|
رد: مشكلة الزوج اللي يتدخل بسوالف الحريم
استغرب اللي تركوا المشكله الاساسية وموضوعي كله وتمسكوا بواحد من الردود وجلسوا يحللوا شخصيتي ويهاجموني!!
ارجو حذف الموضوع |
رد: مشكلة الزوج اللي يتدخل بسوالف الحريم
انتي انزعجتي من كلام ريلج عن اهلج
وتبين الامر يتغير بإختصار غيري اللي بداخلج واعجاب زوجج بشخصيتها ينبع من قربها من امه فإذا تبين نفس النتيجة ، فاتقربي من امه لا تجيبين سيرتها جدامه لا بخير ولا بشر واساساً فتحج باب النقاش معاه ما كان له داعي كنتي تقدرين تمررين الامر بس ابداً ما لها حق التدخل بأموركم الشخصية |
رد: مشكلة الزوج اللي يتدخل بسوالف الحريم
زوجك عارف كل عيوبها وشايفها لكنه يحاول يوصل لك مسج من خلال كلامه عنها
مسج عشان حياتكم أنتو وهذا اللي ركزي عليه لو عليها هي ما اهتم ولا عرف عنها الا لأن علاقتها بأمه جيدة وفعلا كان ممكن بشوية كيد حريم انك تأجلي الرد على مكالمتها او الرد عليها وكان ممكن تعتذري عن الزيارة بحجة تعب الحمل أي نقاش مين الصح ومين الغلط دائما راح تكون نتيجته ضدك فحاولي تطلعي من هذي المواقف بنفس أسلوبها هي مش بالنقاش المنطقي انتي تناقشي في تصرفها وزوجك يرد عليكي بكلام يعبر عن نفسيته هو مو يدافع عنها ( لأنه مقتنع ميه بالميه انها غلطانه ) انما وجدها فرصة يوصل لك اللي بخاطره بشكل غير مباشر |
رد: مشكلة الزوج اللي يتدخل بسوالف الحريم
ذكرتني بوحده كنافه
الله يعينك هي تصرفاتها يمكن تبلع لكن المشكله تدخلات زوجك وياشين الرجال لا تدخل بسوالف الحريم عموما لو مكانك بكسر عينه بجننه بقول له جيب لي حلا من المكان الفلاني بودي لفلانه جيبي لي اغلى هديه بوديها لها تدرين لما اتصلت كان قلتي ابشري نكايه فيه وفيها واخذتي دوش واستشورتي وتمكسجتي وهو على اعصابه يستانك ورحتي متاخر وادا قال شي قولي هي انشغلت المسكينه ودقت عاد متاخر يااني مااحضر او احضر متاخر انت اختار وخليه يعرف نتيجه تصرفات الملاك شغلي كيد النسا |
رد: مشكلة الزوج اللي يتدخل بسوالف الحريم
تصدقي يا كنافه انك ما عرفتي في وقت اتصالها تتصرفي يوم قالك زوجك ابي اروح كان قلتي اي شئ بس انه ما يروح لما اهله في هذا الوقت مثلا كانت قلتي ابي اروح انا وانت نجيب حاجات للثلاجة فيه اغراض ناقصه مثلا او ابي اشتري من الصيدلية اغراض لي ومنها تضيعون وقت من غير ما يحس وتفوتين عليه الروحه لهم وثاني مره اذا يبغى يروح حاولي تخرجي معة ولا بنتك تكون معك لا يشيلها نهائي
زوجة اخوه اكثري من مدحها قدامه لانك اذا اكثرتي المدح في شخص يكثر الكره له استغفرالله العظيم يعني اتركي المقارنه بينكم ولا تجيبين سيرتها الا بالخير قدامه حتى لو في قلبك ذره منها عشان يتعب ويترك الكلام عنها دام ان الفرق بينك وبينها 18 سنه اجل دخلت على اخوهم وهم صغار ويمكن كانت ما تقصر في خدمتهم عشان كذا هو يعزها بس انت زوجته بامكانك تخلية ينساها نهائي بعدم الكلام والمناقشة في امور تخصها لو جبلك اي كلمة من عندها على طول قولي الله يستر عليها مالنا شغل بالناس واسكتي او غيري السالفه على طول الله يوفقكم ويهدي سركم ويصلح حالكم وحال الجميع ان شاء الله بالتوفيق |
