رد : يضرب الولد ويسامح البنت مهما فعلت !
 

تبين نصيحتي لاتدافعين عن عيالك عنده..
الموضوع موضوع عناد..

بالعكس لما يجي البيت قولي اليوم ضربت فلان وبكى
وحاولي تقولي اني اليوم العيال تضاربوا
وقمت بأفك بينهم.حصلت نفسي اضربهم.جميع
لحد ماشبعوا صياح

وقولي له ان ولدي الكبير جاء لمي بعد ماضربتهم
وهدأت قال ماما خلاص انا قررت اموت او قررت
اروح انام عند جدتي عشان انتم ماتحبوني دايم تضربوني..

ترى الافلام.هذي هي اللي تأثر بالأب

واساليني من تجربه ولدي صغير جدا ماكمل سنتين
ابوه لو يشوفه يكب مويه واحنا عالغدا طاح فيه ضرب
اول شي ازعل وانصحه حسيته يعاند

صرت لما يجي ونجلس عالقهوه لو يلمس
شي بسيط اسوي نفسي اخاصمه
وافتعل قصص اقول ضربته وانه بكى ومارضى احضنه

ومن كثر مااقول ضربته حسيته بدا يحن عليه
وانا والله ماعمري ضربته بس ابيه يهجد..

ومره قلت له اني لاحظت تصرف غريب
واني كلمت استشاريه قالت اكيد تضربينه
وان هذي العلامه علامة مرض توحد..


والله بدا يخاف عليه حسيت المساله كانت عناد

رد : يضرب الولد ويسامح البنت مهما فعلت !
 

مع هذا الرد بكل تفاصيله

أوردت لك الأخت عدة أساليب استخدميها كلها لأنها توصل له المعلومة والشرح اللي تحاولي توصيله له بسلاسة وبدون ما يعاندك فيها .

أما أنك تضربي الولد عن جد وتحطي حرتك فيه فهذي مصيبة .. مو كافيه أبوه ؟؟

رد : يضرب الولد ويسامح البنت مهما فعلت !
 

مع رد الخاله بيتا وفوفو

او اذا جاء زوجك دخلي الولد الغرفه يلعب بغرفته وشغلي له البلاستيشن او التلفزيون او اي شي يلهيه
وقوليله لاتطلع من الغرفه ياماما ابدآ الا لما اناديك
واذا سال زوجك وين الاولاد قول عاقبتهم ، ضربته وحبسته بالغرفه مؤقتآ عقابآ علي خطئه لين يراجع نفسه ،،
انا اتبعت هالطريقه ، صار هو يقولي روحي نادي الولد لاتعقديه 😳😳
مع العلم انا كان ضرب زوجي خفيف بس قرصة اذن او يوقفه بالزوايه بس انا مااحب الضرب اكرهه جدآ لاقرص ولاغيره
وكل ماشافني محروقه علي الولد زاد ، بس طبقت زي كلام فوفو وخاله بيتا والحمدلله
والبنت يا عيني لما يشوفني ادربها علي شغل البيت يقول ذبحتيها بالكرف 😳
وياخذها ويمشيها ويدلعها ، البنت عشر سنوات ، اقوله اجل اجلس انا اشتغل والبنت حاطه رجل علي رجل 😱😱
قدامه الحين مااطلبها شي ، بس علمتها شغلها وواجباتها المنزليه تسويها من غير مااطلب ، من نظره تفهمني عشان مااتصادم مع ابوها ، ولما ابوها بيآخذها مشوار اسآلها حبيبتي خلصتي واجباتك المدرسيه تقول ايوه ياماما
اقولها وواجباتك المنزليه خلصتيه عشان اعطيك مكافئة اليوم ، تقول لحظه بابا وتروح تخلص بسرعه
يعني ياحبيبتي الوضع يبغي له ذكاء

رد : يضرب الولد ويسامح البنت مهما فعلت !
 

ان سكتي عن الموضوع ...عيالك بطلعون نسخة اخرى من عقد ابيهم 💔




استخيري في كل شي ...وجربي مره اطلبين المستشفى بعد ضربه لأحد عيالك ...يمكن يبدأ يخاف

رد : يضرب الولد ويسامح البنت مهما فعلت !
 

رد : يضرب الولد ويسامح البنت مهما فعلت !
 

هههههه جميل اخر سطرين لو انا شخصيا اصاب برعب ،
وحلول مفيده ، لكن فعلا كلي عجب " عناد " !!
يضرب لاجل عناد ، هذا اسوا بمراحل ممن يضرب من اجل اعتقاد انه يربي
،

بصراحه هذا الموضوع ازعجني لدرجه لا يعلمها الا الله
يجب طرح هذه المشكله لانه يبدو انها منتشره ، يجب طرحها في البرامج
والدراسات وتسليط الضوء عليها ،

رد : يضرب الولد ويسامح البنت مهما فعلت !
 

يا جماعه شكلكم ما عايشين هل حاله قبل .... اذا قالت له هللون بيعصب عل طفل و ممكن حتي يضربه ... وطبعا يعطيها محاضرة علي مو قلتلك ان هل ولد مو نافع و شراني ووووو المسألة مو عناد المسألة تربيه وطريقته في التأديب .... انا زوجي كما قالت الاخت الشاكيه وان كان زوجها مثله فهو يحبهم بل يعشقهم واذا صادهم شي ينجن عليهم ولكنه قاسي بتربيته لهم ...وازيدكم من الشعر بيت زوجي ما يحبني اوبخ اولادي يقلي انت كوني لهم القلب الحنون يكفي انا اضربهم @!!!!

رد : يضرب الولد ويسامح البنت مهما فعلت !
 

سبحان الله يمكن يحبها.. الحب يسوي الاعاجيب

لكن عيالك كسروا قلبي صراحه يحزون لاااااازم تشوفيلهم حل
حرام بيتعقدون..

رد : يضرب الولد ويسامح البنت مهما فعلت !
 

السلام عليكم ورحمة الله وبركاته ..
كم أعمار أطفالك ؟!
احضري هدية بأسم أطفالك لوالدهم .
وكلما يجلس معك وحدك أخبريه بأن الأولاد يحبوك ويسألون عليك طيلة وقتك في العمل بهذا التعبير ليرقق قلبه ..
وماهي ردة فعل أولادك أثناء الضرب ؟!
جربي هذا وأخبرينا ..
هداه الله ..

رد : يضرب الولد ويسامح البنت مهما فعلت !
 

السلام عليكم ورحمة الله وبركاته ..
بالفعل هو حنون لكن هو يفعل هذا بما كان يفعله والداه معه ..