|
رد: مُعدد.. ويبغى يوم راحة !!!
حرام عليك بيجي اليوم الي تخسرين زوجك اذا استمريتي كذا بسلوبك اتعبتي الرجال
ابعدي شوي عطيه حريته الرجال يحتاج يدخل كهفه مب شرط انه مايحبك بي يبي يجلس مع نفسه لاتنشبين بالرجال الا وش فيك خليه براحته وقت مايحب يتكلم بيتكلم من نفسه الله يسخر لك |
رد: مُعدد.. ويبغى يوم راحة !!!
هو بياخذ راحة لنفسه مو منك انتي لشخصك لا من التزامات البيتين يمكن يبي يعيش جو رجولي خاص فيه بعيد عن النساء..وما يعني انه مو مرتاح معك يمكن يطلع مع اصحابه ويمارس هواياته .مو القسمة بتصير ثلاث ايام عندك وثلاثة عندها ويوم عزابي يعني كذا يمكن يصير ماظلمك بايامك ولا ظلمها..مدري قصة ان بيروح بيته الاول بيومك عشان مباراة احس ان الخيار لك انتي اما تسمحيله وترضي او يحط له اشتراك في بيتك شي راجع لك اذا الامر مضايقك ..الله يعينك يعني المراة عاطفية غير الرجل من حبها له تحبه دايم قدام عينها اما الرجل مختلف شوي يحب احيانا يخلو بنفسه ..بس انا لفت نظري تعليق زهرة الجاردينيا انه تقدرين تجذبينه في يوم راحته لك وكيد نساء ومدري ايش ..بعيدا عن العاطفة في النقطة هذي لازم العدل يعني اذا راح في يوم راحته عندها ولا عندك لازم تعويض الاخرى ..الله يصلح احوالكم يارب ويعينكم ويسعدكم
|
رد: مُعدد.. ويبغى يوم راحة !!!
شوفي انا احب لما زوجي يطلع يوم كامل او ايامز مع اصحابه لرحلة صيد او مخيم او مشوار بعيد لان بعدها احسه يرجع بنفس مرتاحة ومشتاق بتشوفين ان اليوم اللي كرهتيه بيكون فيه خير لك..مقدرة انه ثلاث ايام تشوفيه بالاسبوع صعبة ..بس انتي جاريه وهو من راسه يمكن بعدين يتراجع خصوصا لما تجيبي النونو بالسلامة ان شاء الله
|
رد: مُعدد.. ويبغى يوم راحة !!!
منفرده
ولا تزعلي مني لو انتي صاحبتي وتعامليني كذا اول شي بلوك كبير جد جد انتي ام الدراما كلها رحمته احسه طفشان من الاولى وانتي طفشتيه زياده اذا استمريتي كذا بتلقي ورقه طلاقك بيوم ولا الثالثه فوق راسك طيب يوم راحه ينجز اموره وش فيها انتي ثللث ايام وهي ثلاثه ويوم يخصه وبعدين ماعرفنا لك تقولين ما ابغاه وبروح لامي وعقب تقولين علشانه ماراح اروح طيب استغلي يوم الراحه وروحي لامك وسالفه موقفي قدام اهلي ليه اهلك حافظين جدول زوجك ولا سايبين اشغالهم ويتابعونك انتي وزوجك متى دخل ومتى طلع زوجك ينطبق عليه اتق شر الحليم اذا غضب تواصلي مع استشاريه وغيري بنفسك عشان ما تكون نهايتك انفصال الله يهديك حساسيتك متعبه لك قبل ما يكون له وترى فعلا مالك حق تناقشينه انه اختار يوم اوف هذي حياته دامه عادل ابدا مالك حق |
رد: مُعدد.. ويبغى يوم راحة !!!
