|
رد: تطنيش زوجي وأنا اصيح من الالم
ﻻ تروحي بيت اهلك راح تطول السالفة خليكي في بيتك وتجنبي الصدامات عشان ما يغصبك للروحة
|
رد: تطنيش زوجي وأنا اصيح من الالم
ياجماعة افهمو علي هو راح يسافر لاهله .. وانا صعب اظل في البيت لحالي.. فهو قالي بوديك لاهلك لحد ما ارجع من السفر..
عموما انا سويت خطوة مدري هي صحيحة او لا .. كلمت واحدة من اخواته حكيمة وماخذه عليها واقرب اهله الى نفسي .. قالت لي مع اني سالت اخوي اذا بينكم شي قال لا بالعكس على احسن مايكون ..قال خلاص انا بتدخل بينكم اذا جاء بكرة بكلمه وبشوف وجهة نظره.. بس قلت لها لاتقولي انه انا قلت لك .. قالت لا انا بفهم منه بطريقتي وان شاءالله اقدر اصلح بينكم.. وش رأيكم؟ تصرفي صحيح ولا لا؟ |
رد: تطنيش زوجي وأنا اصيح من الالم
اقتباس:
مع إنني ضد تدخلات الأهل لكن مادام حكيمة وستعرف تتصرف بإذن الله خير. يسر الله أمرك. |
رد: تطنيش زوجي وأنا اصيح من الالم
وداني زوجي عند أهلي واعطاني مصروف مع انه قليل مرة بس سكتت وماقلت شي .. وسافر لاهله..
|
رد: تطنيش زوجي وأنا اصيح من الالم
تعبانة جدا .. ارسلت له قبل قليل على الواتس اني تعبانة قالي بكل برود روحي المستشفى.. بصراحة ندمت اني ارسلت له.. رديت وقلت اسفة على لزعاجك
|
رد: تطنيش زوجي وأنا اصيح من الالم
يا حيبيبتي أنتِ يا بعد قلبي …
ليه ترسلين له إنك تعبانة؟ خلاص الرجال مو نفس طريقتك بالاهتمام … و انت عارفة انه مش من النوع اللي يربت عليك بالكلام … و هالموقف جربتيه كثير و لسا مصرة انك تعلمينه انك تعبانه؟ مقدرة تعبك النفسي و ضيقتك بس يختي دامك عند اهلك و عندك مين يخدمك ان شاء الله بلغيهم او ارتاحي فرصة انك ترتاحين عارفه انك تبين منه الدعم النفسي بس جربتي كثير و شفتي النتيجة. / صحيح المرء يحتاج للكلمة الطيبة بس مو كل الناس يقولونها لك خلي وجودك في بيت اهلك للراحة … مو طيب ترى ترجعين لزوجك و انت بنفسية متدهورة انت كيان (مهم) في بيتك و خاصة ان زوجك احيان يتخذ مواقفه من مواقفك … لذلك اجلسي مع نفسك شوي شوفي المواقف اللي تكررت نتايجها كيف تغيرين تصرفك و هل مستاهلة اوقف عندها او لا …؟ فيه مواقف كبيرة تاثر على علاقتك بزوجك و مواقف بامكانك تعدينها او تغيرين تصرفك … صدقيني مو سهل عليك في البداية بس حاولي … شي ثاني: يوم اعطاك المبلغ حتى لو هو قليل كان شكرتيه و بينتي انك مبسوطة شجعيه على انه يعطيك هذي ترى اول خطوة علشان تعلمينه و تعودينه يعطيك مو تطالعين بقلة المال و تسكتين … انت عندك هدف صح؟ تبغينه يصرف عليك اعطاك مصروف خطوة كويسة فافتحي نفسيته بالشكر بطريقة تحسسه انه سوا شي كبير … ما أقول ان زوجك صح في جميع تصرفاته و لا هو ملائكي … بس لا تتصرفين بشي ضدك دايما … ربي يوفقك … |
رد: تطنيش زوجي وأنا اصيح من الالم
اقتباس:
المشكلة ان اهلي مو دارين عني.. تعبانة بينهم وما احد سألني وش فيك ولا سوى لي شي او بين اهتمامه فيني.. تعبانة ومو عارفة وش اسوي.. لا من اهلي ولا من زوجي |
رد: تطنيش زوجي وأنا اصيح من الالم
ا
اقتباس:
اللي يمرض يصير متحسس من نقطة الاهتمام و عارفة هالشي بس لا تزيدين تعبك بالتركيز على هالشي … اذا محتاجة علاج او روحة مستشفى قولي لهم صريح … اذا محتاجة راحة ارتاحي … الحين علميني مين اللي قاعد يتعب نفسه زود؟ هذا انت تاكلين بنفسك و تتعبين اكثر ابد انسدحي و جيبي ادويتك و بلغي اهلك انك تعبانة علشان اقلها يكون عندهم علم … او هاتي ادويتك و اجلسي معهم عادي و لا تنتظرين كلمة … ريحي و ارتاحي و لا تخلين التعب يزيد مع التفكير … ( فديتك) << يالله هذا انا ادلعك وش تبين اكثر بس هههههههههmuy ربي يشفيك و يقومك بعافية و راحة بال … مأجورة إن شاء الله … |
رد: تطنيش زوجي وأنا اصيح من الالم
الله يجزاك الخير ماقصرتي اختي.. وانا المي في ظهري مااقدر اجلس معهم..
بصراحة ماكان في اهتمام مثل اهتمام زوجي بس للاسف تغير علي.. ودي ارسله رسالة اقوله ماأحد داري عني .. بس اخاف من ردة فعله واندم |
رد: تطنيش زوجي وأنا اصيح من الالم
اقتباس:
انتبهي ترسلينه هالرسالة … تونا وش نقول؟ جوكم متوتر و بترسلين له كذا ايش النتيجة تتوقعين ؟ جربتي قلتي له تعبانة و شفتي رده و جربتيه قبل نفس الشي … لا تخلين حنينك يوديك لتصرفات نتايجها ما تسرك …… اذا حابة ترجعينه يهتم فيك مو كذا لازم تضبطين وضعك تمام علشان تستميلنه لا تركزيين ع الاهتمام الحين … مو مشكلة ارتاحي بس اشغلي نفسك بالدعاء بالقراءة … جلستك كذا و تفكيرك بهالاشياء …بتخليك ترجعين لنقطة البداية …… فضفضي لربك … ما فيه ألطف من رب العالمين على عباده بيجيك شعور بالراحة … و يتغير مزاجك و تحسين نفسك أقوى انتبهي على نفسك … |
| الساعة الآن 01:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©