|
رد: دور الزوج بالحياة اليومية ؟
عادة كم طفل عندك وبيتك كبير والا صغير بس رجاء لاتقولي طفل لانه من كلامك مين عندك اطفال ورى بعض مابينهم فارق بالعمر
|
رد: دور الزوج بالحياة اليومية ؟
اتفق أنه من المهم أن يساعد الزوج زوجته في بعض أمور البيت، خصوصاً عند حالات التعب أو كثرة الأشغال، ويبدو أنكِ موظفة أو طالبة، ولذلك تشعري بضغط كبير من جراء العمل.
لو لاحظتي أن أغلبية الزوجات يواجهن ماتوجهينه، ولكنهن تغلبن عليه، من الجيد أن تستفيدي من تجاربهن وخبارتهن، ولا تسأليهن بروح المتشكية إنما بروح من تريد أن تعرف طريقة أنسب لعمل البيت من دون ضغوط أو تعب، وأرى مبدئياً أن تنظيم الوقت وترتيب الأوليات سيحل كثير من هذا الأمر. تذكري أنكِ في ثقافة مجتمع تعيشيه أغلب الزوجات في الماضي والحاضر المستقبل القريب والمتوسط، من هنا يجب أن تنطلقي وتتفهمي، وتوجدي الحلول المعقولة والعملية دون أن تلجئي لأساليب تفاقم المشكلة وتتعبكِ نفسياً. يجب أن نعترف أن وسائل التواصل والشبكات الاجتماعية والقنوات التلفزيونية والإنترنت وثقافة اللهو شجعت على أن يكون المرء أو الزوجة غير متفرغ لأمور أخرى مثل الطبخ أو الغسيل أو التنظيف، نحن نشعر أن الوقت يداهمنا وأن الأعمال تكثر علينا لأن جزء كبير من وقتنا مفرغ للترفيه من خلال الوسائل التي ذكرتها. الميول للهو واللامسؤولية أمر ينتشر بسرعة في المجتمع وفي الأسرة وبين الزوجين، وهذا يجعل كل ماله علاقة بالمسؤولية والعمل داخل البيت أمراً غير مقبولاً ومتعباً لأنه يحل محل ماتهواها نفوسنا، ولذلك من الجيد أن تربى النفس على أن لا تكون أسيرة للهو والمتعة والضحك المبالغ فيه من خلال الوسائل التي وفرفتها التقنية الحديثة. أهم نقطة في الموضوع، خافي الله في طفلتك، ولا تجعليها شماعة تنتقمي منها حين تشعري بضغط، اعتدائك عليها لايجوز نهائياً، وضد حقوق الطفل، فالطفل ليس ملكك ولا هو لعبة جامدة تفرغين به مشاكلك، يجب أن تعزلي ماتشعرين به من ضغوطات عن هذه الطفلة المسكينة التي تتلقف ضرباتك بسبب وضعك النفسي الحالي، وإذا استمريتي بضربها سأخذها وأربيها وأكرمها بدلاً عنك :) |
رد: دور الزوج بالحياة اليومية ؟
المضحك بالموضوع إن زوجي يبغاني أحمل مرة ثانية :)
ما أدري هو يستهبل والا صادق ! أنا وصلت لمرحلة إنه ماعندي ردة فعل من كمية القهر اللي أحس فيها .. أحس فيه نار جوا قلبي ولو بتكلم بصرخ بكلام مو مفهوم ومو عارفة حتى كيف أعبر عن اللي بقلبي ! يارب وصل لكم شعوري 😿 بنتي عمرها سنة ونص والله عمره ماغير حفاظتها عمره ما نومها الا مرتين أو ثلاث أكون أنا أشتغل عمره ماقال عنك خليني اضف السفرة وأغسل الصحون عمره ما قال خليني آخذ البنت عنك واطلعي أو ارتاحي أصلاً زوجي غير مؤهل إنه ينتبه لها لأنه يزيد قهري قهر .. ع أساس ينتبه لها ويجلس عند جواله وبنتي تعيث بالأرض فساد تكسر الكاسات اللي حاطها ولا شالها .. تلعب بالاكل اللي حاطه ع الطاولة ولا شاله :) هههه أي مشوار أبغى أروح له يكون جوابه : طيب والبنت ؟! يعني حتى مو متعب نفسه ومفكر ايش بسوي ببنته ..