رد: تعبت من مشاكلي مع زوجي واستفزازه
 

هاذذي فترره جاته ضغط فيها علي عشان الراتب وصمدت حتى رد ماكنت ارد وصلني لدرجه الجنون والاحباط كنت اروح دوامي لو احد يقول لي كلمه حلوه بكيييت من كثر ماانا كابته مشاعر بداخلي

الحمل اخذت مانع اول ثلاث شهور وعطتني مناعه ثلاثه شهور اخرى لكن اصر ومنعني منها وصلت الحلف علي بالطلاق قلت له ابشر وحملت ع طول لدرجه انه في ااصيدليه يلاحقني وصارحني بعدين انه خايف اشتريها من وراه

في الفتره الي كنت فيها ماخذه مناعه من الحبوب كان تجيه حالات هستيريا اذا تاخرت الدوره كم يوم ويقول خلاص ان شاء الله حامل وصلت فيه مره بلمستشفى واحنا ننتظز نتيجيه التحليل وهو رايح جاي بالممر من التوتر لما جات الممرضه قالت مافي حمل وراحت
جاء يتكلم انتي متفقه معها وعطيتيها فلوس عشان تقول منتي حامل ومن هلكلام
وانا احلف له واقسسم اني ماقلت لها شي ومافي شي يتخبى

وقتها حسسسسسيت بسعاده وانا اشوفه كذا فرررحت انه متمسك فيني وان من قلبه صدق يبغى عيال مني

ولما حملت وصرت اتعمد ادخله معي ويسمع النبضات واشوف الفرحه بعيونه
رغم انه من النوع الي عدو الابتسامه مستحيل يبتسم ع اي شي يشوفه تافه

والحين صرت اقوله اذا الله رزقني ولد راح اسميه وحيد لانه بيجي هالدنيا فاقد واحد مننا والسبب انت

وقلت له والله ماكان بعمري ونيتي اني اتركك مهما كاااان ومهما صار ماابغى اترك بيتي وننفصل
وكلعاده مايرد الا بالسكوت

رد: تعبت من مشاكلي مع زوجي واستفزازه
 

جاات فتررره يقول مافي احد بيحرمني من ولدي او بنتي منك
واذا كنتي مرره مصره على تربيته فله مني المصروف
اما لو تنازلتي عنه فزوجتي متكفله تربيه مع اخوانه ولافيه خلاف بلعكس ودي اخذه ويكبر مع اخوانه

قلت كذااا بكل بساطه احد حرمك انت وزوجتك من احب اولادكم والا عمري اخذت من عيالها وقلت ذا ولدي بيكبر معي وحرقت قلبها عليه

والله كلامك فيه ظلم خاااف الله ضنااي اعد اللحظات الي اشوفه فيها قدام عيني وانت تخطط كيف تضغط علي وتاخذه مني


حسبي الله ونعم الوكيل
حسبي الله ونعم الوكيل
حسبي الله ونعم الوكيل

رد: تعبت من مشاكلي مع زوجي واستفزازه
 

تدرين يا ليلة رحيل
عمري ما أتخيل فيه حريم كذا
وعمري ما أتخيل إني ألحق وراه زيك 😝
لو إنه يستاهل ، أو أنت غلطانة قلت يمكن
لكن على إيييييش هالترجي والتلحق والذل؟!
فيه شي أنت مسويته ما قلتيه لنا؟!
وإذا ما فيه
أنت ما توجعك كرامتك من كثر ما لحقتي وراه؟!
أذكري لنا أكبر موقف غلط طلع منك بحقه؟!
عشان قاعد يعذبك بهالشكل وأنت حامل بعد؟!!

رد: تعبت من مشاكلي مع زوجي واستفزازه
 

اذا بتكلم عن اسبابي الخاصه يبغالي مواضيييع عشان اقولها
لكن بكل اختصار انا سبق وتطلقت وعندي ولدين منه واخذهم مني بعد ماطلبت الطلاق مباشره والسبب اهلي رفضو اخذهم بلعربي محد بيتحمل تربيتهم وكل شي عندنا بنظام ممنوع لايحق لي اطلع ولااروح ولااجي وفوق هذا شكوو من ابويه الله يشفيه ويسامحه ومن اخواني يعني اطلع من هم لهم اكبر قلت ماادام كذا ابوهم ياحذهم وانحرمت سنه منهم خاصصه اني بمدينه ثانيه بعيييد عنهم وبعدها بكم سنه الله رزقني بلوظيفه الحكوميه وبنفس مدينه عيالي وصرت قريبه منهم بفضل الله ولكن ماقدرت اخذهم لسبب اني مغتربه في ذيك الديره ومااقدر اتحمل مسؤليتهم وهم كلهم بسن مدارس
وضعي والله صعععععب صعب انا لوحدي بدون رجال مااقدر اسوي شي

الان خوفي ماابغى يتكرر الي صار معي ولااينحرم طفلي هذا من ابوه الى يومك موظفه واستلم راتب ولاعمري طلبت احد ومع كذا ابغى استقدم سواق واشتري سياره وهذا من سابع المستحييييلات عند اهلي

