|
رد : بدأت اخسر اشياء عظيمه في حياتي
إتصلي فيهم دائماً حسسيهم إنك مهمه في حياتهم هم لسى زي العجين تقدري تشكليهم ع كيفك انتبهي لا يشتد العجين ويقسى وينسونك
ابكي لما تكلميهم وقوليلهم اني بحاجتكم اذا كبرتو لازم هذي الكلمه تردديها كثير ع مسامعهم ... قولي تركتكم تختارو المكان الي يريحكم ودعست ع قلبي عشانكم ارجوكم لاتخذلوني وتتركوني وحيده ... اول ماتسمعي اصواتهم قولي هلا بسندي في هالحياه ... اعطيهم حب وحنان وعطف ... وخليك حازمه اذا رفضو يجو عندك لازم يفهمو انه انتي هدفهم الاول بصراحه مااعرف قصتك بالضبط لكن قرات مره انك تركتيهم يختارو المكان الي يريحهم واختارو ابوهم ... لكن هذا مايعني انك تندبي حضك وتتركيهم اتصلي فيهم اسأليهم عن كل شي المدرسه الاصدقاء اسأليهم اذا محتاجين مشورتك في شي ...تواصلي معاهم كثير في الواتس ... ارسلي صور ..كلام حب واشتياق... والله يردهم لك يارب.. |
رد : بدأت اخسر اشياء عظيمه في حياتي
أختي الكريمه وحشة روحي أولاُ : خلي ثقتك باالله كبيره وأكثري من الإستغفار . ثانياً : يجب عليك ان تحددي كل مشكله وتقومين بحلها وإذ لم تستطيعي أستعيني بأقرب الناس لك . لان التخبط في اكثر من مشكله لن تجدي حل أبداً . ثالثاً : إن تضعي عدة حلول للمشكله وتختاري أسهلها حتى ولو لم تكن مجزيه . رابعاً : مشكلة الأبناء وما ادراك ما الأبناء هذه مشكله يعاني منها المجتمع ككل وليس انتي فقط وهذا يحدث عند الانفصال او وفاة الأب لا سمح الله . ولكن والله الحمد الشرع واضح والمحاكم موجوده تعطي كل ذي حقاً حقه . |
رد : بدأت اخسر اشياء عظيمه في حياتي
يالله متفائله والله الكلام اعطيهم هذولي عيالي حاولت وحاولت حتى نبرة صوتي فرحه
ونفس الوقت حزن ابيهم يحسون وقالو بنجيك الاسبوع اللي طاف ولاجاو الله يعين عمله اللي سواه فيني ابوهم بيلقاه قدامه عند رب العالمين صاير يأثر عليهم حتى ولدي الصغير هالنتفه صاير يصدق فينا وفي خاله متفائله انا وبنتي عايشين في الشقه احسن عيشه حتى قريت من ضمن الخواطر اللي كاتبتها بنتي حنينها وشوقها لاأخوانها جهزت وضبطت كل حاجه بس ابوهم خرب على كل شي انتي ماتدرين وش كثر متعلقه فيهم انتي موحاسه فيني ولا تدرين وش سويت تعتقدين اني بارده شقرديه الله كريم جزاك الله خير على النصيحه بارك الله فيكghgghg السعدي ان شاء الله شكرا لك الله كريم |
رد : بدأت اخسر اشياء عظيمه في حياتي
ياقلبي أنا ماقلت انك بارده ...
لكن ممكن ماتبغي تضغطي عليهم لكن صدقيني مع الاستمرار رح يأثر فيهم وأخرتهم بيكبروا وبتكون لهم كلمه ضد ابوهم عشان كذا اقلك لاتيأسي أبداً ولاتنسي صوري لهم خواطر بنتك واشتياقها لهم ... وتأكدي انه أخرت الاولاد لأمهم انتي قومي بالي عليك خليك موجوده يومياً في حياتهم لو كلمه قبل النوم ...صدقيني لها اثر والدعاء اجعليه سلاحك دائماً ... |
رد : بدأت اخسر اشياء عظيمه في حياتي
متفائله انتي ماتدرين عني ابدا
ضغطت عليهم وتعبت كل شي صعب اشوفه او اسويه حتى جهزت كل شي واستلقيت لوحدي اخوي ربي يطول بعمره ماقصر بس الانسان هذا خرب على كل شي كل شي ربي بينه على معدنه الحقيقي الحمدلله اني عرفته وعرفت نواياه ماكفاه اللي سواه من قبل وناوي يفسد الكل علي هو فرحان ان الوضع كذا شوفيه مع امه مايخليها ولا يغيب عنها ويبر فيها اما عياله مايخليهم يجوني يحدد المكان على كيفه عشان يشوفوني |
رد : بدأت اخسر اشياء عظيمه في حياتي
متفائله
احس باكتئاب وقهر فظيييع ماتوقعت عيالي بيبعدون عن امهم اقصد الولد الكبير والصغير لمارحت اخذته من بيت عمته بموافقة ابوهم قالي احس بضيقه وبعد ماجاء عندي يسألني كل شوي انتي راضيه عني ويدعي لي بدعوات تثلج الصدر ويبوس يدي وراسي ورجولي انا خايفه علييييه كيف بيكون وضعي من اليوم فصاعدا مدري احد مر ت عليها مثل وضعي كيف هي صامده وماتشوف عيالها الا مرتين في الاسبوع فقط لا غير عمتهم اخت ابوهم ماتقصر معهم الا يجعلها في ميزان حسناتها يارب لكن مافي مثل الام عند اولادها تعبانه نفسيتي خصوصا بكره بيرحون من عندي |
رد : بدأت اخسر اشياء عظيمه في حياتي
ادعي ان الله يجمعك بهم عاجلا غير اجل
|
رد : بدأت اخسر اشياء عظيمه في حياتي
امين يارب عذاري
بس هو زعزع نفسياتهم وربي مايستاهلون مالهم ذنب حرااام عليه احسه يدور على المشاكل اليوم هو جاء من نفسه واخذهم في الصباح واصلا قلناله انا اوصلهم عنده تدرين الولد الصغير نحف مره ياقلبي عليه يارب يارب |
رد : بدأت اخسر اشياء عظيمه في حياتي
ممكن تغلقون الموضوع
لا تنسون تدعون لعيالي ربي يحفظهم وبيعد عنهم كل مكروه شكرا جدا جدا لكل من دعا لي بارك الله فيكم |
رد : بدأت اخسر اشياء عظيمه في حياتي
استودعيهم الله فالله خير حافظ وهو ارحم الراحمين
وخليك متواصله معاهم يوميا |
| الساعة الآن 03:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©