اقتباس:
هذا هو مشكله منفردة انها في تعريفها لنفسها بالنسبه لزوجها "هي راحه زوجها" اجل ليش يبغى يوم راحة فمنفردة تخاف انها ما عادت راحة زوجها و صارت مثلها مثل زوجته الاولى لما منفردة تتخلص من هذي الفكرة و ما عاد تحط راسها في منافسة مع بيته الاول بترتاح و الله اعلم |
رد: مُعدد.. ويبغى يوم راحة !!!
منفردة والله على قد ما قصتك تعبر عن حزنك اعذريني انا كنت اضحك ,,
احسيت بكمية براءة وطفولة وحب بكلامك تجاه زوجك ماشاء الله .. في الحقيقة ما احس في شي مهم بالموضوع وفي تفاصيل كثيرة مو مهمة , ليش احنا النسوان نبالغ كثير !! ونعاتب كثير ! أنا لو رجال ما راح أتزوج هههههه يا قلبي خليها سهالة , قولي اخصم يوم هنا لمدة شهر ويوم هناك لمدة شهر وصلى الله وبارك سيبوا الرجال يشتاق ويرتاح .. الله يعينه اثنين مو وحدة , الله يعين المعددين بصراحة كل المعددين اللي اعرفهم في حالة هروب متواصل من بيوتهم .. مافيه استقرار , وما ادري العيب في مين ! بس احس الحياة صارت صعبة ما تكفي لاكثر من الاهتمام بشخص واحد .. فكيف يستوعب مخ الرجل حوايج بيتين وهو الواحد يتنرفز ويتذمر من كثرة مشاغل بيته !! أدري طلعت عن موضوعك , اعتبري كلامي تأمل عميق لوضع الرجال المعددين استوحيتوا من قراءة تفاصيل تفاصيلك .. ونصيحة العتب يا حريم ما يزود عن دقائق ولمرة واحدة فقط في اليوم .. وبدون دموع واكشن , الثقل صنعه يا بنات |
رد: مُعدد.. ويبغى يوم راحة !!!
صباح الخير
حبيبتي ممكن توضحيلي ما فهمت الموضوع ؟ يعني هو يبغي يوم في الأسبوع له وحده ؟ هل هذا اليوم مرة في الأسبوع او الشهر او تتم حياتكم كذا ؟ لما يصير عندكم أطفال وووو يغير رأيه من نفسه أين يقضي هذا اليوم ؟ في اي بيت و أين ينام؟ زوجك باين يحبك من ردات فعله ارتاحي شوي لأنك حامل و الحساسية تزيد و ممكن متوحمة عليه😍😍😍 @@@نقطة مهمة@@@ راحتك في طاعة الله و القرب منه و عمل ما يرضيه و نفس الشي زوجك، الحب بيناتكم مهم لكن لا تخلي نفسك مرتبطة سعادتك بوجوده استقلي عاطفيا شوي لأنك عارفة انه معدد و وقته معك ضيق لازم توازن في العاطفة الله يقومك على خير و تولدي بالسلامة |
رد: مُعدد.. ويبغى يوم راحة !!!
أختكِ مثلكِ
اقرأ نصايح الاغضاء بتمعن لأنج مثل اطباعي تقريباً و زوجج مثل زوجي.. نبي نتكلم نفضفض ويجيني الرد الصاعقة " اغلقي الموضوع " وفوق هذا ما يبي يشوف أي دموع حاسه فيج.. و دايماً ادعي لج الله يقضي حاجتج ويريح بالج وبالي يا رب والمؤمنين والمؤمنات اجمعين |
رد: مُعدد.. ويبغى يوم راحة !!!
خلنا نفكر بطريقة اخرى
لو كانت زوجة غير معدد رجل له زوجةً واحدة وطلب يوم اجازة هل تزعل زوجته؟ |
رد: مُعدد.. ويبغى يوم راحة !!!
اولا خلينا نعرف معنى يوم واحد
مافهمت وش قصده بيوم الراحه هل يوم يطلع من الصبح للمسا او ما يرتبط انه يبات عند اي وحده فيهم او فعلا انه عاوز ينجز اموره المتراكمه |
| الساعة الآن 04:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©