ياااارب يارب ارحم ضعفي وقله حيلتي "":::"":::

بالنسبه للمواقف معه فيها كثير تصير بكل بيت هو مايداني النقاااش وانا انسانه اتكلم بعقل وهالشي يجننه لانه مايحب اغلبه بشي او اطلعه علطان ويتعمد يستفزني ويرفع ضغي لين ارفع صوتي بدون مااحس مره ضربته على يده واقول له حرام علييييك افهمني انت بتوصلني للجنون بطريقتك هااادي
وكان يسكت واثاريه يجمعها حتى لو نزلت قبله في طريق او شي يحقد لما كلمته امس يذكرني ب ادق تفاااصيل واعلبها عفويه بدون قصد

رد: تعبت من مشاكلي مع زوجي واستفزازه
 

الله يجبر كسرك ياأختي ويجمع شملك ومن تحبين..
بس ياأختي ماينفع تنذلين كذا
اتركيه لحد مايراجع نفسه
كل اللي عندك قلتيه
وهو لحد الان ماسلم الشقة وبينكم اتصالات يعني أموركم مو صعبة
انشغلي بهالأيام الفاضلة بالاستغفار وكثرة الدعاء وربي يفتحها بوجهك
لاتنزلك راسك الا لربك وهو اللي يفرجها ويعينك..

رد: تعبت من مشاكلي مع زوجي واستفزازه
 

ونعم بالله تصدقين يانبض الي مخليني في هالقلق والخوف رغم ثقتي بالله سبحانه انه بيجبر كسر قلبي ان قبل ماينزلني عند اهلي واحنا مبسوطين بشكل ماتتصورينه يعني عادي نختلف وبعدها عادي نطلع ونمتشى ويطلب عشا ويلبي طلباتي يعني ماحسسسني ب اي شي لدرجه اني كنت ابكي ويقول اش فييك قلت ماادري اشوف منامات مزعجه واشوف تفسيرها مو كويس قال يابنت الحلال تعوذي من ابليس مايصير الا كل خير
يتني ماكان فيه مقدمات لكل الي صار كان يقدر يرجعني معه ونكمل حياتنا بحيرها وشرها اللحمد لله مافي ذاك الشي الكبير الي يستاهل الي سواه فيني

الحين ينعاد نفس الشي صرت خايفه يكون هذا كله ورده ع مكالماتي واسلوبه معي تمهيد لطللق لان وبكل برود منه يخطط علي الشي وعنده استعداد يصبر فتره لين يشوف الوقت المناسب ويسويه
واذا صار هالشي يشوف ان من حقه يطلق ومصروفك يوصلك وصلى الله وبارك

عيشني حاله نفسيه الله وحده يعلم فيهاااا

فوضت امري لله

رد: تعبت من مشاكلي مع زوجي واستفزازه
 

الله يهديك وتركضين وراه بعد!!!
وصلت انه يساوم على حقك الشرع ويطلب مقابله فلوس
هذا مو رجال ولا يعرف الرجوله اصلاً
وفراقه عيد
اختي اللي ينشرى وينركض وراه هذا اللي يكون رجال فعلاً وماتبين تخسرينه لكن هذا ماادري وش اقول عنه والا باي وصف ينوصف غير انه مافيه ذرة الرجوله

انتي خلاص اختي لاتتصلين فيه وقولي لاخوانك عن كل شي وخليهم هم اللي يتولون الموضوع اما انه ينضبط ويبطل حركات البزران اللي يسويها والا مثل ماقال الله عزوجل تسريح باحسان وانتي ربي يرزقك باللي احسن منه بالف مره
واسمحيلي اختي اللي مثل زوجك ماينبكى عليه

رد: تعبت من مشاكلي مع زوجي واستفزازه
 

لاحول ولاقوة الا بالله العلي العظيييم

رد: تعبت من مشاكلي مع زوجي واستفزازه
 

والله العظيييم ظروف غصب عني الي تخليني اتمسك فيه وهو عارف السبب
اولا وظيفتي بنفس المدينه الي هو فيها
واهلي اذا تطلقت والله العظيم بيحرموني من عملي لهذا ااسبب
لان كل واحد مشغول بعمله واهله وعياله مافي احد منهم بيسمح لي اروح هناك لوحدي "":::

يعني بخسسر كثير من ورى طلاقه لي
وانا قلت له والله بينقطع رزقي بسببك ليه كل هالقساوة علي خاااف ربي فيني والسبب الرئيسي عنده ليه ماتشترين لي سياره وتطلعين قرض اسدد ديوني وووو
قلت له الحين ابشر اسوي لك الي نبغى بس مانخسر بعض ويوم وصلت اني انا الي اطلبه صار يسوي فيها عزه نفس وماني بحاجه شي منك وانتي قد ذليتيني وو

حسبي الله ونعم الوكييل

رد: تعبت من مشاكلي مع زوجي واستفزازه
 

بس خلاص
وصلتينا لطرف الخيط
بيمرمر عيشتك، عشان هالفلوس
قاعد يأدبك ويربيك ويروضك له