رد: مشكلة الزوج اللي يتدخل بسوالف الحريم
اقتباس:
وزيدي عليه تشتري شوكلا من باتشي هههههههه700ريال عشان يروح الكذب تبع زوجها ويكره انه يطلب منها شئ هههههه |
رد: مشكلة الزوج اللي يتدخل بسوالف الحريم
حبيبتي مافي مشكله من الاساس عليك من زوجك وبس
|
رد: مشكلة الزوج اللي يتدخل بسوالف الحريم
خلاص صار الي صار دحين بس بعد كده خذي هذا الموقف كدرس لك اي احد شفتي
زوجك يحبه ويحترمه احترميه ولا تبدي رأيك فيةالشخص هذا قدامه ودحين كلمي زوجك ولا كأنه صار شي وروحي للحرمه وزوريها هيا حركته مو حلوة بس ممكن من جد كانت مضغوطة ونستك وأول مااتذكرتك دقت ايش يعرفك بالنيات وبعديه كلمي زوجك بهدوء ماايتلفظ بأهلك بشيء بشع . |
رد: مشكلة الزوج اللي يتدخل بسوالف الحريم
انتي ليش تبين زوجك يكرهها؟!
ويشوفها على حقيقتها على كلامك؟! خلاص عاجبته اخلاقها وتعاملها انتي بعد امدحيها عنده وبعدها قفلوا الموضوع ولا عاد تجيبين سيرتها عشان ترتاحين وبالنسبة للعزيمة ترى معروف عند الكثير ان الحامل بالشهر التاسع ما تطلع حتى تتفادى آلام الطلق عند الناس فممكن ما حبت تحرجك واللي كانوا عندها ربما اصروا عليها تقولك لان بصراحة سالفة الغيرة مو منطقية اختلاف العمر بينكم ومدة الزواج تنفي هالشي |
رد: مشكلة الزوج اللي يتدخل بسوالف الحريم
تصدقون زوجي مايكلمني من قبل امس
والبارح مارجع الا على اذان الفجر ولافكر يتصل او يسأل ولا اكل بالبيت مسوي نفسه زعلان مدري على ايش تصرف سخيف بالنسبه لهالانسانه فانا مو متفرغه للمكايد معها ابغى ابقى مستوره ومسكره باب بيتي عنها وبس بعدين طبيعي اي امرأه ماتحب زوجها يتغزل بغيرها وزوجي من تزوجنا وهو طول الوقت بمدح فلانه وكان يقول لي تعلمي منها صيري مثلها!! هذا شي مستفز.. كل انسان وله شخصيته والحمدلله علاقتي مع ام زوجي ممتازه بس بطريقتي انا مو بطريقه فلانه وعلانه واساسا هو ينقهر لما امدح تصرف من احد غيره حتى لو امدح شيخ مشهور بالتلفزيون واقول كلامه مريح يعصب ويصير يكرهه وينتظر اي خلاف حتى يسبه هو متشدد بهالمسائل اكثر مني وانا ماهمني اصلا يعجب بفلانه او علانه بس لايحاكمني ويغلطني لعيون ناس ثانيين الرجل الحقيقي اللي ألزم ماعليه زوجته مو شغال لي محامي دفاع لزوجه اخوه!! عموما تطنيشه لزعلي يدل انو مالي خاطر عنه انا ماراح اتكلم معه بشي وكلها كم يوم ان شاء الله واروح بيت اهلي نفاس واجلس فوق الشهر بعدين عنه عشان يرتاح وارتاح |
| الساعة الآن 06:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©