المشاركة الأصلية كتبت بواسطة KHALID2090 (المشاركة 3242173)

اخوي انا مثلك مقبل على الزواج بأذن الله ونفس حالتك بالضبط عندي الدوالي ومسبب لي وجع فحصت طلعت الحركه طبيعيه لكن العدد 23 مليون والطبيعي بين 20 مليون الى 120 وحسب كلام الدكتور قبل الفحص ان العمليه مانسويها الا اذا فيه ضعف وتبي الصراحه انا توجعني حيل احياناً بس بتحمل لين اتزوج واشوف الوضع بس ماراح اسوي العملية الا بعد الزواج العملية غالباً ماتنجح ومحد يقدر يعطيك جواب شافي كل دكتور له راي مختلف اخوي كانت عنده وسواها قبل يتزوج وضعفته زياده سوا قصطره ولانفعت بالعكس زادته سوء
نصيحتي لك لاتعلم احد فيها وتزوج واذا مامشت الامور معك ماحملت سو العمليه بعض الرياجيل يكون العدد عنده قليل مثلاً 8 مليون لكن حركتهم طبيعيه ويحصل حمل طبيعي العدد مو مهم اذا كانت نسبة التشوهات كثيره او نسبة الميتين كثيره المسألة كيف حركتهم وكم عدد الي يبقون من المعركة الطاحنه
لاتستعجل الرازق الله وانتظر لما تتزوج ويتحدد وضعك مالنا الا التفائل والثقة برب العالمين
هذا الي حاصل معي وهذا الي بسويه فيه اشياء جانبيه بجربها تزيد من العدد وتحسن منه الي هو لقاح النحل مع العسل من تجربة ناس انه فيه فايده وتحسن

#للمعلومية الدوالي تصيب 40% من الرجال لكن الي تأثر عليهم 10%
فيه ناس كثير عندهم دوالي ولايدرون عنها وعايشين حياتهم طبيعيه
اسأل الله ان يشفينا ويرزقنا الذرية الصالحة معافين من كل مكروه ويرزقنا برهم يارب العالمين لاتيأس وتفائل بالخير

المشاركة الأصلية كتبت بواسطة ahmed2355 (المشاركة 3242252)

اذا كنت تعاني من الم قوي فانصحك تسوي عمليه لا تهملها
العملية ينصح بها في حال كان هناك الم قوي و مستمر او حدوث تأخر بالحمل

المشاركة الأصلية كتبت بواسطة KHALID2090 (المشاركة 3242395)

والله خوفي اسويها وتخرب الوضع زيادة اخوي كان مثلي وسوا قصطره وصابه عقم
وغير كذا المواعيد قلق بعد شهرين موعدي
الله يعين بس

المشاركة الأصلية كتبت بواسطة ahmed2355 (المشاركة 3242828)

على حد علمي العملية الجراحية للدوالي(و ليس القسطرة) ممكن احيانا تسبب عقم وذلك بعد حدوث مضاعفات للعملية كتكون قيلة مائية او حصول التهابات او ان يخطيء الجراح و يؤذي الشريان المغذي للخصية, و لكن كل ذلك غير موجود في قسطرة الدوالي
عموما سأبحث عن الموضوع اكثر(حول القسطرة)