|
رد: لست سعيدة!
وش الفايدة من قولتكم لا تحطين العين والحسد شماعه ..
حنا طرحنا احتمال من ضمن عدة احتمالات ولا كتبناه بصيغة الجزم وحتى حلولكم واحتمالاتكم اللي ذكرتوها ما عارضناها مادري ليه هالحركه اللي طاحين فيها بذا المنتدى اللي اذا كتبت وحده رد على صاحبة الموضوع بانه مافيك احتمال عين او حسد جاء الرد اللي بعدها لاتحطون العين والحسد شماعه يعني زي اللي تقول مايحتاج تقرين الرقية الشرعيه ترا مافيك عين مجرد وساوس وشماعه وقراءة الرقيه بتضرها ؟؟ بتجيب لها اكتئاب ؟؟ بتزيد همها وضيقتها ؟؟ ماشوف اي داعي بالردود المعارضة لاحتماليه العين والحسد على كذا بكتب رد واقول مايحتاج تسوين تحليل نقص فيتامين د صارت شماعه لاي متضايقه وشوله خساير الفلوس |
رد: لست سعيدة!
اقتباس:
الرقية الشرعية من اسهل مايكون والقران كله خير وبركة.. مين رفضها؟ الاذكار اليومية تحمي باذن الله وقبلها التوكل وتحصين الذات واللي يتوكل ويقرا اذكاره ربي معاه ومايخاف من شي بس الواحد يعمل بالاسباب مع كل اللي فوق في ناس لسا تربط اي تعثر لها بالحياة بالعين.. ماله داعي تحوير الكلام ماتكلمنا بألسنة شياطين عشان نقول بتضرها الرقية 😊 |
رد: لست سعيدة!
زين حبيبتي
متى بديتي تحسين بكل هذا؟ هل هو مستمر؟ هل تحسينه مرات يزيد؟ او في شي معين يزيده؟ اثر على اسلوب حياتك وعطائك ولا مجرد شعور؟ ولا مرات ومرات؟ |
رد: لست سعيدة!
اقتباس:
خاصه بهذا الوقت اللي صار الناس يحسدون على توافه فما بالك بنعم وليست نعمة واحدة ولن يضرها ان ترقي نفسها .. بالعكس هذا حل حتى لو كان السبب اكتءاب وليش ما يكون الاكتءاب اصلا سببه عين او حسد؟ في النهايه لن يضرها يا عزيزاتي ان ناكد عليها لتتحصن وترقي نفسها وبيتها وزوجها بالعكس سيفيدها |
رد: لست سعيدة!
اقتباس:
بالتسبه لسؤالك عن التحصين ف التحصين المفروض ما يقطعه المسلم ذكر شيخ كان يقول التحصين زي لو كان بالشارع رجل يمشي بسلاحه ويطلق على الناس فلما تترك باب بيتك مفتوح بيدخل عليك .. لكن لو قفلت بابك ما بيقدر يفتحه عليك وكذلك التحصين كانك تحطين نفسك داخل حصن بايات الله وذكره واقراءي عن اهمية تحصين المسلم نفسه في المواقع الموثوقة وابسطها بعد صلاة الفجر وبعد صلاة العصر او المغرب تقولين 1 اذكار الصباح والمساء 2 تضمين كفيك لوجهك وتقرءين فيها الاخلاص والفلق والناس كل وحده ثلاث مرات وتقراءين اية الكرسي مره واحده وتنفثين بعد كل سورة في يديك ثم تمسحين كل جسدك بيديك.. واحرصي على قراءة القران بعد الفجر واي وقت اخر يناسبك.. الله يفرج همك ويصلح حالك.. |
رد: لست سعيدة!
حبيبتي زين ،، موضوع يتشعب في عدة امور ،،
قد تكون وقوفك على الامور السلبية التي مرت ف حياتك ،، وقت تكون فقر دم ، نقص تغدية ، نقص فيتامينات ولا تتهاوني ابدا قد يكون تفكير في موضوع الحمل ، العمل وما شابه ذلك الاكتئاب الذي تمرين فيه قد يكون عدم رضاك عن نفسك ولا علاقة لذلك بزوجك أتمنى ان تفكري جدا ف الاشتراك ف نادي رياضي ثقي انك ستتغيرين من الداخل 😉 |
رد: لست سعيدة!