ياناس اقسم بالله أنا أطرّه وألح عليه عشان يودينا حديقة كأني أنا اللي بنبسط !! حرام البنت لازم تلعب مو محكورة بشقة ضيقة ! لا ما يفكر بهالشيء أبداً ولا هو أكبر همه .. عمره ما خذاها من نفسه وطلعها لشيء .. طيب ع الأقل بقالة .. أو محل ألعاب .. أو حديقة ! لا ومستغرب يقول البنت ليه ماتحبني ! والله ماتحب زوجي هي . تحب جدودها وعمانها الصغار أكثر من أبوها :) حتى لو فكر انه يغير لي جو قاللي ياللا مطعم او كافيه .. تنكد علي بنتي لحد ما اقوله رجعني البيت خلاص .. والمفروض اني اكون غيرت جو وانبسط !! لي أسبوع منثبره بالبيت أسبوع كامل ما طلعت من البيت .. مو فاضي لي يا مباراة يا اختبارات يا أصدقاءه .. لما خلص قاللي الجمعة كله لك .. تعويض ع أساس !! نزل لأهله العصر وجاني قالي ايش رايك نطلع كافيه .. استغربت لأنو عادةً مايحب المافيهات يحب القهوة العربية بس .. قلت أوك حلو .. ووالله مستغربة منه 😂 ركبت السيارة قلت له ايش نروح ما احب الكافيهات السريعة ابغى كافيه اروق فيه ابغى كريب او فوندو .. قال بعيد ومدري ايش .. خلينا ستار بوكس الحبن .. قلت ياللا .. اسم اننا طالعين ! ونروح ويجيب لي قهوة لحالي وحلا لي ويجلس عند جواله .. وياللا اجلس الاحق البنت تروح لطاولات الناس .. يعني صدق انقرفت . لما ركبنا السيارة قلت له امابغى نروح للبيت اصبر اطلع للشارع الرئيسي بشوف الشوارع لي اسبوع ماشفتها 😂 ونكدت علي بنتي من ركبنا السيارة تبكي ما تبي كرسيها .. احد ماقلت له خلاص رجعني البيت .. رجعت البيت ع اذان العشاء .. وقال ياللا بطلع لربعي 🌚 يعني تطليعة الكافيه هذي تسكيته .. وعليها الى الساعة 2 ونص .. طبعا جاي ومبسوط والضحكة من هنا لهنا .. وأنا النكدية اللي مديت بوزي والمفروض اني اخمخمه واقول له اني اشتقت اه .. ايه واكشخ له ولابسة له هاك الفستان واارقص له بعد :) ما استحي ع وجهي من الساعة 7 الى 2 ونص وبنتي صاحية وتحوس وتخرب وتصيح وانا الاحق وراها .. وهو يكركر مع ربعه ومبسوط .. ولا جاء قالي ابغى بيبي ثاني !!! صبرك يارب . |
رد: دور الزوج بالحياة اليومية ؟
اقتباس:
اذا تحسين ان الموضوع بسيط تكفين علميني كيف اتجاوز هالموضوع وارتاح .. يوميا ابكي بسبب هالشيء . وبيتي صغير فقط فيه صالة جلوس وارتبها عشرين مرة باليوم الواحد :) |
رد: دور الزوج بالحياة اليومية ؟
الاطفال بهذا السن متعبين وفعلا يفسدون الطلعه لكن الحل الوحيد انك تتكيفين مره تاخذونها مره بدونها اما بالنسبه لزوجك كل الازواج كذا واحمدي ربك مانتي موظفه والا طالبه كان شفتي التعب على اصوله. الحل معاهم تدريبهم احنا امهات بالفطرة لكن هم مش اباء بالفطره بل بالاكتساب ودورك هنا تخلينه يكتسب صفة الابوة. بتقولين ماعرف والمفروض من نفسه بقولك اجل تحملي. لان مافي زوج يجي من نفسه ويساعد الا بالنادر فعوديه يمسكها اذا خربت شي وهي عنده هو ينظف المكان لانها كانت بعهدته
|
رد: دور الزوج بالحياة اليومية ؟
اقتباس:
