|
رد: حياتي محتاجة لتنظيم و ترتيب .. ساعدوني
اقتباس:
أخوي التائه قلبه .. هو ما قطعهم بشكل نهائي .. المجموعة القديمة .. هما الي قطع علاقته بهم نهائي و الحمد لله .. و كانوا من حثالة القوم و من المفسدين بالأرض .. . . زوجي كان مرات يجلس مع اصحابه من العصر أو الظهر لحد 12 الليل و تاني يوم نفس الشي .. و ثالث اليوم ؟ و بعدين يجي اخر الشهر و ما معاه ريال و مزاجه يتعكر ويتدين ممكن من أصحابه .. و أمه و أبوه يغضبوا مرات عليه ، لإنه ما يشوفهم بيوم الأوف تبعه .. طيب مو الأفضل إنه يستغل الأربع أيام هذه الي تضيع بدون هدف .. عالأقل في شي ينفعه ؟ لكن مو لدرجة يهلك نفسه و يهلك صحته زي كذا .. و أنا ما أجبرته و لا غصبته إنه يدور على وظيفة تانية .. هو الي اقتنع بكلامي .. و أنا نصحته فقط .. بإستغلال أوقات فراغه .. و نصيحتي هذه ممكن أنصحها لأي شخص اخر غيره .. . . و هو أظن متحمس للعمل التاني ، لإنه صاحب المكتب عشمه و وعده لو فتحوا فرع تاني .. بيعطيه نسبة منها ( و الله أعلم لو صاحبه فعلا صادق أو جالس يستغل زوجي عشان شافه بيعمل له كل شي ؟ ) و أنا صبرت 4 أشهر ما بنشوفه مرات أبدا .. و لا أنا مستفيدة مثلا من ناحية معنوية أو مادية .. و ما طلبت منه يترك شغله التاني .. بس توي اللي بدأت و فتحت له الموضوع بخصوص انه ينظم وقته .. خاصة لما شفت صحته بدأت تتدهور .. . . و أنا في الحقيقة بدأت انضغط أيضا نفسياً .. و أمه حتى بنفسها لاحظت و كلمته إنه ينتبه لبيته و أولاده .. و هو بدأ أيضاً بالفترة الأخيرة يلاحظ و قال لأخوه الكبير ، إنه مرات ما بيشوف أولاده .. يعني مو معقولة للدرجة هذه .. و ماشاء الله أولادي مو مقصرين معايا .. و ما أبغى أنكد عليه و عشان لا تصير حجة له بيوم و يقول انت السبب لكن شي بنفسي و قلت لكم .. |
رد: حياتي محتاجة لتنظيم و ترتيب .. ساعدوني
^
أقصد أولادي مو مقصرين من ناحية التكسير ، و المصارعات الحرة .. و الدلع و الزن و التنكيد .. و عارفين دلع الأولاد على أمهم كيف بيرفع الضغط .. ggf و الله لما أبوهم يكون موجود .. زي الألف يسمعوا كلامي .. خاصة دحين لما بدأوا يكبروا شوي .. صرت أقول له إنت أدبهم .. و أتركه هو يتصرف معاهم .. . . عشان كذا .. وجوده مهم ( لو نص ساعة عالأقل باليوم ) .. الولد ماحد يمشيه مضبوط .. غير أبوه .. |
رد: حياتي محتاجة لتنظيم و ترتيب .. ساعدوني
ربي يوفقكم حبيبتي
روح ممكن تكتبي يومكم بالتفصيل من ساعه ماتصحوًلغايه ماتنامو مع برنامج زوجك اليومي عشان نحاول نساعدك بالتنظيم |
رد: حياتي محتاجة لتنظيم و ترتيب .. ساعدوني
روح بدايه الشغل ضعبه
شوي شوي يتعود ويعرف بعدين تقل ساعات العمل |
رد: حياتي محتاجة لتنظيم و ترتيب .. ساعدوني
طيب ما اقاطعكم .. صار مستجد ..