لستي سعيده لانك لم تعطي لنفسك حقوقها
لانك اعطيتي من حولك من زوج واطفاله وحتى زوجته ولم تعطي لنفسك حقها ، اهدرتي طاقتك في غيرك ولا بأس من ذلك ولكن بعقل ... اين انتي بين ذلك .. ماذا فعلتي لنفسك حتى ترضيها ؟؟ هل فهمتيها تصالحتي معها ! زوجك اخذ 90% من تفكيرك وطاقتك وعاطفتك ، بمجرد سفره شعرتي بعدم سعادتك زوجك رجل مهم في مجتمعك وبزواجك منه اعطاك من المميزات التي تفتخري بها وتخافي ان تفقدي تلك المميزات والمكانه الخوف جعلك لا تستمتعي بسعادتك .. تخافي من الفشل والخساره |
رد: لست سعيدة!
أنا مع مبتعثة في كل كلمة قالتها
وأستغرب الهجوم عليها!! صحيح ان العين حق لكن الخوف الشديد من العين والحسد وجعلها شماعة لكل مشكلة أو اخفاق يصيبنا في حياتنا مشكلة بحد ذاتها ومرض يحتاج الى علاج للأسف ماقد شفت ناس موسوسه من العين والحسد كثرنا يا السعوديين.. الفوبيا اجتاحت مجتمعنا اجتياح صار المتميز والغير متميز أصحاب النعم وأصحاب النواقص كلهم يتبعون أسلوب الكتمان الرهيب وينصحون غيرهم ب "لا تعلم أحد" ويننا من قول الله عزوجل (وأما بنعمة ربك فحدث) و (قل لن يصيبنا إلا ما كتب الله لنا هو مولانا وعلى الله فليتوكل المؤمنون) أحيي فيك زين أبيها تعقلك وعدم تعليق ما أصابك بالعين والحسد حتى لما ذكرتي مميزات زوجك قلتي الناس "يغبطوني" عليه مو "يحسدوني" أنا أرجح القول بأن المشكلة الي تمرين فيها سببها نفسي مو روحي خصوصا انك ذكرتي: اقتباس:
حاولي تكونين أكثر ايجابية ولا يمنع ان تاخذي بالأسباب وتحصني نفسك بالأذكار مع التوكل على الله.. بس نصيحة لاتخلين "هاجس" العين والحسد يسيطر عليكي . |
رد: لست سعيدة!
ما اغفلت الموضوع
وإنما كنت افكر بكلامكم واسترجع ردودكم .. استغفر الله ربي قاعده اغصب نفسي عشان استغفر واقرأ قرآن واحس براحة نوعاً ما ، رحت بيتي وشغلت سورة البقرة أيضاً شعرت بنوع من الراحة وتركت مخي يسبح مع الآيات القرآنية وجدت نفسي ابكي بكاء " الفاقدين " الله يحفظ حبايبي وحبايبكم ... فاقدة علاقتي بربي حقيقةً ما اعرف اللي فيني شنو بالضبط روحي أو نفسي .. الحسد والعين مذكور بالقرآن لكن ماني من النوع اللي يعلق اموره على هالشيء ولكن لربما يكون كذلك فأحاول آخذ بالاسباب واللي يقدر يفيدني بموضوع تحصين النفس فلا يبخل علي ويزاكم الله خير الأمر الآخر إذا كان اكتئاب فما الحل ؟ ما الخطوات الواجب اتخاذها لتخطي هذه المرحلة .. - مع العلم إني حالياً لا امر بمرحلة الفراغ السابقة التمس منكم الدعاء ، نفسيتي متعبة جداً |
رد: لست سعيدة!
اقتباس:
والله ودي ادخل نادي من قلب بس زوجي ما يرضى حاولت وايد وايد .. بس هم ما يرضى واشعر ان النادي بيجدد نشاطي وبيرجع لي لياقتي النفسية والبدنية |
| الساعة الآن 01:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©