أول شبيء أنا ربة منزل لا موظفة ولا طالبة .. وسبب وفضي للوظيفة بدايةً هو بسبب بنتي كنت معتمدة على الرضاعة الطبيعية .. وبعدها خفت عليها من اجواء الحضانات والحاضنات وما الى ذلك .. سبب شعور الاحباط اللي انا اشعر فيه هو ان زوجي جالس يتقدم بحياته .. وانا ع حطة يدي :) يطلع ويغير جو وينبسط وانا العضو المكروف بهذا البيت .. ليه انا اللي يكون لي كل الكرف ؟ ليه ما يساعد شوي ؟ طيب له هو الامور المادية وجزاه الله خير لكن بعض المساعدة تنفع ! عشان اكون واضحة زوجي يداوم ويدرس دراسات عليا بنفس الوقت .. ومو فاضي للبنت . انا ما اعرف كيف ااوصل لك .. اكن تخيل معي اني اطبخ وانظف واغسل واكوي واهتم ببنتي واكلها ونظافتها وسعادتها لوحدي ! مو قادرة .. والله مو قادرة اسىي كل هالاشياء سوا .. انا نفسي اهملت نفسي بشكل فظيع من تخرجت وانا مسوية لي برنامج بخاااطري اتعلم لغة فرنسية .. مو قادرة مابعد حصلت وقت اكون فيه فاضية حتى اعلم نفسي ! البديكير من ولدت قبل سنة ونص للان مارحت الا مرة وحدة بسسس وكنت عند اهلي مسكوا بنتي ورحت مع سواقهم 😭 انا احس اني جالسة ادقن نفسي جالسة اضيع .. عندي كتب كثييييرة شاريتها من معرض الكتاب الماضي بعد قريت بعضها شريتها وانا متحمسة اقراها وللان ماحصلت الوقت اني اقرا ..'ابدا بالكتاب وانساهزواذا فكرت ارجع له طلعت ماسيك كل الجزئيات اللي قريتها ! انا شخصيتي دقيقة وما اقدر اجلس بمكان حوسة .. ما اقدرررر اشوف بنتي تحوس الصالة وانا جالسة انفرج .. ويمكن هي عرفت مقطة ضعفي صارت اذا تبغى تنرزفزني ترمي الوسايد ! ما ادري صراحة .. بخصوص اخر نقطة.. انا عارفة ان هالشيء غلط واكره الاهل اللي يعنفون اطفالهم وضد العنف 100٪ لكن غصب عني .. واذا نامت اجلس ابكي احس اني ما اعطيتها حقها .. استحي من مفسي لما كنت ادعي يارب ارزقني الذرية وراح اسوي وافعا فيهم .. واقوم اضربها 😭 |
رد: دور الزوج بالحياة اليومية ؟
اقتباس:
حتشوفي الي انت فيه الحين و لا شيئ مع الي عنده ثلاثة و اربعة اولاد لكن استوقفني انك قلتي بنتك تصحي من 7 الي 2 و30 ليش هيك !!!!!!??????? اقل من سنتين نومها يكاد يكون معدوم واضح البنت هي الي مجننتك مو شغل البيت نشاطها بزيادة و لا شقة صغيرة و نفرين ابدا ما يعتبر الشغل كثير علي كل حال |
رد: دور الزوج بالحياة اليومية ؟
اقتباس:
وتنام اول العصر قيلولة واحيانا تنام ع العشاء قيلولة .. ونومتها الاساسية الساعة 11 الليل واحيانا تجيها حالة ماتنام حتى الساعة 1 او 2 ! تكون بس تبكي ومتغلقة وراااافضة تنام .. الله يعظم الاجر. بس |
رد: دور الزوج بالحياة اليومية ؟
اقتباس:
أولاً/ بحكم ثقافتنا وثقافة كثييييييير من الشعوب يجب أن تقنعي نفسك، أن آدائك للبيت هو نوع من الواجب أو المتعارف عليه على أحسن الأحوال، وإيمانك بهذه النقطة سيخفف كثير من شكواك. ثانياً/ حاولي أن تطلبي من زوجك وبأسلووووب ذكي أن يساعدك في بعض الأمور حتى ولو كانت صغيرة، إن استجاب خير وبركة، وإن لم يستجيب فلا تتوتري وتمدي بوزك، فقط خوذيها ببساطة. ثالثاً/ تذكري دائماً وأنتي تشتغلين أو منهمكة في العمل أن زوجك هو من يستأجر الشقة ويدفع مصاريفها، وهو من يعمل ليشتري لك ولبنتك وأغراض البيت واحتياجته من أكل وشرب وأدوات تنظيف وأثاث وغير ذلك، وهذه سيشعرك كثيراً أن الأدوار موزعة فيما بينكم ولكل فرد دوره، مما سيعطيك نوع من الاحساس بالعدل وتوزيع الأدوار. رابعاً/ زوجك يعمل ويدرس بعد العمل دراسات عليا، وهذه كله داعي لأن تعذريه. خامساً/ حاولي أن تضعي ابنتك عند أمك أو أم زوجك، بالأسبوع مرة أو مرتين، وسيشعرك هذا الشيء بنوع من الحرية والراحة، كما سيجعلك تشتاقين لها أكثر، وحينما تنوين الخروج مع زوجك لأي مكان كوفي أو مطعم أو حديقة ضعي ابنتك عند أمك أو أمه أو من تثقين به، واخرجا لوحدكما، وبالنسبة لوجود ابنتك داخل البيت وماتعمله من فوضى، يجب أن لا تغضبي من ذلك فالطفل يمارس ذلك بشكل اعتيادي وطبيعي وانظري للموضوع من هذا الجانب، حاولي أن تعيدي ترتيب الأشياء كل خمس ساعات بدلاً من أن تجري وراها في كل لحظة تبعثر فيها الأشياء. سادساً/ لا أدري ما توقيت نومك وقيامكِ منه، اجمالاً أنصح بأن تقومي وقت قيام زوجك، لتتفرغي لأمور البيت من غسيل وتنظيف، وقد يستغرق ذلك بالكثير من ثلاثة ساعات في فترة الصباح خصوصاً أن شقتك صغيرة كما ذكرتي. سابعاً/ طالما أنكِ وزوجك بحب وتفاهم ووئام وسعادة بشكل مجمل، فهذه نعمة عظيمة، وبحكم أني شاب وأعرف الشباب جيداً فأنكِ بحال تعتبر ممتازة قياساً بواقع كثير من الأسر الصغيرة، إذ تجدي الزوج مشغولاً كثيراً بحياته الخاصة ومع أصدقاءه نهايك عن شخصيته وتصرفاته وعصبيته وسفراته وعلاقته إلخ..................، فاحمدي الله على ما أنتي عليه، ولا تجعلي أمور تفاهة جداً تعكر مزاجك أو حياتك اليومية. تذكري أن الحياة صغيرة جداً، ومن المحزن أن يقضيها أي إنسان في خلق إشكالات تافهة أو يمكن حلها ببساطة، كما تذكري أن روتين الحياة قد يسبب نوعاً من التمرد والثورة والاحساس بالملل فلا يتسرب إليكِ هذا لأنه مجرد وهم، والأفضل هو التعايش معه بقدر الإمكان، وتطويره من خلال إيجاد الحلول الإيجابية والمميزة في التغلب على أي شي قد نعتقد أنه لايعجبنا. |
رد: دور الزوج بالحياة اليومية ؟
كل مشكلتك ي اختي في نوم بنتك ،،
بنت اختي في عمرها ماعندها قيلولات الساعة 10او9ونص تنام ممكن تصحى مرتين لترضع ومرة تغيير حفاظ بس م تصحصح ،، ووديها مررة او مرتين بالاسبوع اذا عندكم حضانة اللي يشتغلو فيها من اهل البلد خليها تتعرف على الناس وتتألف معهم واريح لك لما يجي وقت الروضة وانصحك فكري بموضىع الانجابا ترى تربيه طفل واحد اتعب من تربية طفلينم اقصد ف السنوات الاولى بس من 4 سنوات وطالع بتتمني انو عند بنت اخت او اخ ،، راح يلهووون عنك كثير وبعدها تقدري توقفي لحد م توصل بنتك 10 سنوات والصغير يكون 7 تقريبا ، او حتى اذا م تبي ،، بتتمني بكرى انك جبتي اخ لو اخت لها ،، |
| الساعة الآن 05:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©