخلص إجراءات البعثة ..
و ست اشهر اقل شي ..

و اقساط الشقة الي انا فيها حاليا .. الراتب الي راح ينزل لي هنا بالسعودية
راح يغطي الاقساط باْذن الله و انا من اول حسبت حساب الشي هذا الحمدلله
و عشان كذا اخترت شقة تمليك .. و باقي للشقة باْذن الله 3 سنوات و تنتهي أقساطها

اما فلوس الحضانة في الخارج ..
ولدي عمره دحين ثلاث سنوات و ثلاث اشهر ..
يعني اذا فرضا سافرت بعد سنة .. بيكون عمره اربع سنوات ..
و افتكر انه كان مجانا من عمر 3 سنوات مو صح !؟

اما الصغير .. عمره حاليا سنة و اربع اشهر ..
لو سافرت فرضا بعد سنة .. بيصير عمره سنتين و نص تقريبا ..

ولدي الكبير الحمدلله اقدر اعتمد عليه كثير دحين .. و يساعدني في تربية اخوانه الله يرضى عليه و يدخله الفردوس
هو و اخوانه ..

يعني الصغير هو المشكلة ..
اتوقع مع راتبي و راتب الاولاد في البعثة .. ممكن يغطوا شوي فلوس الحضانة ..
او حتى يمكن ما احتاج حضانة لو اكمل دكتوراة !؟
لانه مو مثل الماجستير لازم أداوم يوميا في الجامعة ..

و الصغير ماشاءالله طبعه هادي مو مثل الوسطاني ..

.
.


انا ما ابغى أخذ إشراف مشترك و أضيع مستقبلي و مستقبل الاولاد عشان شي غير مضمون ..
الصراحة ( زوجي غير مضمون .. الا اذا ربي هداه )
و الفساد هنا .. و في الخارج ..

فليش اخد شهادة اي كلام .. عشان احافظ على شي غير مضمون ؟؟
مو كنت فاضية له في الغربة و ما استفدت شي ؟
و كنت فاضية له هنا و برضو ما استفدت شي ؟

اذا عالمسءولية و التعب ..
احس انه الجزء الصعب من حياتي في تحمل المسءولية ..
قدرت اعديه و أتجاوزه و الحمدلله ..

لكن ماعرف ليه ..
حاسة حالي اني بادخل لمعركة من جديد ..
و اني رايحة أجاهد ..

فعلا ..
طلب العلم جهاد .. و ما حسّيت به غير في الغربة ..

.
.

اذا زوجي بيدرس او ما يدرس !
الله اعلم ..

في الأخير نحن راح نرجع .. و بتكون معايا شهادة تنفع اولادي ..
شهادة الدكتور او الدكتورة عندنا .. تنفع اولادي مستقبلا .. مو عشان الوضع المادي ..
في كل شي و انا شايفة صحباتي الي رجعوا ماشاءالله

انا ماعمري سالت صحباتي كم ياخدوا ..
بس هما يقولولي روحي كملي و راح يفرق كثير وضعك المادي و الاجتماعي و حياتك و حياة اولادك
بيشجعوني اكمل حاليا و يساندوني ..

ما أخبي عليك انه وضعي الوظيفي حاليا غير مريح ابدا
و كل ما تأخرت اكثر .. ما كان من صالحي ابدا ..

و زوجي وظيفته غير آمنة .. و لا مستقبلها أمن ..
بينما لو رجعت انا و معايا شهادة الدكتوراة .. ممكن اوفر له وظيفة بسهولة باْذن الله ..

.
.

و اذا هو لا سمح الله جلس يلعب و يرمي كل شي علي ..
عالاقل اكون رجعت بشهادة ..

في حالتي انا ..
اشوف الشهادة هي الضمان الوحيد ..

لكن ( اولادي ) اهم شي عندي ..

.
.

على فكرة ..
اولادي صاروا متعلقين فيا حاليا اكثر من تعلقهم بأبوهم ..
حتى الوسطاني في اخر شهرين .. صار ما يدور على أبوه كثير ..

.
.

افكر اروح ماليزيا !؟

عالاقل دولة مسلمة !؟
ايش رايكم !؟

انا حاليا أراسل كل مكان .. و حتى الجامعات الداخلية جالسة اراسلهم
بس وقت يجيني الرد .. ماعندي وقتها اي فرصة للتفكير او أخذ القرار ..

لازم من دحين اخد احتياطاتي في كل شي ..