انا قلت انه هو قبل كم يوم طاح بسبب الإرهاق .. و دخل المستشفى و اخد المغذي .. و بعدها طبعا نام يوم كاااااااااااامل في البيت و ما صحيته لانه كان معرق و هو نايم و واضح انه تعبان .. و بعدين تاني يوم بدأ شغله و دوامه الأساسي .. لكن لاحظت انه كان يهمل المكالمات الي تجيه من شغله بالمكتب .. وقالي حاس في جسمي خمول و قلت له اكيد تجمع عليك تعب الأيام الي راحت .. و امس الي بدات إجازته من عمله الأساسي .. و قبل شوي .. شفت رسالة على جواله من صاحب المكتب .. ارسل له امس و يقول له الان و بشكل سريع ترسل لي تقرير بخصوص المهام .. عن شي بالعمل راح امس يخلص أشغاله في المكتب بِدوامِه الثاني .. و رجع في الليل بدري شوي .. و من الفجر نايم لحد آلان العصر .. صحيته يتغدى و سألته تركت شغلك بالمكتب !؟ قالي لا .. قلت له نايم من امس !؟ قالي ماعرف صاير احس بكسل و تعب من يوم دخلت المستشفى .. يمكن حسدت نفسي !؟ او من السكر !؟ ماعرف السبب .. سألته ارسلت طيب الملف الي طلبه منك صاحبك !؟ قالي لا سألته تبغاني أساعدك و اسويه لك و اكتبه !؟ قالي لا .. و رجع يشخر و نام .. . . ايش اقول له و كيف اتصرف لو صحي ؟!؟ أشجعه و لا أطنش و لا اكلمه .. و ايش اقول له !؟ . . ام يوسف و سما .. جدولي انا مرتب مع اولادي و بيتي و عملي .. لكن هو ملخبط لنا النظام .. و شكله مافيه مواعيد مرتبة .. راجعة بس اغديهم .. |
رد: حياتي محتاجة لتنظيم و ترتيب .. ساعدوني
يعني مثلا من امس .. كنت مخططة اني اروح اليوم الدوام و اخد الاولاد للحضانة
بما اني تعودت خلاص انه طول الوقت مشغول .. و جلوسي بالبيت ما راح يفرق أصلا .. المهم .. قالي زوجي في الفجر لما رجع الساعة 5 تقريبا .. قالي اصحيه عشان يوصل الاولاد الحضانة الساعة 8 و سألني ايش عندك اليوم في العمل !؟ قلت له ما عندي شي .. سألني ليش رايحة !؟ ( بالعادة ما يسال ) قلت له .. بس كذا .. قالي خلاص لا تروحي و نامي .. و بعد ما اوصل الاولاد الحضانة ارجع و انام و بعدين أقوم و أوديكي الدوام الساعة 10 ونص و مرة وحدة اروح اخلص اشغالي قلت له طيب شفته الصبح نايم .. و قلت خلاص أغيب الاولاد عن الحضانة اليوم و ولدي راح المدرسة مع السواق بعد الفجر .. قلت خليه يشبع من النوم .. لانه من كم يوم يشتغل و ما ارتاح و امس رجع متاخر و عادي أغيب عن العمل لانه ماعندي شي اليوم .. فما رحت الدوام و لا اولادي راحوا الحضانة .. و طبعا طلعوا لي ( قرون ) .. و قلت ليتني أرسلتهم و ارتحت و لا عالاقل كنت نمت لي ساعتين لكن حزنت عليه و ما حبيت اصحيه و دحين العصر و شايفة جواله اتصالات من المكتب .. و هو الى الان نايم .. |
رد: حياتي محتاجة لتنظيم و ترتيب .. ساعدوني
خليه على راحته
اكيد هو بيتصرف |
رد: حياتي محتاجة لتنظيم و ترتيب .. ساعدوني
روح ماشاء الله أحسك نظاميه مررره الله يحفظك صدقيني الحمدلله تغير زوجك كثير واكيد بيعرف يتصرف مع عمله انتي قاعده تتعامله زي الأم وانتي مو حاسه لأنك نظاميه ماتحبي تأجلي أعمالك ...
لاتقولي له مره ثانيه اساعدك مادري اذا الكلام هذا بيعجبك ولالا حاولي تعامليه زي المحبوبه تقوميه بدلع وتودعيه بدلع وترسلي له رسائل حب وهو في عمله استدرجيه بالحب حتى يعطيكم من أجازته .. وصدقيني الرجال ربي خلقهم للعمل لا تشيلي هم انه الوظيفه الثانيه رح تتعبه شوفيه لما تعب اخذ كفايته في النوم وزياده .. الله يوفقك |
رد: حياتي محتاجة لتنظيم و ترتيب .. ساعدوني
اقتباس:
وحسيت حياتك كد في كد وجد في جد حسيت وانا اقرا ما ابي اتزوج اذا بعيش كذا😂 لكن شخصيتك حلوه وقويه حبيتهاfffsg بس ينقصك شيء من المرونه ولا تزعلي مني مع شيء من "الانوثه" اتوقع زوجك نمطه غربي متعته في الحركه والشغل وموتو الحبسه في البيت |
رد: حياتي محتاجة لتنظيم و ترتيب .. ساعدوني
http://i.imgur.com/f7MzNEu.jpg اتمنى انك تستفيدي منها وتغيري نظرتك عن الانسة منشن وانها برضها انسانة لها مشاعر واحاسيس مع كم كيلو انوثة :D |
| الساعة الآن 10:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©