اتصل بأمه وبعد عدة محاولات لانها ما كانت تريد تكلمه.
قالت له ان سكرها طالع وضغطها طالع والسبب انا وهو

طيب هو فهمنا ليش زعلانه منه.. لكن ليش تزعل مني؟ عشان انا صبرت على كل شي وتركتها على راحتها حتى بالاشياء اللي تضايقني؟ عشان تكلمت عني بالسوء عند ابنها وما رديت عليها؟

على كل حال ما استغرب تحط كل شي علي انا ما دام وابنها ما عمل لي قيمة عندها.

وما يهمني اصلا ايش تقول عني... انا فقط حز في نفسي ان ابنها قاعد يلومني على اللي يصير لامه ويقول اني ما احترمتها؟

كيف مااحترمتها؟ عمره ما جاونبي
والله كنت اساعدها في عدم وجوده اكثر من وجوده بكل شي تطلبه مني او لا تطلبه.. وكنت اتوقع قبل ما تطلب ايش تريد واسويه او اطلب من زوجي يسويه لاني اعرف انها تريده..

طلب مني اعتذر لها.. وزعلان علهيا موت وحاسس بالذنب.. وبالنهاية انا كالعادة الشماعة اللي يعلقون عليها كل البلاوي...
ولما زعلت وقلت له امك سوت وسوت فيني وانت ما همك.. سكتني وما رضى يسمعني، والان عامل لي نواحة بالبيت عشان امه وانا لا بواكي لي.. والله المستعان
ابكي ازعل امرض عادي.... واللي يغيض انه مو شاعر ابدا انه هو وامه ظلموني بأي شي..

المشاركة الأصلية كتبت بواسطة مسز داني (المشاركة 3303238) اعتذري لامه امرأة كبيرة. و هي تقصد ارتفع ضغطها من وضعكم خصوصا انها رأته يضربك عموما لا تفسري له سبب تعبها و لا تحاولي تسألي و تبرري لنفسك فلن يجيبك كعادته لكن ارضي جانب أمه و اكسبي الاجر

المشاركة الأصلية كتبت بواسطة زين ابيها (المشاركة 3303404) الضرس ليمن رقل من شلعته لابد عموماً اغبطج على صبرج 😊 ما شاء الله لو يصير اتسلف تسلفت منج شوي

المشاركة الأصلية كتبت بواسطة **الراجية** (المشاركة 3303534) مضطرة حبيبتي.. عندي بنت وبيبي جاي بالطريق.. لكن للصبر حدود، وما اظن راح اضل كذا على طول.. الحقد اللي في قلبي على هذا الراجل بيزيد وما ينقص.. وهذا بالتاكيد راح يخليني اسوي شي بس ما اعرف ايش هو لحد الان.. افكار برأسي لكن قاعدة افكر كيف انفذها.. أسأل الله ان يهديني للصواب!!

المشاركة الأصلية كتبت بواسطة kooki3 (المشاركة 3303567) يعني مستعده ومتحينه للفرصه الي تهجمي فيها وتاخذين حقش عارفه قريب انه راح تستوي زيطه وزنبليطه .. اعتقد انها افكار سوده اذا كان زوجش غلطان لا تاخذين حقش بالغلط مثله ... لا تطلعين بسواد الوجهه وانتي راعية حق ... حاولي تحلين الامور بطريقه سلميه بعيد عن الثأر جيبي احد من اهلش زياره يشوف الوضع ويكون دليل على سوء عشرته