المشاركة الأصلية كتبت بواسطة *أوراق* (المشاركة 3281792)

اكيد انة بيتزوج شي طبيعي
حتى انتي بيجيك نصيبك اللي يعوضك ياحي ياقيوم

المشاركة الأصلية كتبت بواسطة تحملتك كفاية (المشاركة 3281795)

اخوي ولد الشايب لا تقلب الموازين وتغير رأيها بكلام الناس

هذا حق بنتها طليقها مايسأل عن بنته وابسط حقوقها انه يعطيها مصروف لايقل عن 500 بالشهر

اخت فرح زواج طليقك متوقع وخلاص انتهى الموضوع

تفكرين كيف وافقت عليه وهو مايشوف بنته فيه 100 كذبه وتصريفه
وغير كذا ماحد يسأل انت تشوف عيالك من طليقتك ولا ماتشوفهم
يسألون عيالك وين عند طليقتي وانتهى

اطوي هالصفحة ولا تقعدين تدورين على نفس النقطة

رتبي حياتك وايش بتسوين

طالبي بحقوق بنتك واللي ينقدون عليك سدي فمهم بحجر من انولدت ماشافها

توظفي وعزي نفسك وبنتك

اذا جا نصيبك تزوجي

المشاركة الأصلية كتبت بواسطة ريماس 3 (المشاركة 3281800)

الله يرزقك الزوج الصالح اللي ينسيك هالرجل وطوايفه

المشاركة الأصلية كتبت بواسطة مكسور قلبي (المشاركة 3281806)

اله يعوضك ويعوض بنتك خيررر يارب
اذا عندك مال لو بسيط يكفيك انتي وبنتك اصرفي عليها وهو خلي حسابه على الله
نصيحة ابعدي عن المحاكم قد ماتقدرين الا اذا كانت هي الباب الوحيد
بري بنتك هي الي راح تبقى لك
انا طلقت وبنتي عمرها 9شهور فجعني بطلاق وكان غدر نزلني عند اهلي قبل العيد بيومين وكنت انتظره يعايدني وماعيدني ورسلت له مسج معايده بعدها قال بيطلق
لانه ماقدر يعدل بينا
لان سنة كنت ساكته وبعد سنة طالبت بحقي ويوم طالبت طلقني
المهم
راتبه فوق 20الف وماعنده التزامات كثير
يرسل على بنته 500ريال وهو عارف انها ماتكفي
بالبداية بنتي كانت ترضع صناعي وبعدين بسم الله عليها كبرت
وبدخلها الان الروضة وهو مزاد ال500
وعنده عيال وعارف مصاريفهم
عياله كل نهاية اسبوع يصرفون ال 500بالملاهي مع الاكل
ومر عيد وماارسل شي
وفوق كدا ماطالبت ولا اهلي طالبو بشي
ولا ن بنته ماتعرفه زاره مرتين مرة وعمره 9شهور ومرة عمرها سنه ونص
ولان بتكمل اربع سنين
مررة اضطريت ارسل له مسج لان بنتي منومة بالمستشفى ابي اثبات له ورسل لي صورة من الاثبات والله مقال لي ايش فيها او سلامتها او سال اهلي عنها بعد كذا
وهو بنته لمن مرضت وتنومت بالمستشفى كان طول اليوم عندها وعند امها وكان هذا من وقتي وماتكلمت وصبرت
فوق كذا كافأني بطلاق

لكن فوضت امري لله فيه
الحمدالله انا موظفة مو مقصرة على بنتي بشي
انتي حاولي تكملين دراستك وتبحثين لك عن وظيفة
الله يفرج همي وهمك يارب وهم كل مهموم

المشاركة الأصلية كتبت بواسطة ندى_1406 (المشاركة 3281822)

حقك تبغي تسامحيه براحتك بس حق بنتك لا
طالبي فيه بالين وان مانفع بالقوة
بعض الناس تحترم الي قدامها اذا شافت الحزم والشده


الله يعوضك خير ويرزقك من حيث لاتحتسبي

المشاركة الأصلية كتبت بواسطة باهية (المشاركة 3281861)

نفس الشيء حصل معي يا فرح و قلبي مكسور بنتي عمرها تسع سنين يتيمة ومحسوب عليها اب لا يعرفها ولا يصرف عليها وسمعت انه تزوج وجاب ولد ويصرف عليه بإسراف وانا ما اشتكيته اشتغلت واصرف على بنتي ولو فكر ياخذها برفع دعوى بفواتير سنين حسبي الله فيه ونعم الوكيل دعيت لنفسي وبنتي بالخير في رمضان وهو ماسكة عليه عند الافطار حسبي الله فيه وانا حاسة ان ولده ليعيش يتيم زي بنتي بس يتيم شكلا وحقيقة

المشاركة الأصلية كتبت بواسطة الـــوحيد (المشاركة 3282636)

اختي الله يرزقك بالرجل الصالح اللي يصير اب لبنتك ويعوضك عن كل لحظة حزن مرت عليك يارب
اختي الكريمه انا بصراحه استغرب من قساوة قلب بعض الناس على اولادهم فـ لاحول ولاقوة الابالله

اختي الكريمه قريت كذا مره بموضوعك قولت اطالبه بحقوقي
السؤال هل فيه مؤخر شارطين عليه انتم او طلقك وهو مديون لك ؟

اما حقوق بنتك انا لي راي اختي
ارى لو ان يتم حل المشكله بتدخل احد يمون عليه مثل ابوه او عمه او اي احد كبير يكلمه يكون احسن
لان الامور اذا وصلت للمحاكم راح يعاند وراح يدفع النفقه مثل ماتفضل احد الاخوان هنا واللي هي الكفايه بس وهو مبلغ بسيط جداً ماراح يغطي مصاريف البنت مع الغلا اللي نعيشه
خصوصاً ان الاسعار بارتفاع والبنت كل ماكبرت كل مازادت مصاريفها والمبلغ راح يكون ثابت ماراح يتغير لابعيد ولا بغيره
فـ اشوف ان الحسنى افضل الا اذا حاولتي وكلمه ابوه والرجال رافض هنا يجي وقت المحكمه
لكن اول حاولي ولاتخلين زعلك وقهرك من زواجه يكون السبب في حرمان البنت