|
رد : مشاكل المتزوجين والسعادة الضائعة !!
فاكهة الشتاء هم راح يتكلمون سواء ناقشت او لا وانت ذكيه ما شاء الله عليك وعندك طولة بااااال تسمعين وتعدين انا ما اعرف احب اسكتهم ما احب نظام نشر السلبيه والافكار المغلوطه صح عندي افكار غلط وانا اعرف لكن ما احاول اتكلم عنها كثير ولاي احد عشان ما اكون مؤثر سلبي مشكلتي مو مع الزواج نفسه مع الزوجين البعض مو مؤهلين له وتعالي شوفي النتائج انا لو امي ما ازوجني لين احس اني واعيه وفاهمه انا على ايش مقدمه مو انخطبتي موافقه يلا زواج وانا ما عندي ما عند جدتي ومن غير توعيه بعد والنتيجه انا وكوكي وحفصه هههههههههههه |
رد : مشاكل المتزوجين والسعادة الضائعة !!
الله عليك ي عذوبة المطرر هذاااا اللي بقوله بالضبط انو سعيدين بس يكذبون انا مشكلتي مع هالصنف اللي تحسسني انو جحيم ف بالتالي لازم احمي نفسي من هالجحيم الصنف الثاني بكيفها تتخيل وتدخلني بخيالها اللي مو موجود مع ان تفسيرك لتصرفاتها منطقي بس على الاقل ما تضرني * شايفه الجزئيه الاخيره من ردك هذا اللي ابييييييه يصير واللي ابيه ينفهم شكلي بأستعين فيك اذا جيت اكتب موضوع تكتبين لي اللي افكر فيه |
رد : مشاكل المتزوجين والسعادة الضائعة !!
كوكي مو كلها نقول عنها مشروع فاشل وكمان الشاكيات والشاكين مو معناته انو حياتهم لا تطاق صح تمر مشاكل وهذا طبيعي بس مو تمحي كل شي عاد زي لما تمر عليك مشكله في البيت مع اهلك وانتي عارفه انها راح تعدي ان شاء الله وكلها كم يوم وترجع المياه لمجاريها لك حق تشتكين بس مالك حق تقولين حياتي الاسريه كلها نكد حتى بعد ما تعدي وارتفاع نسبة الطلاق لجهل ونقص توعيه مو من مشاكل كبيره |
رد : مشاكل المتزوجين والسعادة الضائعة !!
ميموزا حالات الخيانه والغدر حالات استثنائيه من موضعي لانها تعدت الخطوط الحمراء حتى وان كانت الحياة من قبل سعيده وماشيه فيه اشياء ما تقبل انصاف الحلول ، السؤال عن الخاطب ووعي الطرفين وتوفيق الله ان شاء الله حياتهم بتكون ممتاازه امممم اللي يغير نظرتي لهالموضوع يعني عريس لؤطه عريس مثقف عريس واعي ومرن في التعامل امييييين يختي :d |
رد : مشاكل المتزوجين والسعادة الضائعة !!
مييس ههههههههههههههههههههه حلوة من منظور المعقدات ممكن اتزوج واعيش حياة زوجية ناجحة لكن هالشي يعتمد على الطرف الثاني لاني اعامل اللي قدامي مثل ما يعاملني |
رد : مشاكل المتزوجين والسعادة الضائعة !!
كوكي نفس التفكير يا الحب ما اتحمل فكرة ان احد يفرض علي رأيه لو بالتفاهم اقبل غير كذا لااااااا 😡 وشكراً لمرورك تيتا بيتا قهوة الصبا كلامك صح على قد مستوى التفاهم تكون السعاده وللسطر الاخير من ردك مو عشان طبيعة الشخص اللي بنرتبط فيه نخاف اول شي افكر فيه طيب لو طلع سيء متسلط عقليته من عصر ما قبل الديناصورات !! |
رد : مشاكل المتزوجين والسعادة الضائعة !!
سحابة جبتيها من الآخر أزمة وعي ونحتاج القنبله فعلاً لتفجير الجهل والتخلف والفكر المعتل بالموروث السخيف وتفجير عدسة التكبير حقت السلبيات واستبدالها بأخرى لتكبير الايجابيات على الاقل من باب استشعار النعم وشكر الله عليها |
رد : مشاكل المتزوجين والسعادة الضائعة !!
صحيح اقحوانه ..
من الضروري أن نرتقي ونتحضر .. ونترك التشكي لاتفه الامور .. ونعلم أن الحياة الزوجيه حياة قائمه خاصه .. بحلوها ومرها .. خلق الإنسان في كبد .. مافيه احد مرتاح .. ذكرتيني بقصة معلمه ، دائماً صامته .. والمعلمات من حولها كل يوم يشتكين من اطفالهم الصغار ( ابني لم انم منه البارحه كان مريض ) ( ابني لم يأكل ) ( ابني جنني ) في احد الايام .. اكتشفوا ان طفلها مقعد ومريض ..! |
رد : مشاكل المتزوجين والسعادة الضائعة !!
اهلا اختي اقحوان , والله يا مواضيعك فيها واقعيه
ما اضيف على الكلام الي انكتب هنا الا شيء واحد هي قصتي , انا اصغر اخواني الله يسلمك , وابد , شفت شي ما اعتقد شافه انسان بعمري في ذاك الوقت , خصام مضاربات مشاكل اولاد ومشاكل اهل الزوجه مع اهل الزوج ومشاكل اخوان مع بعض ومشاكل زوجة اخ مع زوجة اخ , وغيرة , وووووو اتذكر قلت ما ودي اتزوج خلاص , وزاد الخوف عندي , وكنت افكر بامور كثيره , يعني كيف لو زوجتي ماقدرت كل الي اسويه عشانها كيف لو طلعت ماتقدر ومو كويسه كيف لو ماصرت انجب وزوجتي ماتنجب , وكيف لو لا سمح الله انجبت طفل مريض ودخلت نفسي بمتاهات وخوف فظيع , الى ان قابلت صديقي وهذا الانسان سبحان الله ماخذ الدنيا ابساطه وراحه عجيبه , تشوفه تحس الدنيا سهالات , ومتزوج ومخلف ويسافر وماشاء الله ربي يرزقه بذريه باستمرار بنفس الوقت يطلع ويقابلنا وكانه مو متزوج , وبنفس الوقت مبسوط مع زوجته هذا الانسان غير حياتي , وابد تزوجت وصرت زيه , واخذت الحياه ابساطه وسعاده ومادريت بنفسي الا فالها , لا ويا اختي اقحوان اقولك شي يضحك والله , في البدايه قلت بس اخطب وادور بنت ماني خسران شي , وصرت ادور واكلم امي تروح تشوف وسنوات وانا على هذا الحال , بعدين جات امي قالت لقيت بنت زي ماتبغى , قلت باشوفها لو فعلا اقتنعت باتزوج , وشفتها وبعدين اقتنعت بعدين قلت اخطب رسمي وملكه وو بعدين قلت لها مانبغى نخلف الان وصارت حامل , بعدين بعد اول ولد قلت خلاص واحد يكفي شوي الا صار حمل سبحان الله , ماشاء الله تبارك الرحمن ترا هذا كله صار وانا ما ابغى اتزوج هههههههه شايفه المسلسل ؟ وابد عايشين ومبسوطين , الوضع فله اهم شي تدعي بالتوفيق بشريك الحياه , والتفاهم والحب شكرا لك |
رد : مشاكل المتزوجين والسعادة الضائعة !!
انا والله حاب اعرف كل الناس تفكر كذا ولا بس انا ,
قبل الزواج كانت افكاري سوداويه بشكل غريب واكثر شيء كنت اخاف منه طفل معاق او اطفال غير سليمين هذا الشي غريب ولا اعرف سبب هذه الفكره وهذا الخوف , سالت رجل متزوج وقالي وانا كنت افكر نفس التفكير واخاف , ما اعرف ايش مصدر هذا الخوف بصراحه وهذه الفكره |
| الساعة الآن 10:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©